انا كنت بتكلم عن الفريش الصغيرة.
Kolkola;7157702:
-
ممكن سؤال
هو فعلا في حاجة اسمها ان هدوم سواء لانجري او هدوم بيت
بتشيط؟
طيب انا كنت بجيب حاجات من سنه فاتت وان شاء الله ادامى سنة كمان عقبال ما اتزوج
ومخزنه الهودم في شنط
بجد ممكن يحصلها حاجة؟
طيب اسيبهم كده
ولا كل فتره اخرج الهدوم تتهوا شويه وارجعها الشنط تانى؟
بالله عليكم ردوا
انا اللى اعرفه ان الحاجات اللى بتتشال بالعشرة خمستاشر سنة هى اللى يحصلها كده لكن كام سنة بس ولا يحصلها حاجة.
Kolkola;7157875:
-
معلش عاوزه اخد رأيكوا في حاجة يا قمرات
المطبخ بتاعى مستطيل بس مش كبير اوي
والسيراميك بتاعه بيج في اورنج كده
الافضل اعمل المطبخ خشب ولا الوميتال
في واحد بتاع مطابخ قال ان الاولميتل بيصدي
صحيح الكلام ده؟
الالوميتال مش بيصدى. الدهان بتاعه هو اللى ممكن يتأثر بعد فترة بفعل الحرارة والدهون وده مش كلامى ده كلام مهندس ديكور. الالوميتال عشان تعمليه لازم يبقى عند حد بيفهم ويكون غالى عشان يبقى متين الارفف بتاعته مش تقع ولا الدرف تتفك وعشان شكله يكون حلو. لو شفتى الحاجات بتاعت قبنورى فى المحل بتاعهم فى منتهى الشياكة بس غاليين موت طبعا لكن قصدى ان الحاجة لو عند حد بيفهم بتبقى تحفة. يعنى المتر عشان تعمليه كويس مش اقل من 1200 جنيه مثلا. طبعا الالوميتال بيبقى اسرع واسهل فى التنظيف.
الخشب شكله بيبقى حلو حتى لو مش متعوب فيه. طبعا تنظيفه متعب شوية.
أمةالله;7158201:
بصي أنا في طريقة جربتها
كن جايباها من موقع أجنبي
بس ركزي معايا علشان التواليت مش يحصل له حاجة
هي الطريقة دي أصلاً علشان إزالة البقع اللي بتبقى بسبب المية اللي فيها أملاح كتير
شوفي يا ستي
عارفة الحجر الخفاف بتاع الرجلين؟؟
فيه منه بيتباع بيبقى ناعم كده شوية ولونه أبيض
هتجيبي واحد، وتجيبي طبعاً جوانتي بلاستيك، وتجيبي بخاخة ربعاها كلور والباقي مية دافية
في الطريقة اللي لقيتها المفروض بترشي المية على البقع وتفركي بشويش أوي بالحجر
بكرر بشويش علشان التواليت ميتجرحش
أنا بقى كنت برش على البقع وعلى الحجر وأمشيه بالراحة كده على البقع تقوم رايحة علطول
وكنت قريت حد هنا بيقول عن الهاربيك للحاجات دي بس أنا الصراحة مجربتوش
هجربه ولو نفع هقول لكم علطول لأنه هيبقى أسهل من موضوع الحجر ده وأسرع
انا جربت الهاربيك بصراحة اسهل بكتييييييييييييييير بتحطيه وتسيبيه شوية وترجعى تعمليه بالفرشة والحمام يبرق. احنا بنستعمله عشان عندنا شقة المياه فيها بأملاح زيادة فبتصفر التواليت والحوض.
Kolkola;7158472:
طيب انا معاكى ان الخشب اقيم واشيك
بس بيضيق المكان
عشان بيبقي غامق
هو في مطابخ خشب ملونة... ينفع يعنى اعمل خشب ملون؟
ايوة ينفع. بس الدهان بتاعها مش هيستحمل الحرارة والدهون اللى فى مطابخنا. يعنى يستحمل عادى فى اوض النوم لكن المطابخ لأ. وده كلام النجار لأنى كنت عايزة اعمله الوان.
laly_3mr;7159140:
بصي أنا ماعرفش أوي حد في الرنج ده بس واحدة صاحبتي عملت عند إيمي الكاشف وبتقول كانت كويسة وأنا شفت صورها كانت أوكي كمان، الطرحة كانت تحفة بصراحة بس الميكب ماكانش باين أوي في الصور عشان كده جربي إنتي تكلميها وتشوفي ليها شغل بنفسك، بس هي أخدت منها 800 جنيه ميكب وطرحة لكن كانت في المعادي يعني بعيد، ممكن تكون أقل لو إنتي أقرب. لو عايزة أسألك على رقمها
ميرسى يا جميل.
ياريت حد يبعتلى نمرة ايمى الكاشف لو سمحتوا يا بنات.
marwa8000;7159598:
ازيكم يابنوتات عاملين اية وحشتونى اوى وكل سنة وانتم طيبين والسنة الجاية نكون فى بيوتنا باذن الله ورمضان كريم علينا وعلى امة الاسلام يارب ومبروك الجزء الجديد وعقبال ال 10000
انا كمان كلمتها يابيبو امبارح وقالتلى نفس الكلام وزعلت جدا لانى كنت معتمدة عليها فى الموضوع ده يلا ربنا يكرمنا ان شاء الله
[QUOTE=سارة المزعورة;7159921]انا كمان كلمتها يابيبو امبارح وقالتلى نفس الكلام وزعلت جدا لانى كنت معتمدة عليها فى الموضوع ده يلا ربنا يكرمنا ان شاء الله
يعنى اية احتمال تكون مسافرة
هو قرار السفر دةبيكون فجاءة كدة
دى حجز وارتباطاط هى مش عارفة هى مسافرة امتى ولا دى اشتغالة
يعنى هى قررة تسافر بكرة تقوم واخدة شنطتها وطلعة على المطار فتلاقى مكان وتسافر
يا بنتى الحجز بيكون على الاقل قبلها بشهر
مش طقة فقعة
ولا بتحلى بضاعتها وافلام
عموما هاتو مجلة حجاب هاتلاقوا مية واحدة عرضة شغلها وسنترات وكلة ماوقفتش على واحدة كبروا راسكم
الا الالحفة الفيبر تعمل كام الايام دة ؟
ايه يا مروة هنقطع على بعض ولا ايه :tongue: انا وانتى فرحنا فى يوم واحد ان شاء الله ربنا يتمملنا على خير يارب
يا سارة هى مش طقة فقعة وخلاص. هى احتمال تسافر على اخر اكتوبر وهتعرف قبلها بشهر بإذن الله. والبنت بصراحة ذوق وأخلاق جدا. حتى دى شهادة كل اللى اتعاملوا معاها.
أتمنى انها تبقى موجودة لان شغلها احسن شغل فى كل الموجودين حاليا