ص
صوت العيون ʚϊɞ ṨỠЙḍỠṧ ʚϊɞ
عروس ماسية
14-09-2008 | 03:14 PM
roaanader;7203988:
من كام يوم وجدت عرايس كثير بتسال عن الخطوط البيضا والسمار فى المناطق الداخلية والشعر الهايش والهالات السودا حوالين العينين
ولانى بعانى من الخطوط البيضا لانى كنت تخنة وخسيت وجربت حاجات كتير فعلا للى جاب معايا نتيجة ما شاء الله حلوة زيت الشمر وزيت المرمرية وكنت بدهن يوم يوم عنى يوم شمر ويوم مرمرية وبقالى الان شهر والنتيجة تحفة
اما السمار اللى بين الفخدين وتحت الابط فانا اللى جانب معايا نتيجة حلوة فعلا كريم اسمه foldex دا ب 36 جنيه من اي صيدلية العبوة 0 ملم
الشعر الهايش دا مشكلة لاننا محجبات فزيوت الشعر بتطلع فى الطرح ومهما حطينا زيوت نفس المشكلة وطبعا احنا بعد الشر عمرنا ما هنقلع الحجاب فالحل وفعلا والله جاب نتيجه معايا بطلوا تغسلوا شعركم بالشامبوهات واستبدلوه بصابونة الغار بزيت الزيتون ودا اول غسلة والغسلة الثانية بحمام الكريم يعنى بدل البلسم حمام كريم واللى كان حلو جدا معايا حمام الكريم بالثوم او النخاع وبعد ما تخرجى من الحمام ادهنيه بكريم وبلاش الكريمات السوفت يعنى يارييت كريمات سميكة اللى بتعتمد على الفازلين شويه وفى نوع انا جربته وحلو اسمه j.casanova انتاج السعودية تحت تصريح من شركة ج . كازانوفا باريس انا اشتريته من المنصورة العبوة 150 جرام ب 15 جنيه
الهالات السودا دى من القعاد قدام التليفزيون والكومبيوتر والقلق والتوتر ودا اللى قاله لى الدكتور اهم حاجة النفسية والوصفة اللى جابت معايا نتيجة حلوة شرائح الخيار وكمان زيت الوز جربوها ومش هتندموا
ملحوظة متستعجلوش النتيجة يعنى علشان تشفوا نتيجة مش اقل من شهر
اتمنى اكون افدتكم
ومبروك لكل عروسة وعقبال فرحى انا حاسه انى مخطوبه بقالى زمن مع انى مخطوبة من 3 شهور بس
جزاك الله خير
soses;7204067:
ياريت افهم انا كمان عشان مش فاهمة حاجة خالص
هقلك ان شاء الله
mashimaro16;7204211:
بناويت قولولى هيا السفره لما تبقى مودرن وفيها التجويف اللى فى النص اللى بيتحط فيه كرستالات ده ازاى بنحط عليها مفرش؟؟ مفرش المطرز مش بتكلم على بتاع الاكل ؟
جيبى مفرش مستطيل ورفيع وحطيه بالعرض
mashimaro16;7204284:
:) صغرتهم اهو اخيرررررررررررررررررررررررا عرفت :)
قوليلى رايك بقى
الكرسى مش حلو يا مشيمارو دا ينفع كرسى تسريحه مش كرسى صالون يا جميله
زوما;7204527:
عندي سؤال إمتي المفروض أبدأ أفرش الشقة وأوضب العفش فيها وفرش السجاد وترتيب هدومي وكريماتي وحاجة المطبخ وكل حاجة يعني :eek:
المفروض قبل الفرح بأد إيه ياريت تفيدوني خصوصا ان انا لازم هكون بفرش الشقة بنفسي ؟:o
مع العلم اني بشتغل من 8-5م ومش هقدر اخد قبل اجازة الجواز غير اسبوع واحد بس:confused:!!!!
