๑ حلاوه اصابع التوست ๑

هااي بنات ๑๑ مبارك عليكم الشهر


يبت لكم طبق سهـــــــل ولذيذ وايد ان شالله يعجبكم


:
:


๑๑ يالله نبلش ๑๑


:
:

๑๑المقادير๑๑

باكيت روتي توست
شيره
ودهن للقلاي



๑ مقادير الحشوه ๑
1 قشطه
ربع كوب حليب
3 ملاعق كبيره نشا
ملعقتين كبار سكر
ربع ملعقه صغيره فانيلياا



๑ خليط اللصق ๑

ملعقتين كبار طحين
3 ملاعق كبار ماي




๑๑ الطريقه ๑๑

اخذ جدر ستانلس ستيل متوسط واحط فيه القيمر واقلبه على نار متوسطه لي لين ما تسخن القشطه شوي بس هاااا لاتحرقونهااا هبااابهاا بس و خليهاا

على صوب اخذي لج مله وحطي فيها الحليب والنشا وخلطيهم بشوكه لين ينخلطون عدل ذوبي النشا عدل لاتعورين بطون العيال خخخ ,, تالي ضيفي السكر والفانيلياا

الحين اخذي خلطه الحليب وحطيها على القشطه يالي بالجدر وشغلي الفرن على حراره متوسطه وحركيهم لين ماتحسين ان صار قوامه متماسك وثقيل شويه ,,
صبي الخليط في بايركس وغطيه بنايلون


على مايبرد الخليط اشتغلي على خلطه اللصق .. عندج الطحين والماي حطيهم بمله صغيره وخلطيهم لين تحسين الطحين والماي صارو لزجيين .. مو ماي مايوووو ولا سميت جاامد ,, اوكي


الحين نبلش بالتوست,, اخذي التوستااات وقطعي الاطراف البنيه بسجينه منشاريه .. <- العوده
وكل ماقطعتي شويه حطيهم في مله وغطيهاا بفوطه عساس لا ييبس عليج الروتي


والحين عقب ماجهزنااا كلشي ,, ناخذ توسته وتحط مقدار ملعقتين من الخلطه ونرولهم لين نوصل قبل الطرف بحوالي واحد سانتي ,, ونحط على هالواحد سانتي الي باجي خلطه اللصق ,, ونلفه ونلصقه ,, بيطلع معاناا شكل اصبع .. لين نخلص الكميه الموجوده ..

ملاحظه صغيرونه : اخذي التوستات الي رولتيهم وحطيهم في مله وغطيهم بفوطه نظيف علشان ماتصير يابسه على ماتخلصين الباجي

والحين نحط اربع خمس حبات بمقلى عميقه ونار متوسطه ونقلبهم لين يصير لونهم ذهبي مشووقر ..

حطي الي خلصتي من قلايهم بورق عشان يمتص الدهن ,, لان ان صبيتي الشيره عليهم واهم مشبعين بالدهن بيعور جبدج تالي ,, اوكــ (y) ــي ..


والحين عقب ماخلصنا قلاي نصفهم بطبق التقديم ونصب عليهم الشيره وكنوع من التزيين ننثر عليهم اي نوع تحبيونه من المكسرات وقدميهم ساخنيين

ملاحظه: تقديرن تحفظينهم بفريزر ووقت ماتحتاجيين تقليين منهم






وهني وعافيه