يارب افرج همى

اختي الله يكون بعونك ويفرج همك واضح من كلامك انه في طرف بيكذب في الموضوع ولا نستطيع الجزم من يكون .. لانك قلتي من البدايه انه خطيبك فعلا ماكان يزورك ولا يحكي معاكي فممكن تكون اخته صادقه لما افتعلت المشكلة اول مرة وقالتلك انك مش جاذباه وهو مابدو اياكي ولازم تتكلمي معاه .. يعني احتمال كبير تكون سمعت هذا الكلام منه واجت توصلك اياه والدليل انه هو قال لصاحبتك انه مش عايزك من زمان .. انا نصيحتي الك اذا ما بده اياكي لاتتمسكي فيه وان شالله ربنا رح يبعتلك الاحسن منه لانه من هلأ مش عارف ياخد قرار وكل شويه بكلام ولو انه رجل عاقل ناضج ماكان قال انا مش عاوزها لانه خواتي مش حيرتاحو معاها هو مين الي حيتجوزك هو ولا خواته؟؟؟؟؟؟؟؟؟؟ هذه حجج اختي ويبدو انه فعلا لايريدك بدليل عدم زيارتك من قبل او مكالمتك كثيرا لا وكمان مابيرد على تلفوناتك علما بانك مش مذنبة بشيء .. سامحيني اختي عالرد القاسي شوي بس واضح انه بيتحجج ومابيستاهل تتمسكي فيه .. استخيري في امرك ثم قرري ولا تحكمي عاطفتك لانك اذا تزوجته صدقيني واكاد ابصم بالعشره انه رح يعايرك عند اول مشكله ويقولك انا كنت عايز افسخ وماكنتش عايزك وانتي الي اتمسكتي فيه ... موفقه

:tears:
كلامك فعلا قاسى شويه .........
بس شكرا على الصراحه
لكن الموضوع مش كده
بدليل انه لو عايز يسيبنى كان سابنى من زمان انا مخطوبه من سنه ونص
كمان دايما كان يقوللى انه مشغول جدا وعنده مشاكل وكان بيحكيلى عنها كمان
ودايما كان بيطلب منى اتحمله للاخر واصبر عليه
كان بيغير عليا جدا لدرجه انه مانعنى حتى من الخرج من البيت
يعنى لو مش عايزنى مكنتش هفرق معاه ........
كمان ليه دلوقتى بس افتكر انه مش عايزنى بعد مشكله اخته؟
احنا كنا يومها نازلين نجيب الفرش اللى عليا وهو جاب اللى عليه خلاص !!
كنت بتفرج على شقتى واخته كسرت قلبى آخر اليوم ؟
كمان محمد وقت عصبيته كان دايما يزعق او يقول كلام ويرجع يعتذر عنه لو انا فعلا مكنتش اهمه مكنش حاول يوضحلى الامور (ده عمتا )

اللى خلانى متمسكه بيه ومستحمله لحاد دلوقتى انى عارفه انه مشغول جدا جدا خصوصا وانه ماسك الشغل كله بعد وفاه باباه وده اللى طلبه منى انى اكمل معاه مهما حصل ووعدنا بعض بكده .........
واخته عارفه الكلام ده للاسف ؟

انا مش ببرأه
لآ انا زعلانه منه جدا لكن مينفعش اوقف حياتى على كلام وصلنى فى ساعه زعل منه او عقاب على حاجات انا معملتهاش اساسا .........

حاجات كتير بتخلينى اتحمل محدش ممكن يحسها غيرى

ربنا معايا هو اللى حاسس بيا وقادر انه ميشمتش فيا حد تانى وقادر انه يفرجها عليا من وسع ويتم موضوعى على خير مهما حصل

