الملخص المفيد لموضوع اسعار القاعات و الفنادق فى مصر

حبيبتى بو نسوار دى تحفة بجد جميلة جدا ياقمر

جزاكم الله كل خير يا بنات
انا كنت عايزه اعرف خطيبي تبع نقابه التطبيقين وكنت بستفسر لو حد فيكو يعرف قاعه نادي التطبيقين اخبارها ايه؟
كمان كان في بنوته قالت علي جروب كده ع الفيس بوك بيعملوا افراح تحفه ومنها افراح في الشارع
لو حد عنده فكره يا ريت يقوللي الجروب ده اسمه ايه واوصله ازاي؟
وربنا يوفقكوا كلكوا ويتمم لكوا علي خير

*حبيبة حبيبي*;8335691:
جزاكم الله كل خير يا بنات
انا كنت عايزه اعرف خطيبي تبع نقابه التطبيقين وكنت بستفسر لو حد فيكو يعرف قاعه نادي التطبيقين اخبارها ايه؟
كمان كان في بنوته قالت علي جروب كده ع الفيس بوك بيعملوا افراح تحفه ومنها افراح في الشارع
لو حد عنده فكره يا ريت يقوللي الجروب ده اسمه ايه واوصله ازاي؟
وربنا يوفقكوا كلكوا ويتمم لكوا علي خير

بصراحة ما عنديش أي فكرة بس اذا عرفت أوصل لحاجة حبلغك يا قمر .. و ميرسي على مرورك ..

smsmakimo;8334926:
حبيبتى بو نسوار دى تحفة بجد جميلة جدا ياقمر

دا انت اللي قمر ريحتي قلبي .. انا كنت محتارة بين 3 قاعات (لاجوي و سي لافي و بونسوار) بس شايفة خدمات بونسوار أكتر و مكانها أقرب و ..سي لافي معجبنيش عوامدها و لاجوي سعرها عالي و خدماتها قليلة .. لحد دلوقتي مش عارفة أحجز حاجة بس شكلها كدا حترسي على بونسوار ..

manyaa;8334554:
الملكية دي تقريبا في كامب شيزار على البحر جنب الأميرات و الفريدة ..
في الداون تاون في قاعة اسمها دي لارا أسعارها معقولة و القاعة مناسبة لخطوبة و بتشيل 200 فرد بس حسيتها حتشيل 200 بالعافية .. المتر هناك قاللي ان البوفيه بتاعها من قاعة فرحتي لانها المصغرة بتاعة فرحتي ...أسعار الهاي تي 35 و 45 و 55 ... العشا من 65 و 75 للفرد .. قاعة لذيذة و دمها خفيف ..
في من ورا جنب جراند لامور في قاعة اسمها لاكارينا .. مش عارفة الهاي تي بكام بس العشا فيها ب 70 و ب 80 .. هي قاعة لذيذة برضه و تنفع خطوبة اوي .. و خللي بالك دي اسعار الصيف لان الشتا اسعاره أرخص...
في قاعة سي لافي دي تحفة بس عيبها الخطييييييييييير انها فيها عواميد .. انا نفسي احجز فيها اوي بس مضايقاني عواميدها ...
...أنا ما عملتش حفلة خطوبة فنفسي أعمل فرح حلو و أفرح فيه بس تكون تكليفته معقولة ...
يا ريت يا بنات تقولولي ايه رأيكم في قاعة بونسوار اللي في الديب مول ؟؟؟؟؟؟اللي في الدور ال 11 ..
و رأيي مدام حتعملي خطوبة يبقى حلو و كفاية اوي تعملي هاي تي و مش لازم بوفيه عشا .. و الهاي تي حتلاقي أسعاره مناسبة في كذا قااعة .. و حددي الأول حتعملي في الصيف وللا الشتا .. و كمان عايزاها لكام فرد .. عشان تقدري تعرفي القاعة حتكلفك كام ..
معظم القاعات اللي فيها هي تي بيكون ب 55 يعني لو 100 فرد حيكلف 5500 صيفا و ممكن 4500 شتاء ..
و ربنا يوفقك يا جميل و تعملي الخطوبة بقى :)

ربنا يخليكي يارب
طيب هو انا لو عايزة اعمل على اول 3 كدة ان شاء الله المفروض اروح احجز من امتى؟
كمان سؤال ذكي جدااااا00000000000 يعني ايه هاي تي:D

manyaa;8333684:
ده فين نادي الصيد ؟؟ اللي في اسكندرية؟؟

لا يا قمر اللي في القطامية في القاهرة جنب كافور المعادي على طول يا قمراية

amatalrahman237;8338020:
ربنا يخليكي يارب
طيب هو انا لو عايزة اعمل على اول 3 كدة ان شاء الله المفروض اروح احجز من امتى؟
كمان سؤال ذكي جدااااا00000000000 يعني ايه هاي تي:D

