تجهيزات عرايس مصر الجزء ال 94

مشتاقة الى الجنة 04-09-2008 999 رد 33,461 مشاهدة
ش
ياريت لو حد يعرف توكيل كينوود في مدينة نصر او مصر الجديدة او الهرم يقلي
r
شيكامارا2010;7138874:
طيب ممكن اعرف اشتري منين النجف

درب البرابرة ولو عاوزة تساءلى على اى حاجة قولى وانا اساعدك
P
انستاسيا;7149742:



ايه التلجي ده ؟ لو في موديلز شعرها اللون ده ممكن توريهولي




زى لون افتح خصلة فى الصورة دى و بيبقى شكله افتح على الاسود و احلى بكتير
أ
Qlb Hassan;7150415:
]
بنات هو اطقم البكينى اللى هى المفروض نلبسها لوحدها بتلبسو عليها روب بالنسبه للمتجوزين يعنى ولا ايه؟


ممكن تربطي إيشارب حرير على وسطك زي الكاش مايوه

اعملي فيها الشابة اللي بتتمشى على البلاج


manafola;7151480:
امة الله ممكن تفيديني منين اشتري موديل الاحواض دي و جزاك الله خير (f)(f)


ده ديورافيت يا جميلة سهل جداً تلاقيه

روحي السلاب أو المحجوب أو حتى انزلي الفجالة أي حتة بتبيع اطقم حمامات واسأليهم عن حد بيبيع حاجة ديورافيت

بيبقى عندهم كتالوجات تتفرجي عليها وتقولي له على الموديل واللون اللي انتي عايزاه


سما الحب;7151649:
ما شاء الله يا امه الله مبروك عليكي ممكن اعرف ماركته ايه و بكام


ديورافيت يا قمر وهي أحسن حاجة عندنا في مصر اللي جربوا ديورافيت وجربوا إيديال ستاندرد كلهم قالوا ديورافيت أحسن

بكام بقى دي الصراحة مش فاكرة بس كان بألف وحاجة لأنه كبير أوي ما شاء الله

وهي ديورافيت بوجه عام أغلى من الباقي بس فرق الجودة يستاهل


basmanet2000;7151817:

سؤال عشان المخالفات بصوا ه اللبس لما يقعد اد ايه بيشيط اصل انا جبت حاجات لانجريهات كتييييييييييييييييييييييير مووووووووووت ومش اخده بالي من فرنسا يا جماعه الحاجه شيك اوي وتهبل امبارح بس خدت بالي اتضايقت من نفسي اوي فقلت اديهم لاختي الصغيره بس هي مش هتتجوز قبل مثلا سنتين تلاته
تقدر تشيل الحاجات دي ولا كتير وممكن يشيطوا ؟
السؤال ده ضروري فوق ماتتصوروا انا ضميري واجعني وقارفني جدا يا جماعه من فضلكم فيدوني


لو خاماتها نضيفة المفروض مش تشيط لو انتي شايلاها في حتة تهويتها كويسة


kitty_kity;7151924:
بنات ازيكم
كالعادة غبت ومحدش سال..ميرسي :)


لأ سألوا والله بس انتي بصي كويس


pippo;7152023:


اجمل أيام العمر برضه بقالها فترة طويلة مش بتدخل لعل المانع خير ان شاء الله.


شفتها في تجمع الحوامل من 3 أو 4 أيام تقريباً


kitty_kity;7152091:
الصور دي منين ياجميل
وكانت امة الله بتقول ان الحوض بتاعها شبه الوردة ده
كان منين ياامة الله..وبكام ؟
وهل في منه الوان
لاني بصراحة عندي حساسيه من اللون الابيض..بكرهه :)


أنا الحوض بتاعي زي الوردة ده بالضبط
جبته من الفجالة لأن الحاجة هناك بتبقى أرخص وجبت من هناك برضه السيراميك بتاع المطبخ والحوض بتاع المطبخ والخلاطات (الحنفيات يعني) بتاعة المطبخ والحمام

