مشكلتي بعد ماربيت؟؟؟؟؟؟

دلوعة قلبها 10-09-2008 18 رد 1,185 مشاهدة
د
بنات ابا حد يساعدني بحل هالمشكله واللي عندها قدره على ادارة الوقت

لان بعد ماربيت صار وقتي وااااااايد ضيج وصرت عصبيه ،، ولدي عمره الان ثلاث شهور مشكلته
دوم يصيح من بطنه او راقد يعني اذا كان واعي مااروم اسوي شي،، حتى الحين فرمضان والله
اني اطيخ الوجبه الرئيسيه بس والبليالله بعد ماشاء الله عليه هاد حيلي يعني حتى ماصرت اهتم بمظهري مثل قبل وريلي لاحظ هالشي لانه اذا ولدي رقد رقدت وياه وانش وياه،، ودي انظم وقتي مع العلم اني مااشتغل حاليا،، ابا اهتم بريلي اكثر وبمظهري وببيتي،، والله ما اخفي عليكم اعصب من داخلي على ولدي وهو حرام ماله ذنب لانه دوووووومه يصيح من المغص فديته.. ودي اكون هاديه ما انفعل من داخلي عليه لانه ينعكس ع البيبي.. اللي عندها قدره على ادارة الوقت او اي فكره في تنظيم الوقت لا تبخل عليا.. وجزاكم الله خير
أ
ابنك لسة صغيييير وانت ما تعودتي عليه 3شهور يعني طبيعي يحس

بألم في بطنه ويحدث له مغص اصبري شوي ولما يوصل عمره5شهور اكيد رح يصير احسن...

وانت كوني هاااادئة حتى ما ينتقل التوتر لأبنك ويصير عصبي وتندمي بعدين...

اما زوجك المفروض يقدر وضعك وانت لما يكون موجود اعطيه يمسك ابنك حتى يحس بتعبك

وانت اعملي ما في مقدورك اتجاه زوجك ولا تضغطي على نفسك حتى ما تصيري عصبية وتتوتري...وادلعي

شوي لأن الواحدة لما تتدلع وتبين شوية تعب لزوجها وتخليه يساعدها شوي اكيد هو حيدلعها

بس لما يحس بأنك عندك شعور بالذنب اتجاهه بيصير هو اللي يدلع:wink:...
d
طيب إنتى فى البداية لازم وضرورى تعالجى إبنك من المغص والام البطن لازم...
ولما يشفى ابنك بإذن الله كل شىء هيتحل ....تقدرى تضعيه بعربية لعبة بعجل وفين ماتروحى يكون معاكى
المهم يكون ساكت عن الصراخ .. وطالما شايفك قصاده اكيد ده هيطمنه .. فى الوقت ده تكونىانتى بتقضى كل اغراضك من طبخ للوازم البيت ........عارفة انا اختى بتاخد بنتها معاها حتى وهى بتاخد شاور طالما قاعدة ف العربية وشايفة مامتها قصادها بتكون متطمنة وتسكت
انتى هتحلى المشكلة لماتعالجى مغص ابنك صدقينى .. ربنا يعافيه يارب
ا
عن نفسي .. والله أم زوجي ماقصرت من يوم ماكنت بالأربعين وهي متعلقه بولدي وهالشي ساعدني وااايد الحمد لله ...

إختي لو محد وياج بالبيت ولا عندج خدامه .. حاولي إن زوجج يقعد ويا البيبي وقت ماتكونين بالمطبخ ..

وإذا ماقدر لازم تستعينين بحد يساعدج لأن الوقت وايد ضيييييق وإنتي تحتاجين أقل دقيقه عشان تستغلينها بشي عدل وخصوصا برمضان ..

لو رديتي على أسإلتي ممكن أقدر أنظم لج وقت حلوو .. وحتى لو مب كل يوم تتعدلين المهم يكون شكلج وريحتج تمام ..

انا حاسه فيج والله وعسى الله يصبرج يااااااارب...

وإذا على سالفة المغص هاي من الغازات في بطنه حاولي دووم ترقدينه على بطنى على أساس يطلع الهوااا
وبعد في قطوور من الدكتور تفي بهالغرض..

بس لاتحاولين تعطينه شي إلا وإنتي مقتنعه فيه لأن مب أي شي بيمشي مع كل اليهال ..