المفروض يا قمر تحجزي دلوقتي اهو كده يعتبر قبل الفرح بشهرين كويس اوي عشان تريحي دماغك من هم القاعة تبدأي تشوفي حاجات تانية و عشان بردو ما تزنقيش نفسك لحد الآخر و متلاقيش الوقت اللي انتي عايزاه

الهاي تي يعني مش بيكون اوبن بوفيه لا بيكون جاتوه و ساليزون و باتون ساليه و شاي و قهوة بس يا قمراية هوا ده الهاي تي

amatalrahman237;8338020:
ربنا يخليكي يارب
طيب هو انا لو عايزة اعمل على اول 3 كدة ان شاء الله المفروض اروح احجز من امتى؟
كمان سؤال ذكي جدااااا00000000000 يعني ايه هاي تي:D

تروحي تحجزي حالا يا قمر .. صاحبتي كانت بتحجز على شهر 2 ملقيتش حجز غير 3 ايام في الشهر ....فروحي الحقي من دلوقتي..
الهاي تي يعني مش بوفيه .. بيكون عبارة عن 2 ساندوتش و قطعة جاتوه او قطعتين و ساليزون و جاتوه سواريه بس .. و طبعا الشربات و الحاجة الساقعة :)و أي خدمة يا قمر

بنات بليز ياريت لو في بواخر تانيه واماكن اوبن اير في القاهره تحطوا تفاصيلها بليز ضروري

السلام عليكم
بنات انا خطيبي انهارده لاقي قاعه جميله واسعارها حلوه اوي في اليكس
هي اسمها جومانه وعنوانها
شارع سعد زغلول امام فشار جوجو ومسرح تروبيكو وهي داخل ملاهي السندباد بمحطه الرمل وهي قاعه جديده نوفي
عرض الهاي تي
تورته 3 ادوار
2ساندويتش بتي بان +قطعه جاتوه+ساليزونات+مشورب بارد او شربات

هديه من القاعه
دي جي - فيديو ميني ميكسر(شريط+سي دي) -عربيه مجهزه للزفه-عشا خاص للعروسين فقط علي شاطئ المندره - زفه مشاعل-فرقه سمر بورسعيدي (قرب) -العاب ناريه-بانر خارج القاعه عليه صوره العريس والعروسه-استوديو من الاتنين يا اما غزال (4 مناظر وكل منظر بيطلع منه 3 نسخ صغيرين) يا اما دهب (7 مناظر ولكل منظر 3 صغيرين)
-32 صوره 13×18 +صوره كبيره تبع القاعه
سي دي كليب- سي دي مراحل العمر

القاعه الحلوه دي اسعارها في الصيف 4 اللاف والشتا 3 بس
والقاعه عموما حجوزاتها واقفه من 20/8 ل 20/9
وبالتوفيق ان شاء الله يا بنات

بليييييييييييييييييييييييييييز ربنا يخليكوا ممكن لو حد يعرف قاعه كويسة وشيك لعدد 200 فرد تقريبا في رانج 4000 جنية لان فرحي قرب وكنا ناويين نعمله بسعر جامد بس مش نفع يلا الحمد لله ياريت حد يرد عليا عشان خطيبي نفسيتة تعبانة اوي

نغمة القمر;8826560:
بليييييييييييييييييييييييييييز ربنا يخليكوا ممكن لو حد يعرف قاعه كويسة وشيك لعدد 200 فرد تقريبا في رانج 4000 جنية لان فرحي قرب وكنا ناويين نعمله بسعر جامد بس مش نفع يلا الحمد لله ياريت حد يرد عليا عشان خطيبي نفسيتة تعبانة اوي

بصي يا حبيبتي.. لو حتعملوها في الصيف ..ماعتقدش حتلاقي السعر ده غير بفصااال جامد و تكون هاي تي مش عشا...
لو في الشتاء ممكن تلاقي بس برده يعني ممكن 5000 او 6000 في قاعة اسمها الوايت هورس في شارع فؤاد هي حلوة بس غلاستها ان مدخلها في قهوة و دا اللي موحشها ...
في في الديب مول 3 قاعات .. بنسوار دي أكبر واحدة في الشتا الهاي تي ب 45 للفرد..القاعة حلوة اوي..
في الدور التامن فيه قاعتين الكلاسيكية 1 و الكلاسيكية2 و دول اسعارهم كويسة برده الفرد ممكن في الشتا يبقى ب 40 و ال 150 فرد عليهم 40 مجانا..
في الداون تاون في قاعة اسمها لاكارينا ... و قاعة رومانتك تلاقي فيهم السهعر ده .. و في في الصفحات اللي فاتت في الموضوع ده حتلاقيني منزلة أسعار قاعات فاكرة منهم واحدة تقريبا اسمها لابيلا مش فاكرة الاسم اوي حجيبهولك بس هي كان فيها رينجات اسعار حلوة و مساحتها تشيل 200 بس معرفش تكون مزنقة كدا ولا ايه...
على البحر حتلاقي قاعة الأميرات حلوة و سعرها حلو و قاعة الفريدة هم جنب بعض..شوفي الأول انت عايزة صيف وللا شتا عشان الشتا أرخص و الفصال فيه ممكن ..و ربنا يوفقك..

