`~'*¤!||!¤`تجهيزات عرايس البحرين {الثامن و العشرون}*¤!||!¤*'~`

انزين مودا جاليري شغله مضمون وحلووو


شوفي كبرى القصير

بنات من عندها موديلات حلوه لفستان الصباحية ؟؟

بنات وين اقدر اسوي تاتو حق حواجبي ؟ ياريت تردون علي بسرعة

مرحبا بنات كيفكون ..

مبارك عليكم الشهر .. مبروك للي انخبطوا واللي تزوجوا وعقبال العزابية يارب ..

من زماااااااان ما شاركت معاكم داخلة اليوم اعطيكم تقرير عن خطوبة بنت اختي اللي صارت بنهاية شهر 8 ..

اول شي الخطوبة كانت في قاعة الدانة 1.. حلوة ومرتبة والاكل اللي كل الناس خوفوني منه انه مب زين ومحد بياكله ماتم منه شي .. الديجي كانوا معطينا رقم وحدة وبعدين سافرت وحولتنا على صديقتها .. كان لابأس فيه والصوت نازل حده .. ماحسيت اني في عرس .. الزفة كانت شيخة الزينات ..

العروس فستانها من اليكنزا ,, تصميم غلين .. لونه ازرق "سكاي بلو" مع فضي ولمعته جايه على ابيض وفضي و الطرحة بيضا مشغولة بالسوارفسكي والشك الازرق والفضي ناااعمة .. الفستااان ناااااعم بس راااااقي من قلب الاكسسوار اللي سووه تبع الفستان كبيييييييييييييير ومميز .. اول مرة اشوفه يفصل اكسسوار هالكبر حتى اللي في المحل يشتغلون الفلبينات قالوا نفس الكلام ..

الشعر كان عند فتحية في الرونق .. و المكياج كان عند عايشة البلوشي هم في الرونق .. بس للامااانة طلعت في الملجة بمكياج "عايشة الريس" واااااااااااااااااااااااااجد اجمل من الخطوبة بشهادة كل اللي حضروا الحفلتين .. الاساس مضبوووط كان مع انها سمرا ..بس في الخطوبة حطت لها عايشة البلوشي على برتقالي الاساس .. ندمتتتتتتتتت اني ما حجزت لها عايشة الريس في الحفلتين .. واللي متخوف من اساسها على السمر يحط في بطنه بطيخ صيفي اساسها رووووعة للسمر والبيض انا شفته بنفسي على عرايسنا .. والشدوو فضيييع ..

ستاند الشبكة وكاس كبييير للايسكريم بدل العصير بحجم حوض السمك الصغير والشوك والملاعق والسكين للكيك و ملعقة الكيك كانو من حديقة الازهار بالقضيبية .. وبصرااااحة ابدع فيهم الفلبيني سني .. كانو مزينين بشرايط فضيه وكرستالات فضية و تور رويال بلو مع ورد طبيعي باللونين الازرق والابيض .. شغله فضيييع بصراحة..

اما الباقة فكانت ورد ازرق مع ابيض وشرايط فضية وكرستالات تشبه اللي استخدمه فوق .. و تنحمل على جنب ..والدبل مربوطين بشريطة طوووويلة فيها فيونكااات بنهايتها في الباقة نفسها .. اختي ام العروس مسكت الباقة وكنت مخليه حديقة الازهار بعد يزينون لي مقص فضي كبير ..خذه المعرس وقص دبلة العروس ولبسها والعروس هم قصت دبلة المعرس من الباقة بالمقص ولبسته الدبلة..كانت حركة مميزة استانسوا عليها الناس ..

التصوير الفيديو كان استوديو الاسطورة .. والعادي كان تصوير ام يقين ..

+++++

اما انا وخواتي وبنات اختي وبنت اخوي .. وعمات العروس بعد رحنا الرونق .. مع العروس .. اكبر خوات العروس و عمتها سووا شعرهم عند الفلبينية في .. والباقي توزعوا عالفلبينات و كلهم شعرهم طلع وااااااو .. ومكياجهم عند فاطمة البحرينية في الرونق .. مكياجها حلو و اساسها مضبوط عليهم كلهم مع ان فيهم بيض وفيهم حنطاويات ..

انا سويت شعري عند بدرية ناصر ومكيجتني عايشة البلوشي .. شعري كان Heavy style كانه شعر عروس حتى عايشة البلوشي وباقي اللي في الصالون كانوا يحسبوني عروس.. يوم رحت لها تمكيجني تقول خرعتها عبالها عروس ثانية لانها متاكده ان ماعندها الا عروس وحدة .. ضحكت وقلت لها انا خالة العروس ..الكل يقول ان مكياجي احلى من اللي حطته للعروس .. اصلا استغربنا انها حطت للعروس ولي بسرعة غير طبيعية .. ماخذت فينا احنا الثنتين اكثر من ساعة ..

