العاطلات البحرينيات تفضلو حياكم

مشكوره لآلئ البحرين

طرشنا والله كريم

المشكلة اهنى ان سياسة التوظيف صايره على نظام المحسوبيات و ليس الطائفية .... أضرب ليكم مثال :

اول سنة اتخرجت سوو امتحان و اني تخرجت شهر 6 ...وزارة التربية قدمت امتحان للي تخرجوا قبلنا بكورسات و احنا ما رضوا يدخلونا الإمتحان ....ليش ؟؟؟ايقولون ان قوائمنا ما وصلتهم من وزارة العمل ..... بس اشلون عجل 4 او 5 وحدات من نفس الكورس اللي تخرجنا قدموا وياهم ؟؟؟؟؟؟؟؟

الرد بعد ما ضغطنا عليهم و تورطوا قسم المراجعين قالوا ان في أوامر من الديوان ما نقدر نتجاهلها ؟؟؟؟؟

هالمرة مثلا توظفوا ناس توهم متخرجين و لما سألنا ويش هالسرعة قالوا لأنهم متميزين ....بالله عليكم اني و رفيقتي ما نروح المقابلة الا فايلنا بينبط من الشهادات و الدورات و المعارض اللي انشارك فيها .....وهذيلين اللي توهم متخرجين ما يمديهم يسوووون شي ....

ألحين منهو الأكفا فينا ؟؟؟؟؟؟

السالفة وما فيها ان
70%واسطات و30% الباقي على قولتهم الأكفء (نظام المسابقات الفاشل)
ملعوبة الله يغربل وزارة التربية والوزارات الثانية

سلام بنات

متباركين بالشهر

الله يوفقكم متابعة للموضوع,,

نفسكم عاطلة - ربة بيت -

واقول للبنات الجامعيات اللى حصلتو في رياض اطفال , ترى صدق احسن من قعدة البيت, بس والله مجربتها

كسار ظهر عن جد والراتب ما يسوى على ربة بيت بدون شغالة, لاني اشتغلت عندهم رسامة , رسم

زيتي على الجدران و رسم ع الورق و الكمبيوتر ومساعدة للمدرسات في الانشطة والرسومات والله هلكوني وآخرتها يوم حملت

وطلعت من عندهم بالغصب , كم يوم وطرحت حملي الثالث , طبعا هم مش السبب الرئيسي , بس بدون معين

في البيت , ما تسوى الشغلة برى البيت !

وكلمة اوجهها لكل الجامعيات واللى بعدهم بدون زواج , اشتغلو على روحكم قبل الزواج , الله يوفقكم جميع ,,

هلا بنات ما يحتاج تشكروني على الايميلات احنا خوات اقول بس يارب عسانا نتوفق ونحصل شغل انشاءالله

مع اني من زمان ما شاركت بس حبيت ارد على اللي تقول ماجابت سيرت الطائفية خخخخخخخخخخخخخخخخخ وهي كلمتها طائفية طالعة من قلب ... حبيبتي حتى المقبولين في كلية المعلمين 95% منهم شيعة ... شوفوا ردود اللي توظفوا في التربية في هذا المنتدى 2 او 3 سنة والباقي شيعة ... يعني الوزراة لاطائفية ولا شي هذا خيال في عقولكم ... اذا ماتوظفتوا مو معناه ان الوزارة طائفية لانها وظفت 5بالمئة سنة والباقي شيعة .................. مادري متى بتفهمون ان التوظيف رزق والرزق ما يجي بواسطة ولا طائفية يجي من رب العالمين ......... اذا مو اليوم باجر ..........ويمكن مالكم رزق الا القليل .............. المفروض انكم جامعيات وفاهمين ... ذبحتونه طائفية وتنقز على شنو .............. المدارس كل المدرسات فيها شيعة ... والسنة ينعدون على الاصابع... بنات اعرفهم متخرجين سنة94 و 95 مساكين في البيت بطالة .......... ماقالوا خذوو ناس وناس ........... عيب هالكلام

حتى مقابلات التربية مافيها سنة الا شوي ... وين الطائفية ممكن توضحين .... واذا جيتي على سالفة الكفائة

صراحة التدريس مو لعبة ... امانه ....شوفي نسبة الرسوب والتسيب في المدارس .... ......... اعرف مدرسات ومدرسين حالتهم حالة لولا الله كاتب لهم رزق مادري اشلون تجاوزوا مقابلة التربية .... بلاوي تصير ما شوف الوزارة فنشتهم وقالت طائفية

اعذروني .... لان صراحة الكلام يقهر .......اذا الطائفة الثانية ساكته ... والناس اهني وفي كل المنتديات ثانية طائفية وطائفية ........... من المقصود غير السنة ..... لو المجنسين جان انذكروا بالاسم ................... مستعدة اطبع لسته كلية المعلمين عشان ابط عيون اللي يقول طائفية ............. المفروض السنة يتكلمون ........... مو انتوا ؟؟؟؟ وين النقاش الحضاري اللي تتكلمون عنه والا مجاملة بس ..... والله اعلم بعد شيدور في قلوبكم ............. بصراحة ماراح ادخل مواضيعكم لانها تضايق