بالنسبة للألوان مش فاكرة والله يا قمر الموديل ده كان فيه منه ألوان ولا لأ

بالنسبة للون الأبيض أنا عكسك عندنا في بيت ماما الحمام أخضر :ss: فكان أول قرار أخدته إن حمام بيتي يبقى أبيض

الصراحة بتبان فيه النضافة أكتر
r
روباز;7152054:
يا بنات حد سمع عن قاعه اسمها قاعة الجندول فى المعادى تبع القوات المسلحه؟
حد معاه صوره ليها او بروشور؟و قولولى ايه رأيكو فى القاعه دى


حلوة اوى دية فين
m
mishmish2010;7150519:
يابنات عايزه اجيب اطقم داخليه برا واندر شكل بعض اجيب منين ياريت تقولولى على محلات معينه وشكراااا


بصي يا قمر جويا في شارع قصر النيل عندوا حاجات ستايل قوي و رخيصة موووت و كمان لو تعرفي تنزلي الموسكي كمان (f)(f)
ر
[QUOTE=أمةالله;7152460]ممكن تربطي إيشارب حرير على وسطك زي الكاش مايوه

اعملي فيها الشابة اللي بتتمشى على البلاج

امة الله هو العروسه تلبس بيكينى ليه فى البيت؟؟؟ و كمان كاش مايوه...ده انا البيه بتاعى ممكن يهرينى تريقه هههه اصلى حساها اوفر شويه..البس كده ليه على اعتبار انى هاقف على حرف البانيو و انط :wink:

القاعه دى يا بنات بتاعة نادى ضباط الشرطه فى مدينه نص جنب فندق ضباط الشرطه و هيه عامله 13000 ل 150 فرد و ممكن تزيد حسب انتى عوزه ايه و القاعه 150-250 فرد بس شيك موت حتعجبكو اوى لو شفتو باقى الصور و دمها خفيف على قلبى موت غير بتوع الجيش بقوا محروقين و عاملين على قلبى زى الكبه ههههه











ايه رايكو؟؟بذمتكو مش استاهل بوسه

حد عندو صور ل قاعة الجندول
امة الله ردى عليا فى موضوع البيكينى ده؟شكله هيبقى بايخ؟
a
عاشقة الرحمن دينا;7144759:
اعتقد تعملي الستاير دهبي كفايه نبيتي بقي
و انا كنت في الوكاله من فنرة كان في حاجات دهبيات حلوه جدا و فيها وردات خفيفه كده و حاجات مفرغة عشان اللون اللي تحتيها يبان
كانوا حلوين قوي
و ان شاء الله لما تنزلي تلاقي حاجه تعجبك


جزاكم الله خيرا ياجميل انا برضه بقول كفاية نبيتى طيب قولولى لو لقيت لون ذهبى وفيه نقشة ضغيرى لون تانى اعمل الستاير كلها بنفس اللون ومدخلش اى قماش لون تلنى من نفس الدرجة بس اغمق او افتح والصور اللى نزلتيها دينا مش ظاهرة
m
kitty_kity;7152091:
الصور دي منين ياجميل
وكانت امة الله بتقول ان الحوض بتاعها شبه الوردة ده
كان منين ياامة الله..وبكام ؟
وهل في منه الوان
لاني بصراحة عندي حساسيه من اللون الابيض..بكرهه :)


بصي يا كيتي كيتي يا حلوة انتي
انا سالتها و قالتلي دول من اي توكيل ديورافيت و طبعا دي ماركة معروفه في مصر و هي قالت انها بتتباع كمان في الفجالة بس الاسعار مردتشي فيه برده بس انا لو عرفت حاجه هقولك (f)(f)
a
روباز;7145115:


ايه رأيكو فى الستاره دى..لسه حنجبلها بلاك أوت...ماما اللى عملتها




جميلة اوى انا عايزة اعملها فى الاوض عندى بس قوليلى هى معموله على بلتكانة ولا مواسير ولا ماسورة واحدة
ر
asmaa2003;7152627:

جميلة اوى انا عايزة اعملها فى الاوض عندى بس قوليلى هى معموله على بلتكانة ولا مواسير ولا ماسورة واحدة


