بنات ..انا محتارة اوى.. اوافق ولا لأ؟؟؟

ثواني يا بنات اتسحر واجيلكو على طوووووووووووول :D

عايزة أعرف ايه اللي حصل بأة :(

يا الف مليووووووووووووووووووون مبرووووووووووووووووووووووووووووووك

ازيك يا فرولتى ومبروك على العريس.... بقولك منا برضك جوزى مهندس وبيشتغل ساعات بالسعوديه او اى بلد تانيه يعنى مش مستقره خالص هى ف الاو ل الغربه صعبه بس بعد كده حتتعودى عليها بس المهم انك تكونى حاسه بامان وحب واستقرار مع الانسان اللى حيشاركك الغربه انا رائيي تفكرى كويس جدا جدا جدا فبل ماتقدمى على اى خطوه وكونى واثقه من رائيك فيه وفى الرد عشان انتى لسه ماتعرفهوش كويس والاسبوعين استحاله حيجوبوكى على الاسئله اللى ف دماغك كلها عشان كده استخيرى الله وفكرى كويس عشان ماتتحسبش عليكى خطوبه وحكايه الاعجاب ديه مش مهمه اوى دلوقتى مممكن من معاشترك ليه تحبيه وربنا يوفقك ويرزقك بالزوج الصالح

تعااااااااالى يا قمر قولى شوقتينى والله
يارب يكون خير
بس الحمد لله شكلك مبسووووووووطة:)

عاطفة جياشة;7167702:

السلام عليكي ورحمة الله وبركاته

اهلا بيكي يا اختي فرولاية وكل عام وانتي بخير وبصحة وسلامة بمناسبة شهر رمضان الكريم وينعاد عليكي انتي وكل اهلك بالخير والبركة ان شاء الله

انا معاكي ان القرار مش سهل وخاصتا انه قرار مصيري بتبني عليه كل حياتك الجاية ويارب تكون حياة كلها سعادة ان شاء الله

وصدقيني لما اقولك ان استخارة رب العالمين كفيلة انها تدلك علي الطريق السليم والصحيح في نفس الوقت ان شاء الله

وعلي فكرة الاستخارة مش مجرد حلم بتشوفيه وبتتصرفي علي اساسه وخلاص لاااااااااا الاستخارة عند ناس كتيرة كانت تسهيل في امورهم للاحسن او تعقيدها للاسوأ لا قدر الله

يعني انتي لو لقيتي ان امورك مع الانسان اللي بتكلمينا عنه تطورت للاحسن اذا دي استجابة جميلة جدااا من ربنا لانك انتي استخرتيه عن ايمان واقتناع تام
ولو حصل العكس لا قدر الله متحزنيش لانه بردوا مقدر من الله سبحانه وتعالي وفي الحالتين انتي كسبانة ان شاء الله

شوفي يا فرولاية انا معاكي ان اي بنت في العالم نفسها تعيش قصة حب جميلة تتوجها بالجواز من الانسان اللي حبته من كل قلبها ان شاء الله ..........لكن في حاجة مهمة جدا ان زي ما القلب ممكن يختار كمان العقل ممكن يختار هو كمان والغالب في الزمن دا بيكون اختيار العقل هو اللي علي حق والشواهد كتيرة جدا حوالينا

علي فكرة انا حاسة بيكي لاني رومانسية بطبعي انا كمان لكن مع الاسف الحب اللي احنا قريناه في رويات الحب وشفناه في الدراما اللي كله تضحيات وانكار للذات اصبحت نسب تواجده قليلة جدااا لان الخيال شيء والواقع اللي بنعيشه شيء تاني خالص

لكن كمان سبحان الله ممكن انسان ارتبط بيه ومفيش له في قلبي ذرة حب وبعد كدة احبه الحب اللي كنت بحلم بيه قبل الجواز (علي فكرة دي قصة واحدة قريبتي حاليا بتعشق التراب اللي جوزها بيمشي عليه)

انتي قلتي انه انسان عنده اخلاق والانسان اللي علي خلق بتكون اخلاقه نابعة من دينه والانسان المتدين دايما بيراعي ربنا في كل شيء وكمان بتقولي انه مسافر بالعكس في السفر فوايد ان شاء الله ومهما اتغربتي مسيرك ترجعي لبلدك واهلك وكلك حب وشوق لهم اكتر من الاول وهما كمان وربنا يجمعكم علي خير دايما ان شاء الله

