مشكله الباص ارجو اعطائى حل

maro 08-09-2008 19 رد 1,862 مشاهدة
m
اليوم اول يوم لابنى بالروضه وديته فالصباح وعند الرجوع الباص اوصله والمشكله هنا فالباص:mad:طلع ميكروباص متاجر من قبل المدرسه ومش عليه اسم المدرسه واما سالت ليه كده مش الباص العادى بتاع المدرسه الى انا دافعه الاشتراك عليه قالو عشان عدد الى فمنطقتكم قليل واحنا فى منطقه بعيده شوى عن المدرسه هل ده مبرر:mad:وانا دافعه اشتراك اغلى من المناطق القريبه عشان ابنى يركب ميكروباص والولد زعلان وبيقولى ماما كنت عايز اركب الباص الكبير بتاع المدرسه:confused: تفتكرو ايه الحل بصراحه مضايقه جداااا انى ادفع المطلوب وملقيش خدمه كويسه بيقولولى كبرى دماغك المهم يوصل مدرسته وخلاص :eek:وانا مش مقتنعه وخصوصا ان المدرسه ليها باصين كبار
t
حبيبتي انتي دافعة لباص المدرسة
مش لباص تاني مابعرف شو بدي اقولك بس انتي من حقك تحصلي علي الخدمة بما انك تعطي حق هادي الخدمة

وكمان نفسية ابنك
B
هدي نفسك يا قمر أنتي دفعتي مش للباص انتي دفعتي أجرة توصيل ابنك و هما عندهم حق مش حيأجروا باص يكفي 30 طفل عشان يوصله بيه 10 أطفال!! أنا ابني لما روحت أحجز الباص سألتني عايزة باص كبير مع ابتدائي و اعدادي و الا باص روضة قولتلها لأ طبعا باص روضه و قولي لأبنك الحقيقة و ان شاء الله لما يكبر يروح الباص التاني و كل سنة و هو طيب:)
B
لو كان باص صغير بس فيه نوافذ (يعني طفلك يبان من النافذة )اي عادي

لكن باص متاجر لا لو انا مااقبل ماتعرفين ايش ممكن يصير مغلق والاطفال لوحدهم
r
حبيبتي أني ما أحسها مشكله بالعكس يمكن المايكرو يكون أريح لأبنك
لأن الباص يحمل عدد كبير من الأطفال و بالتالي يمكن يمر عليه بدري أو يرجعه عالبيت متأخر
m
Boody we zady;7156985:
هدي نفسك يا قمر أنتي دفعتي مش للباص انتي دفعتي أجرة توصيل ابنك و هما عندهم حق مش حيأجروا باص يكفي 30 طفل عشان يوصله بيه 10 أطفال!! أنا ابني لما روحت أحجز الباص سألتني عايزة باص كبير مع ابتدائي و اعدادي و الا باص روضة قولتلها لأ طبعا باص روضه و قولي لأبنك الحقيقة و ان شاء الله لما يكبر يروح الباص التاني و كل سنة و هو طيب:)


طيب انتى بتقولى سالوكى عايزه ده ولا ده لكن انا مفهمنى ان الباص العادى الى هيجيبه افاجا بعد كده انه مش هو المفروض يخيرونى او يعطونى فكره وبعدين الفكره مش انه باص روضه حتى الميكروباص ده فى ولاد بتوع ابتدائى هما مجمعين كل الى فمنطقتنا كبار على صغار
ومتشكره جدااا لكل من رد عليا ربنا يعمل الى فيه خير
a
ربنا يخليلك ابنك
ش
بصي هيا للاسف مشكله بتحصل لما الاعداد في منطقه معينه قليله
ممكن فعلا اللي يضايق انه ميكروباص مش خاص بالمدرسه بس اكيد في مشرفه تبع المدرسه طبعا لو مفيش مشرفه انتى لازم تروحى تكلميهم وبرضو شوفي موضوع ان ممكن علشان في رمضان فبيخرجو الكل في معاد واحد انما اكيد ال kg بيخرجو بدري في غير رمضان
رايي انك تروحى تتكلمى معاهم علشان تطمنى وتناقشيهم في اى حاجه مقلقاكى
م
أختي أهم شيء في مشرفة على الباص من قبل المدرسة...هذه أهم نقطة...

