عندي سؤال؟؟؟؟احس انه معجزه؟

ع

عروس قديمه

مشرفة سابقة

31-03-2002 | 03:00 PM

يا جماعه....ابي اسألكم؟؟

انا من النوع اللي اكره الخادمات...وما ودي اني ادخل الخادمة بيتي؟؟؟شو تسوي؟؟محد الا انا وزوجي؟

انا اوجه السؤال للمتزوجات العاملات....

هل معجزه انها تستغنى عن الخادمه؟؟؟؟

يعني صرنا لما نسمع عن وحده تشتغل وما عندها عيال..وما عندها شغاله ...رده فعلنا كيف تكون؟؟؟

معقوله؟؟لا مستحيل؟؟؟؟اكيد تكذب عليكم؟؟؟؟لا هذي معجزه؟؟؟

كيفالزوجه العامله.......تنظم وقتها...
بحيث اعطي كل واحد في البيت حقه...
البيت و الزوج الاطفال..وانا؟؟؟

ا

ام لمى

عروس مشرقة

31-03-2002 | 03:33 PM

انتي ليه مستعجله على الهم..............:(

ماعليك في حكي الناس تراه يودي في داهيه............:eek:

صحيح انا ما اشتغل وفضلت الجلوس عند عيالي ...........ز:D

اخبرك بقصتي ......سنه من السنين كنت اختبر ثانويه عامه.........

وماكان عندي شغاله .......كنت في البلد الي امي موجوده فيه الله يعطيها العافيه

كنت اصحى في الصباح اودي عيالي عندها وارجع الضهر استنى اي احد

اخوي خالي المهم اي واحد يحن عليا يوديتي بيتي

ارجع ارتب البيت اسوي الغداء وفوق هذا كله كنت حامل:confused:

تصوري المأساه الي كنت عايشه فيها

تدرين ليش بس علشان ما اجيب شغاله...........

كيف انتي وزوجك بس في البيت نصيحه مني ............(a)

ماعليك في الناس اعتني بمملكتك ........

ولما يجو العيال هذيك الساعه فكري بالشغاله .........

وبنفكر معاك......... لي ملاحظه((( اذا كنتي حامل تراني اول وحده بتقول جيبي))(l)

ر

رومانسيه

مشرفة سابقة

31-03-2002 | 07:34 PM

ما شاء الله الاخت ام لمى كفت ووفت,,,

البيت اللي يحتاج خادمه...يكون سكانه وايد..بس اذا انتي ساكنه انتي و زوجج بس..احسن لج لا تييبين خدامه...

و تقدرين توفقين بين الشغل و البيت..

الله يوفقج...و توصلين للحل المناسب انشاء الله

ع

عاشقة الجهاد

عروس مشرقة

31-03-2002 | 07:42 PM

هلا أختي عروس قديمه...تراني انا مثلك ما أداني شئ أسمه خدامه......هالمصطلح عندي يعني عثره...هم ....حسد....

بس نصيحتي لك ما تيبين خدامه......ما أدانيهم وخصوصا الاندونيسيات

والسموحه

ب

بنت الكويت

عروس متألقة

31-03-2002 | 09:12 PM

الله يسلمج الخدم شر لابد منه..
بس اذا انتي و زوجج بس ماله دااعي اتيبوون خدامه اتراقبكم ليل و نهار.. بعدين حتى انتوو ما تاخذوون راحتكم..
و حتى اذا عند بيبي واحد تقدرين اتخلينه عند والدتج في الاوقات الي انتي مشغوله فيها..
اما اذا عندج اكثر من بيبي فاا اعتقد لازم اتييبين..

عاشقة الجهاد..
ايي و الله الاندونيسيات افف يقهروون و الله كان عندنا وحده افف اتبط الجبد اشووه وديناها و افتكينا منها..

ع

عروس قديمه

مشرفة سابقة

31-03-2002 | 09:46 PM

يا جماعه انا ما اتكلم عن نفسي....

انا اتكلم بصفه عامه...
ليش لما الوحده تشتغل و عندها اطفال ضروري تجيب خدامه....

ليش ما تقدر تنظم وقتها لوحدها...
ليش صار من المعجزات انها تدير امورها بدون خدامه....

انا ان شاللله قريب...

بشتغل..وبسوق ....

واذا ربي كتب لي...بيرزقني بأطفال في المستقبل....

ساعتها.....
هل بقدر اوفي بحقوق كل واحد في الاسرة و بيتي و نفسي؟؟بدون خدامه.؟؟؟

اشكركم على تجاوبكم معاي...
خاصة ام لمى..اللي احسها فعلا عااااانت....بدون خدامه....
وفعلا الاندنوسيات اذيه؟؟؟:s