بعد ما كانت زوجته..صارت خادمة لزوجته..!

إذا هي مصره يعني خلاص كيفها خلها تيلس في هالوضع لين روحها تفكر شو تبي تسوي،عمرها 19 وتزوجت يعني مب صغيرة عارفة الدنيا و عاقله و فاهمه و لو كانت صغيرة ماكانت تزوجت، القرار بإيدها خلها تسوي اللي تبيه

لا حبيبتي
الواحد كيف ما كان كبير محتاج لنصيحة...وبعدين هي تمر بظروف صعبة و تفكيرها مشوش و مجروحة لدرجة ما تتخيليها
يقولو لو امج غلطانة انصحيها عيل كيف وحدة ما وكملت 20 سنة

:eek:

شنو هالعيشة ..لا تطاق..

شلون متحملة الإهانة

ماتوصل لدرجة تصير خادمة لزوجتة..!

اهم شي كرامتها حبيبتي



وقولي لها

{من باعنا بعنآهـ لو كان غالي}

وخليها تدخل منتدى عروس ان شاء الله تقتنع بكلامج

حبيبتي اذا اقتدى الامر وشفتي ربيعتج مهلووووكة من ريلها خبري هلها انتي واتحملي زعلها ... ترى هي بهالعمر صعب عليها تقتنع انه الي يسوي فيه غلط لانه لا تنسين انه مراهقتها عاشتها وياه والمفروووض ما شافت غييييره يعني راح تحبه للجنووون ...
الله يصبرها انا انقهرت وماني بمكانها

انتي علمي اهلها الصراحه هذا الشي ماينسكت عليه الله لايوفق زوجها

السلام عليكم
اختي انتي مسؤوله كلمي اهلها بكره يسوون فيها شي وعقب تندمين خبري حد ويوقف معاها في البدايه بتزعل منك بس مع الايام بتعرف انك تحبينها وتبغيلها الخير زوجها مايستاهل كلمة رجال ولا كلمة حب .

اخذ برايكم و بحاول اخبر حد من اهلها بس ادري رح تكرهني و يمكن ما رح تثق فيني مثل اول

الله يجزيكم كل خير..اذا خبرتهم بقولكم شو صار


والله ما توقعت الحب يوصل الأنسان لهدرجة

المشكلة انها مقتنعة ان بيرجع لها و يندم عاللي سواه

الصراحة حرام إلي تسويه بنفسها !!! مو معقولة تتحمل كل هذا و بعدها تحبه !!
لازم تنصحينها و تقولين ألف مليون مرة انه إلي تسويه غلط..
و لما يشوفها زوجها كيف هي منذلة له و لزوجته راح يذلها اكثر و اكثر ..!!
والله مرة انقهرت .. طيب يمكن جتهم عين او احد مسوي لهم سحر او شي..
خليها تروح شيخ يقرأ عليها ..

وربي يصبرها وييسّر أمرها .. آمييييييين يارب

بس لا تسكتين عنها .. حتى لو ما رضت انتي كلمي امها و اهلها ..

الله يعينها يارب ..

مع حبي

السلام عليكم ورحمة الله..
اسمحيلي صديقتم تستاهل الي يصير فيها..لانها هي من تريد المذلة؟؟.. كالمريض الذي يصر على الالم برغم توافر الدواء بين يديه

السلام عليكم ورحمة الله وبركاته
قرت ردود الخوات .... وفاهمه وحاسه بشعور الحب اللي هي عايشتنه
بس ...

لي رجعة طويلة عريضه باذن الله

انتظريني

أميرة عند زوجي;7126546:
اول شي لازم تروحين الى ابوها وامها وتكلمينهم !

شنووووو هيي مي راضيه

قولي لهم انتي ترى انتي بعد محاسبه لانه سكتي عن الظلم

والله مايرضى بالظلم

مدري شلون متحمله صديقتج

لازم تقنعينها انه ماتعيش بذل وخادمه الى زوجته

وشلون صابره عليه وهو وزوجته يعايشين فوق سريرها!!!!!

يا اهيي ماهيي قادره تستوعب يلي يصير وتتامل انه يرجع لها

او انه مهددنها انه ماتطلب الطلاق او شي من هالنوع !!