لو ما في يبقى مشكلة كبيرة...و روحي طالبي بحقك...
أ
بالظبط يا مارو اهم حاجة الاشراف في الباص يكون كويس و يكون في اهتمام مركز و ممكن تسألي في المدرسة تاني لو فيه امكانية ان الباص الكبير هو اللي يجيله بس بجد بالنسبة للروضة المايكرو باص اامن كتير
و ربنا يبارك لك فيه
m
شهيدة;7158752:
بصي هيا للاسف مشكله بتحصل لما الاعداد في منطقه معينه قليله
ممكن فعلا اللي يضايق انه ميكروباص مش خاص بالمدرسه بس اكيد في مشرفه تبع المدرسه طبعا لو مفيش مشرفه انتى لازم تروحى تكلميهم وبرضو شوفي موضوع ان ممكن علشان في رمضان فبيخرجو الكل في معاد واحد انما اكيد ال kg بيخرجو بدري في غير رمضان
رايي انك تروحى تتكلمى معاهم علشان تطمنى وتناقشيهم في اى حاجه مقلقاكى


مهى المشكله ياشهيده ان برضه عشان منطقتنا بعيده عايزين يخلو اطفال الكى جى ينتظروا بتوع ابتدائى عشان يخدوهم مره واحده :mad:يعنى ابنى ينزل من 7 الصبح لحد 3 العصر
انا هروح طبعا افهم كل شئ من الاداره بس كنت باخد رايكم عشان مكنش متسرعه والف شكر ليكم والحمدلله الباص فيه مشرفه وده الى مصبرنى شويه
m
يا جماعه محتاجه اسمع ارائكم
a
روحى المدرسه واتفاهمى مع الاداره وحاولى تشوفى امهات الاطفال اللى فى سن ابنك وتعترضوا كلكوا ان الاولاد تقعد لحد الساعه 3 واكيد الادراه حتستجيب وخصوصا لو هددتوا انكوا تحولوا عيالكوا من المدرسه او تسحبوا فلوس الباص او انكوا توصلوا الموضوع لاداره المنطقه التعليميه


فى حل تانى انك تخليه يروح فى الباص وانت تروحى تجيبيه
*
مرموم;7158794:
أختي أهم شيء في مشرفة على الباص من قبل المدرسة...هذه أهم نقطة...

لو ما في يبقى مشكلة كبيرة...و روحي طالبي بحقك...



و دا راييى بردو ....
m
بصى يا جميل
انا كنت فى مشروع فى مدرسه امريكيه تماما فى التجمع الخامس
وفهمت شويه حوار الباصات ده لانى وقعت فى مشكله معاهم طبعا لان التجمع لازم باص حتى للمدرسين
فبصى اللى بيحصل ايه
ان المدرسه بتاجر من شركه ميكروباصات وغالبا بتبقى نص نص مش حلوه اوى
علشان تمن باص يشتروه يعنى بيبقى غالى اوى وطبعا عايزين يوفروا
واللى شوفته قدامى اننا لما اعترضنا واحنا مدرسين ومش دافعين فلوس للباص اصلا الباص نفسه اتغير

