اللى عاوزه تتعلمى اكسسوار..خطوه خطوه ..ياريت تنورنا

اسكندرنيه;7212399:
حلو وساهل مشكوووره

الشكر لله سبحانه وتعالى

ومرسى أوي على ردودك ياعسل

:9_28:

كريستالة النيل;7213000:

مشكوووووووووووووووووووورة ريهام 2010 :8875:

على نقل المعلومة بالبساطة دى :z_clap: :up: :clap:

بس .......... فيييييييييييييين الدرس الجديد :think: :cry:

الشكر لله سبحانه وتعالى

انتى تؤمري يا عسل

والدرس الجديد نازل في القريب العاجل ان شاء الله

انتظرووووووووووووووووووووووووووووووووووونا

:9_28:

ماشاءالله
ربنا يباركلك يارب يا ريهام
بجد شغل تحفه والشرح اسهل من كده مفيييييييييييييييش
اينعم انا فى النص بحس انى غبيه بس بركز تانى بلاقى نفسى فهمت :)

بجد يالا كملى انا بحب الحاجات دى اوى
بس فى سؤال فى موضوع الرسومات
مش ممكن نلاقى مربع ( نص سم) نصه لون ونصه التانى لون تانى؟؟
نعمل ايه بقى فى الحاله دى
نطنش ونمشيها زى ما نشوف ولا ليها حل صحيح ؟

بجد ربنا يباركلك ويوفقك

جزاكى الله الجنه يا جميل

mashimaro16;7220864:
ماشاءالله
ربنا يباركلك يارب يا ريهام
بجد شغل تحفه والشرح اسهل من كده مفيييييييييييييييش
اينعم انا فى النص بحس انى غبيه بس بركز تانى بلاقى نفسى فهمت :)

بجد يالا كملى انا بحب الحاجات دى اوى
بس فى سؤال فى موضوع الرسومات
مش ممكن نلاقى مربع ( نص سم) نصه لون ونصه التانى لون تانى؟؟
نعمل ايه بقى فى الحاله دى
نطنش ونمشيها زى ما نشوف ولا ليها حل صحيح ؟

بجد ربنا يباركلك ويوفقك

جزاكى الله الجنه يا جميل

مرسى أوى على كلامك الجميل ده يا قمر:Za_thanx:

أنا سعيده جدا أن الموضوع عجبك:yahoo:

وأى حاجه واقفه قصادك في الشرح.. انا تحت قمرك

اما بأه بالنسبه للسؤال الجامد جدا بتاعك:icon9:

شوفي ياستى:

أحنا أستعنا أصلا بالمربعات ...على أساس واحد بس

ان كل مربع..بيمثل خرزه ..

فلما هتيجى تلونى المربعات بعد ما تطبعى التصميم هتلونيها على الاساس ده

لون المربع =لون الخرزه

كل مربع=خرزه

علشان الشغل يكون أكثر دقه

وأحنا اللى هنكون متحكمين في الموضوع

فاحتماليه أن المربع يتقسم ..أنتى ياقمر اللى مش هتسمحيلها بالحدوث

سؤالك جميل جدا..مشكوره عليه..علشان أكيد كان هيشغل اهتمام ناس كتير

الف شكر على اهتمامك:smile:

وانا في الخدمه دايما لاى أستفسار ياجميل::B_wink:

:9_28:

طب ريهام
ممكن تنزلى الدروس بسرعه شويه :)
انا عارفه ان طلبى رزل بس انا بحب استمتع بالحاجه اوى
وعندى اقتراح
ينفع تقولى للادراه انهم يخلو كل الدروس ورا بعضها ؟؟ حيبقى افيد اعتقد ولا كده احسن علشان الاسئله تبقى بعد كل درس؟

يالا بقى يا جميله كملى انا مستنيه
نفسى اوصل معاكى لحاجات كتيره اوى
:) اصلى خلاص بقيت عاطله وفاضيه :)

