كم عدد السعرات اللي تحتاجينها عشان تحافظين على-تنقصين-تزيدين وزنج

الموضوع مهم لكل وحده تدخل هذا القسم ان شاء الله ماطول عليكم

يعني مافي وحده داخله الا هدفها يا ان
تنقص وزنها
او تزيد وزنها
او تحافظ عليه

وعشان تعرفين شلون تحققين هذا الهدف لازم تعرفين عدد السعرات الحرارية اللي انتي محتاجتها يوميا.. طيب شلون تحسبين هاذي السعرات

انا اعلمج شلون

الخطوة الأولى:
لازم تطلعين وزنج بالباوند -تقدرين تطلعينه من محول الكميات الموجود بتلفونج- وبعدين تضربينه في 11
مثال:شخص يزن 143 بوند- اللي اهو بالمناسبة 65 كيلو تقريبا-
نضرب الوزن في 11
143*11= 1573 سعره حراريه
يعني جسم هذا الشخص محتاج انه ياخذ 1573 سعر حراري في اليوم عشان يؤدي وظائفه الحيوية بدون اي نشاط اخر يذكر
طيب في ناس نشاطهم اليومي قليل ومتوسط وكبير فكميه الحرق اللي عندهم تختلف بالاضافه الى ذلك سن الشخص يؤثر في معدل حرقه
هنا نأتي للخطوة الثانية: لازم نطلع نسبه الحرق الناتج من نشاطك اليومي

والجدول التالي يوضح نسب الحرق بالنسبه للعمر والنشاط

اقل من 30 سنه
جهد قليل - 30%
جهد متوسط- 40%
جهد عال- 50%

بين 30-40 سنه
جهد قليل-25%
جهد معتدل- 35%
جهد عال- 45%

اكثر من 40 سنه
جهد قليل- 20%
جهد متوسط-30%
جهد عال- 40%

تشوفين نفسج بأي خانه وبعدها تاخذين النتيجه الاولى وتضربينها في النسبه
ففي مثالنا لو فرضنا ان الشخص عمره اقل من 30 سنه يمارس جهد متوسط في يومه يعني
1573*40%= 63 سعره تقريبا

وهذي لو تلاحظين كل ما زاد النشاط يعطيج سعرات حراريه اكثر

الخطوة الأخيره:

تجمعين النتيجتين مع بعض
1573+63=1636 سعر حراري تقريبا وهذا الرقم اللي يهمج


هذا السعر اللي يحتاجه شخص وزنه 65 عمره اقل من 30 سنه ويبذل جهد متوسط في يومه


الحين لو انتي تبين تحافظين على وزنج لازم تلتزمين بهذا العدد من السعرات

ولو انتي تبين تزيدين وزنج لازم تاخذين اكثر من العدد اللي يطلع لج وفي هذا المثال لو الشخص يبي يزيد وزنه لازم ياخذ اكثر من 1636 سعر في اليوم الواحد

والعكس بالنسبه للي تبي تنزل وزنها لازم تاخذ اقل من العدد المناسب لها وفي هذا المثال لو الشخص يبي ينزل من وزنه لازم ياخذ اقل من 1636 سعر في اليوم