تعالو انشوف مكياج خبيرة التجميل الاماراتيه غاده

تسلمون الغاليات على الرد:
عوشة المهيري.. انا أأيدج الراي مكياجها حلو ولا تعليق..
بقايا روح
جولري مشكوره الغاليه على الكلام الحلو..
عطر الصداقه وتسلمين على الرد الحلو :shy:

الغاليه سنو وايت عيني عليج بارده شنو هالذوق الحلو

ومكياج روعه وطريقه دمج الوان ..حلوه ومشكوره ماتقصرين .

واحنا يابنات دورنا اننا نشجع الخبيرات الخليجيات ..

ومره مشكوره سنو وايت ونطمع للمزيد ..

تحياتي ..

سنو وايت المكياج الوردي حلو:)

أنتي قلتي قبل أنه خفيف بس هذا مش خفيف واااااااايد أسود حاولي تدمجين دايما الأسود ويا البيج عشان يكون فاتح وغامج.....

وبعد طريقة المكياج جديمه حاولي تجدديييين....

أتمني لكم التقدم...........:) والسموووووحه

Banotat_Dubai
كلامج صح

بنات مب أنا الي مسويه المكياج!؟!؟!؟!؟ :s2 شو فيكم اترمسوني وكاني انا الي مسويه!؟ أنا كاتبه العنوان انه وحده من الخبيرات التجميل اسمها غاده مبتدئه وشفت الصوره في المجله ووحده من الاخوات في المنتدى (عوشة المهيري) مدحته وانا أأيدها الرأي شو فيكم!؟ والله ما تشجعون الواحد يحطلكم شي!؟ :down:

مشكوره الغاليه حوراء على الرد والله نورتي الموضوع بردج الحلو والي يبرد القلب هذا هو الرد والا بلاش :shy:

الغاليه Banotat_Dubai مب أنا الي مسويه المكياج.. حببتي اقري كلامي بعد مره أنا قلت مب خفيف من ناحية الالوان :smile: قلت خفيف من ناحية الرسمه والتعديل يعني كمبتدئه ممتاز :up:

وتسلمين FatoOma على الرد :shy:

شو السالفة

مرحبا بالشيخات الطيبات
هذي اول مشاركة لي بس حبيت اقول ان المكياج كلش حلو
انا دايم ادرب على خواتي والاقي مشكلة مع الظل الاسود تكفيني يا الطيبة تشريحينة شوي حجي

الغاليه الخمار الاسود دشي الموضوع واقري من البدايه وبتعرفين شسالفه ومشكوره على مرورج الموضوع..

حبوبه Najm بشرحلج ولا يهمج ما طلبتي شي..
أول شي يبي الادوات المطلوبه وبتشوفين ارقام والماركات يوم رديت على الاخت شهد.. وكيفية الاستخدام:
1- بعد توزيع كريم الاساس على الوجه كاملا والبودره..
2- تأتين بظل البيج وتوزعينه على الجفن كاملا..
3- تأتين بظل الابيض أو الفضي وتوزعينه على الجفن الثابت..
4- تأتين بظل البنفسجي وتوزعينه على الجفن المتحرك حتى تصلي لخط فاصل بين الجفن المتحرك والثابت..
5- تأتين بظل أسود وتوزعينه على الجفن المتحرك ولكنلا تخفين الظل البنفسجي.. يعني توصلين لحد معين تتركين فاصل بينه وبين الظل البنفسجي.. وبعدين هاتي البودره ومسحي تحت العين عشان اذا تنثر شي يختفي ويكون الشكل مرتب..
(ملاحظه: حتى يتم تثبيت اللون واعطائه لون مميزا افركي الفرشاه بقطرات الماء ثم اغمسيه في الشادو وثم وزعيه على العين)
6- هاتي الكحل أو الايلينر ورمس العين من التحت وفوق وحددي من الداخل..
7- المسكرا.. مشطي الرموش بالماسكرى..
8- حددي الحواجب بقلم خاص للحواجب..
9- وزعي أحمر الخدود..
10 حددي الشفايف بقلم محدد الشفايف وبدين وزعي الروج بالفرشاااااه..

