.(... تجهيزات عرايس مصر الجزء الـ95 ...).

قصة كبيرة 10-09-2008 1,000 رد 33,578 مشاهدة
ص
salad;7216593:
يا بنات بليز ترودوا عليا عاوزه اغير فرش الانتريه ساعدونى فى اختيار القماش


تلاقى اشكال كتير وحلوة فى الوكاله وفاصلى كويس
(
كل بيشكر فالوايت ويل يابيبو
بساللى مضايقنى منها انها كنزة شوية
ا
بنات حد جرب تلاجة وغسالة L.G ?????????
ص
انستاسيا;7216734:
بنات حد جرب تلاجة وغسالة L.G ?????????


بصراحه جربنا التليفزيون وما شاء الله حلو
(
انستاسيا;7216734:
بنات حد جرب تلاجة وغسالة L.G ?????????


انا نزلت وشئلت علي النوع دا
وكل مدخل محل يقولولى الوايت ويل
مفيش انضف منها
وتعتبر اغلى تلاجة فالسوق وافضل تلاجة
بس اللى خانقنى منها حاسة انها كنزة شوية
s
على فكره يا بنات منتجات وايت ويل حلوه جدا انا عندى غساله الاطباق والملابس من وايت ويل وحلوين ماشاء الله اكيد باقى منتجاتهم حلوه

وعلى فكره ممكن جدا يكون نوع ماركه الجهاز حلوه وعليها اقبال جامد بس لما نشترى جهاز يكون العيب فيه هو مش فى الماركه
ا
(رقة مشاعر);7216814:
انا نزلت وشئلت علي النوع دا
وكل مدخل محل يقولولى الوايت ويل
مفيش انضف منها
وتعتبر اغلى تلاجة فالسوق وافضل تلاجة
بس اللى خانقنى منها حاسة انها كنزة شوية


اللي سمعته انها اغلي من وايت وويل طيب عندك فكرة عن الأسعار ؟؟؟
(
هى حلوة بس غالية نااااااااااز التلاجة ال 16 قدم ب 3500

التلاجة الالكتروستار ال 18 شوفتها امبارح ب عاملة 2400
أ
أمةالله;7214446:
أختك جربت كل اللي بتقولوا عليه وجربت الموس وجربت السويت وجربت البراون مكنة الحلاقة بتاعتها

أحسن حاجة السويت، أحسن حاجة السويت أحسن حاجة السويت

جربي من دلوقتي والموضوع مش بشع زي ما انتي فاكرة حتى لو من غير بنج والكلام ده لأني محبش إننا نستعمل بنج الصراحة على مكان حساس زي كده

بس مش بتاخدي طبعا حتة السويت الكبيرة زي ما بتعملي إيدك أو رجلك

لأ بتاخدي حتة قد اللبانة، يعني تشغلي السويت كلها لحد ما تطرى وتحطيها جنبك على كيس ولا حاجة، تاخدي منها حتة لما تسيح تاخدي بدلها وهكذا لحد ما تخلصي

وطبعا قبل الكلام ده الشعر بيبقى قصير طوله مثلا نص سانتي، ممكن تقصريه بالمقص

الموس الصراحة بيبقى بشع، وهيعمل لك حبوب ده غير انك هتحتاجي تعيدي عليه كل يومين ومش هتعرفي لازم تستني لما الشعر يطول فوق الجلد علشان تعرفي تشيليه، ولحد ما ده بقى يحصل سواء في يوم أو اتنين ملمس الجلد بيبقى خشن ده غير انه ممكن يعمل لك حبوب زي ما قلت.

فانتي لسة بفضل الله قدامك وقت، جربي، وعودي نفسك علشان ترتاحي انتي بعدين

ربنا يوفقك



طيب واللى معندهاش وقت تعمل ايه؟؟؟

ياريت اللى يعرف بنج كويس يقولى

(رقة مشاعر);7216481:
بنات ايه افضل نوع تلاجات اليكتروستار ولا white whale انا نزلت اشوف وكدة لقيت الوايت ول ب 3000 جنيه وال 18 قدم منها ب 4190 وانا عاوزة ال 18 ماما بتقولى حرام اجيب تلاجة ب 4000 وكمان شوفت الالكتروستار ال 18 قدم منها 2600 انتو ايه رايكو



بصى يا ستى فى رحلتى مع التلاجات والغسلات وما يشابهها لقيت الأتى :: الكتروستار اسوأ تلاجه موجوده ودا عشان من جوا بتتكسر وكمان المطور مش كويس وببيقف كتير وخطيبى بيقولى انها باظت عندهم وكلموا الصيانه كتيييييييييير ومحدش جيه