موضوع مميز وانا احب الاعمال اليدوية

mashimaro16;7227326:
طب ريهام
ممكن تنزلى الدروس بسرعه شويه :)
انا عارفه ان طلبى رزل بس انا بحب استمتع بالحاجه اوى
وعندى اقتراح
ينفع تقولى للادراه انهم يخلو كل الدروس ورا بعضها ؟؟ حيبقى افيد اعتقد ولا كده احسن علشان الاسئله تبقى بعد كل درس؟

يالا بقى يا جميله كملى انا مستنيه
نفسى اوصل معاكى لحاجات كتيره اوى
:) اصلى خلاص بقيت عاطله وفاضيه :)

الف بعد الشر عليكي من الفراغ

معلش أنا أسفه أوي على التأخير بس كنت بشوف ايه جديد ممكن نتعلمه سوا

متزعليش يا قمر

أما بالنسبه لحكايه أن الدروس تبقى ورا بعض أنا هراسل مشرفهه القسم وأقترح عليها الاقتراحين

وأكيد الانسب هتعملهولنا .. ان شاء الله

حالا هبتدى دلوقتى ... بس أرد على باقى البنات
:9_28:

العصفورة الوحيدة;7227377:
موضوع مميز وانا احب الاعمال اليدوية

مرسييييييييى أوى على زوقك

وأن شاء الله هنحببك في الاعمال اليدويه أكتر

:9_28:

كريستالة النيل;7230027:

ريهام :87457:
انتى فييييييين غيبتى علينا ليه كدا :sad: :poster_spam: :cry:
لعل المانع خييييييييييير ان شأ الله :think:

:groupwave:

:Zb_sor1:



انا أسفه أوى على الغيبه

وهبتدى حالا يا قمر ومرسى خالص على السؤال

:9_28:

بسم الله الرحمن الرحيم

والسلام عليكم ورحمه الله وبركاته

قبل ما نقول أى حاجه يالا نصلى كلنا على رسول الله صلى الله عليه وسلم..خاتم النبيين أجمعين

الدرس الرابع يا أحلى بنات كانت نهايته شويه تصميمات لتطبيق تقنيه كنا اتعلمناها

وجه بعد الدرس سؤالين جامدين جدا لبنتين حلوين جدا وضحولنا حاجات كتير مكنتش

واضحه ...يارب أكون اتوفقت في الاجابه عليهم

هعرض دلوقتى.. باقى التصميمات اللى عندى .. وبعدين هنشرح حاجه صغيره باقيه علشان نكون

ختمنا التقنيه دى بشكل كويس...ونبتدى في الدرس السادس بتقنيه جديده خالص ..ان شاء الله



واللى هيبقى عندها أى أستفسار بخصوص اللى فات أنا على استعداد تام وربنا المعين

يالا بسرعه نصلى على النبى ونبتدى نشوف أحلى صور ونشوف ممكن نتعلم منها ايه



الصوره دي فيها شويه أكسسوارات حلوه أوي من التقنيه اللى أتعلمناها بالظبت .. واللى عملت

الاكسسوارات دي معملتش أكتر من اللى اتعلمناه .. يعنى أنتى كده معدكيش أى حجه .. علشان

تعمليلنا أحلى شغل






وذى مانت شايفه التقنيه دى جميله وممكن نعمل منها حاجات كتير ( كوليه - أسوره - حلق - جراب موبايل- الخ ) وانتى وشطارتك بقا





واللى عندها أى أستفسار في التصميمات دى أو في غيرها أنا مستعده واللى واقف قصدها حاجه برده مستعده





وده كوليه جميل أوى وألوانه حلوه أوى وفي اللبس تحفه .. وممكن تلبسيه على أي حاجه ساده





والله .. على الحزامين دول لما تكونى أنتى الى عملاهم

أكيد مش هتصدقى ان هما سهلين

لو جربتى تشتغلى هتصدقي

وهتعملى أحلى منهم كمان






ودى لوحه كلها بالخرز.. والله سهله جدا .. وتعرفوا تعملوا أحلى منها وبنفس التقنيه اللى أتعلمناها