ربنا يختار لك الخير

يا اميرة يا حبيبتي كل حاااااجة في الدنيا الا وربنا كاتب ليكي فيها قدرك ..
بصي يا حبيبتي حسييييييييت بيكي من اول كلمة قلتيها واتألمت زي ما تألمتي بس اصبري ان الله مع الصابرين ...
حقلك على حل بس حيكون فيه 3 اطراف : صاحبتك وجوزها وانتي وخطيبك الله يهديه ويبعد عنكم الشيطان وشر خواته يا رب ..
يحددوا معاد ييجي عندهم للبيت وانتي في نفس الوقت تجي عند صاحبتك لانه لو فضلتي تكلمي في التلفووووون ده مش حل ولو فضلتي حاطة ايدك على خدك برضه مش حيصل حاجة ومفيش حل ...تيسري وروحي حلي مشاكلك بايدك واقعدوا قعدة رجااااااالة بلاش خصومة قليلو اتفضل يا سي محمد قوووووول مالك مضايق مني ليه سمعت عليا ايه وانا مستعدة افسرلك كل حاجة واوضحلك كل حاجة ..محنا كنا سمن على عسل اخر مرة ايه الي غيرك ؟ اوعي تجيبي سيرة اخته على لسانك مش بعيد يكووون لسى متأثر ويوقول دي بتكرهني في خواتي اوعييي... المهم روحي وحطي ببالك ربنا وتوكلي عليييييه عارفة ايه يعني اتوكلي عليه ده الوكيل يا حبيبتي الوكييييييييل حسي بعضمة الكلمة دي وقبل المشوار صلي ركعتين وادعي دعاء كدة يهز البدن وربي يسهلك اموووورك وتكوووووني بعد 3 شهووور دي في خانة المتزوجات ان شاء الله بحول الله ...اللهم لا سهل الا ما جعلته سهلا وانت تجعل الحزن اذا شئت سهلا ردديها في طريقك لعند صحبتك وانسي انه بينك وبينه مشكلة وان شاء الله حتشووووفي ثقتك بالله وتوكلك عليه حيجيب نتيجة ولا لاء ...
اخر أخبارك قوليها عشان نطمن عليكي ..روحي ربنا يسهل عليكي

العيش او الخبز رزق وخير لصاحب الرؤيا والله اعلم

عروس البحر الابيض المتوسط;7198931:
يا اميرة يا حبيبتي كل حاااااجة في الدنيا الا وربنا كاتب ليكي فيها قدرك ..
بصي يا حبيبتي حسييييييييت بيكي من اول كلمة قلتيها واتألمت زي ما تألمتي بس اصبري ان الله مع الصابرين ...
حقلك على حل بس حيكون فيه 3 اطراف : صاحبتك وجوزها وانتي وخطيبك الله يهديه ويبعد عنكم الشيطان وشر خواته يا رب ..
يحددوا معاد ييجي عندهم للبيت وانتي في نفس الوقت تجي عند صاحبتك لانه لو فضلتي تكلمي في التلفووووون ده مش حل ولو فضلتي حاطة ايدك على خدك برضه مش حيصل حاجة ومفيش حل ...تيسري وروحي حلي مشاكلك بايدك واقعدوا قعدة رجااااااالة بلاش خصومة قليلو اتفضل يا سي محمد قوووووول مالك مضايق مني ليه سمعت عليا ايه وانا مستعدة افسرلك كل حاجة واوضحلك كل حاجة ..محنا كنا سمن على عسل اخر مرة ايه الي غيرك ؟ اوعي تجيبي سيرة اخته على لسانك مش بعيد يكووون لسى متأثر ويوقول دي بتكرهني في خواتي اوعييي... المهم روحي وحطي ببالك ربنا وتوكلي عليييييه عارفة ايه يعني اتوكلي عليه ده الوكيل يا حبيبتي الوكييييييييل حسي بعضمة الكلمة دي وقبل المشوار صلي ركعتين وادعي دعاء كدة يهز البدن وربي يسهلك اموووورك وتكوووووني بعد 3 شهووور دي في خانة المتزوجات ان شاء الله بحول الله ...اللهم لا سهل الا ما جعلته سهلا وانت تجعل الحزن اذا شئت سهلا ردديها في طريقك لعند صحبتك وانسي انه بينك وبينه مشكلة وان شاء الله حتشووووفي ثقتك بالله وتوكلك عليه حيجيب نتيجة ولا لاء ...
اخر أخبارك قوليها عشان نطمن عليكي ..روحي ربنا يسهل عليكي

متشكره جدا ليكى انا فعلا توصلت للحل ده مع صاحبتى بس يارب يجى عندهم لاننا مش هنعرفه انى هناك احنا هنفاجأه ..........
انا والله وكيلى ربنا وهو عارف كده انى مليش غيره هو احن عليا من اى حد ؟؟؟
وكنت فعلا ناويهمجبش سيره اخته دى خااالص غير بكل خير بس لازم اوضحله انى اخر مرره كلمتها وكنا متصافيين واخته الصغيره كمان كانت قالتلى كده .........
عمتا انا ببعتله رسايل من وقت للتانى بس يارب تجيب نتيجه ........
وبرضه عملت اللى عليا وعت لاخواته رسايل بهنيهم برمضان علشان محدش يغلطنى .....

