لو خيروكِ بين الولادة الطبيعية او العملية القيصرية..ايش تختاري وليش؟

اكيد بختار الولادة الطبيعية ويتراوى ليي الكل يتنمى يولد طبيعي ..لان الولادة الطبيعية اضرارها اقل بواااجد من القيصرية..يعني الولادة الطبيعية بتألم من الطلق بس حزة الولادة عكس القيصرية اللي بظل اثرها اشهر

في النهاية كل شي فيه الصلاح سواء طبيعية او قيصرية..اهم شي السلامة في النهاية

لو رجع لي الاختياار اخترت الطبيعيه

لان الالم وقتـهاا بس القيصريـه اشوف البنات تعاني اشهر منهـاااا

واللي كاتبه الله بيصير ,,,

اللهم اسالك هون الطلق وحسن الخلق

صح الله لسانج اختي الغاليه مر الأيام فعلا راح اختار الطبيعية لأن ألمها بنفس الوقت و اول ما يطلع البيبي تروح كل الآلام و لكن القيصرية يظل ألمها مدة طويله انا بنت خالي ولدت قيصري مسكينه صار لها الحين 4 سنوات من اولدت و للحين لما تجيها الدوره تكرمون تحس بنغزات و سكاكين تقطع مكان العمليه .. الله يساعدها و الحين هي ودها تحمل على ولدها لانه كبر بس خايفه من القيصري و ادعو الله يوفقها و يرزقها يا رب ..

بس كل حمل له ظروفه و كل ولادها و لها ظروفها الخاصه في ناس الله كاتب لهم يولدون قيصري و هذا الشي مب بيدهم و لو الشي اختياري الكل بيختار الطبيعي بس كل شي برب الله سبحانه ..

الله يسهل عليج اختي وريف و تولدين طبيعي يا رب و لا تحاتين و لا تخافين لأن المحاتاة مب زينه للحامل افرحي يالغاليه انتي تحملين الغالي بين الأظلاع :) تحملي بنفسج و تحملي بالبيبي و لا تنسين اتكلي على الله سبحانه فهو الميسر و هو المعافي و هو الرزاق الكريم ..


تقبلي مروري و تحياتي
أم محمود

هلا خواتي >>>
الله يسهل علينا الحمل والولادة وما نحتاج ان شاء الله لهالعمليات القيصرية >>>>

انا الله يسلمكم عندي أمي ولدت اختي الصغيرة قيصرية >>ووايد تغربلت امي فديتها وتمت اكثر من شهر ما تقدر تتحرك >>>>وما كانت تقدر ترضع الصغيرة ولا تشيلها ووايد كانت تتألم >>>>بس الخير والبركة فيني ما قصرت قمت فيها وفي بنتها فديتني >>>>>

بالنسبة للمستشفى انا هذا اول حمل لي الله يتتمه لي على خير يارب واشوف ضناي بين احضاني قريب آمين
عقب اسبوع اول موعد لي عند دكتورة معروفة عندنا في البحرين >>>>بس وايدج متخوفة الكل يقول انها تولد قيصري>>>>الله يستر .......

اكيد طبيعي
وجع ساعة ولا كل ساعة

أنا رأيي من رأي البنااات طبعاً ولادة طبيعيه ... ومثل ماقلتوا تختلف ضروووف كل ولادة عن الثااانيه


واللي ربي مقدره وكااتبه علينااا بيصير .. أوكي الولادة الطبيعيه تألم بس يكفي الملك اللي يمسح على بطن الوالد وينسيهاا كل آلامهااا حزة الولاده وتظل تذكرهااا بس كأنهاااا حلم ... الولادة القيصريه كل ماتنقلبين وانتي منسدحه تألمك وهذا غير آثارهااا على الحمل الثااني أنك تعاانين من نغزاااتهااا ولو الله ارااد وحملتي على طوول راااح يكووون حملك جحيم ..

والله يسهل على الجميع وييسر لهم الولاااادااات الطبيعيه السهله والمريحه والله يهووون علينااا الطلق .. ونشوووف بيبياااتنااا بين أحضاااننا ..

طبعا طبيعي
مع اني ما جربت القيصري
بس العملية تؤلم سمعت عنها وااايد


الله يسهل على الجميع

طبعا طبيعي ..بتالم كمن ساعة وبعدين عادي اما القيصيري آلامها شهووووور

انا مجربه القيصريه

و تبون الصراحه

وايد الحريم يبالغون لان بعد العمليه باسبوع كنت اطلع عادي

و بعدها بشهر سافرت

الطبيعي طبعا احسن ... بس اذا لا سمح الله وحده احتاجت انها تربي بقيصريه ف مافي داعي للخوف..

