ساعدوني الله يفرج عليكم

ظفارية ياحلاتي 30-08-2008 6 رد 584 مشاهدة
ظ
كيفكم عرايسنا الحلوين عساكم بخير وبصحه وباعافيه يارب


خواتي بليز ابي مساعدتكم شوروا علي ف مشكلتي الله يسلمكم انا تزوجت الشهر اللي طاف وزوجي ملتزم وطيب وكل وقته يضحك واضحك معاه بس فيه عيب واحد مايحب يتمشى تخيلوا من زواجنا ماتمشينا الا 4مرات وانت تعرفون ايش حال العرسان وفي ال 4مرات اللي طلعني فيهم ماتتجاوز التمشيه 45 او 30 دقيقه بليز ابي اغير اسلوبه ابي اخليه يتمشى ويحب الطلوع لاني اذا سكتت بيطنشني العمر كله ومشكلتي مابين ايدنكم....
m
هلا حبيبتي والف مبروك الزواج

الموضوع بسيط تكلمي معاه قوليله ليش ماتحب تطلع ونتمشى ترى انا احب اطلع معاك واستانس واحنا مع بعض وانا امل من قعدة البيت والمهم تجيبيها بدلع لا تتضاربين ولا تتكلمين جد لا بدلع وهو بيقولك مثلا انه مايحب يطلع وكده قوليله انك دايما قاعده بالبيت وماتحبي تطلعين من البيت غير معاه

وربي يسعدك ويديم عليكم الحب والمودة ان شاء الله
w
حبيبتي كلميه بحب
وقولي له (( حبيبي خلنا نطلع نغير جو ))
او زي هالكلاااام
واني بطريقتج الحلوه راح تخلينه يتغير
والله الزوج مثل الياهل
الله يوفقج اختي
t
لا انا رأيي غير..

انا اقول ماتنبهينه بها النقطه فيه عشان مايتوهم ويتمسك فيها زياده...

وبعدين اغلب الرجال بدايه الزواج مايحبون يتمشون كثير ودهم يتأملون زوجاتهم...هههههههه

بس انتي حببيه بالطلعه وخليك عفويه بطلعاتك لا تصيرين مره رسميه عشان مايكره الطلعات بزياده..

ومو تلطعينه بالميك اب تتأخرين عليه!!!

وبعدين ماكنك مستعجله تغيرين الرجال ماصار لك شهر؟؟؟خخخخخخخخخخخ

اصبري واذا انتي شطوره بيحب الطلعه ...

وألف مبروك الزواج مؤخرا...
ا
الله يعينج يا رب ...

اخبريه رائعتي بما يجول بقلبك بكل لطف وحنان وهدوء ... اطلبي من الخروج في اوقات المناسبة
لكن حذاري من جعلها اسطوانه تملله وتجعله يطفش ... فيمل الجلوس معك ... دامه الحمدالله
هادي وطيب وحنون ويسامرك ... عززي من هذه الصفة ...

الله ييسر أمورج ويحفظج


العتب
ع
والله ماعرف شاقولج لان انا بعد عندي نفس المشكلة
ظ
تسلمون خواتي بحاول اتكلم معاه بس للعلم هو حتى اذا طلع معاي تكفيه ساعه الا ربع او ساعه ماقدر كذي... اختي toti1 اذا انا بقيت كذي بتكون عاده عنده فلازم يتعود من البداية @_^
X