ودرس انهارده هيبقى مفجأه للى عاوزه تعمل لوحات حلوه





تعالو بقى نشوف محضرالكم ايه انهارده

الاول بس نعمل ايه....اممممممممممممممممممم....اللهم صلى وسلم وبارك على أشرف الخلق أجمعين

احنا لما هنشتغل الشغل اللى فات...خلاص هنبقى محترفين

المفروض نكون ملينا بتنا بالشغل ده

بس هتوجهنا مشكله واحده

الوقت..............وما ادراكم ما الوقت

كمان التكنك لازم يكون عالى أوى

وعلشان احنا بنات مسلمات حلوات لازم نعمل شغلنا على أكمل وجه وعلى أعلى مستوى

ركزوا معايا .. أنا عارفه ان كلامى كتير بس معلش أستحملونى شويه

أنا جايبالكم انهارده الحاجه اللى هتختم الدرس ده ... واللى تخلينا ممكن نشتغل ونبيع وننتج شغل يدوى تحفه..وفي وقت قليل جدا



النول





تعرفوا



كتير مننا يعرفوا .. اشتغلنا بيه في المدرسه

بس اللى يعرفوا .. يجى في باله على طول شغل السجاد... الكروشيه

انما ممكن نشتغل خرز جوه النول ... ويترى هتبقى ايه النتيجه .. وهنستخدمه ازاى


هو ده درس النهارده


تعالو نشوف


ده نول عادى جدا ...برواز خشب ... اتشد عليه الخيط ... بأى طريقه انتي متعوده عليها .. كله واحد

أهم حاجه الخيوط تكون مشدوده أوى .. وتكون المسافه بينها قريبه .. واللى متعرفش تشد النول

بس تقولى وأنا أعلمها



في أنواع كتيره أوى من النول.. اما انه يكون برواز خشب وخلاص .. تعمليه انتى أو يتعمل عند النجار





أو يكون أحدث شويه ذى ده

بيه بتقدري تتحكمي في حاجات كتير

والاتنين على فكره زي بعض..........والشاطره بتعمل ايه؟





تعالو نشوف بعد ما نشد الخيط ذى ما أتفقنا.. هنشتغل بيه ازاى




احنا هنجيب خيط وابره ونجهز الخرز... وبعدد الخيط اللى احنا شادينه في النول هنحط الخرز في الابره و الخيط

وهنشتغل واحد على واحد...يعنى هنطلع وننزل .. هنطلع بالابره على أول خيط من المشدودين

وننزل تحت الخيط اللى بعديه..وكل مانطلع فوق الخيط بالابره نسيب أخر خرزه فيها.. يعنى مابين كل خيطين هنسيب خرزه.. معلش ممكن الموضوع يكون صعب شويه في الشرح بس لو طبقنا هنفهم أكتر .. واللى اشتغلت نول قبل كده الموضوع هيبقى سهل عليها كتير.... تعالو نركز جامد في الصوره دى يمكن نفهم اكتر




خدو بالكم من عدد الخرز اللى في الخيط وعدد الخيوط المشدوده...وكل ما نخلص سطر هنرجع ونحط عدد خرز جديد .. وناخد السطر اللى بعده

أنا عارفه ان الدرس ده صعب شويه... بس صدقونى .. ده بيوفر في الوقت كتير جدا وبيعمل شغل تحفه.. للى عاوزه تشتغل وتنتج..يعنى النول بيطلع قطع أجمل وفي وقت أقل

وبيدى نفس النتيجه بتاعه التقنيات اللى فاتت ... أنا حبيت أحط كل حاجه ادامك وأنتى عليكى تختارى الاسهل والاوفر بالنزبالك .. علشان أكون أديت كل اللى عندي



