قصتي الحزينة من الذي يمسح دمعتي؟؟ ساعدوني

عزيزتي انتي هولتي الموضوع وهو جدا بسيط !!!

ليش ما قلتي هذا نصيب والحمد لله

ما تعلمين الخير وين !!

يمكن لو استمريتي مع هالرجال تعيشين تعيسه

لا تندبين حظك لالمره هذا نصيب وقولي الحمد لله

وكلام الوالد عادي مافيه اي شي

همه دراستج وكلامه صحيح ما تدرين الزمن شو يخبي لج

وكثير ازواج ممدو لهم فتره الزواج وما عندووو بالعكس

قولي الحمد لله ويمكن هذا الشخص ما يستاهلج

ويمكن الله كاتب لج انسان في خير

انا بقولج مثال على حال وحده لو هيه قالت انا منحوسه ومالي حظ بقول ما تنلام

لان اللي مريتي انتي فيه ولا شي من حالها

تزوجت وكملت سنه وجابت بنت واطلقت

وبعدها تزوجت شهر واطلقت عانت نفسيا !!

ولما تقدم لها الثالث رفضته من خوفها لتكرار التجربه

وبعد اكثر من سنه وافقت عليه

والحين عاشت معاه احلى عيشه و عندها اولاد منه

قولي الحمد لله والله يوفقج يالغلا ويسعدج


ولا تنسيني من دعائج

مشكورين خواتي الله يعطيكم العافية ويجزيكم بكل خير...
والله ما راح أنسى وقفتكم معاي يا أعز خوات الله لا يحرمني منكم...

لمور ...الرسايل الخاصه عندك تصيح تقول امسحيني ..ههههههه
لي يومين احاول ارسلكـ مو راضي يقول الرسايل الخاصه ممتلئه ....

اتشرف بصداقتكــ

أنتي لاتستحقي أبا يخاف عليكي...
أنتي تريدين الهروب من البيت وقلبك يتعلق بأيا كان المهم رجل منقذ غير أبيكي...
وقد الزوج فقط يريد امراءه بالبيت بلا قدر وقيمه ولستي بالمحشومه مع هذا الزوج...
وقد ذاك الخطيب الذي رفضك برساله لايريد فتاة تريد الزواج والسلام بل زوجه وأم وحبيبه ومربيه لأبناءه غدا
أعجبت بخلقه لا شكله ولا لانه رجلا والسلام فأنتي من أبعده عنكي...
ورفض أبوكي صدقيني في محله ولن تجدي من يهمه شأنك غدا سواه...
أما عصبيته فلجهل أمك بالرجل وكيفية ارضاءه وفهمه قد صعب أنها تفهمه لكن معكن يالمتعلمات تقتربن له أكثر وتفهمنه....
وهو ليس بإستطاعته فهم الفتاة والمشاعر فقد من جيل الأمس الأم أو الجده من تقوم بتربية البنات وبيت جيد يسعده ويشرح صدره وقد قل صلاته وحفاظه عالنوافل وقيام الليل لعصبيته وراحته ويكون أبا مثالي لكم...

وقد أما لكم أيضا أما دوره كأب فقد أوفى.........

مع دعواتي وحبي لأباكي وللأهل.....

اسفين يامشرفه

على فكره كان المقطع رح يفيدها

والله انتو احرار

الغلط من اللي ينصح!!

[GRADE="00008B FF6347 008000 4B0082"]اختي ما حد يصيرله الا الله كاتبله [/GRADE]

الله يسهل امورج ويفرجها عليج

مب مشكلة حبيبيتي ترا الزواج مب كل شيء مثل ما قالو البنات ،و لاتنسين محد بياخذ غير نصيبه صح ، و الله يجيب اللي فيه الخير

الله يعينك

بس اختي انتي مو الوحيدة اللي تنخطب و ما يحصل نصيب و تتزوج

انا ابوي يرفض كل عريس يجيني بغض النظر عن زين او شين,, يقول مافي زواج الا بعد الجامعة

و انا راضية و مو متضايقة ابد لاني ادري لو جاني نصيبي حتى لو بكرة بيرضى ابوي

و ابوك كل اللي سواه مع الخطاب صح

ادعي ربك و لا تخلين حياتك زواج و بس

مشكورين خواتي الله يجزيكم بالخير ويفرج همومكم والله ما قصرتوا معاي كفيتوا ووفيتوا..

7abeebat_S;7129800:
سبحان الله اختي...وينج من *رب ضارة نافعة*؟؟؟؟؟

فديتج صح في اباء و امهات يظلمون اولادهم و يتعدون عليهم...بس ما يصير نطالع بشينهم و ننسى زينهم...انتي الحين نوعا ما حاطه اللوم على ابوج باللي يصير لج...زين بسألج سؤال...انتي حللتي المواقف اللي صارت معاج؟؟؟

اول خطبه...انسان عنده حالة نفسية...زين..سبحان الله هذا ابتلاء للشخص...بس انتي تعتقدين بتقدرين تعيشين مع انسان ممكن حالته النفسية ماهي بواضحة لج حتى؟...في احد يتطمن على حاله بوضع مجهول؟؟؟...لاااااا و يرمي روحه فيه بعد؟؟؟..اكيد لأ...فا الرفض و الموضوع باول بدااااايته...كان خييييييييير لج

ثاني خطبه...الاهل شافوج و انعجبوا فيج...لما غيرو رأيهم (لاي سبب)...تعتقدين ان اعتذارهم بارسال رسالة لجوال امج كانت حركة ناس يعرفون الاصول؟...يعني اعتبرو الموضوع مثل نكتة و لا بيت شعر ترسلينه لحد على الجوال...لو انهم ناس كفو..كان شالو التلفون على امج و بذوووووق قالو لها ما في نصيب و اعتذرو...اللي يعرف الاصول معناها يعرف الاخلاق...و هذا معناه بمعاملته معج بينصفج و ما بيضيع عنده حق لج...و اللي يجهل هالشي..بيخلي الجحيم اهون لج من الحياة معه او عنده...فا ذي المرة..بعد..ربج خلصج و الموضوع لساته فبدايته...