هى ماما قالتلى انها بلتكانه بروحين يا سمسم يعنى مش ماسوره حسألهالك برده زيادة تأكيد شكلها ايه
s
Qlb Hassan;7150415:
التلجى ده لون شعر يسرا فى ملك روحى






انا مش فاهمه ليه بتجيبو فى جهازكم حاجات لاوضة اطفال مهو ياما هتطلع اشكال جديده متخلوها لوئتها:eek:


انا عن نفسي يا ستي الاوضه دي اوضه ضيوف عشان انا خطيبي باباه متوفي و مامته و اختوه هيبقوا قاعدين لوحدهم و احتمال كبير انهم يباتوا عندنا غير ان اصلا احتمال اخويا يجي يعد معانا عشان مش يقعد لوحده انا اوضه الاطفال اصلا سيباها خالص دلوقتي

بنات هو اطقم البكينى اللى هى المفروض نلبسها لوحدها بتلبسو عليها روب بالنسبه للمتجوزين يعنى ولا ايه؟


انا عن نفسي يا ستي الاوضه دي اوضه ضيوف عشان انا خطيبي باباه متوفي و مامته و اختوه هيبقوا قاعدين لوحدهم و احتمال كبير انهم يباتوا عندنا غير ان اصلا احتمال اخويا يجي يعد معانا عشان مش يقعد لوحده انا اوضه الاطفال اصلا سيباها خالص دلوقتي

basmanet2000;7151817:
علي فكره الفستان تحفه موووووووووووووووووووووووت
طب ممكن لو سمحت تقوليلي بتعملي سيرش ازاي علي الفيس بوك لاني مشتركه بس مش بعرف اعمل عليه سيرش وقوليلي كلمات البحث
سؤال عشان المخالفات بصوا ه اللبس لما يقعد اد ايه بيشيط اصل انا جبت حاجات لانجريهات كتييييييييييييييييييييييير مووووووووووت ومش اخده بالي من فرنسا يا جماعه الحاجه شيك اوي وتهبل امبارح بس خدت بالي اتضايقت من نفسي اوي فقلت اديهم لاختي الصغيره بس هي مش هتتجوز قبل مثلا سنتين تلاته
تقدر تشيل الحاجات دي ولا كتير وممكن يشيطوا ؟
السؤال ده ضروري فوق ماتتصوروا انا ضميري واجعني وقارفني جدا يا جماعه من فضلكم فيدوني



اللانجري الكويس مش بيجراله اى حاجه انا عندي لانجري بقاله 5 سنين او اكتر و زي الفل زي ما هو حتى في ناس كانت مخوفانى ان اللون الابيض بيصفر من الركنه بس و الله طلعته من بتاع 4 شهور كده لاقيته زى الفل مفيهوش اى حاجه خالص

pippo;7152023:
يعنى مفيهوش درجة أولى؟
شكل المشوار مش هيبقى مستاهل :D



اها فهمت. بس موضوع التنجيد ده مش مهم. الغرض الاهم منها انها تحمى الملاية من انها تتزحلق.
ميرسى على ردك.

كيتى حمدالله على سلامتك..(f)

اجمل أيام العمر برضه بقالها فترة طويلة مش بتدخل لعل المانع خير ان شاء الله.


هو في درجه اولى هناك طبعا بس الفكره انك لو عايزه سجادتين شبه بعض صعب اوى تلاقيها غير انه اصلا الدرجه الاولى مش بيبقي فيه فرق كبير في السعر بين الفرع بتاع المصنع و اى فرع تانى هو بس اللي بيبقي حلو هناك السجاد اللي بيبقي عليه خصم 50% بس و ده بيبقي بواقي كل الفروع فبيبقي فيه سجاده واحده بس من كل لون

pippo;7152133:
ميرسى يا بسمة. هى مدة التفصيل تقريبا مش بتزيد عن 45 يوم فى أقصى حالة والشحن أظن مش بيزيد عن أسبوع.
موضوع الفينيشنج ده اللى خوفنى هو والماتريال.