بصى قبلها مثلا بشهر كل يوم روحى اعمل حاجه بعد الشغل ويوم الجمعه ويوم اجازتك وكدا وربنا معاكى
وربنا يتمملك بخير ان شاء الله
ranonte;7205027:
انا دلوقتى عندى مشكلة الفرح قرب ومش لاقية اتيلية كويس ااجر منة فستان الفرح يا ريت اللى تعرف حد كويس تقولى علية و العنوان بالتفصيل بس تكون حاجتة فعلا حلوة و بسرعة
بصى فى كوبرى القبه اتيليه مس ريم عنده حاجات حلوة اوى وبرده على نفس نصيته بس فى اخر الشارع كدا محل اسمه الجمل برده حاجته حلوة
بصى بتركبى المترو وتنزلى كوبرى القبه ناحيه القصر الجمهورى وبعدين تاخدى تاكسى ويمشى مع القصر من ناحيه البيوت اوكى وبصى من الشباك هتلاقى مس ريم وفى اخر القصر محل الجمل وربنا يتمملك بخير ويسعدك يارب
totytwety;7204795:
سلام عليكم ازيكو يا بنات كان فى بنات قالولى انزل صور لشقتى انا هنزلكو شويه صور من شقتى وعايزه رايكو بصراحه
نبدا باوضه النوم

ما شاء الله تبارك الله
ربنا يسعدك يارب
جميله تتهنى بيها يا جميله يارب
Princess_miro;7205527:
والله انا كمان حاسة كده
بس تقريبا فهمت شوية بس فى حاجات مش فاهماها يا صوت
هقلك ان شاء الله
marwa8000;7205802:
السلام عليكم ورحمة الله وبركاته
ازيكم يابنوتات وحشتونى كتير اغيب كام يوم الاقيكم عملتوا جزء جديد وخلاص قرب يخلص على العموم الف مبروك على الجزء الجديد ورمضان كريم ياقمرات
احب اقول الففففففففففففف مبرووووووووووووووووك لاسيرة حنانة على تحديد ميعاد كتب الكتاب والفرح وربنا يتمملك على خير يارب ويبعد عنك العين ان شاء الله
منمن البقاء لله يا منمن وربنا يرحمها حماتك ويجعل مثواها الجنة ان شاء الله
ايوة ياقمر بيتباع فى الصيدليات اللى هو كريم اصالة
[color="#0000CC"][CENTER][I][B][FONT="Arial Black"][SIZE="6"]انا يابنات كلمت ايمى الكاشف فى التليفون وانا سمعت انها كويسة بس عايزة رايكم ضرورى اصل انا حابه اوى ان يكون فى واحدة تيجى البيت علشان السويت والحمام المغربى والرسومات ويكون الميكب والطرحة حاجة تانية علشان الواحد بيخاف من المواضيع دى تكون فى الكوافير فانتوا رايكم ايه ؟؟؟؟
وعايزه اخد رايكم فى حاجة تفتكروا اللى هيدور على فستان الفرح يلف عليه قبل الفرح بأد ايه ؟؟؟؟؟؟؟؟؟؟؟؟؟؟ افيدونى بليززززز يابنوتات لحسن انا هعيط ومش عارفة اعمل اية ؟؟؟؟؟؟؟؟:confused::confused::confused:
تلفى تتفرجى مثلا قبلها بشهر ونص شهرين بالكتير
do3a2rose;7205897:
ازيكم يا بنات انا عضوة جديدة
فرحى يوم 7/10
اجرت الفستان وحجزت الميكب والحنة وجبت العفش كله
لو حد عاوز اى استفسر عن اى حاجة
انا موجودة
الف الف مبروك ربنا يتمملك بخير يارب
ونتجوز كلنا ان شاء الله عاجل غير اجل يارب يارب يارب
قولى بقا العفش منين وبكام ولو فى صور ليه نزليها وفرحك ان شاء الله فين والكوافير وكل التفاصيل دى وربنا يسعدك يارب