اما بالنسبة للمستوي الاجتماعي انا راي من راي الاخت امة الله ربنا يجازيها كل خير علي ردها الجميل وفي الاخر كلنا فقراء الي الله مهما كان عندنا تلال من الفلوس وربنا وحده الغني الرزاق والغني غني النفس مش الجيب وبسسس

كمان في شيء تاني انا عرفت من مشكلتك انك لسة مخلصتيش دراسة يعني اكيد مش هتتجوزي بين يوم وليلة والاكيد ان في فترة خطوبة هتقربكم من بعض وتعرفكم ببعض اكتر واكتر لكن علي قد ما الخطوبة بتكون المراية اللي كل واحد بيشوف فيها عيوب ومزايا الانسان التاني لكن كل ما طالت كل ما زادت مشاكلها

وارجع تاني واقول استخيري رب العالمين ومتيأسيش وصدقيني ربنا عدله وكرمه كبير جدااااااااا واكيد هيبعتلك الانسان اللي يستاهلك ويقدرك سواء كان الانسان اللي بتكلمينا عنها او انسان تاني غيره ان شاء الله

واخيرا القرار قرارك انتي لكن اتمني انك تركزي في دراستك اولا لانها الاهم وربنا يهديكي للقرار السليم ويوفقك في دراستك ويرزقك بالانسان اللي تتمنيه من كل قلبك ويبارك ليكي وفيكي وفي كل شيء حواليكي ان شاء الله
والسلام عليكي ورحمة الله وبركاته

وعليكم السلام ورحمة الله وبركاته

يا حبيبتي

انتى قعدتي تكتبي الرد الطويل ده عشاني انا

ربنا يخليكي ليا يارب ويفرح قلبك..

انا بجد كلامك ريحني واقنعني

هي المشاكل سبحان الله بتتيسر والامور بتتحسن...انا بجد كنت متوكلة على ربنا ف الاستخارة وسيبت كل شيء لارادة ربنا

وفعلا سبحان الله انا النهاردة رحت وقابلته تاني

كان معايا بابا بس...وهو كان لوحده

قاللى قوليلي ايه الاعتراضات؟؟

قلتله انى قلقانة من موضوع السفر وكمان انا فاضلي سنتين عقبال ما اخلص دراسة

بصراحة هو قعد يطمني و قاللى اول ماتتعبي حانزلك اجازة تشوفي اهلك وكدة

وقاللى انا مستعد انتظر سنتين لحد ما تخلصي دراستك وف نفس الوقت اكون كونت نفسي

انا المرة ديه يا بنات حسيت انه حنين اوى ومتمسك بيا جدا

ويعنى........حسيت انه عجبني :o

حسيت انى مطمنة له...غير المرة اللى فاتت ..كنت مش عارفة اخد قرار

وف الاخر بابا سأله موش عاوز تسألها على حاجة..فقاله لأ...بس حاخد الرد امتى؟؟...متحمس خالص:o

بس انا قلت اعمل تقيلة..:o

قلتله حاستخير وارد عليك بالليل

بس انا صليت استخارة تاني وحاسة انى مستريحة..

المهم الوقت اتأخر وبابا حس انها بايخة انه هو اللى يتصل بيه...فاحنا منتظرين انه يتكلم بكرة

وانا >>>>>>>>>>>>>>>>>>>>>:o:o:o:o خلاص موافقة

انا بجد موش عارفة اشكركو ازاى يا بنات على وقفتكو جنبي

بجد انتو اكتر من اخوات وبجد كنت محتاجة لرأيكو اوى

وفرق معيا جدا كلامكو

يااااااااااااااااااااااااااااااااااارب يفرحكو كلكو ويسعدكو ويحقق لكو كل امانيكم

ياللا بكرة بقى حاقولكو ايه اللى حايحصل


دعواتكو(f)

ما شاء الله لا قوة إلا بالله

ربنا يتمم لك على خير يا رب

يلا يلا لمي عزالك ونشوفك في التجمع بتاع تجهيزات عرايس مصر

.(... تجهيزات عرايس مصر الجزء الـ95 ...).