بس كل خوفى بقى انه يصدنى ........

ادعولى يابنات ان ربنا يفرجها عليا ويحلها يومها ويهدى النفوس .........

ربنا يفرجها من عنده يا أميرة ويقدملك كل خير يارب ويرضيكى بيه ويقر عينك ويسعدك دايما ان شاء الله

يارب
ربنا يخليكى

والله حاسه بيكى لانى اتعرضت لموقف مشابه
الجئى الى الله لا اله الا الله
لعله اختبار حتى يقربك منه والله والله هذه المواقف قربتنى من ربنا جدا و حسيت برحمته وقربه وانه عمل كده معايا عشان اعرف ان مفيش حد فى الدنيا دى حاسس بيا غيره
هو الواحد القهار الذى يقول للشئ كن فيكون الجئى اليه ليل نهار ولن يردك الله خائبه
داومى على قراءه سورة البقره وان شاء الله نسمع اخبار كويسه ربنا معاكى:)

ربنا يهديه و يقربكم من بعض و تكون سحابة صيف و تعدي قريبا ان شاء الله

يارب يابنات
تكون سحابه صيف وتعدى يارب
والله كأنى عايشه فى كابوس وحالى مايعلم بيه الا الله
على طول بحس بصدااااااع فى راسى كأنه بيتهز من مكانه من كتر التفكير
ومتتصوروش قد ايه كرهت حياتى والايام اللى بعيشها دى ..........
خايفه انجرح تانى واللى بيحصل فى كل خطوبه يتكرر بجد خلاااااااااص زهقت من تكرار الاحداث .........
ياااااااااارب يااااااااااارب يفرجها عليا بقى ويجى عليا العيد واحنا متصافيين يارب وكل حاجه ترجع زى ماكانت واحسن
قولوا آميييييييين وادعولى كتير يابنات ارجوكم

السلام عليكم ورحمه الله وبركاته

بسم الله الرحمن الرحيم


لا حول ولا قوه الا بالله العلى العظيم

اولا المفروض مكنتيش تسمعى كلامها فى اى شئ وتخلى بينك وبينه دا شئ كانه سر لا تقلك اتصلى ولا اسالى ولا قولى

يمكن هى عارفه والله اعلم ان دا شئ بيضايقه فبتقلك اعمليه عشان يضايق منك وكلامها الى بتسعى له يتحقق فهمانى لازم تبقى ازكى من كدا

واعرفى ان نصيبك مهما حد وقف قدامه الى ربنا كتبه هيكون مفيش انسان على الارض يقدر يغيره

وطلاما انتى صح والحمد لله اعرفى ان حقك هيجيلك لحد عندك بدون ما تطلبيه يا بخت من بات ظالم يا اختى فى الاسلام

استهدى بالله واستغفرى ربنا كتير وعسى ان تكرهوا شئ وهو خير لكم وعسى ان تحبوا شئ وهو شر لكم

اعرفى كدا كويس وان الى هى بتعمله هيعود له اكيد ربنا مش بيسيب حق مظلوم ابدا وادعى ربنا واستغفريه كتير

وكررى لا اله الا انت سبحانك انى كنت من الظالمين
وقولى المعوذتين والاخلاص كتير وان شاء الله هتتفك كل كربك وهتتحل وهتتجوزى ان شاء الله فى ميعادك وهيكون جوزك خير ليكى وهيحميكى ان شاء الله من كل شئ ومن كل انسان عاوزلكم الشر

صدقينى هو الى هيخسر مش انتى

ربنا بيحبك عشان كدا بيبينلك معادن الناس من اولها عشان تحذرى فكرى فى نعمه ربنا ومتفكريش فى العبد فكرى فى الله وحده

وربنا معاكى ان شاء الله وصلى وادعى دى ايام جميله

وان شاء الله ندعيلك كلنا وتبقى اسعد انسانه ان شاء الله

ربنا يوفقك ويحل لك مشكلتك يااااااااااااااارب يااميرة
وان شاء الله تكون سحابه صيف
معلش هو اكيد موقف صعب بس بجد ياما قبل الجواز بيحصل
عادي..اعرف واحده كانت جابت كل حاجه وعملوا كل حاجه واختلفوا يوم ماجابوا فستان الفرح
مايهمكيش
المهم ان ربنا يقسم لك الخير
مش مهم هو فين بس المهم ربنا يعملك الي يرضاهولك
لانه سبحانه ادرى الخير فين ومصلحتك فين
طمنينا عليكي اول مايحصل جديد

شكرا ليكم جدا صوت العيون وكيتى
بجد ريحتونى شويه
والله على طول بصللى وبدعى ربنا لكنى خايفه برضه
خايفه قوى
انا حبيته قوى ده قبل كل حاجه وغير كده بقى باقى الظروف
اتمنى ربنا يفرجها عليا والله بقيت عصبيه جدا جدا ومبقتش عارفه الصح من الغلط
وبقيت بخاف من كل شئ وبشك ف كل الناس وحالتى بقيت وحشه قوى بجد .........