فديت قلبج ضحوووووكه

تدرين انه يوم اجوف اسامي تخصصي 3\4 شيعه 1\4 سنه واعرفهم والي ماعرفهم الاسم واضح لكن ماتكلمت وقلت رزق لكن اجوف هالمنتدى والمنتدى الثاني وجريده الوسط طايحين سب ولعن في الوزارة على انهم وظفوا سنه(طائفيه على قولتهم) اهني ماقدر اسكت

لو انسوي استبيان في هالمنتدى من الي توظفوا انه متأكده ان الاغلبيه شيعه

وعجبيني كلام نور الذكرى يوم قالت المشكلة اهنى ان سياسة التوظيف صايره على نظام المحسوبيات و ليس الطائفية
هذا ان دل دل على انها انسانه واعيه وفاهمه

السالفه فيها واسطات
لاشيعي ولا سني
عندك واسطه تمشي
والرزق على الله

السلام عليكم
هلا اخت ضحكة
بصراحة كلامج فيه منه شوية صح و أشك فيه و الباقي غلط
تدرين ليش؟؟؟؟؟؟؟؟؟؟؟؟؟؟؟؟؟؟؟؟؟؟؟
أذا ربطي الحركات المبهمة من كلية المعلمين و الوازرة أتجاه المقبولين , راح تعرفين ؟؟؟؟؟؟؟؟
و على فكرة لا تفرحين وايد , ترى الوضع يخوف و يقلق
أنا حاسه بهالشي
و ما ابي اقول وايد ترى حتى النت ينخاف منه
بس ما اقول إلا الله يسهل الأمور
ياااااااااااااااااااااااااااااااااااااا رب

صلوا اااااااااااا على النبي :D
المشكلة في السياسة المتبعة في التوظيف
وعدم تناسب كم الخريجين التربويين مع الشواغر
يعني لو تنحل هالنقطتين احنا بخير(f)

المشكلة في السياسة المتبعة في التوظيف
وعدم تناسب كم الخريجين التربويين مع الشواغر
يعني لو تنحل هالنقطتين احنا بخير

ليش قلت أني جدي؟؟

المعروف عند حل المشكلات نرجع للأسباب ونحل السبب عشان تنحل المشكلة
بس لين حطينا سبب كبير ما بنقدر نحلها :(، مثلا الطائفية اذا حطيناها سبب لمشكلة العاطلين الجامعيين يعني لازم نحل الطائفية عشان يوظفون الجامعيين .. وهذي وش يحلها :ss:
لكن اذا حطينا أسباب ملموسة وعملية باستطاعتنا نحلها راح نوصل لحل المشكلة (مثلا أسباب ادارية زيادة تخطيط وغيره ) أتمنى فهمتون قصدي :)

السلام عليكم

بنات تابعوا هالموقع يوميا لان تنزل فيه وظايف يمكن تستفيدون

http://go.3roos.com/0nGQQPi5T8S

|

|

|

|


للرفع

الف شكر لآلئ البحرين

k_kawther;7185110:
الف شكر لآلئ البحرين

حاضرين خيو ما سوينا شي

كل يوم تعالي :wink::D

السلام عليكم بنات

هذا رقم تلفون لشركة اعلانات تبي تسوي مقابلات للتوظيف اني اتصلت واخذت موعد على الساعة عشر بكرة

رواتبهم بين 250 و400 وعندهم فرصة 21 وظيفة

17251303رقم الهاتف

وهذي الوصلة من موقع المحيط

http://go.3roos.com/TK5DtFjJUBl

بالتوفيق للجميع

لآليء البحرين
اسم هذي الشركة شنو
ومقابلتهم اشلون بلعربي لو الانجليزي
موقع هذي اشركة وين
اوقات الدوام عندهم من كم الى كم

عصفورة 2008;7206117:
لآليء البحرين
اسم هذي الشركة شنو
ومقابلتهم اشلون بلعربي لو الانجليزي
موقع هذي اشركة وين
اوقات الدوام عندهم من كم الى كم

هلا عصفورة

بصراحة قالت لي الاسم وما قبضت كانت البنت تتكلم بسرعة

اما بالنسبة للمقابلة طبيعي ان معظم الشركات الخاصة مقابلاتها بالانجليزي

الشركة في المنامة بالقرب من حديقة الاندلس

اوقات الدوام بصراحة نسيت اسأل

بس اذا بغيتين بكرة مقابلتي بسأل وبعطيش معلومات

بالتوفيق للجميع

مشكورة اختي على الوصلة بنتصل ونشوف حظنا