بصى انا جايبه التلاجه توشيبا ب 2100 على ما أظن يعنى

salad;7216593:
يا بنات بليز ترودوا عليا عاوزه اغير فرش الانتريه ساعدونى فى اختيار القماش


روحى الوكاله يا بنتى مليانه وكمان الازهر مليااااااااااااااااااااان وارخص
@
(رقة مشاعر);7216481:
بنات ايه افضل نوع تلاجات اليكتروستار ولا white whale انا نزلت اشوف وكدة لقيت الوايت ول ب 3000 جنيه وال 18 قدم منها ب 4190 وانا عاوزة ال 18 ماما بتقولى حرام اجيب تلاجة ب 4000 وكمان شوفت الالكتروستار ال 18 قدم منها 2600 انتو ايه رايكو


انا اسمع ان اليكتروستار وحشة جدااااا ابعدى عنها

اية رايك فى كريازى الـ 20 قدم بتاعتها بـ 3000 وجميلة ومعمرة ما شاء الله عندنا بقالها سنين ومش اشتكينا منها وانا كمان جبتها فى جهازى

والوايت ويل حلوة بس غالية شوية لكن الكتروستار وحشة وحشة
ن
السلام عليكم و رحمة الله
انا عضوه جديده معاكم بس و الله استفدت من الاجزاء السابقه و يارب اقدر افيدكم برده, انا اسمي نسمه من حلمية الزيتون مخطوبه و بجهز ومش ليه اخوات بنات فياريت تعتبروني اختكم كلكم و ممكن اخد من خبرتكم انا جبت 10 لانجري 4طويل و 4 قصير و 2بيبي دول يا ترى كده كفايا؟؟؟؟
احبكم في الله :15::15:
اي خدمه بخصوص امور و التزامات الخطوبه بس اؤمروني
@
salad;7216593:
يا بنات بليز ترودوا عليا عاوزه اغير فرش الانتريه ساعدونى فى اختيار القماش


ازيك يا سالاد وحشتيني فينك

واية اخبار الجواز معاكى ؟؟؟ ربنا يوفقك ... وان شاء الله تدخلى قريب تعرفينا ان فى نونو جاى فى الطريق :) ربنا يسعدك ويوفقك

الوكالة فيها اقمشة ما شاء الله تحف

وكل الاسعار موجودة وكل الازواق المودرن والكلاسيك


انا لسة جايبة قماش الانترية بتاعى قبل رمضان على طول شانيليا تفتاة بـ 25 جنية المتر بس لازم تفاصلى جامد يعنى كان قايلى المتر بـحاجة واربعين اخدتة بـ 25
@
نسمة وداع;7217035:
السلام عليكم و رحمة الله
انا عضوه جديده معاكم بس و الله استفدت من الاجزاء السابقه و يارب اقدر افيدكم برده, انا اسمي نسمه من حلمية الزيتون مخطوبه و بجهز ومش ليه اخوات بنات فياريت تعتبروني اختكم كلكم و ممكن اخد من خبرتكم انا جبت 10 لانجري 4طويل و 4 قصير و 2بيبي دول يا ترى كده كفايا؟؟؟؟
احبكم في الله :15::15:
اي خدمه بخصوص امور و التزامات الخطوبه بس اؤمروني


اهلا و سهلا بيكي معانا يا حبيبتى

واكيد طبعا كلنا اخواتك ومبروك الخطوبة وعقبال الزفاف ان شاء الله

بالنسبة للانجيري انا من وجهة نظرى ان العدد دا قليل جدااا

انا جايبة 18 قميص قصير وبيبي دول

غير 8 قميص طويل من غير روب

و 6 قميص طويل بروب ولسة هجيب تانى كل لما حاجة بتعجبنى بجيبها

مش بقولك انك تلتزمى بالارقام والاعداد اللى انا جيباها لكن القصد انك تكترى العدد شوية وعلى حسب راحتك طبعا
(
الالكتروستار عندنا والله بعد ماشتريناها بئت تعطل وجالنا مهندس الصيانة فالبيت مرتين
الوايت ويل جميلة بس خنقانى فحاجة ان ال 16 بتاعها مخليخا كنزة مش عريضة وحاسة انها قصيرة