اختي ام العروس وبناتها فساتينهم من السعودية .. والاكسسورات من البحرين من المحرق شي من عبدالله يوسف وشي من محلات زكريا ..

انا وبنت اختي الثانية شرينا قطع غالية من السعودية ووديناهم ليدي مون اللي جنب فرشة العرايس حسب نصيحة وحدة من صديقاتي والله لايوريكم صاروا شلون يلوعون الجبد .. وما لبسناهم مع انهم مكلفينا حوالي 400 دينار .. نصيحة اذا القماش غالي لا تفصلون عن اي حد .. انا اساسا ما اتعامل الا مع اليكنزا و بس هي اقترحت علي وقلت اجرب وندمتتتتت على خسارة القطع والفلوس للخياط ..بصراحة سبيت نفسي لين قلت بس لان مارحت اليكنزا وخذت على نفسي عهد اذا ما يقدر يفصل لي ما افصل اروح بعباة ولا افصل في اي مكان ..

بنت اختي خذت فستان بنت خالتي مال ملجتها وانا شريت لي جاهز من مانغو.. وخذت له حلق كبيير من محل مينسي في العالي..

وبسسس سلامتكم .. تعبت وانا اكتب

أنا الشوق;7181868:
وحده معانا هني "هذيان عاشقة" راحت بنت اختها حق عايشة الريس يوم خطوبتها
وهي كانت سمرا، وبعد كانت متخوفه ونفس الشي
بس طلعت وايد حلوه ومدحتها

نفس ما قالت لج اختي أنا الشوق انا كنت احاتي بس أساسها فضيييع انا اخاف من السمر يصيرون ملحان بس ضبطته لبنت اختي وصار كلش طبيعي والشدووو فضييييع .. رسمة العيون تجنن .. اصلا ندمت اني حجزت لبنت اختي عايشة البلوشي في خطوبتها .. مكياج عايشة الريس بشهادة الكل اجمل بواجد ..

(f)(f)(f)(f)(f)

Ms.Harrods;7182654:

بناااااااات:(
محد رد علي

بغيت محل غير مودا غاليري حق فساتين سهره
ابي محل شغله مضمون وراقي

الكينزا جنب المنتزه في البوكوارة .. شغله وااااو .. بالنسبة لي مايعجبني الا هو .. انا شايفة فستان وحدة في مودا غالري ما حسيته ذاك الزود .. وشغل احلى الوصايف كلش مايعجبني ..اليكنزااا وبسسس خصوصا بعد الخسارة الفادحة في ليدي مون ..:confused: :confused: :confused:

منو احلى مكياج عايشة الريس او صفية شويطر او شريفة فولاذ ..؟

عايشة الريس اتيي تمكيج في البيت اذا كنا مجموعه ..؟

وجم رقم عايشه وصفية وشريفة ..؟

هذيان عاشقة مبروك والفال لش اذا للحين مو متزوجة هههه


بسالكم بنات ،،
اي احسن تصوير صحاري الي في شارع البديع او سوق واقف؟


الي قالوا عني باردة، تقريبا خلصت معظم الاشياء

بس الفستان للحين ماحصلت :( ومافيه وقت افصل لي

برد اروح كذا مكان

هذيان عاشـقة;7184556:



ستاند الشبكة وكاس كبييير للايسكريم بدل العصير بحجم حوض السمك الصغير والشوك والملاعق والسكين للكيك و ملعقة الكيك كانو من حديقة الازهار بالقضيبية .. وبصرااااحة ابدع فيهم الفلبيني سني .. كانو مزينين بشرايط فضيه وكرستالات فضية و تور رويال بلو مع ورد طبيعي باللونين الازرق والابيض .. شغله فضيييع بصراحة..

اختي وين سووا لكم كاسات الأسكريم؟

أول مرة أدري ان يسوون اسكريم بدل العصير>>>عجبتني الحركة خاطري أجربها في زواجي هههههه:D

ياريت تعطيني تفاصيل أكثر عنها,, وعن اللي زينوا الشوك والملاعق "حديقة الأزهار"

والله يبارك لكم(f)

هذيــان;7184700:
هذيان عاشقة مبروك والفال لش اذا للحين مو متزوجة هههه


بسالكم بنات ،،
اي احسن تصوير صحاري الي في شارع البديع او سوق واقف؟


الي قالوا عني باردة، تقريبا خلصت معظم الاشياء

بس الفستان للحين ماحصلت :( ومافيه وقت افصل لي

برد اروح كذا مكان

هذيان حطي في بالج المكان الأقرب لج بعد
يعني اذا انتي بتتعدلين في صالون سلوى , فالأفضل انج تروحين فرع سوق واقف