يعني انا أتذكر في وحده قالت لي عطي ولدج ماي زهر .. ووحده قالت لي ماي غريب وفي ناس قالوا لي عطيه نعناع مع ماي مغلي .. مب نعناع مطبوخ تحمليييي ...

عاد انا جرب النعناع في البدايه رييح ولدي وااايد .. بس عقبها بكم يوم رجع يصييييح والنعناع مايأثر فيه ..

الله يشفي ولدج وإن شالله بيكبر وبينسى والوقت بيطووول وبتقدرين تكشخين وتتعدلين 24 ساعه ..

هاي مرحله وتعدي إن شالله إصبري كلها شهر وكل شي يكووون تمام وطبيعي ...


إسمحيلي طوولت عليج حبوبه ...


تقبلي مروري وردي على الموضوع .... ^_^
ح
بصى اختى دى كانت نفس مشكلتى
وروحت للدكتور مرة واتنين وعشرة لدرجة انى شكيت ان البنت فيها حاجة مش طبيعية الله يحميها
ويحفظها
بنتى كانت تصرخ من المغص ووشها يبقى لونه احمر وازرق من الالم
ومكانتش تنام ساعتين متواصل
كنت بتعذب
وجوزى كان طفشان من البيت ومن الغرفة ومكانش ينام جمبى ابدا
الدكتور يقولى البنت طبيعية
اعطيتها كل الادوية والمسكنات اللى بياخدها الاطفال حديثى الولادة
ومفيش فايدة
كنت اتعصب عليها واصرخ منها وبعدها تصعب عليا واخدها فى حضنى
بس بجد مكنتش بنام
ولا عارفة اطبخ ولا انضف البيت
لحد ما كملت تلات شهور ونص تقريبا وبدا نومها ينتظم شوية
وبدا المغص يروح
والحمد لله الايام عدت على خير
اتحملى شوية ده وضع طبيعى
u
عزيزتي .. لا تحاتين ولا تخافين المغص ما تقدرين تسوين له شي غيير مساج خفيفه على بطن الياهل بزيت الزيتون ... وماء غريب ... معلقه صغيره ..
بعد ما يتم ان شاء الله عمر 5 شهور راح تشوفين ولدج ماشاء الله ينام بانتظام .. لا تحاتين بالنسبه لمظهرك عن نفسي ما قدرت اهتم بمظهري عدل .. لكن اقدر افيدج بشي .. يعني شعرج دايما لميه بشباصات حلوه ... مب لازم مكياج كحل يكفي.....
اختارج بيجامات حلوه .... ولبسيها ... مب لازم قمصان مغريه ..

زوجك خليه يقعد مع ولدج ويتعلم عليه .. يعني لا تخلين زوجك كلش ما يعرف حق الياهل .. على الاقل يساعد بتهدئته .. والشغله ثانيه لو الحاله الماديه تسمح .. جيبي خدامه حق شغل البيت .. عشان تتفرغين لابنك وزوجك اكثر .... وبتشوفين العمليه بتصير اسهل عليج

اهم شي ان زوجك يكون طرف مساعد .. ويعاون...

أحديد سهل ان شاء الله وكلها كم شهر ويصير الياهل طبيعي.. مافي ياهل ما يصيح من بطنه ..

ام جنى
خ
كلام الخوات ما عليه زوووود

عالاقل اتسلفي خدامة الأهل لفتره إذا ريلج مب راضي يجييب خدامه ..

و الله يحفظلج ولدج من الشر
ق
شوفي أختي

أمي كانت دايما تقول لخواتي أن يحاسبون على أكلهم من فترة النفاس إلى فطام الياهل من سدرهم
لأن أكل الأم يأثر على حليبها وهالطفل مسكين توه واعي على الدنيا ومعدته ما تتحمل كل أنواع الأكل اللي ناكلها، فشوي شوي عوديه على الأكل (طبعا أقصد أكلج إنتي اللي يصير لبن له) وفي هالفترة بالذات (فترة الرضاعة) إبتعدي قد ما تقدرين عن الأكلات اللي تسوي غازات أو الاكلات الحاره (فلفل).

