ياليت الناس تعرف معنى الصداقه !!!

حبيبتي لا تستعجلي وتأكدي سبب التغير وهذا حق الصداقه ولأنك تعزيها وتحبيلها الخير لازم ما تخسري صداقة قويه...
بقولك موقف صار لي مع أعز صديقه لي من الايام الإبتدائية والله يعلم إيشكثر أحبها..

كنت رايحه عرس خالها ولما شفتها سلمت عليها وباركت لها بس لاحظت إنها متغيره علي ولا ناشدتني عن أخباري ولا قالت لي حمدلله عالسلامه كنت راجعه من السفر وانا استغربت من تصرفها يعني عاملتني معاملة ضيفة مو مرغوب فيها بصرااااحه تضايقت كثير وأنا اصلا جايه العرس عشانها المهم ما قدرت أتحمل الوضع رجعت البيت وأنا مقهوووووره وشوي بصييح رسلتلها مسج عالطول وردت علي بمسج غريب خلتني افكر طول الليل وقررت أبتعد عنها ومابي صداقتها بس قلت لازم اناقشها وأبرد قلبي شوي بكلام قاسي عليها المهم من الصبح اتصلت فيها وناقشتها سبب المعامله البارده وليش الجفا المفاجيء كذا وإكتشفت من خلال المناقشه سوء فهم صار بينا وهي على بالها اني متغيره انا عليها وخبرتني عن عدة مواقف تصير بينا فيها سوء فهم ومن موقف لموقف يتراااااااكم في القلوب والحمدلله بعد ما تناقشنا وحلينا سوء الفهم الي صار إرتحت كثيييير لأني ما فقدت صداقة عمر ( على فكره من ضمن المواقف الي صارت أنا كنت غلطانه بعد يعني مو بس هي الي غلطت علي حتى أنا غلطت عليها) المهم إنه علاقتنا الحين قويه رغم انه كل وحده فينا متزوجه ومشغوله ببيتها وعيالها بس صداقتنا ظلت قويه ولله الحمد...


حبيبتي تناقشي معهم ولا تستعجلي واذا شفتي ماشي فائده منهم لا تفرضي نفسك عليهم لأنه كرامتك اهم شيء....