edta;7198919:
لو سمحتم يا بنات عايزة استشيركم في كذا حاجة بس ياريت تفيدوني على اد ما تقدروا...
اول حاجة انتم لما اشتريتوا السيراميك عملتوا ايه ؟ يعني بسمع ان في ناس بتشتري حاجة اسمها فرز تاني وتالت ؟؟:eek: طب الحاجات دي ما فيهاش عيوب ؟؟ وبتتجاب منين من المعارض برضه ولا من المصنع؟؟؟
تاني حاجة انا نفسي اعمل الريسبشن كلاسيك والاوض مودرن ؟؟ هو كده هيبقى مش لايق ولا ايه؟؟
لو سمحتم عايزة راييكم كلكم بلييييييييييز (f)
دي أقدر أفيدك فيها يا قمر إن شاء الله
بصي يا ستي الفرز التاني ده بيبقى فيه غلطات بس بسيطة أوي في السيراميك ممكن تبقى الغلطة مثلا إن البلاطة ناقصها ميللي متر من المقاس بتاعها أو عليها نقطة صغير زي بقعة صغننة أوي أو كده
موضوع الفرز ده بقى بيفرق من نوع للتاني، يعني الفرز التاني بتاع الجوهرة أحسن بكتييييييييييير من الفرز التاني بتاع كليوباترا
طيب لو انتي عايزة تعملي الموضوع ده بقى بتعملي ايه؟؟
بصي الصالونات أحسن حاجة انها تبقى فرز أول طبعاً لو تحبي ممكن تجيبي شوية فرز تاني يتعمل بيهم السيكل اللي بيبقى على الحيطة من تحت خالص ده
المطبخ مثلاً بيبقى عندك معظم الحيطان مستخبية ورا الدواليب، فدول ممكن تعمليهم فرز تاني أو تالت حتى لأنه مش بيبان، اللي بتجيبيها فرز أول البلاطة اللي لونها مختلف اللي بتبقى باينة بين الدواليب اللي فوق واللي تحت
والأرضية بتاعة المطبخ زي ما تحبي برضه ممكن فرز أول أو تالت
بصي النوع اللي هتجيبي منه بيفرق، يعني الجوهرة فعلا الفرز التاني بتاعهم مش يبان عليه خالص
ساعات انتي بتبقي منقية سيراميك غامق ده برضه مش بيبان فيه أي بقع أو كده
فالموضوع داخل فيه كذا حاجة، النوع ولون السيراميك والمكان اللي هيركب فيه
أنا عندي مطبخي معمول فرز أول وتاني والبلكونة فرز تاني، والصالة هي اللي فرز أول بس
وبتشتري بقى الكلام ده من الفجالة، بس معرفش بيبيعوا الفرز التاني في المعرض ولا لأ، ممكن تسألي عند السلاب مثلاً هيقولوا لك