خلى بالك كمان انك مش هتشوفي الفستان الا بعد ما يخلص و يتبعتلك و حتى لو فيه حاجه مش هتعرفي تغيريها و كمان فستان الفرح لازم تكوني قيساه قبل ما تشتريه عشان ممكن يكون الموديل حلو جدا بس مش ماشي على شكلك


روباز;7152580:
[QUOTE=أمةالله;7152460]ممكن تربطي إيشارب حرير على وسطك زي الكاش مايوه

اعملي فيها الشابة اللي بتتمشى على البلاج

امة الله هو العروسه تلبس بيكينى ليه فى البيت؟؟؟ و كمان كاش مايوه...ده انا البيه بتاعى ممكن يهرينى تريقه هههه اصلى حساها اوفر شويه..البس كده ليه على اعتبار انى هاقف على حرف البانيو و انط :wink:

القاعه دى يا بنات بتاعة نادى ضباط الشرطه فى مدينه نص جنب فندق ضباط الشرطه و هيه عامله 13000 ل 150 فرد و ممكن تزيد حسب انتى عوزه ايه و القاعه 150-250 فرد بس شيك موت حتعجبكو اوى لو شفتو باقى الصور و دمها خفيف على قلبى موت غير بتوع الجيش بقوا محروقين و عاملين على قلبى زى الكبه ههههه











ايه رايكو؟؟بذمتكو مش استاهل بوسه

حد عندو صور ل قاعة الجندول
امة الله ردى عليا فى موضوع البيكينى ده؟شكله هيبقى بايخ؟


على فكره القاعه دي اخويا عمل فيها فرحه شهر 4 اللي فات و القاعه فعلا جميله جدا و شيك موت و كمان هما معاملتهم حلوه اوى هناك
أ
روباز;7152580:

امة الله هو العروسه تلبس بيكينى ليه فى البيت؟؟؟ و كمان كاش مايوه...ده انا البيه بتاعى ممكن يهرينى تريقه هههه اصلى حساها اوفر شويه..البس كده ليه على اعتبار انى هاقف على حرف البانيو و انط :wink:

امة الله ردى عليا فى موضوع البيكينى ده؟شكله هيبقى بايخ؟


يا حبيبتي كانت فيه واحدة بتسأل عن طقم اللينجري اللي بيبقى عامل زي البيكيني تلبس عليه روب ولا ايه؟؟

الصراحة أنا شايفة الإيشارب الحرير أشيك من الروب

فده سبب الاقتراح

ودي كلها حاجات حتى لو مش في موضعها بس الزوج معرض لإنه يشوف الكلام ده برة

فالواحدة قدر إمكانها بتوفر لزوجها في البيت اللي يعينه على غض بصره وهو برة

حتى لو لبست له بيكيني

طبعاً أنا مش قصدي على أول أيام الزواج وإن كان الموضوع ده تابع لقد ايه انتي مرتاحة معاه وكده

وبعدين يا ستي جت على ده اللي بقى أوفر

ما اللانجريهات من أولها لآخرها أوفر

المهم رضا الزوج :)

ربنا يتمم لكم كلكم على خير ويسعدكم
b
يا بنات في واحده علي الفيس بوك اسمها الدكتوره مروه الخطيب عامله ميك اب تحفه جدا و الصور تجنن
حد سمع حاجه عن شغلها و لا يعرف اسعارها؟؟
s
sosiii;7146422:
مامتك شطورة الستارة حلوة اوي ماشاء الله والبلاك اوت هايبينها اكتر بس القماش احلي من البلاستيك
تاني حاجة الفستان مش باين خالص حاولت ادقق بس مش شايفة حاجة حاولي تشوفي واحد تاني عالنت قريب منه وتنزليه
تالت حاجة : مستنية شغل مديحة سليم اللي قلتي هاتنزليه وياريت التفاصيل بقي بكام وكدة