مين اللي بعده؟؟

يلا عايزين نخلص منكم كده واحدة واحدة

ربنا يقدمللللللللللللك اللى فية الخير يا فرولاية
بجد هو شكلو شاب ممتاز
و ربنا يفرحك كمان وكمان
تعالى بئة قسم التجهيزات امة الله حطتلك الرابط
نشارك بعض هناك

مشتاقة الى الجنة;7172109:
فراولاية حبيبتى وحشتينى غايبة ليه حبيت اطمن عليكى لعل ان يكون غيابك خير لازمتطمنينى ان شاء الله لما تيجى

ادينى طمنتك يا قمر تسلميلي يا حبيبة قلبي ودعواتك(f)

أمةالله;7174456:
عايزة أعرف ايه اللي حصل بأة :(

ههههههههههههههههههههههههههههههههههههههه

انتى سكرة

ها؟؟مبسوطة كدة

ربنا يخليكي ليا وتسلميلي على وقوفك جنبي

بجد الف شكر يا قمرة (f)

ودعواتك

سمر يويو;7174493:
يا الف مليووووووووووووووووووون مبرووووووووووووووووووووووووووووووك

ازيك يا فرولتى ومبروك على العريس.... بقولك منا برضك جوزى مهندس وبيشتغل ساعات بالسعوديه او اى بلد تانيه يعنى مش مستقره خالص هى ف الاو ل الغربه صعبه بس بعد كده حتتعودى عليها بس المهم انك تكونى حاسه بامان وحب واستقرار مع الانسان اللى حيشاركك الغربه انا رائيي تفكرى كويس جدا جدا جدا فبل ماتقدمى على اى خطوه وكونى واثقه من رائيك فيه وفى الرد عشان انتى لسه ماتعرفهوش كويس والاسبوعين استحاله حيجوبوكى على الاسئله اللى ف دماغك كلها عشان كده استخيرى الله وفكرى كويس عشان ماتتحسبش عليكى خطوبه وحكايه الاعجاب ديه مش مهمه اوى دلوقتى مممكن من معاشترك ليه تحبيه وربنا يوفقك ويرزقك بالزوج الصالح

الله يبارك فيكي يا حبيبتي

اديني توكلت ع الله و وافقت :o

ادعولي اعرفه اكتر ف الخطوبة...وهى على كل حال فعلا فترة اختبار

بس ادعوله ينجح ف الامتحان...احسن انا مدرسة شرييييرة اوى :wink:

m@hy;7174627:
تعااااااااالى يا قمر قولى شوقتينى والله
يارب يكون خير
بس الحمد لله شكلك مبسووووووووطة:)

هههه :o يا لئيييمة

الحمد لله

دعواتك بجد ان كان الموضوع فيه خير ليا.. ربنا يتتمملى على خير

ربنا يخليكو ليا يا احلى اخوات(f)

أمةالله;7174824:
ما شاء الله لا قوة إلا بالله

ربنا يتمم لك على خير يا رب

يلا يلا لمي عزالك ونشوفك في التجمع بتاع تجهيزات عرايس مصر

.(... تجهيزات عرايس مصر الجزء الـ95 ...).

مين اللي بعده؟؟

يلا عايزين نخلص منكم كده واحدة واحدة

هههههههههه:o

يا سلام مرة واحدة كدة مش لما نعمل خطوبة الاول ولا حتى قراية فاتحة

يا مستعجل انت

بجد الف شكر ليكي يا حبيبتي وماتسيبينيش دايما انا حافضل محتاجلكو يا بنات(f)

m@hy;7174852:
ربنا يقدمللللللللللللك اللى فية الخير يا فرولاية
بجد هو شكلو شاب ممتاز
و ربنا يفرحك كمان وكمان
تعالى بئة قسم التجهيزات امة الله حطتلك الرابط
نشارك بعض هناك

:o:o

ربنا يخليكي ليا يا قمر

انا لسة مش قادرة ادخل ف المود

سبحان الله انا من يومين كنت قفلت الموضوع.....بس سبحان الله

اللى ربنا رايده هو اللى بيكون

انا متشكرة يا حبوبتي وان شاء الله تشوفوني هناك معاكو :o

دعواتكو(f)