فاللى انصحك بيه انك تروحى للمدرسه وتصرى انهم يغيروا الباص
وتاكدى الاول ان الميكروباص نفسه فى تكييف وان التكييف شغال لان دى مهمه اوى وكانت نقطه اعتراض عندى
وكمان فى حاجه
ممكن اوى بيحطوا بادج المدرسه عليه من بره بيبقى بادج كبير كده مدور وبيلزقوه او بيكتبو عليه حروف المدرسه برده بتبقى استيكر
وتاكدى ان ابنك فى كنبه او كرسى لوحده لان دى برده مهمه اوى
وتاكدى كمان انك توصلى كلامك ده مش بص لمشرف الحركه بتاع الباصات لا لمدير المدرسه كمان ساعتها بيخافو وبيعملو اللى انتى عايزاه

انا بقولك الكلام ده لانى كنت فى مدرسه وكمان امريكيه حيث انضف معامله فيكى يا مصر بجد شوفتها هناك
بس ده كان السيستم
لو موصلتيش كلامك لحد كبير محدش حيتكرك لان المصريين مصريين

بصى كمان حاجه
فى ميكروباصات كانوا برده بياجروها عندنا فى المدرسه للاطفال بس كان فى فرق فيهم
كان فى ميكروباصات نضيفه اوى وفى ميكروباصات اى كلام

وحقولك على حاجه مع الاسف هيا صحيحه بس لو حاولتى تغيرها يبقى كويس
المكيروباصات بجد متعبه اوىىىىىىىىىىىىىىىىىىىىىىىىىىىىى
انا جربت كل الاشكال الميكروباصات بجد صدقينى متعبه جدااااااا غير الباصات الكبيره مش بتحسى فيها بالحركه اوى

وفى الاخر تاكدى ان ابنك قاعد فى كرسى مريح :) وخليه فى تانى كنبه بلاش الاولى علشان الموتور تحت رجله والاخيره بتبقى على العجل :)
اتمنى اكون افدتك يا جميل
واوعى تتنازلى عن حق ليكى فى اى حته خصوصا المدارس انتى دافعه فلوس مش هوا :)
P
حبيبتى بلاش اولا تورى ابنك ان دى فعلا مشكلة علشان بس هو ضيقته مش تزيد و لو هو الميكروباص ده نظيف و مكيف خلاص مش مشكلة لان المدرسة مش هتعمل حاجة المهم تتأكدى ان باص نظيف و مكيف و لايق على اسم المدرسة و الفلوس اللى بتدفعيها و الا اطلبى من ادارة المدرسة تخفيض لان ده مش باص المدرسة و مش عليه اللوجو بتاع المدرسة يمكن يتحركوا و يعملوا حاجة
m
يابنات انا الى مخلينى اتهبل انه ميكروباص اجره هو جديد اه بس اجره :( يعنى ادفع اشتراك باص القيه كده وهما 15 طفل والمشرفه والميكروباص بياخد 11 فرد يعنى العيال قعده على بعض ولا ايه مش فهمه
m
اوعىىىىىىىىىىى ثم اوعى ثم اوعى تسكتى
بجد اوعى تسكتى
مادام العدد اصلا زياده عن العدد بتاع الميكروباص كمان اوعى تسكتى
روحتى واتكلمى
بجد فعلا حتلاقيهم قاعدين فوق بعض وحتلاقيه كل يوم راجعلك بخناقه فى الباص
:( بجد مش صح انهم يعملو كده المفروض يبقى فى ضمير شويه

معلش يابنتى انا مش بولعك مش قصدى بس انا اتخنقت من الحوار ده اوى قبل كده ومتخيله اللى انتى بتتكلمى فيه
مع العلم انى بقعد فى كنبه لوحدى ولما اتخانقت وعملت حوار بقينا فى مينى باص وبقيت فى كرسيين لوحدى
بجد روحى وشوفى ممكن تعملى ايه
m
ربنا يخليكو يابنات مش عارفه ليه الضمير اتعدم والتعليم بقى عمليه تجاريه :(
n
مارو روحي اعملي بالو في المدرسه ..... عشان من الواضح ان الناحيه التجاريه هي الغالبه في المدرسه بتاعه ابنك و لما تعملي دوشه هيرجعوا في كلامهم
X