شالحــــــــــل ويا أم زوجي .. بتخررب الولد ..!!

كلمي زوجج بطريقه حلوة علشاان هو يتصرف مع ولدج يمكن ينفع ومايعيد هالكلام البايخ

وبعدين الله يهديج الضرب مايفيد بالعكس بيعند الطفل وبيعيد مره ومرتين وثلاث ...

لا تضربين ولدج عمر الضرب ما كان حل وخصوصا انه ماله ذنب ...حنا اتذكر لما كنا صغاااار وقلنا كلمة جدي ولا جدي امي تهاوشنا وتأنبنا وتخاصمنا وزيادة تاخذ فلفل حاااااااااار وتأكله لنا يعني لو مررررة بعد قلتوا نفس الكلام مصيركم جدي يعني هذيك الساعة ندري انه الكلام عييب الي اعدين نحكي فيه .......... بس مو في هالسن الي قاعدة تضربين ولدك فيها .......... العنف مو حل .... على العموم قريت حلول البنات حلوة والله جربيها وبالتوفيق

معاناة ..وانا اعاني مثل معاناتك اعيش مع اهل زوجي وكلامهم قذر بس مره من المرات اخو زوجي الصغير عمره 9 سنوات وقال كلمة وبنتي قالتها وقام زوجي وضرب بنتي قدام اهل زوجي كلهم كانوا ملتمين ضربها مسكينه وقمت بسرعه حضنت بنتي وقلت بصوت عالي بنتي ما تقول هالكلام الشرهه على الي قال ومن ذاك اليوم زوجي قال اذا سمعت احد يقول كلام غلط الا راح اكسر الدنيا فوق روسكم وزعل عليهم كلهم بس الحمد لله الحين ما يقولون..الله يكون في عونج..

:confused::confused::confused::confused::confused::confused::confused:


شااااااسووي ياربي....؟؟؟

الله يعييينييييي والله ...

تسلموووووون ياخواتي وياحبايب قلبييي.. الله يجزيكم كل الخيـــــر يارب...

المشكله زوجي عادي عنده .. هو مب عاجبه دلع أمه بس إنه مايقول لها شي.. ولما أتكلم يسكتني أنا يقول لي ماعليه ياهل ..

افففففففف افففففففففففف مادري شاسوي الكلام أصلا مايجيب نتيجه ويا ريلي ..

كلللللهم مدلعيييين من قلب..

عن نفسي مابيأس إن شالله .. وبحاول وبجررب أي شي عشان أحمدووتي ...


يعطيكم الف عافيه يارب... ^_^

أختي طرالي لو تجيبين أفلام ومسرحيات ومسلسلات نظيفه وخفيفة ظل وفرفوشه
لان الأدب الزايد يعتبر ثقل دم أحيانا وصعب تخلينه ممل ويعتبرون تقليدهم للكبار والونيس بالذات اللي الكل يحبه وناسه يقلدونه وضحك عليه فخليه يقلد الممثلين بإشرافك وبجلوسك معه وبتضحكين على تصرفاته أحيانا ماهي اللي أنتي تغصبينه عليها اللي هداه قلبه لحفظها وخليه على راحته لكن أنتي وفري له الصح...

أما أم جنات فالبنت من طبعها تستحي وماتجالس عيال بالذات اذا كبير يفرق بينهم في المضاجع والمجالس حتى تميز وتعرف الصح من الغلط والا طلعت بلا حياء كالرجل وعادي الولد وضربه للبنت طبيعي وغلطتك أنتي
وماهو فرض على الولد يستحي من أجل ابنتك عليها مجالسة البنات بشكل أكبر.........

تمنياتي للجميع بالتوفيق...