موقف حدث اليوم...أمام عيني...في ساحة المدرسة...لطفلة في أول إبتدائي...

عورني قلبي عليها

الله يهدي الاباء ويساعد البنت على ابوهاا

لا حول ولا قوة الا بالله

انا اقول لو انبلغ علية احسن لأنه ما يستاهل يكون عنده بنت مثل هذي..

ما يستاهل يكون ابوا بالأصل..

والله لو انا شفته كنت رحت و بلغت عليه لان هذي طفله و الحكومه و مؤسسات حماية الطفل موجوده..

لو هو مو قادر يربيها انا أخذها و اربيها .. شو يعني مليوووون وحده غيري بتربيها تربية لا فيها ضرب ولا صراخ..

الواحد ربي بيحاسبة يوم القيامة على رعيته اول شي.. على عياله و شو سوى فيهم..

حسبي الله و نعم الوكيل .. والله اني اتزرزرت من هذا الموضوع..

وانتي ليش ما سويتي شي .. يا صاحبة الموضوع لو انتي مثل ما قلتي شفتي الموقف جان رحتي رديتي عليه .. لو كنتي معلمة روحي اسإلي عن البنت .. شوفوا وضعها الاجتماعي في البيت .. يمكن عندهم ظروف.. انتي سوي اجتماع و اطالبي بحقوق الاطفال و منع الأساليب اللي من عصور الجاهلية .. ليش احنا وين عايشين في غابة .. هذي الامارات دار الأمان.. لو مافي امان لعيالنا من اهلهم كيف بنكون عايشين في امان..


.........ربي ينصر كل مظلوم.......

يا هلا بك أختي DXB_lilly...

أنا عارفه مقدار الغضب اللي فيكي...و هذا نفس شعوري وقتها و الله...

و عن نفسي أنا من النوع اللي ما يسكت على الحق أبدا...و دايما أحاول أصلّح الأغلاط اللي حواليه...

لكن أنا أم طالبه في المدرسه مش معلّمه...و ما كنت أقدر أروح أتكلم و أعصّب عليه...أولا لأنني سيده...يعني تصرفي ( في مجتمع زي مجتمعنا ) ممكن ينفهم غلط ...أيضا لأننا وسط المدرسه...يعني ما أضمن ردة فعله...لما بنته يضربها كف...أنا شو ممكن يعمل معايا...لذلك كان صعب علي جدا أتحرك...و لما رحت أنادي المشرفه كان هو تحرك على فصل بنته طبعا...و ما عرفت أوصل له...و حتى شكل بنته...صعب أوصفه بين كل الجموع اللي موجودة...

لحد الآن أحس إنه كان مفروض أعمل شيء....لكن في قيود كتير كانت تمنعني للأسف...لذلك كتبت هذا الموضوع...يمكن أقدر أوصل رساله لجميع الأمهات...إنهم ينتبهوا لأطفالهم و معاملتهم و نفسياتهم....

حراااااااااااام عليه
والله كسرت خاطري وانا بس سمعت القصة كيف انتي اللي شايفتها

احول ولاقوة الابالله

الله يهدية فين امها كان تحضر بدال ابوها

في كثير اباء قاسين على عيالهم الله يهديهم

الله يهدي والدها

لا حول ولا قوة الا بالله

الله يهديه هذي مش اسلوب حضاري

لا حول ولا قوة الا باللة
واللة حرام علية اللة يهدية
دة كدة ممكن يعقدالبنت اللة يصبرها
ويهدى كل الاباء والامهات

لاحول ولاقوة إلا بالله..قلبي يعورني على البنت احليلها..اتذكرت نفسي يوم بعمرها في الصف الأول الإبتدائي والله أني طول السنه ويا اختي الكبيرة وفي صفها ..وفي هالعمر الطفل يحتاج لحنان ووقفة أمه وأبوه وياه لأنه مب سهل الواحد يفارق أهله ساعات طويلة عقب ما كان طول وقته عايش وياهم..يعني انا استغرب من هاللأباء يعني يعتبرون الضرب وجدام الناس من الرجولة والصرامة والأبوة..

و الله ذكرتيني بالموقف أختي nice-girl و رجعت زعلت ثاني على البنت

الله يهدي الأهالي بس...الواحد يعاملهم باللين في الصغر علشان يكونوا سند له في الكبر

مسكينه جتني الصيحه عليها

حسيت لو كنت هناك كنت باخدها في حضني

لا حول ولا قوة الا بالله

ياحرام
حسبي الله ونعم الوكيل
عديم احساس
مايستاهل يكون اب

لا حول ولا قوة الا بالله
مسكينة البنت والله انكسر قلبي عليها
خصوصا بداية الايام الطفل يكون بين الفرحة وبين الرهبة من المكان
الله يهديه والله يعين بنته عليه ولا ننسى زوجته الله يصبرها

عن جد الموقف ور قلبي الله يهديه ان شاء الله

حسبي الله عليه هذا وين يروح من عقاب رب العالمين

منظر جدا مبكي أختي

والله كستري خاطري او انا يمكن اكثر وحده حاسه فيه لانه هذا الموقف صار معي يوم كنت اصغيره
كنت اخاف من كل شئ او الله يحفظ البابا او الماما كانو يضربوني على اتفخ الاشياء يمكن عشان اكون اشوي اتاخرة او اذا مشيت فل المدرسه او طحت على اتفه الاشياء او ذا الشئ سبب لي عقده انه خلاني اكره المدرسه او اكره الناس او اي شخص اشوي يطول صوته او الى هذا يومكم احياننا اتخيل هذا المواقف او اتسبب لي رعب او انزعاج حتى احيانانا ما اقدر انام منه
عسى ايده الكسر