بنات معلش هاسئلكو سؤال يمكن عبيط شوية
هو البيبى دول عبارة عن ايه
معلش انا ماليش خبرة فالحاجات دى خااالص
s
Princess_miro;7214041:
انا عايزة اعرف فين بالظبط و التليفونات من فضلك




بصي ياجميل هي كانت عند مسجد النور اللي في العباسيه من ناحيه مستشفي كليه طب عين شمس معلش انا مش عارفه اوصف صح لان خطيبي اللي ودانا هناك بصي هي كان اسمها جنينه الوايلي وفيها قاعتين واحده في الجنينه والتانيه متقفله اللي في الجنينه دي كانت جميله اوي لما تتزين وكده لو تحبب اسالك خطيبي اسالهولك
انهي ارقام بالظبط انتي عاوزاها؟
@
(رقة مشاعر);7217090:
الالكتروستار عندنا والله بعد ماشتريناها بئت تعطل وجالنا مهندس الصيانة فالبيت مرتين
الوايت ويل جميلة بس خنقانى فحاجة ان ال 16 بتاعها مخليخا كنزة مش عريضة وحاسة انها قصيرة


طيب مانا بقولك يا حبيبتى اتفرجى على الكريازى ما شاء الله جميلة

وشغالة عندنا بقالها سنين وعند حماتى بردو ومحدش اشتكى منها

انا جبت تبارك الرحمن كريازى 20 قدم تربو بـ 3000 وحلوة ووسعة جدااا ما شاء الله

(رقة مشاعر);7217113:
بنات معلش هاسئلكو سؤال يمكن عبيط شوية
هو البيبى دول عبارة عن ايه
معلش انا ماليش خبرة فالحاجات دى خااالص


فاكرة الفستان اللى الاحمر اللى روبى كانت لبساة فى كليب اغنية لية بيدارى كدا ؟؟؟

اهو دا اسمة بيبي دول
(
اها فاكره اكيد
طيب هو المفروض اشترى كام قميص نوم
وكام ترننج
وكام بيجامة
أ
@ green apple @;7217082:
اهلا و سهلا بيكي معانا يا حبيبتى

واكيد طبعا كلنا اخواتك ومبروك الخطوبة وعقبال الزفاف ان شاء الله

بالنسبة للانجيري انا من وجهة نظرى ان العدد دا قليل جدااا

انا جايبة 18 قميص قصير وبيبي دول

غير 8 قميص طويل من غير روب

و 6 قميص طويل بروب ولسة هجيب تانى كل لما حاجة بتعجبنى بجيبها

مش بقولك انك تلتزمى بالارقام والاعداد اللى انا جيباها لكن القصد انك تكترى العدد شوية وعلى حسب راحتك طبعا




فعلا زى ما جرين بتقول كدا زودى شويه
انا مش مصنفه زيها كدا انا اللى بيعجبنى بجيبه بس انا بتوعى كلهم قصير على ما أظن وواحد طويل مش هلبسه



بنات :: سؤال :::: انا دلوقتى كتب كتابى بعد 5 ايام يعنى قدامى 4 ايامى اجيب فيهم حاجه البسها ومحدش يقولى تايير شيك سيمبل لان انا يا حبايبى جسمى الى حدما ما صغير ومش بلاقى الحاجات دى

طولى 159 ووزنى 58 فا يلا بقى شوفولى حاجه كدا وقولولى اجيبها منين

انا سئلت بنات من المنتدى هنا وقالولى ممكن فستان سواريه سيمبل
انتوا ايه رأيكم؟؟؟؟

جاوبونى بسرعه يلا عشان الحق اجيب اى حاجه الله يكرمكم
ا
(رقة مشاعر);7206788:
عندى سؤال يابنات
هو المفروض ان طقم الالومينيوم والاستانلس والحاجات دى بتنحط فوق الممطبخ
عشان خطيبى كان مصورلى مطبخ اخوه فيديو وجابهولى اشوف نظامه واخوه دا يعنى لسة عريس بقاله 5 شهور
فلقيت مراته حاطة الحاجات دى فوق المطبخ من فوق رصاهم كدة فوق بعض
فاستغربت
قولولى هى فعلا الحاجات دى بتنحط فوق المطبخ كدة


لا طبعا دى تلاقيها كانت حطاهم كده للعرض عشان الناس تشوف
اومال احنا بنعمل المطبخ وندفع فيه الوفات ليه ؟؟؟؟؟؟؟؟ عشان نعمله رف فى الاخر ونحط عليه الحلل

kitty_kity;7213265:
وعن ابن عمر قال : قال رسول الله صلى الله عليه وسلم { من جر ثوبه خيلاء لم ينظر الله إليه يوم القيامة فقالت أم سلمة : فكيف يصنع النساء بذيولهن ؟ قال : يرخين شبرا قالت : إذن ينكشف أقدامهن , قال فيرخينه ذراعا لا يزدن عليه } . رواه النسائي والترمذي وصححه , ورواه أحمد ولفظه { : أن نساء النبي صلى الله عليه وسلم سألنه عن الذيل , فقال اجعلنه شبرا فقلن : إن شبرا لا يستر من عورة فقال اجعلنه ذراعا } ) .