مافيه احد يقدر يصبر على الذل ياختيي

خبرييييييي اهلها ماعليج منها اهيي توها صغيره ولاتقدر تسوي شي وممكن مهددنها مثل ماقلت لج

(y) انا من رأي الاخت ...خبرييييييييييييييييييييييييييييييييييييي اهلها اذا كنت تحبيها ...

ومعليش صومي ثلاث ايام لان الموضوع ما ينسكت عليه...

المفروض تتطلق منه ولا تعيش معاه ولا لحظة
الرجال مثل القطاوه ياكلون ويمشون يدهم في الجدار
هاي بدل مايحترمها ويعزهااا ,,, يتزوج عليهااا
لا حول الله
الله ياخذ حقها منه

السلام عليكم ورحمة الله وبركاته

هي بعدها صغيره وماعندها عيال عشان تقول بتم على ذمته

المفروض اذا بتقعد معاه فالبيت ماتسوي ولا شي
ولا تطبخ

وتعيش حياتها

وتطلع وتدخل ولا تسوي له سالفه

هي مب خادمه

ولو تتطلف بتلقى اللي احسن منه
خاصة انها صغيييرة

الله يعينها

يقوووووووووووووولون من الحب ما قتل....
<<< كل على بالها انه كلام افلام ومسلسلات مال عبود وراجووو سرينا.الخ ....
حبيبتي لازم اهلها يدرون ولا تراها بتضيع
اكثر من هالكلام ما اقدر اقول لاني مصدومه والله مب مستوعبه ...!!!!!!!!!!!!!

حرام اللي يصير فيها
كيف راضيه
كل شي ولا الكرامه
وبعدها صغيره والعمر قدامها

لازم تخبرين حد من اهلها
مايصير كذا
الوضع ماينسكت عنه

طيب قولي لوحده من خواتها
تسوي زياره مفاجئه
ممكن تشوف كيف زوجها معيشها
وتعلم اهلها

الله يعينها
والله قطعت قلبي
كل شي ولا الكرامه
الله لايجيبنا لحب يسبب لنا الذل

واعذريني على الاطاله

أنتي لازم تقولي لأهلها حتى لو مارضيت

لأنها جالسه تدمر حياتها وهيا لسى صغيره

لا تسمعي كلامها هيا ماتدري فين مصلحتها

لأزم أهلها يعرفو

والله يساعدها يارب

حسبي الله ونعم الوكيل

شو ربيعتج هذي كيف ترضى على نفسها جذي ان يتعاملون معاها بهالطريقة الزفته والله لومكانها أخبر أهلي على اللي يسوي فيني ماأسكت عسب لايتمادون في الغلط معاها وهذا الحب اللي تقوله ربيعتج مب في محله ومب هالشخص اللي يستاهل تسويله كل طلباته أونه عن حرمته هي عروس ليش بنت شهبندر التجار ماتقدر تسويله طلباته والله بصراحة ربيعتح تيب الضغط من تصرفاتها هذي الله يعين

في بنات قالوا انها بنفسها تريد المذلة ولا ما استحملت

بس افهموا هي تحبه و تقول مالها عيشة من دونه ولو تركته تسوي بنفسها شي....

انا طبعا مو معها ابدا باللي تسويه و حاولت اقنعها بس هي حاطة ببالها انه بيرد لها ويحترمها و يمكن يطلق زوجته الثانية لان زوجته وحدة حقيرة و ابد ما تسمع كلامه

هو بنفسه واطي و ما مستاهل هالحب بس والله مدري اش اسوي

ما افدر اسكت و ادمر حياتها ولا اقدر اتكلم و اخون وعدي


غالية الأثمان انتظر ردك حبوبة

انتي خايفه على مشاعرها ؟؟؟؟

مب خايفه عليها ؟؟ البنت اتدمر حياتها جدامج وانتي على كلام فاضي مب راضيه تقولين لهلها؟؟


واذا ماوثقت فيج مره ثانيه ويعني لو صارت بينكم مشاكل ويغني الي يحب شخص يحب له مصلحته

والساكت عن الحق شيطان اخرس

لااازم اهلها يدرووون لازم حتى لو الثمن يكون علاقتج معاها

شوفي

صديقتج عندها سر خايفة زوجها يفضحها فيه اذا علمت اهلها

ولا ما كو وحده ترضى بهالمهانه

واذا ما عندها لا سر ولا شي

معناتها انها مو طبيعيه باللي قاعد يصير لها

و ذاله نفسها حق شخص ما يستحقها