وتسلمون على الرد :shy:

هلا اختي سنووايت


مشكورة على الموضوع الحلو

صراحة انا اشجع كل من شجع البنت الاماراتية بوجه عام و شجع الاخت غادة بوجه خاص

لانه التشجيع يكون حافز لمزيد من التقدم

بقولكم قصة يعنى انا كنت مشغوله قبل فترة اقدم لجائزة ؟؟؟ المتميز والكل حبط معنوياتي و قالي ليش تدخلين و ليش اتعبين نفسج بس تحبيطهم لمعنوياتي زادني حماس بان اتحدى واقدم للجائزة والحمدلله قدمتها .

على العموم مشروعنا اذا حد قراه هو تبنى المواهب فكيف احنا يا بنات الامارات انحبط عزيمة و معنويات اماراتية مثلنا حتى لو كانت مبتدئة يعنى عن واقعي انا كنت اعرف بالمكياج قبل بس العوامل الخارجية لها دور في تثبيت المعلومات و تأكيدها و زيادة الخبرة من خلال الممارسة فاتمنى من كل وحده لا تقول انا اعرف احطي احسن عنها و هي ما تعرف و طلع العيوب .. ما عليه كلنا خلونا نبتدي من الصفر و انا عندي مثل يقول " من قال لا اعلم فقد افتى" لذا لو حتى كنت خبيرة انزل نفسي لمستوى التواضع ...


على العموم اكيد قالت طولت علينا بس احب الكل يشجع بنات الامارات ليش احنا انروح عند وحده لبنانية و الا سورية والا و الا و هم يجمعون من ورانا ملايين و و يروحون يسون سوايا في بلادهم يعنى مره كنت داشه صالون قبل ما افتح صالوني و اتصدقون شو قالت بنت هندية في الصالون قالت شوفي اللي يت مواطنة خلينا انزيد السعر انتي شو عليج تراها مواطنة و راعية الصالون سورية بس زين اني افهم لغتها و سمعتها و طنشت يعنى عشان احنا محتاجات اكيد لو اتحدنا ممكن انسوي دورات و دورات من خلال مواهبنا يعنى كل وحده اتسوي دوره في منطقتها و اللي حابة تحضر تحضر و بيكون برسوم رمزي

على العموم الفكرة بعدها ممكن نتداولها بعدين

بس شجعوا بنات بلادكم


اختكم


طموووووووح:clap:

هالبنات الي يشجعون الواحد يحط لهم مواضيع يستفيدون منه.. وهذا هو الرد السنع والا بلاش.. وهذا الاسلوب الراقي في الكلام والحلو الي يشجع الواحد يحط موضوع وهو مطمن..

تسلمين الغاليه طموووح على الرد وكلامج 100% وكلج ذووووووق :shy:

الغاليه سنو وايت يوم عرس بنت عمي حجزت لها عند صالون معين وفيه وحده لبنانيه تحط مكياج واااايدحلو بس للأسف طلعت محجوزه وكانت بنت عمي مصره عليها وسبحان الله وبالصدفه كانت تشتغل معاهم وحده مواطنه مبتدئه وقلت لها شو رايك هي اللي تضع لك المكياج حسيت أنها ما أقتنعت بس قلت لها هاذي مواطنه ولازم نشجعها وأكيد أنها تعرف أكثر اللي يناسب بشراتنا وفعلا أقتنعت وتصدقين يوم العرس الكل يسأل منو اللي حاطلها المكياج وما يصدقوووون أنها مواطنه وأنا لي الفخر يوم تزييني مواطنه لك ألف تحيه ....:)

هية ................................... واللة صدقج المواظنات فنانات في المكياج

تسلمين الغاليه االعاش على الرد.. والتشجيع هو المطلوب..

ومشكوره الغاليه عوشة على المرور والمتابعه.. :shy:

كمبتدئة مكياجها رهيب لكن يبالها تتدرب زيادة حتى تكون ماهرة

عاشوا بنات البلاد :clap:

ميغسى بكوة سنووايت

صح والله حلو ماشاء الله بس البنات الموديل مب لين هناك:)

ما شاء الله عليها ........ ربي يوفقها ........ :D

حلووو وااايد
يشبه مكيااج العديد من الصالونات مثل
دولي
ريتا
وغيرهم نبى شي مختلف ملينا من الستايل اللبناني نبي شي ثاني غير السموكي
يوم نروح مناسبه و لا عرس تلقى الكل نفس الستايل ليش كل الصالونات لبنانيه نبي شي غيييير يا ريت
و تسلمين

مشكووره تسلمين
;)

اللة يوفقها يارب

تسلمون الغاليات على الرد..
ومشكوره أختي عوشه على المرور والمتابعه باستمرار :shy: