اللى عاوزه تتعلمى اكسسوار..خطوه خطوه ..ياريت تنورنا

الله يعطيك العافيه

مهراجه;7541124:
الله يعطيك العافيه

يعطينا واياكى يا قمر

شكرا على المرور الرائع

ريهام2010;7211991:
الشكر لله يا عسل

سؤالك جميل أوى(y)

بصى ياستى

انتى الاول بتجيبى أى رسمه عجباكى

من النت أو من أى حته

شرط تكون بسيطه.... في الاول يعنى

ولو مش متلونه ابدأى وزعي عليها الالوان اللى حباها..يعنى لونى الرسمه على كيفك

وطبعا هتظبتى ألوانها مع ألوان الخرز اللى عندك

وكبريها على المقاس اللى عاوزاه

وبعد كده أطبعيها على ورقه مربعات (نص سم)...هتلاقى الرسمه اتقلبت لمربعات

وأتعاملى مع كل مربع (نص سم ) على انه خرزه

وأبدأى اشتغلى...يعنى مثلا موجود في أول الرسمه عندك مربع كحلى وبعدين مربع لبنى وبعدين

مربع كحلى تانى يعنى هتحطى في الخيط اللى عندك خرزه كحلى وبعدين لبنى وبعدين

كحلى...وعدى المربعات اللى عندك وحوليها لخرز...وبكده تصميمك هيطلع ذي ما أنت عاوزاه




يارب أكون اتوفقت في اجابه سؤالك:9_33:

وأنا تحت أمرك وأمر البنات في أى استفسار يا أحلى كرستاله في الدنيا:21_140:

:9_28:

:Zb_sor1: مش فاهمه :21_157: :poster_spam:

ريهام2010;7224711:
مرسى أوى على كلامك الجميل ده يا قمر:Za_thanx:

أنا سعيده جدا أن الموضوع عجبك:yahoo:

وأى حاجه واقفه قصادك في الشرح.. انا تحت قمرك

اما بأه بالنسبه للسؤال الجامد جدا بتاعك:icon9:

شوفي ياستى:

أحنا أستعنا أصلا بالمربعات ...على أساس واحد بس

ان كل مربع..بيمثل خرزه ..

فلما هتيجى تلونى المربعات بعد ما تطبعى التصميم هتلونيها على الاساس ده

لون المربع =لون الخرزه

كل مربع=خرزه

علشان الشغل يكون أكثر دقه

وأحنا اللى هنكون متحكمين في الموضوع

فاحتماليه أن المربع يتقسم ..أنتى ياقمر اللى مش هتسمحيلها بالحدوث

سؤالك جميل جدا..مشكوره عليه..علشان أكيد كان هيشغل اهتمام ناس كتير

الف شكر على اهتمامك:smile:

وانا في الخدمه دايما لاى أستفسار ياجميل::B_wink:

:9_28:

انا فرحانه اوى يارهومه انى اونلاين وانتى كمان اونلاين اول مره اتلاقى معاكى اونلاين انا مبسوطه :21_104:
بس مش فاهمه ازاى تطبع على المربعات:21_184::21_184:

بتقولى على غبيه يا رهومه صح؟ :21_209:

وهو ينفع ارسمها على مربعات وانا اصلا مش بعرف ارسم ؟ :21_30:

omroaa;7544172:
انا فرحانه اوى يارهومه انى اونلاين وانتى كمان اونلاين اول مره اتلاقى معاكى اونلاين انا مبسوطه :21_104:
بس مش فاهمه ازاى تطبع على المربعات:21_184::21_184:

بتقولى على غبيه يا رهومه صح؟ :21_209:

وهو ينفع ارسمها على مربعات وانا اصلا مش بعرف ارسم ؟ :21_30:

انا الى فرحانه اوى بيكى

متعرفيش اد ايه

والله لو طلبتى عيونى ما يغلوا عليكى يا قمر

انا هشرحلك الموضوع واحده واحده بالصور من الاول

والله بس علشان خاطر ام رؤى العسل المهتمه الجميله

والله يا ريهام انا مش عارفه اوصفك بايه
انتى شخصيه زى العسل
زوق وحبوبه وشفافه والله مش عارفه اديكى حقك فى الوصف
ربنا يجازيكى كل خير ويوفقك فى حياتك ويديكى على أد قلبك الجميل
ياريت تقبلى :flower: منى

بسم الله الرحمن الرحيم

والصلاه والسلام على اشرف الخلق اجمعين




اللهم صلى وسلم وبارك على سيدنا محمد


اولا موجود في بدايه الصفحه رقم 3 التقنه الاساسيه اللى احنا اتعلمناها

واللى بيها نقدر نعمل مثلا كوليه جميل زى ده






او حزام زى ده






والسؤال اللى طرحته ام رؤى الجميله كان ان الحاجات دى ممكن تبدوا بسيطه وسهله طب ازاى بنفس التقنيه اقدر اعمل كليه دقيق ذى ده

http://www.3roos.com/uploder/uploded20080901/280023/11224965288.jpg


شوفي يا ستى

بس صلى على النبى في الاول



انا كنت قلت ان احنا هنجيب اولا ورقه مربعات( نص سم) موجوده وبتتباع في المكتبات تمام


بعدين هنجيب الصوره اللى احنا عاوزينها

يعنى مثلا

ام رؤى ست شاطره وجميله

جابت الادوات وابتدت واشتغلت وقدرت طبعا تعمل حزام جميل لرؤى ذى اللى فوق بالظبت

فلقت الموضوع سهل عليها وحبت تعمل حاجه جامده جدا



وهى انها تجيب صوره رؤى وتعملها لوحه بالخرز .... او حتى دلايه صغيره لرؤى الجميله عليها صوره الدبدوب بتاعها ..... هو يعنى اللى عملت الكوليه ده احسن منها

http://www.3roos.com/uploder/uploded20080901/280023/11224966026.jpg


طيب هتعمل كده ازاى

شوفوا بقى


اولا هى هتجيب ورقه المربعات اللى قلنا عليها يعنى هتقطعها مثلا من كراسه تفصيل عندها

وبعدين هتجيب الصوره الجميله اللى عجباها وتشفها بالكلك او الشفاف ( يعنى الموضوع لا فيه رسم ولا حاجه )

وتطبعها بعد كده على ورقه المربعات ....... يعنى تقلب الشفاف بعد ما تشف عليها الصوره وبعدين تحطها مقلوبه على ورقه المربعات وتمشى على الخطوط تانى

هتلاقى الصوره زى ما هي بس طبعا رصاص هنلونها بقى بالالوان عادى جدا

او طريقه سهله خالص هتريحنا من الموضوع ده


ان احنا ناخد الصوره اللى عجبانا ونروح لمكتب تصوير نظيف يحولهالنا بالفوتوشوب الى مربعات نص سم ويطبعهلنا بالوانها ذى ما هى



المهم يكون عندنا الصوره مطبوعه بالالوان ....... نروح بعد كده نشترى الخرز بالالوان اللى تعجبنا واللى طبعا في الصوره



جميل ........ بس ايه اصلا لزمه المربعات؟



المربعات دى هتسهلنا كتير اوى ان احنا نجيب الصوره بالظبت زى ما هى

لان احنا حولنا الصوره اصلا لمربعات وهنعتبر كل مربع خرزه ...... ونبتدى بأة نحسب ونعد

يعنى مثلا بدايه الصوره اللى هو اول سطر هنبتدى بيه ذى ما احنا شايفين هنا مثلا


http://www.3roos.com/uploder/uploded20080901/280023/11224966946.jpg

6خرزات فوشيا مثلا وبعدين.. 3 بمبي وبعدين 7 بيج وبعدين6 اخضر مثلا يعني

يعنى اول سطر في الورقه اللى عندنا هيبقى فيها 22 مربع وبالتالى هنبتدى ب22خرزه

يااااارب يكون الشرح مفهوم


وزى ماموجود في ورقه المربعات هنتعامل مع الخرز

يعنى بمعنى اصح هنحول المربعات بالوانها لخرز على الطبيعه

وهنمشى سطر سطر بالتقنيه اللى احنا اتعلناها في الدرس الاول اوالتالت لغايه ما الصوره تخلص الموضوع هيكون بضئ شويه بس النتيجه تستاهل


وياااارب يا ام رؤى يا جميله الشرح يكون مفهوم شويه ولو في حاجه مش فهمتيها انا في الخدمه وتحت امرك دايما

وتأكدى ان مع التطبيق الموضوع هيكون اسهل بكتير والامور هتوضح

مستنياكى يا قمر

شرحك جميل وسهل يا رهومه والمهم ان انتى حطيتى صور التصميمات اللى عجبانى فعلا
زى ماتكونى قاريه افكارى سبحان الله
بس انا حاسه ان طريقة النول اسهل وهاتدى نتيجه اجمل وهو ينفع اشتغل بالمربعات برضو على النول ؟
معلشى استحملى غباءى ومخى الطخين انا بحب اوى الاشغال اليدويه بس مش عندى وقت اعملها وعندى يومين اجازه عايزه استغلهم قبل ما ارجع الشغل تانى نفسى ابقا نص اروبه من اروبتك يا رهومه
استحملينى

omroaa;7544584:
والله يا ريهام انا مش عارفه اوصفك بايه
انتى شخصيه زى العسل
زوق وحبوبه وشفافه والله مش عارفه اديكى حقك فى الوصف
ربنا يجازيكى كل خير ويوفقك فى حياتك ويديكى على أد قلبك الجميل
ياريت تقبلى :flower: منى

ياااااااااااااااااااااااااارب

كلامك جميل اوى يا ام رؤى يا عسل

مش عارفه ارد عليه اقول ايه

واكيد كله من بعض ما عندكم

انا تحت امرك يا جميله

وانا بتصفح دلوقتى يا رهومه لقيت اكسسوارات حلوه اوى بعجينة السيراميك
ياريت يافنانه لوفيها رزاله منى يعنى لو عندك فكره عن عجينة السيراميك
تفيدينا بيها بطريقتك المبسطه الجميله
اصل انتى اسلوبك جميل فى الشرح

تسلم ايديك يا ريهام
شرحك سهل
انا متابعه معاكى

omroaa;7544919:
شرحك جميل وسهل يا رهومه والمهم ان انتى حطيتى صور التصميمات اللى عجبانى فعلا
زى ماتكونى قاريه افكارى سبحان الله
بس انا حاسه ان طريقة النول اسهل وهاتدى نتيجه اجمل وهو ينفع اشتغل بالمربعات برضو على النول ؟
معلشى استحملى غباءى ومخى الطخين انا بحب اوى الاشغال اليدويه بس مش عندى وقت اعملها وعندى يومين اجازه عايزه استغلهم قبل ما ارجع الشغل تانى نفسى ابقا نص اروبه من اروبتك يا رهومه
استحملينى

الف شكر على كلامك الجميل يا ام رؤى يا جميله

وبالنسبه لتوارد الافكار ده شئ طبيعى للناس اللى بتحب بعض

اما بقى موضوع النول فدا شئ نسبى .... في ناس سهله عليهم الطريقه الاولى لانهم ما استعملوش النول قبل كده وناس عارفه النول فبيوفروا على نفسهم ويستخدموا


وهو طبعا اكيد اسرع وبيطلع التصميم ادق .... وبرا مش بيستخدموا غيره

اما بقى بالنسبه للمربعات فانتى مش هتحتجيها اوي ... لان النول لوحده هيظبط معاكى

بس طبعا لازم تحطى التصميم بتاعك تحت خيوط النول علشان تبقى عارفه انتى ماشيه ازاى وما تتلخبطيش مع الالوان ويطلع معاكى التصميم مظبوط

وياستى انا تحت امرك ي اى استفسار

ولازم تعرفي انى سعيده بكى جدا وبحماسك .... ما شاء الله عليكى

منى عينى;7546547:
تسلم ايديك يا ريهام
شرحك سهل
انا متابعه معاكى

وانا سعيده اوى بكى ما تعرفيش اد ايه

تسلميلى يا قمر

والموضوع نور بيكى

omroaa;7545778:
وانا بتصفح دلوقتى يا رهومه لقيت اكسسوارات حلوه اوى بعجينة السيراميك
ياريت يافنانه لوفيها رزاله منى يعنى لو عندك فكره عن عجينة السيراميك
تفيدينا بيها بطريقتك المبسطه الجميله
اصل انتى اسلوبك جميل فى الشرح

ربنا يخليكى ليا ياااااااااااارب

حاضر يا قمر من عنيا

اوعدك موضوع الاكسسوار بعجينه السيراميك

ينزل قريب جدا علشان خاطر عيونك

انتى تؤمرى ....... وانتى عارفه

تعالو النهارده يا احلى بنات في احلى منتدى نشوف حاجه جديده خالص ....... او بمعنى اصح نبتدي في مجموعه دروس جديده


اشارت لينا ام رؤى القمر بفكره هايله وهى عجينه السيراميك


بس احنا بما اننا في موضوع بينكلم عن الاكسسوار ......... يبقى اكيد هنتعلم عجينه السيراميك علشان نعمل بيها اكسسوار بشكل مختلف طبعا ذى ما اتعودنا دايما



تعالوا الاول نسمى و نصلى على النبى



ونشوف ممكن نعمل ايه مختلف بعجينه السيراميك




بسم الله الرحمن الرحيم

اللهم صلى وسلم وبارك على سيدنا محمد


انهارده هنشوف التصميمات


وفي الدروس الجايه ان شاء الله هنشوف( طريقه عمل العجينه) ... (وازاى ممكن نشكلها بكل اساليب التشكيل الممكنه)





ومش عوزاكو تتخضوا انا وعدتكوا انكوا هتشوفوا حاجات مختلفه ان شاء الله ومش هسيبكوا الا لما تتعلموها

http://www.3roos.com/uploder/uploded20080901/280023/11225043784.jpg


http://www.3roos.com/uploder/uploded20080901/280023/11225043931.jpg


http://www.3roos.com/uploder/uploded20080901/280023/11225043978.jpg



وبأذن الله مش هتتعلموا تعملوا قلادات وبس .......... لأ داحنا هنتعلم ازاى نعمل الخرز اصلا بتاع العقد ونتحكم في شكله وحجمه كمان


الى اللقاء في الدروس القادمه ان شاء الله .......... انتظروووووووووووونى

ريهام يافنانه ... انتى بجد حرجانى بذوقك وطيبتك
ربنا ما يحرمناش منك ياقمر
وعلى فكره يارهومه انا نزلت شوية اشكال من عجينة السيراميك ومن عجينة الصلصال الحرارى تحفه
عاوزه اعرف ازاى انزلهم علشان افرجهم لك

omroaa;7553958:
ريهام يافنانه ... انتى بجد حرجانى بذوقك وطيبتك
ربنا ما يحرمناش منك ياقمر
وعلى فكره يارهومه انا نزلت شوية اشكال من عجينة السيراميك ومن عجينة الصلصال الحرارى تحفه
عاوزه اعرف ازاى انزلهم علشان افرجهم لك

ياستى ده من بعض ما عندكم

ربنا يخليكى ليا يااااااااااارب

اما بقي بالنسبه للحاجات اللى نزلتيها على جهازك هعرفك ان شاء الله تنزليهم ازاى

بصى يا ستى صلى على النبى



انتى هتنزلى بالماوس بتاعك عادى عند الرد السريع

مكتوب في اخره مستطيل مكتوب عليه (تحرير متقدم) دوسى عليه واستنى شويه

هتطلعك لوحه المفروض انك بتكتبى عليها عادى جدا

في اعلى اللوحه دى .... في 3 شرايط للادوات اللى بتاحتاجيها وانتى بتكتبى

سيبك من الول والاخير وركزى على اللى في النص

في اخره هتلاقي مربع احمر مرسوم عليه سهم

لو روحتى عليه بالماوس هتلاقى اسمه( مركز رفع الملفات ).....دوسى عليه

هتطلعلك لوحه تانيه لوحه ( مركز رفع الملفات) هدوسى على Brows وتختارى بعد كده الملف بتاعك من جهازك عادى ........ وبعد كده تدوسى على ( رفع الملف)

وتستنى شويه

هيظهر عندك( رابط مباشر ) بتاع عروس اعمليله copy وبعدين في المكان اللى بتكبى في عادى ارجعى واعملى paste .

وبكده رابط الصوره هيبقى نشط ويبان بعد كده

يااارب اكون ما طولتش عليكى والشرح يكون سهل

ويارب تكون الصور يا قمر كلها بتتكلم عن الاكسسوار اللى بيتعمل من عجينه السيراميك

مستنينك تتحفينا

وعلى ما تحمليهم اكون انا نزلت الدرس التانى بتاع عجينه السيراميك


سلام يا جميل

السلام عليكم ورحمة الله وبركاته
ازيك ياريهام يا قمر
ايه الابداع داه
ما شأ الله عليك اكثر من رائع

انا مش عارفه اقولك ايه بس على خدماتك دى
كل حاجه اطلبها الاقيها
ربنا ما يحرمنيش منك ابدا يارب
لحظه واحاول انزلك الصور