ولما تفطمينه من سدرج أكلي على راحتج
بتقولين تعب وغربال أقولج مقولة أمي المشهورة: هذي ضريبة الأمومة واتحملي

والله يشافي لج ولدج وايعافيه
ل
اختي دلوعة قلبها انا بعد زيك عندي نونو له شهرين دائما يبكي وما يخليني اشتغل

ماينام زين ماقول الا الله يخليهم لنا وصبرنا على تربيتهم:confused:
د
مشكورات خواتي ع المرور وبعد البيبي ماتبل الرضاعه الطبيعيه من صدري لانه كان في العنايه اطثر من اسبوعين بعد الولاده مان تعبان الغالي لان المشيمه انفصلت عنه في المخاض،، وبعدين ابد ماطاع يتقبل الرضاعه مني فاطريت اعطيه صناعي لان صدري نشف وانا اشفط له وصار الحليب وايد قليل،،
حد نفس مشكلتي؟؟؟

اختي ((( البشوشه)) برد ع اسالتج شو هي؟؟؟
ر
الله يحفظه لك
طبعا رزان ولله الحمد عزوبيه
لكن شوفي مشاكل البطن مع هالصغار معي
تدرين أنادي واحد يبه وواحد حبي
لكن بمعنى الكلمه وأنام مره على رجل واحد صغييييييييييييير لكن مثل المبسوط ورافض أقوم ومزحه مثل مزح أبوك لكن مبسوط ومرتاح براحتي وفعلا كنه أبوي وداخله جو معه...
وادور رضاه بس لايطق ولايبكي وفعلا أغلط.....
لكن مبسوطه مع هالصغار بشكل رهيييييييييييييييب......
مشكلتنا مانقدر هالصغير ونخليه على راحته...
أحيانا ناس مجتمعه وعالم وبعزيمه عشانه أحيانا لكن وينه بالغرفه ويعجبوني بمصر والسبوع حقه
الكل مبسوط وصياح وماشاء الله وعندنا ادنى صوت يزعجه معودينه عالانعزال والانطوائيه من بدري في بعض الحالات عشان نسكته ومايزعج أمه وأحيانا صح تخافين عليهم من بعض الحريم....
أما وقتك ماأعتقد اللي مستحيل ماينتظم...
اذا عاللبس هين حتى اهتمامات المتزوجات من عنايه و و و مجرد لباس حلو وتسريحه كويسه ومكياج خفيف وانتي جالسه بجنب ولدك ماأعتقد بيزعله...
والمطبخ يكفي طبقين محترمين وتفنني عالعشا أو اطلبي من اختك أو كل يوم مع جاره لاتنسين حقي بفطورك ومشي أمورك ولاتعقدينها وتتعقد وهونيها وتهون

لو أقولك عن نفسي كيف مع مواقف زواجات ومناسبات وكيف تحظيري الميت لكن أهونها وتهون بشكل الكل يضحك ويستغرب........
.
الله يعيييينكم أذكرت سالفة أختي يوم ولدها كان صغير نفس الشي صياحه كان يخوفنا ويخلينا أنصيح وياه

بس صدقيني يالغاليه هاي فتره وبتعدي
h
اختي ما تخلي ابنك مختبر التجاريب يعني روحي للدكتور وادا كنت بترضعيه ابتعدي عن المشروبات الغازية والبارد والبطيخ والحاجات دي وان شاء الله حروح منو المغص ما تخافي عادي اي بيبي في عمرو ضروري يمرض ويبكي الله يسامحنا في الوالدين
حاولي اختي تستغل وقت نوم طفلك بقضاء شغلك اما عن وقت لزوجك فمن حقو تعطيه وقتو ولو قليل المهم ان شاء الله ينظم وقت ابنك وتكون عند الوقت لحالك احنا الستات الله يعينا
الله يشفيه الحبيبة
د
مشكورات خواتي الغاليات ع التفاعل ويايا

جزاكن الله خير
ا
الله يسلم قلبج حبيبتي ...



فديتج أسإلتي هي .. عندج خدامه ولا لا .. وإذا لا ماتقدرين تجيبين هالفتره أو على الأقل تاخذين من أحد الأهل او المعارف .. تقدرين ولا لا ؟؟


طيب وجربتي تعطين ولدج شي عن المصغ او وديتيه عند الدكتور ...؟؟


وزوجج ممكن يساعدج إنه يمسك البيبي وقت الطبخ على الأقل.. ويكون قاعد وياه ويحاول يلهيييه عن النوم عشان وقت الفطور يرقد ساعتين ...