بصى هقلك حاجه

فى وحده اعرفها اتخطبت 3 مرات واول مره قعدت معاه سنه ونص وكانت بتحبه جدا واختلفوا على القايمه شوفى حاجه كبيرة مش صغيره رغم انه قريبها

وسابوا بعض وكان فاضل على الفرح اسبوعين

لا حول ولا قوه الا بالله تصورى

الحمد لله يارب

ربنا ما يوريها لحد يارب يارب يارب

المهم

وهى دلوقتى اتجوزت واحد تانى خالص

يعنى كل شئ نصيب مهما طالت او قصرت المده

يعنى الحياه مش بتقف وكان الموضوع كبير

لكن انتى خلاف عائلى فهمه حلى الموضوع بينك وبينه مش تكبره بعيلته وعيلتك وكدا ومعتيش تثقى فى حد بسهوله بيقلك حرص ولا تخون

فهمه

وربنا يكرمك ان شاء الله

ولو انتم مكتوبين لبعض عمر ما حد فى الدنيا هيبعدكم ولو هو بيحبك زى ما بتحبيه كدا يبقا يستهلك وتستهليه لكن لو بتحبيه وشرياه وهو لا يبقا مش يستاهل

استغفرى ربك كتير
وربنا يصلحلك الحال ان شاء الله

الحمدلله ياصوت اللى بيشوف بلاوى الناس فعلا بتهون عليه بلوته ..........
لا الحمدلله هى موصلتش انها تكون بين العيلتين وده اللى تاعبنى
اساسا بابا لو عرف حاجه هينهى الموضوع بنفسه لانه كمان اتخنق من تصرفاتهم ........
وانا بحاول لحد آخر لحظه انى احافظ على الموضوع ده لانى بجد بحب محمد من كل قلبى ومش كل شويه هلاقى نفسى هبدأ من جديد مع واحد تانى متتصوريش الحكايه دى بتتعب قد ايه ربنا مايوريها لحد...
تفتكرى المشكله دى سهله فعلا وممكن تتحل ؟؟؟
مش عارفهكل مااقرر انى اروح تحصل حاجه تأجل بس اكيد خيييير من رب العالمين ؟
لكن المشكله انى تعبت مش قادره استحمل اكتر من كده وهو مشغول فى زحمه شغلهم وفى المشكله اللى عنده وانا اللى حاطه ايدى على خدى وببكى على حالى ...
انا بس اللى مش بنام الليل من الالم اللى حساه فقلبى ..
انا بس اللى مش قادره اضحك..
انا بس اللى بتعذب وحاسه بجرح وخوف ...
والمشكله انه كان كويس معايا جدا فى آخر يوم شوفنا بعض فيه ؟؟
طيب تفتكروا زمانه هدى شويه من كلام اخته ده؟
ولا ايه ؟
انا مبقتش عارفه افكر والله وتعبت كل يوم بحس انه بيقلل من عمرى

بلاش تفكرى كدا تفائلى خير ان شاء الله

مش تنكدى على نفسك
استهدى بالله والخير ليكى هيكون ان شاء الله

ولعلمك الوقت بينسى المشاكل
وبيهدى الامور وان شاء الله كل شئ يهدا ويرجع احسن من الاول وتتعلمى من الى حصل

طب حاولى تكلميه تانى او ابعتيله مسدج

يارب
يارب
يارب

نفسى تكون مشكله عاديه والله ليا اصحاب طمنونى وقالولى انهم قبل الجواز حصل اكتر من كده
لكن انا خايفه لانى دايما مشاكلى مبتبقاش ليها حل .........
خلااااااص اتعقدت

pippo;7207746:
طب حاولى تكلميه تانى او ابعتيله مسدج

بعمل كده بس مش كل يوم .........
مشكله محمدانه عملى تفتكروا بيتأثر من الرسايل دى ؟