اكيد طبيعي

والاسباااااااااااب ذكروها البنات

انا اختار الولادة الطبيعية الصراحة احسن بكثير من الولادة القيصرية
ولادتي الاولى كانت طبيعية وان شا الله الثانية بعد اتكون طبيعية

السلام عليكم ورحمه الله

مشكورات ياغاليات على التفاعل والردود ،،

انا بصراحة خايفة من الطبيعية لاني هنا بلحالي بولد عند زوجي وهو دوامه متعب يعني احتمال مايجي معاي وقت الولادة ،،

فمرات اقول ياليت اولد قيصري ولكن اذا ولدت قيصري خايفة من مضاعفاتها على الجسم وعلى الحمل الجاي ان شاء الله

بس بجدكم خوفتوني بزيادة من القيصري وانا امي تقول لي القيصري متعب الجرح يظل يحكك سنين لقدام ويتعبك
وتاخذين وقت على ماترجعين جسمك زي اول بعد العملية

الله يعيين يارب ويكتب لي الخيرة من امري

اكرر شكري وامتناني

أنا مجربة الإتنين بس أفضل الولادة الطبيعية
رغم إني بالولادة طبيعية ضليت 24 ساعة بغرفة ولادة بس أول مشفت حببتي نسيت كلشيييييي
أما القصرية كنت عارفة إني هولد قيصري مدة ولادة كانت 20min وماحست بشي بس الله لا يوريكم بعد ما طار البنج ألم و صعوبت الحركة صيرلي سنة ونص والدة ولما أعمل أي مجهود أو أحمل شي ثقيل بتوجعني كثير

الطبيعي .. يكفي انه طبيعي ..

لكن برضوه القيصري مامنه خوف .. ان شاء الله اذا اهتميتي بنفسك !!!


واللي كاتبه الله بيصير .. لا تحاتين .. :)

أكيد أختار طبيعي...

والله انا عن النفسي لا والله اشوف القيصري احسن بوايد من الطبيعي انا ولدت طبيعي بس شفت الموت بعيوني
من الطلق اما القيصري لاطلق ولا هم يحزنون يعني تنامين وتقعدين وولدج عندج

(f)(f)(f)(f)دايما عرووووس(f)(f)(f)(f)

والله يا اختي انا اقول اكيد ولاده طبيعيه افضل مع اني ما جربتها لاني توني والده قيصري والحمدلله ع كل حال وراح تكون ولاداتي كلها قيصريه لان عندي الحوض صغير والله اعلم ان شاء الله بعدين ربي يسهل علي واولد طبيعي بحملاتي الجايه ان شاء الله بس بالنسبه حق الولاده القيصريه هي صحيح تعب ووجع وشق في البطن لكن هذي الالام اول ايام وممكن الوحده تتحملها لكنها بعد مرور اسبوعين اول اقل تخف وتتلاشى والوحده تقوم وتروح وتجي عادي والاهم في الموضوع كله ان لازم ثاني يوم من الولاده تحاول المرأه تمشي لان المشي يساعد ع الشفاء بسرعه..

اتمنى اني افدتج وسامحيني طولت عليج وهذي انا بكريه وولدت قيصري والحمدلله وماشاء الله الالآم راحت عني.. ومن ناحيه القيصري لا تفكرين فيها الامها محتمله ومافيها شي يخوف واللي تقول يألم وماقدر اتحرك لشهور او سنين هذي دلوعه والا الالام اول الايام بس والله اعلم يمكن وحده عن الثانيه يختلف الامر بس نتي لا تحاتين شي وتوكلي ع الله واهم شي ان تكون عندج اراده قويه وانصحج تشيلين الخوف من قلبج ودايما استغفري بنيه تسهيل الولاده وان شاء الله ربي يسهل عليج ولادتج وتولدين طبيعي يارب..

انا اول ولاده لي كانت قيصري
بس جربت الطلوق والتعب وااااخر شي حولوني عالقيصري
والحين خيروني المستشفى بين الطبيعي والقيصري
واخترت احاول اولد طبيعي
ادعو لي الله يكتب لي اولد طبيعي والله يهون علي
الله يكتب اللي فيه الخير