حبوبه يمكن الحليب إلي تعطينه ولدج مايمشي وياه ... سإلي دكتور او صيدلاني بهالموضوع .. انا كنت أستخدم لولدي كيكووز .. والحمد لله كان تمام وياه ... وإحرصي يالغاليه بعد الرضعه لااااااازم البيبي يتجشأ .. حطيه على كتفج أو إسدحيه على بطنه عشان يطللع الهووا ومايغربله في بطنه ...

انا عانييييييت وايد والله في أول ثلاث شهور ... بس عقب الحمممممممد لله .. مع إن ماكان عندي خدامه .. بس والله إستحملللللت وأم ريلي بعد ماكانت تقصر والله ... تعطيني فرصه أتعدل حق ريلي أو أطلع بعد ..

ونصيحه عوديه على اللهايه عشان مايجننج .. والله انا مرتاحه وياها .. (( اللهايه _ المصاصه ))


وإن شالله الله يهوون عليج ويوفقج ويشفي ولدج ياحبيبتي ... ^_^
د
اوكي

ماعندي شغاله ومااااادانيهم اقدر ايب بالساعات يعني اجار واللي عند اهلي مايقدرون يستغنون عنها

والحليب استخدم نان وهو يحبه بس المغص ذابحنه اخاف اغامر واغيره لان جربت وماحب النوع الثاني

وبالنسبه لريلي بالعكس يمسكه وياخذه عني بس انا بعد دووووم قلبي عند البيبي لو رحت بعيد عنه

حتى المطبخ تشوفيني اسوي شغلي بسرعه بسرعه مادري ليش؟؟؟

بس اختي اللهايه معودتنه عليها..
ر
طيب روحي عند أهلك الى أن يطمئن قلبك عليه وعلى حالته ومن جد راحتك من مسؤلية البيت بتخليك تركزين معه شوي وبرمضان العزايم كثيره او يصرف الرجال نفسه خل يشتاق لك شوي...
ا
ممممممم ...

الله يعينج والله ...


طيب شرايج تحاوليين تغيرين وقت نومج عشان زوجج يقدر يشوفج على الأقل...

ترى ولدج ماراح يطوول على هالحال بإذن الله لأنها فترة ال3 شهور وشوي بس... وإن شالله الله يخفف عليه فديته ..

طيب .. حلوو غنج ماتطولين بالمطبخ .. وعقب تقدرين قبل الفطور تتسبحين وتتعديلين عالسريييييع وويكون البيبي عند أبوه هالوقت ..

وعقب عالفطور بعد ماتخلصين رضعيه وبينام إن شالله .. وهالوقت ممكن إنج تقعدين مع زوجج على الأقل هالساعتين بس..

وبعدين ياقلبي لاتحاتين وايد وتفكرين مب زين .. اليهال الله يحفظهم من كل شر ..

ترى كثرة الحذر ماتمنع القدر ...

هاذي فتره بسيطه وراح الكثير ومابقى إلا القليل وإن شالله بتعيشن وبتتذكرين وبحسين إنها سهله ولا كأنها صارت أصلاااا ...

يالله شدي حيلج .. الله يقويكم يااااااارب.. ^_^
D
نفس سالفتي...!
كان ولدي دوم يصيح وموووول مايرقد! هلكت وياه.. ويوم سرت عند الدكتور قال عااااادي،، اصبري عليه كمن شهر وبيهدا وبيتغير رقاده..
وماكان يتقبل صدري مووول... والله اني كنت اصيح يوم اشوف الحليب يقاطر من صدري وهوه مب طايع يرضع!
بقولج شي حليب نان وايد دسم.. انا كنت استعمل S26 Gold
وقبل كل رضعه استخدم قطره اسمها Infacol الدكتور نصحني بها... وكان هالدوا يخوز عنه كل الغازات......
انشدي الدكتور،، اذا اوكي تعطينه من هالدوا؟ انا استعملته كمن شهر وفاده وايد.....
الله يصبرج .. ان شا الله بيكبر وبتنسين وبتيبين غيره :)
وهالله هالله في ريلج،، دوم اتعدلي،، تراه العدول ماياخذ من وقتج وايد،، تقدرين تتزقرتين في ربع ساعه.... ولاتنسين العطر و الدهن عوووووود :)
X