اللى ربنا رايده هو اللى بيكون

ونعم بالله

مبارك يا فرولاية ياسكرة

ربنا يتمم بخير يارب (f)

مبارك يا حبيبتي
ربنا يتملك على خير
كنت كل شوية ادخل واشوف الموضوع والحمد لله اتبسطت اوي انك ارتاحتى الحمد لله
ربنا يقر عينك ويكملك على خير

مبروك يا جميلة الحمد لله ايوة كده طمنى قلبنا:D

ربنا يتمملك بخير ياااااااارب (f)

مبروك فرولة ان شاء الله ربي يتمم ليك بخير يا عسل وهذا دعاء لكي يسخر الله لك زوجك (خطيبك ) بس انت ادعيلي ربنا يوفقني والحقك

الدعاء:
اللهم اجعلني خيرًا مما يظنون واغفر لي ما لا يعلمون ولا تؤاخذني بما يقولون..
رب اجعلني مفتاحا للخير..وأجر الخير على يدي..واجعلني مباركة اينما كنت

**اللهم يا مالك الملك ملكني قلب من أحوجتني إليه فأنت تقدر ولا أقدر وتعلم ولا أعلم
وأنت علام الغيوب، وأسلل سخيمة قلبه وأصلحه لي وأجعله لا يرى أحدا غيري ،
اللهم أصلح بيننا ولا تجعل بأسنا فيما بيننا وأجعل بأسك على عدوك وعدونا ..
اللهم أفتح لي قلوبا غلفا وأعينا عميا وآذانا صما .
**اللهم أستر عنه عيوبي وأستر عني عيوبه ..وأظهر له محاسني وأظهر لي محاسنه
ورضني بما رزقتني وبارك لي فيه .
**اللهم ألجم فاه بكلمة لا إله إلا الله وأسكن غضبه بلا حول ولا قوة إلا بالله .

اللهم اعطه من خيرك أكثر مما يرجو..وتسخر له ملائكةً من عندك وجنوداً في الأرض....اللهم
عظمني في قلبــــه..واجعلني ماء عينه ودم قلبه ودفئ حياته..
واجمعــنــــا عــلــى خــيــر وأسعدني ولا تشقيني معه..يا أرحم الراحميــــــــــن


بالتوفيق

الله يتمم لك على خير يارب

أنا قريت الموضوع متاخر

بس فرحت لك على قرارك وان شاء الله يكون القرار الخير لك

فرصة تعملي عمرة وتحجين والسعودية على فكره مليانه مصريين

يعني بيتك ومكانك

والله يتمم لك على خير يارب ويسعدك

مبرووووووووووووووووووووووووك يا فراوليه يا حلوه

الف مبروك ياقمر

ربنا يتمم ليكى على خير

وعقبال كل بنات المسلمين اللهم امين

الأستخارة أكثر من مرة و و إنشاء االله الله يكتب لك الخير

[B][B]فراوليه[/B][/B][B][B][B]انا متابعاكى يا حبيبتى من فتره بس لما انتى اخدتى قرارك اسمحيلى اقولك الف الف مبروك وربنا يتمم على كل خير يارب ويرزقنى وبنات المسلمين بالزوج الصالح ونفرح كلنا ياريت تدعى لنا من قلبك [/B][/B][/B]

للوللللللللللللللللللللولى
الف مبروووووووووووووووووووك ياقراولاية ياعسل بجد فرحتينى عارفة بقى دلوقتى نفسى اعمل ايه نفسى احضنك وابوسك واقرصك من ركبتك بالمرة يمكن المرة دى تنفع معاكى لانى قرصت كتير ومفيش فايدة ربنا يتم لك على خير ياقمرايا ويارب المستقبل يبقى احسن واحسن واحسن ويطلع هو احسن من فارس الاحلام اللى كنتى مستنياه
مبروك ياحبيبتى بس لازم اقرصك او انتى اقرصيلى نفسك مؤقتا ربنا يطمنا عليكى يارب ويقر عينكى ويفرحك بحق الايام المفترجة دى

ويرزق جميع بنات المسلمين بالزوج الصالح عااااااجل غير اااااااااجل

يلا بقى تعالى احكيلنا اللى حصل اول بأول :D(f)