نجي للخطبه الاخيرة...ابسألج...شنو اللي يفرق العيال عن الرجال؟؟؟...بقولج...الرجال..ينقاس بكلمته اللي ما يثنيها و لا يكسرها لو على قص رقبته...خصوصا اذا عطاها جدام رجال ثانيين...شنو يعني يقول لجدج...خل ابوها يوديها انا ما بوديها؟؟؟...و شنو يعني يتفق مع ابوج و بعد بقلة ذوق حتى ما يكلف نفسه يقابله..يتصل عليه و يقول له عجل الزواج؟؟؟...حبيبتي...اللي ما يخاف على رجولته و ما يخاف على شخصه جدام خلق الله...بعد مو بكفو يصير محرمج...لانه اذا هو جذي جدام الرجال...شبيسوي معاج انتي؟؟؟...و انتي حرررررممممه؟؟؟...و لهذا كان من مصلحتج ان الموضوع هذا ينتهي قبل ما تتزوجينه و تبتلشين فيه...

و يمكن كلامي الجاي بيزعجج..

بس بقول لج شي...انا منج بروح احب راس ابوي و ايده و اقول له ما قصرت...حفظت لي كرامتي و خايف على مصلحتي هالكثر لو اموووووت ما راح اقدر اوفي لك اللي سويته لي...يا قلبي...دققي بالشروط اللي حطها ابوج لاخر واحد خطبج مثلا...اهو حتى مفكر بمدة الملجة و شلون بتنفعج و شلون بتضرج...لو هو ما يهمه مصيرج..كان وافق...عاااادي عنده...بيزوجج و تنجازيييين مع نصيبج...

لا تخلين مواقفه السلبية معج و مع امج و خواتج تعميج عن ايجابياته...و لا انتي يهون عليج تتعدين على ابوج اللي شايله اسمه؟؟؟

و بعدين...الفرج...ما تحصلينه بالهروب لحياة ثانية...الفرج...تحصلينه بالصبر و الكد و التأني...و اللي تنوي تتزوج المفروض تنوي على هالشي و اهيا مخلصة بنيتها اللي ما تتخللها اي انانية...يعني انها...تبي تستر نفسها و تبي تستر على الانسان اللي الله كاتبه من نصيبها و تربي جيل جديد...الزواج مو شي هين و المفروض ما نعتبره فرصة هروب من وضع معين...لو هو جذي...او لو هو مجرد نقل لبيت ثاني و تغيير لقب و زفه و خلفه و مقابل رجال فالبيت...كان ما صار الزواج نصف الدييييين...الزواج شي كبييييييييييييييير!!!

و حابة اذكرج بشي مهم حبيبتي...

كل وحدة فينا انولدت و معها قسمتها و بتشوفها يوم يحين وقتها...فا لا تستعجلين قسمتج و لا تيأسين من تأخرها...الله اعلم...انتي ما تدرين ربج شلون و بشنو ممكن يعوضج لي صبرتي و دعيتي و احتسبتي...خلي ربج ينفذ قسمتج لج..و يجيبها اللللللييين بيتج...ذيج الساعة امورج بتمشي بسهالة...و اي معاناة عانيتيها بتصير ذكريات..و بتلاقين كلمات الحمد تنساب من حلجج بدون وعي...لان ذيج الساعة بتقدرين نصيبج من قلب!!!...

تأملي...*و لسوف يعطيك ربك فترضى*...بس...تعتقدين في مجال انج تحسين بالاحباط او اليأس بعد اللي قريتيه؟؟؟

اللي ربج بيعوضج فيه و بيعطيه لج...مهما كان...افضل من اللي تتأملينه يصير عشراااااات المرات...بس صبري و ادعي و استغفري...و لا تيأسين دام الله و رحمته موجودين

و الله كريم يا اختي...ان شاء الله...الله بيرزقج بابن الحلال اللي يسعدج و يهنيج و يعوضج عن اللي راح...و يسخر قلب ابوج لج و لامج و خواتج...و يسهل عليكم و يفرج عنكم همومكم و يكتب لكم كل ما فيه خير لكم...ياااااااااا رب!!!

تحياتي

ما شاء الله لا قوة إلا بالله...ما عرفت أضيف كلمة على كلام أختي 7abeebat_S

و الله أختي قاعدة من أول المشكلة تقولي أبوي ظلمنا و أبوي يعاملنا...و أنا شايفاه ما شاء الله نعم الأب اللي يخاف على مصلحة بنته...كل مرة يسأل عن العريس و يقعد معاه و ما يقصّر...مش عارفة وين الظلم في الموضوع !

الله يبعث لك الزوج الصالح يا رب

أنا مع الأخت حبيبت س .... والله أنه أبوج ما قصر يبيلج الحياة الكريمة والزينة وكل مرة يسأل عن إلي يخطبونج ... خذيها نصيحة والله ثم والله ثم والله جحيم الأهل ولا جحيم الزوج خصوصا اذا كان ما يخاف ربه ... وهذا أخر واحد خطبك مبين من حركاته إنه مو مسوي لكم سالفه ولا قايم لكم وزن ... إلي خلقه خلق مليون غيره ... وانت توج صغيرة وما بتاخذين الا نصيبج وهذا مو نصيبج ... اصبري وإن شاء الله بييج غلي يقدرج ويعزج ويهنيج وبالتوفيق :)

مشكورين خواتي الله لا يحرمني منكم....