ودى صوره كمان



وبكده أكون خلصت التقنيه دي خالص.. وشوفنا كل أنواعها

الحمد لله الذى هدانا لهذا وما كنا لنهتدى لولا أن هدانا الله

لو فيه اي استفسار أنا تحت أمركم

ويارب يكون الموضوع كان بسيط

ان شاء الله الدرس السادس تقنيات جديده

استحلفكم الدعاء

السلام عليكم ورحمه الله وبركاته

هوريكم قطعتين بالخرز ............ بنفس الطريقه










بس ماتتخضوش















عادى يعنى :21_184:

نعرف نعمل أحسن من كده 100 مره:dontknow:









والله والله والله بالتقنيه اللى اتعلمناها



لو حد عنده استفسار عن كيفيه عمل أى تصميم في اللى فاتوا انا اتمنى أخدم:smile:

:9_28:

ريهااااااااااااااااااام
اخيرا اتحفتينا بالدرس الجديد

مبروك علينا
بصى ياستى
انا فى حاجه مش فاهمه ازاى يعنى الخرزه لما حعديها ما بين الخيوط اقولها استنى انتى هنا ومتتحركيششش؟؟
حساها طبعا حتتحرك :( جايز انا غبيه مش عارفه بس ده اللى جه فى بالى

ريهام يا قمر حمد لله عالسلامة
بصى بقى ياستى لو موش هنتقل عليكى
ممكن تجيبى صور من قريب توضح الغرز والطريقة لان حاسة انى موش فاهة قوى

بسم الله الرحمن الرحيم

اللهم صلى وسلم وبارك على سيدنا محمد

واضح جدا أن الموضوع بتاع النول متفهمش أوى

بس أرجع وأقول أنه في النهايه بيدى نفس نتيجه التقنيتين اللى فاتوا اللى أحنا طبعا كنا فهمنهم

ومع ذلك هحاول أشرح الموضوع بطريقه أسهل

ركزو معايا

احنا في البدايه هنجيب برواز خشب عادى جدا

بالحجم اللى احنا عاوزينه

اقولكو ..احنا ممكن نروح لاى نجار ونقوله اعملنا نول...وهو هيعمله مع نفسه..احنا هنوجع دماغنا ليه ...هو احنا فاضين

جبنا البرواز الخشب

فيه ..ستين قلف.. طريقه لبدايه للشغل عليه



فيه طريقه سهله جدا أتعلمناها في المدارس


ان احنا نجيب شويه مسامير .. وشاكوش .. ومسطره ..وقلم رصاص.. وطبعا ماتنسوش تجيبوا

البرواز الخشب من عند النجار..وعلى فكره أنتوا ممكن تلاقوا في المكتبات..مكتبه سمير وعلى مثلا

هنلاقيه جاهز


هنجيب البرواز .. وعند أى ضلعين متوازين فيه هنجيب المسطره والقلم ونعلم .. يعني هنحط نقطه كل اتنين مل .. مثلا

وبالمسامير الرفيعه الطويله بتعاتنا .. هندقها بالشاكوش على النقط اللى علمناها .. على الخطين المتوازين


أدى النول وأدى المسامير مدقوقه فيه




يارب يكون لحد هنا فاهمين كويس

وممكن بدل المسامير ووجع القلب ... نلف الخيط على النول .. هنشد كويس .. الخيط يكون

تخين..خيط صياد مثلا..أو الخيط النايلون بتاعنا..ونشد بالمسافه اللى قولنا عليها .. أوحسب تخانه

الخرز ياعنى مثلا عندنا خرزه رفيعه .. تبقى المسافه بين الخطين ديقه..والخ

ادى شكل النول اللى الخيط ملفوف عليه



والسسته اللى فوق علشان تحددلنا المسافات أكتر ..ممكن نستغنى عنها خالص

ده شكل النول اللى ممكن نعمله في البيت

طب الانوال الجاهزه والمخصوصه شكلها ايه؟..اللى ممكن نلاقيها في المكتبات

الاول:




الثانى:




الثالث:



وأشكال وأنواع كتير على حسب الموجود في كل بلد..وعلى حسب الشكل اللى هنعملوا



ركزوا معايا .. وصلوا على النبى

معانا النول والخيط مشدود عليه...شفنا كل الاشكال وهنعمل الاسهلنا

تعالو نشوف هنشتغل عليه بالخرز اذاى





صلوا على النبى







1- ادى الخيط اللى شدناه .. عدوا الخيوط المشدوده .. طلعوا كام

1

2

3

4

5

6

7

8


تمام

الخيوط واسعه شويه لان الخرز كبير شويه

متفقين

هنجيب خيط ونحط فيه الابره..عادى ..ونحط فيه ..في الاول 7 خرزات ليه؟

علشان لما هنبتدى نطلع وننزل بيه على الخيط المشدود ونسيب خرزه مابين كل خيطين في (8)

مش هنبقى محتاجين أكتر من 7


سؤال يعنى ايه نطلع وننزل ؟

أوعدكم بتكمله باقي الشرح بالصور بعد الفطار ان شاء الله

:9_28:

اسفه يا جماعه على التأخير بعد الفطار جه وبعدين معرفتش أفتح المنتدى من ساعتها

وحشتووووووووووووووووووووووووووونى


اللهم صلي وسلم وبارك على سيدنا محمد



اظن انتو فاكرين الصوره دى مع توضيح بسيط عملته

أتفقنا أن رقم واحد هو عدد الخيوط المشدوده

ورقم 2 ده الخيط اللى فيه الابره و عدد الخرز اللى أتفقنا عليه ... الخيط اللى بيعمل عمليه تقاطع للخيط المشدود

الخيط ده بيمشى اذاى؟

وذى ما قلنا بيطلع وينزل منين؟

تعالوا نشوف

هنا يجى دور رقم 3 بصو كويس على مسار الخيط ...السهم واتجاهه

يعنى لو افترضنا أن احنا هنرقم الخيوط المشدوده من 1 : 8 فالابره هتطلع على 1 وتنزل تحت 2 وتطلع على 3 والى اخره

ومابين كل اتنين هنسيب خرزه من ال7 زى ما موجود في الصوره

ولما يخلصوا ال7 نحط في الخيط 7 غيرهم ونبتدى سطر جديد ونرجع تانى والخ

صدقونى الموضوع هيبقى أسهل كتير لما النول يكون قدامنا

يارب أكون أتوفقت في الشرح المرادى




وأرجع وأقول موضوع النول ممكن يكون كبير شويه بس عل اللى مستخدمهوش قبل كده

وفي الحاله دى هيكون قدمنا التقنيتين اللى فاتوا نختار اللى احنا حبينو وفي الاخر النتيجه واحده

وانا في الخدمه لاى استفسار

أوعدكم الدرس اللى جاى أجمد بكتير ......... هنشوف أحلى صور ونشتغل أحلى شغل

بسم الله الرحمن الرحيم

والصلاه والسلام عى أشرف المرسلين



أحلى جرابات موبايل بالخرز



:9_28:

بسم الله الرحمن الرحيم

والصلاه والسلام على أشرف الخلق أجمعين

تعالوا انهارده نتعلم نعمل حاجه جديده في الاكسسوار يكون شكلها حلو وجديد وسهله علينا

ان شاء الله

يالله بسرعه نصلى على النبى ونشمر هدومنا ونبتدى


شايفين الاسوره دى..........ده درسنا انهارده




تعالوا نشوف هنعملها اذاى

أولا هنبتدى بالادوات

صلوا على النبى

آدى الادوات




1- سلك نحاس أو ألومنيوم (سلك تشكيل)... ميكونش تخين رفيع علشان نعرف نشكل بيه

2-حلقتين صغيرين زي اللي في الصورة

3-خرز اسود متوسط الحجم ......وعين الخرزه تسمح ندخل فيها السلك...يعنى ناخد بالنا من