مايسوى تطقين مشوار لشارع البديع في هالجو

يعني شوفي المكان الأقرب للصالة او الأقرب للصالون

دمـعـة;7185140:
هذيان حطي في بالج المكان الأقرب لج بعد
يعني اذا انتي بتتعدلين في صالون سلوى , فالأفضل انج تروحين فرع سوق واقف

مايسوى تطقين مشوار لشارع البديع في هالجو

يعني شوفي المكان الأقرب للصالة او الأقرب للصالون

لصالون سلوى اي اقرب فرع شارع البديع او سوق واقف؟:o

تذكرت شي

لما اخذ الفستان يعطوني وياه جوتي وقلاصات وصينية صح

اذا بزين القلاصات، وين اوديهم؟

مساء الخير
ساعدوني عروسات عرسي 10 - 10 وللحين ماحجزت حق الصالون مادري شاسوي ومحتاره ويا الفستان من وين اخذ ومايمدي افصل
ماحجزت غير أم شهد للحنه
والتصوير مادري اخذ الدانه والا المجال لاني خذت صحاري يوم الخطوبة وماعجبني تصويرهم كلش
ياريت تساعدوني

صاحبة الظل الخفي;7180427:
وعليكم السلام
روحي عند منيرة سبت روعه مكياجها
وثواني وادزلج الارقام

أم زينة;7185866:
مساء الخير
ساعدوني عروسات عرسي 10 - 10 وللحين ماحجزت حق الصالون مادري شاسوي ومحتاره ويا الفستان من وين اخذ ومايمدي افصل
ماحجزت غير أم شهد للحنه
والتصوير مادري اخذ الدانه والا المجال لاني خذت صحاري يوم الخطوبة وماعجبني تصويرهم كلش
ياريت تساعدوني

احد يتحير في الصالونات

عندش صالون سلوى \ الرونق \ صالون ايلاف \ مرياج

الفستان:
الزهراء :مقابل مجمع الهاشي في جدحفص
أم حسين: في مجمع الهاشمي ..
رومان ديزاين :في شارع االبوكوارة
*مودا هيلدا..
نور العرائس : في جدحفص مقابل اسواق الحلي
مليكان:شارع البديع
*فرشه العرايس:شارع البديع
*ليدي مون:شارع البديع
ليالي الفرح:سوق واقف
مودا جالري في بوكوارة لتاجير فساتين اعراس

جزر الاميرات : موقعه في ابو كواره عند المعهد الحديث
منارس:سوق واقف
*ليل البنادر:توبلي


التصوير اخذي سكوب
واذا تبين عروضهم بحطها لج

من بين كل هذلين
اي احسن مكان للباقات؟

مزاهير
الحرز
الزنبقه
جاردينيا
بريفيرا
نوال فلاور

أنا الشوق;7181868:
وحده معانا هني "هذيان عاشقة" راحت بنت اختها حق عايشة الريس يوم خطوبتها
وهي كانت سمرا، وبعد كانت متخوفه ونفس الشي
بس طلعت وايد حلوه ومدحتها

هذيــان;7185799:
لصالون سلوى اي اقرب فرع شارع البديع او سوق واقف؟:o

الفرع اللي في سوق واقف اقرب لصالون سلوى

حيا الله هذيان عاشقه

والله تقريرج عجييب وصار خاطري اجوف كل شي
بس جوفي مره ثانيه ان صارت عندكم مناسبة عزمينا خخخخخخخ

انزين باسألج اللي سويتي شعرج عندها بدرية اللي في الرونق ولا غير؟؟؟ وبجم سوتها لج ؟؟؟
لأن خاطري في شي جذي كشخه :shy:

هذيــان;7184700:
هذيان عاشقة مبروك والفال لش اذا للحين مو متزوجة هههه


بسالكم بنات ،،
اي احسن تصوير صحاري الي في شارع البديع او سوق واقف؟


الي قالوا عني باردة، تقريبا خلصت معظم الاشياء

بس الفستان للحين ماحصلت :( ومافيه وقت افصل لي

برد اروح كذا مكان

الله يبارك فيج وييسر امورج ..ويتمم لج خطوبتج بخير يارب ..

الفستان اذا حابة تأجرين.. اعرف 3 بنات بياجرون وحدة عندها فستان ذهبي مع وردي ولمعته بلون الخوخ غريب ودها تأجره .. ملبوس مرة وحدة بس سايزها سمول ..تصميم اليكنزا .. طرحته واااجد غريبة ومميزة ..