ده الحديث الي كنت بقول عنه ياانستاسيا :)
انا معاكي ان شكل الفستان تحفه ..بس اتاكدي الاول انه مش حرام..وربنا يوفقك:)
انا والله بقولك كدا محبة..مش قصدي اي حاجه تانيه


اها كده فهمت يعنى قصدك ان الفساتين اللى بديول دى حرام
طيب هو الدراع ده اد ايه ؟؟؟؟؟؟؟؟؟

روباز;7214040:

انا كلمت كمان امبارح هويدا نصار و سألتها عن باكيدج العروسه قالتلى انها معندهاش باكيدج لأنها ميك اب ارتيست و فيشيال سبيشياليست بس
المهم بتعمل الميكب و جلسة نتوياج ب 1500 عندها فى مصر الجديده و 2000 لو جاتلى بس بينى و بينكو عجبتنى فى حاجه حسيت انها بتهتم بشغلها لما سألتنى عن المكان و لسه بقولها داار...قالتلى لا يا حبيبتى دار لأ انا بحتاج اضاءه عاليه اوى عشان الميكب و الغرف هناك مش مهيأه
عملت لعروسه و مكنتش مرتاحه اخدتها بالعربيه و روحت عندى
المكياج مهم رقم واحد لكن الإضاءه دى نمره 2 و انا مقدرش اهملها
حسيت انها مهتمه انها تعمل حاجه حلوه مع انها لو راحتلى هتاخد 500 جنيه زياده و انا مكان فرحى مش بعيد عنها
بس كده..نلقاكم بعد الفاصل


انتم شايفين ان 1500 و2000 جنيه فى شوية الوان لمدة كام ساعه ويتمسحوا ده كده حاجه مش اوفر؟؟؟؟؟؟؟؟؟؟
بس الغريبه ان البنات كلها بتسأل وتدور على الرخيص وتمشى لها بالمشوار وفى الاخر ندفع الوفات فى حاجه زى دى
هى طبعا فى الاول والاخر قدرات وماديات بس انا بتكلم عن الحرام والحلال
ده اسراف يا بنات وكمان اسراف فى حاجه بتغضب ربنا
ومحدش يزعل من كلامى


kitty_kity;7214775:
اه ومعلش ناعومي ده فيييييييين عشان ممكن احاول اروحه بكره لو عرفت

وشوفوا دي
http://www.3roos.com/forums/t380884.html#post7214828
:)


هو انت طباخه شاطره واحنا منعرفش ولا اييييييييييييييه :D

عرايس شهر 9 ان شاء الله

20-9-2008
كتب كتاب اسيرة حنانه

عرايس شهر 10 ان شاء الله

1-10-2008
فرح little cat

2-10-2008
فرح marlyelbokl

3-10-2008
فرح حمادة جوجو

4-10-2008
كتب كتاب noor1984

5-10-2008
فرح boge_tamtam

8-10-2008
فرح شيكامارا 2010

12-10-2008
فرح nice heart/ فرح اسيرة حنانه

16-10-2008
فرح moamana82

17-10-2008
خطوبة وكتب كتاب وفرح mishmish2010
فرح mahyy

23-10-2008
فرح sosii / فرح dynamicfam

عرايس شهر 11 ان شاءالله

1-11-2008
فرح ranonte

5-11-2008
فرح alyaa_shahine

10-11-2008
عيد جواز kantota

20-11-2008
فرح pippo / فرح marwa8000

21-11-2008
فرح habyomar


فرح roshymemo/ فرح فراشة الإيمان

عرايس شهر 12 ان شاءالله
4-12-2008
فرح roro9425

9-12-2008
فرح nemonamanemo

10-12-2008
كتب كتاب وفرح asmaa2003

20-12-2008
فرح sweet_toota

23-12-2008
فرح افروديت
(
بنات هو المفروض انى بجيب طقم التيفال كامل
ولا ايه
X