ازيك يا سوسى عاملة اية؟ بقلك يا جميل هى البلاك اوت القماش دى الاقيها فين فى الوكالة برضو؟ والراجل بتاع الستاير هو اللى جابلك القماش ولا انتى؟ والقماش بتبقى سادة وضهرها لون ووشها لون زى البلاستيك اللى عاملة زى المشمع ولا اشكال؟
y
[COLOR="Red"]البلاك اوت[/COLOR]
بيبقى شكله عامل ززى اخر صورتين كده



واهو لما بتعلق

J
yomizo;7141811:
وفي كمان واحد في فيصل في شاره حسن الصبان
هو مكانه اى كلام بس ايده تتلف في حرير والبدل عنده وهميه بيعملها ب 120 او 150 بالكتير
بس بيطلعه كربون الصورة
لو عاوزين رقمه برده معايا


lili8;7141724:
اسيل فيه خياط حلو اوووى ما بين فيصل والهرم بس مشكلة المووووواعييييييييييييد عنده بايظة لازم تبقى على ودانة كل شوية علشان يخلصلك الحاجة بس شغلة نظيف جدا واذا وديتى ليه حاجه يعملك زيها بيعملهالك هى هى ما شاء الله علية واسعارة كويسة اذا عاوزه رقمة ابعتهولك


يميم ولى لى ياريت تبعتولى ارقام الخياط والعنوان بالتفصيل
وشكرا مقدما
ش
اولا الف مبروك يامشمشة ثانياااااا

يابنات الله يخليكم نازلة النهاردة ممكن تقولولي الجوانتي والمروحة موضتهم لسة ولا خلاص ومنين وبكام بسرعة
e
أنا مش فاهمة البلاك أوت ده أنا بجيب قماش يعني والراجل يفصله برضه؟ وبيتحط على أي ستارة؟ والقماش نوعه ايه وبكام؟ وهيبان ولا لأ يعني هيبوظ شكل الستارة؟ وبيتركب على الستارة نفسها ولا على ماسورة تانية؟
ا
roaanader;7150793:
ممكن سؤال هو لازم طقم أول يوم يكون أبيض؟


لالالالالالالا خالص يا قمر اللي ترتاحي فيه و شكله حلو عليكي البسيه و ممكن الأبيض تاني يوم الصبح مثلا تلبسيه

basmanet2000;7151817:
علي فكره الفستان تحفه موووووووووووووووووووووووت
طب ممكن لو سمحت تقوليلي بتعملي سيرش ازاي علي الفيس بوك لاني مشتركه بس مش بعرف اعمل عليه سيرش وقوليلي كلمات البحث
سؤال عشان المخالفات بصوا ه اللبس لما يقعد اد ايه بيشيط اصل انا جبت حاجات لانجريهات كتييييييييييييييييييييييير مووووووووووت ومش اخده بالي من فرنسا يا جماعه الحاجه شيك اوي وتهبل امبارح بس خدت بالي اتضايقت من نفسي اوي فقلت اديهم لاختي الصغيره بس هي مش هتتجوز قبل مثلا سنتين تلاته
تقدر تشيل الحاجات دي ولا كتير وممكن يشيطوا ؟
السؤال ده ضروري فوق ماتتصوروا انا ضميري واجعني وقارفني جدا يا جماعه من فضلكم فيدوني


عندي لانجيري من سنين ولا حصل له حاجة يا قمر اول مرة اسمع حكاية لبس يشيط دي :eek: حتي الأبيض موش بيغير لونه بس اهم حاجة يتشال كويس يعني يفضل في علبته او الكيس بتاعه جوة الشنطة و في الشنطة بقي حطي مربعات المسك الصغيرة بتاعة اللبس دي او صابون ريحته حلوة عشان يفضل اللبس ريحته حلوة و مش مكمكم (f)

Princess_miro;7152213:


زى لون افتح خصلة فى الصورة دى و بيبقى شكله افتح على الاسود و احلى بكتير


ميرسي يا قمر (f)


شيكامارا2010;7153514:
يابنات الله يخليكم نازلة النهاردة ممكن تقولولي الجوانتي والمروحة موضتهم لسة ولا خلاص ومنين وبكام بسرعة


انا رأيي موضتهم راحت و موش حلوين :o
X