الثاني سايز لارج .. اخضر مع ذهبي .. موديله غريب لان الخصر عليه كورست مشغوول بالذهبي وتدرجات الأخضر .. وملبوس بعد مرة وحدة بس .. مع الطرحة .. تصميم الكينزا ..

آخر واحد فستان بنت اختي .. مقاسه سمول إلى مديم .. لونه وصفته في ردي السابق ..طبعا توه فرش محد لبسه الا العروس ..ونفس الشي تصميم اليكنزا ..

انا اشوف صحاري مدينة حمد شغلهم أحسن من البديع وانتي مري الفرعين وشوفي بنفسج ..

(f)(f)(f)(f)(f)(f)(f)(f)(f)(f)

دمـعـة;7185133:
اختي وين سووا لكم كاسات الأسكريم؟

أول مرة أدري ان يسوون اسكريم بدل العصير>>>عجبتني الحركة خاطري أجربها في زواجي هههههه:D

ياريت تعطيني تفاصيل أكثر عنها,, وعن اللي زينوا الشوك والملاعق "حديقة الأزهار"

والله يبارك لكم(f)

الله يبارك فيج ويتمم لج انتي بعد بخير .. الآيسكريم كأس واحد .. أساسا هو حوض سمج حجم صغير شريته من فخر البحرين .. ووديته.. فكرة العصير صارت مستهلكة واااجد ..فحبيت اغيرها.. انا كان ودي يحطون في الكاس فواكه طازجة مع الايسكريم مثل الفروالة او الكرز او الأناناس بس ما صار فيه مجال الا يحطون فيه ايسكريم مع صوص ومكسراات يملونه تقريبا كله ..المعرس وداه محل ايسكريم وعبوه وهو فطريقة جاي للصالة..

وديت معاه شوكتين صغار وسكين كبيرة للكيك وملعقة يحملون فيها الكيك .. ملعقتين صغار للايسكريم .. لحديقة الأزهار في القضيبية .. بس نصيحة اذا بتطبقين فكرة الأيسكريم لاتاخذين ملاعق بحجم صغير كلش .. اخذي وسط عشان اذا حطيتيها داخل الكاس ما تغوص فالايسكريم نفس ما صار لنا :D

حسب لي الوحدة ب دينار ونص للتزيين والكأس زينه لي ب 3 دينار لاني زبوونه المحل .. بس بجد شغله يجنن ..

أم زينة;7185866:
مساء الخير
ساعدوني عروسات عرسي 10 - 10 وللحين ماحجزت حق الصالون مادري شاسوي ومحتاره ويا الفستان من وين اخذ ومايمدي افصل
ماحجزت غير أم شهد للحنه
والتصوير مادري اخذ الدانه والا المجال لاني خذت صحاري يوم الخطوبة وماعجبني تصويرهم كلش
ياريت تساعدوني

مرحبا اختي .. الصالون للشعر عندج الرونق .. عند فتحية .. بدرية .. بدرية ناصر .. واكيد وحيدة .. المكيااج انصحج بعايشة الريس .. واذا تبين الشعر والمكياج فنفس الصالون عند فاطمة اللبنانية حطي المكياج ..

الفستان عندج السعودية خياراات واسعة ومتنوعة واسعارها معقولة بعضها تبدا من 150 وطالع مع الطرحة ..واغلبها في الدمام .. و هم عندج فالخبر شارع السويكت و مجمع فينسيا فيه .. وفالحسا عندج العثيم موول ..

و من البحرين عندج المحلات اللي قالوا عنها الاخوات واذا فخاطرج التفصيل مري اليكنزا ساعات يفصل اذاماعنده لوود في فترة بسيطة .. بنت اختي فصل لها في 3 اسابيع و بنت عم صديقتي صارت خطوبتها بسرعة فصل لها في 13 يوم بس ..

واذا تبين جاهز عندج محل رزان في مجمع الشيراتون..

التصوير هم عندج خيارات واجد .. الدانة مايمدحونه كلش ..المجال والمستقبل نفس الاستوديو .. الاخوات قبل كم رد بس ذاكرين استوديو الماسة .. وعندج استوديو ديجتال "ام علاء" و ام عباس.. و البست طبعا ام يقين شفت صورها حتى اجمل من سكوب .. عندها بكجات متنوعة في سيدي تصوير الحفلة بس بدون طباعة ب 50 دينار .. عندها سيدي تصوير الحفلة مع الطباعة البوم عادي 150 دينار .. والبوم الملجة وااااو مب طبيعي ب 300 دينار ..


اتمنى اكون افدتج .. حياج الله اختي ..