التخنات........نسبه وتناسب

3-خرز (خرج نجف طويل) لونه دهبي ...بالنسبه للالوان ممكن تنسقوا الالوان اللى عندكم

4-للقفل نجيب الحلقة والعمود الصغير اللي بيدخل فيها

5-ست خرزات شبه الخرز الاسود بس دهبي

6-قطعتين النحاس اللي بيمسك الخرز والسلك ..ذى اللى في الصوره

7-بنسة اسمها زَرَّادية



كده خلصنا من الادوات ...اه نسيت أقولكم ..طبعا الحاجات ذى كلها موجوده في العتبه

وبالنسبه للبنسه وقطعتين النحاس والسلك والقفل هنلاقيهم عند اى حد بتاع حدايد



بسرعه بأه نصلى على النبي علشان نبتدى الشرح

ركزوا معايا


أولا : هنقطع السلك بالطول المناسب لأديناونذود حوالى 2سم زياده من كل طرف.......هنقطع4قطع متساوين قد بعض أو أقولكم نقطع اتنبن أد أدينا وأتنين أطول شويه.......

ثانيا: هناخذ وحدة من قطع النحاس ...نربط فيها السلك اللى أتفقنا عليه .. قطعه النحاس ليها 3

فتحات ... ركزوا معايا أوى ... أول فتحه هنربط فيها أول سلك ... طب اذاى؟

هندخل السلك من الفتحه ونتنى حته صغيره منه بالبنسه هنا جه دور ال2سم الزياده وبعدين ندخل الخرزه المدوره الذهبى في السلك وندخاها كمان من حته السلك الزياده علشان تربطهم مع بعض

ركزوا في الصوره دى




هنحط في الفتحه الاولى سلكه .. والتانيه سلكتين (السلكتين الاطول)..هنعرف ليه بعد شويه .. والتالته سلكه واحده اللى باقيه... واللى عملناه في الفتحه الاولانيه هنعمله في الفتحتين التانين



ياترى هنعمل ايه بعد كده عاوزين تعرفوا..................صلوا على النبى


هنبدأ نوزع الخرز الاسود مع خرج النجف على الجنبين ذى ما هنشوف في الصوره ان شاء الله

ونقفلهم في الآخر ذى ما عملنا في الاول بالظبط




تعالوا بقا نشوف ليه حطينا سلكتين في الحلقه اللى في النص



ناخذ الأول خرزة سودا نحطها في السلكين ده بعد ما هنحط الخرزه الذهبى اللى بنحطها في الاول

بعدها في كل واحد فيهم نحط واحدة خرج نجف عشان نعمل الشكل ده



وبعدين نلف السلك حولين الجنبين ونضمهم في النص تاني

وممكن لو عرفنا بدل ما نلفه ندخله في الخرز الاسود على الجنبين وده هيبقى أشيك وأنظف طبعا

أهم حاجة ناخذ بالنا من طول السلكتين دول يكون طويل شوية لو حبينا نقصره نقصه عادي





بعد لف السلك نضمه للنص ونحط خرزتين ذهبي خَرج نجف ونضم السلكتين بخرزة سوداء

وبعدين نفتحه باثنين خرج نجف ونلفه....... وهلم جرجر

في الآخر بتوصل بالشكل الجميل اللي شفناه بعد مانوصل القفل من الجهتين



اظن الدرس ده سهل شويه.........بسيط جدا وبيطلع نتيجه حلوه أوى في الاخر

يااااااااارب أكون عرفت اشرحه كويس

تصبحوا بأه على خير ....:21_163:......أن شاء الله الدرس اللى جاي هيبى أحلى

كل سنه وأحلى عرايس طيبين(r) ولو أي حد عنده أي أستفسار أنا في الخدمه يا قمرات:BYE2:


:9_28:














أهم حاجة في النص لازم يكونوا سلكين

ريهام
على الرغم من ان الحاجات تحفه وجميله موت وحموت عليها
الا ان الغباء شغال ومش فاهمه حاجات كتيره
بصى انا حجرب اقراها بعد الفطار يمكن افهم :)
ميرسى لمجهودك يا جميله