هل فيه مراكب ممكن تتاجر لسهرة بعد كتب الكتاب فى اسكندرية ونظامها ايه ؟

السلام عليكم يابنانيت انا اول مرة اشارك في المنتدي فيارب اقدر افيدكم في حاجة وصراحة المنتدي ده مميز للغاية
ممكن اتقل عليكم واطلب منكم تقولولي معلوماتكم عن مكان اعمل فيه فرحي في اسكندرية الحبيبة انا عايزة اعمله منفصل يعني عايزة قاعتين بس من غير فيديو ولا زفة ولا تصوير ولا حاجة بتطلع وتنزل يعني بس كوشة حلوة وبوفيه ولو عربية وانا هجيب فرقة جنة وعلي فكرة انا معايا تليفوناتها ولو حد عنده فكرة عن الفيلل اللي بتتأجر بس تكون بدورين والتكلفة هتكون في حدود كام وجزاكم الله خيرا يا بنات:21_95:

ياجمااااااااااعه بليز الي راح الامداد والتموين او الاسلحة واذخيرة يحكيلي نظام البوفيه ايه وكويس ولا لا
ضرووووووووووري

مرام فوزي;8865613:
السلام عليكم يابنانيت انا اول مرة اشارك في المنتدي فيارب اقدر افيدكم في حاجة وصراحة المنتدي ده مميز للغاية
ممكن اتقل عليكم واطلب منكم تقولولي معلوماتكم عن مكان اعمل فيه فرحي في اسكندرية الحبيبة انا عايزة اعمله منفصل يعني عايزة قاعتين بس من غير فيديو ولا زفة ولا تصوير ولا حاجة بتطلع وتنزل يعني بس كوشة حلوة وبوفيه ولو عربية وانا هجيب فرقة جنة وعلي فكرة انا معايا تليفوناتها ولو حد عنده فكرة عن الفيلل اللي بتتأجر بس تكون بدورين والتكلفة هتكون في حدود كام وجزاكم الله خيرا يا بنات:21_95:

شوفي يا جميلة .. انت ممكن ماتلاقيش قاعتين منفصلين بس انت ممكن القاعة الواحدة يفصلوها ببارتيشن كده خشب و كل ناحية بيبقى ليها باب يدخلوا المعازيم منه.. أنا سألت على الحكاية دي و لقيتها بتتعمل في قاعة فرحتي في الداون تاون .. بس حسيت المتر اللي كان بيكلمنا مش متعاون بالنسبة للأفراح الاسلامية . بس لو تحبي تروحي تسألي و تشوفي يبقى تمام.. لان القاعة كبيرة اوي تاخد يمكن 400 او 500 و لو اتقسمت حتكون حلوة برده و مفيش ولا عامود.. و البوفيه بتاعهم تححححححفة انا مجرباه قبل كدا.. بس الغلاسة انه مش بيرضى يلغي فلوس أي فقرة من فقرات الفرح.. يعني مثلا مكتوب في الباكدج فقرة مطرب قلتله طب انا مش عايزة اجيب مطرب ..قاللي خلاص بلاش مطرب بس مش حيقلل من سعر الفرد في حاجة ممكن تاخدي بداله أفراد زيادة أو بوفيه زيادة و كدا..و الفرد في اسعار الصيف ب 100 أقل حاجة..
في بقى عندك قاعتين صغيرين تبع بعض و جنب بعض كل واحدة فيهم تاخد حوالي 150_200 فرد..واحدة اسمها de laraو التانية مش فاكرة اسمها ايه هم في الداون تاون برده .. و دول يعتبروا القاعات الصفيرة تبع فرحتي برده .. انت لما بتدخلي تتفرجي على واحدة فيهم المتر هناك بيفرجك على الاتنين.. انا شايفة ان دول انسبلك و ممكن تتفقي معاهم تأجروا القاعتين .. و انا لما سألته على الافراح الاسلامية قاللي بنجيب فرقة جنة (بس انت اكيد بتدفعي ايجار للقاعة و الفرقة)و المتر اللي كان بيكلمني حسيته متفاهم جدا و محترم وجهة نظري و متعاون و بيرضي الزبون.. و معايا نمرة موبايله لو تحبي تاخديها ابعتيلي على الخاص ممكن تتكلمي معاه و تشوفيه اذا ممكن يلغي فقرات الاغاني و الزفة و التصوير و مجرد انك تأجري القاعة بس و تمن الباكدج خليه كله في البوفيه انه يكووون أحسن حاجة..هم أسعارهم كالأتي (و دي برده أسعار صيف لان الشتا ممكن يكون أرخص)
البوفيه الأول هاي تي ب 45 و فيه ب 55.....لو عشا بقى بيكون ب 65و فيه عشا ب 75 و أكيد تقدري تطلبي أصناف زيادة في العشا طالما حتلغي فقرات .. بس الأول اتكلمي معاه و شوفي ممكن وللا لأ .. أو روحي القاعة اتفرجي و وشوفي..
طيب في قاعة كمان اسمها لاكارينا...في الداون تاون من ورا .. دي عبارة عن قاعة مغلقة و التانية أوبن اير في الهواء الطلق :)..مساحة الأوبن اير صغيرة شوية بس لما بيضبطوا فيها كوشة و كدا بتبقى حلوة و عنده ألبوم صور للقاعتين بفرشهم تقدري تتفرجي عليه.. أسعارهم مش فاكراها بس فاكرة انها كانت حلوة و مناسبة .. و هم القاعتين لازقين في بعض..بس برده اسأليه و قوليله فكرتك و شوفي حيرضى بيها وللا لأ .. لاني لما اتكلمت معاه حسيت في كلامه اسلوب كدا عدم اقتناع ان الفرح الاسلامي محتاج قاعة أصلا و مكنتش مرتاحة في الكلام معاه.. بس جربي و شوفي عشان ما أظلموش برده...و ربنا يوفقك..
في كمان في الديب مول القاعة الكلاسيكية في الدور التامن ..دي شفت فيها فرح اسلامي قبل كدا.. بس كان بزفة عادي و فاصلين القاعة بباب خشب كبير كدا..و كل ناحية ليها باب...و أسعارهم برده حلوة ..تقريبا الفرد لو هاي تي 45 و لو عشا 65 ..روحي و شوفي برده..
و لو عايزة اي استفسار اسألي يا جميلة و يا رب يطلع أحلى فرح و يا ريت يا قمر تديني نمرة فرقة جنة انا بصراحة ما كنتش أعرفهم و نفسي أشوف حاجة ليهم عشان اتفرج و اشوف ..يمكن اجيبهم انا كمان و ربنا يسهل..

kitty_kity;8866944:
ياجمااااااااااعه بليز الي راح الامداد والتموين او الاسلحة واذخيرة يحكيلي نظام البوفيه ايه وكويس ولا لا
ضرووووووووووري

في موضوع تاني لقاعات الأفراح في القاهرة يا جميلة حيفيدك ..ان شاءالله..

أه و قاعة رومانتيك برده في الداون تاون بيعملوا افراح اسلامية و أفراح نهارية في النهار يعني.. بس القاعة حسيتها صغيرة و فيها عواميد و هي قاعة واحدة ..ممكن تعدي تسأليهم برده..
و في قاعة لاجوي تحححححححفة المتر برده متعاون لو عايزة نمرة التلفون و اسمه ابعتيلي .. و بيأجروا عربية زفة ب 500 جنيه و القاعة واسعة و عندهم واحدة تانية أصغر و المكان هناك روعة انا كان نفسي احجز فيها بس اسعارهم في الصيف غالية ..بتبدأ من 80 ..بس برده معرفش يوافقوا بفكرتك وللا لأ..كلميهم و شوفي و هو الراجل هناك هو اللي شكرلي في فرقة جنة ....فكلميه برده و شوفي..و ربنا يسعدك..و يطلع أحلى فرح باذن الله..

جزاكي الله خيرا كثيرا ياجميل انا مش عارفة اشكرك ازاي لردك الجميل ده :flower:
انتي بجد افادتيني جدا يارب يكون ده في ميزان حسانتك:up:
فرقة جنة صراحة جميلة واصوات البنات حلوة اوي لدرجة انك تحسي انهم مشغلين موسيقي الي جانب بعض العروض اللي بيقدموها

وتليفوناتهم هبعتهالك علي الخاص

معلش يا mannyaa
اصلي لسة عضوة جديدة ومقدرش ابعتهم علي الخاص مش عارفة اقدر اكتب التليفونات ولا ايه
ان شاء الله هوصل مشاركاتي للعدد المطلوب وابعتلك علطول انا نفسي اخدم بس واي حاجة عيزاها في الجهاز وحاجات الفرح ممكن افيدك (يارب) بس داخل حدود اسكندرية بس

[FRAME="11 70"]
ميرسي كتير لمجهودك وتعبك فى الموضوع الرائع ده يا قمر وربنا يكرمك يارب ويحققلك كل الى تتمنيه
[/FRAME]