طلب واتمنى ما تردووووني !

الله ذكرتيني بأيام الخطوبة ياليتها تعود هو حبيبتي يبي يتدلل عليك ويبيش تدلعيه مثل دلعيه بأسمه وكثري من كلمة حبيبي واحبك يابعد قلبي ومنيتي واحلى واغلى مافي الوجود وياملح الحياة وطعمها ياسكر وعسل وتغزلي فيه بالكلام المعسول مثلا طلعي بعينه وقولي عينك كأنها بحر جميل وبراق وهذا البحر ابيه ملكي انا بس تسمح حبيبي ووقت الشكر كلمة حلوة وقبلة على يده او تعرفي الباقي عملت لك قاموس ما عليه استحمليني مع امنياتي لك بحياة سعيدة والله يسخر قلوبكم الى بعض ويبعد عنكم عين كل حاسد

مساء الخير

اسمعي يا قلبو..


حاولي اول ما تبدين وترفعين السماعه تقوليله هلا بحياتي هلا بتاج راسي..


وانتي اتعودي تقولي حياتي وعمري وروحي وعيوني وسط الكلام..


وفجأئيه وسط الكلام قاطعيه وقوليله احبك..

قبل لا يقفل قوليله..

ارسليله مسجات ..

انك تحبينه..

انه وحشك.

اذا سوى شيْ عجبك او انجز شىء قوليله انك مفتخره فيه...

واذا في شىء ثاني اقولك...

واتمنى ان البنات يساعدونك..و ما راح يبخلون عليكي..


تحياتي لك ..
واتمنى لك حياة سعيدة...

شموخ فتاة;7046955:
مساء الخير

اسمعي يا قلبو..


حاولي اول ما تبدين وترفعين السماعه تقوليله هلا بحياتي هلا بتاج راسي..


وانتي اتعودي تقولي حياتي وعمري وروحي وعيوني وسط الكلام..


وفجأئيه وسط الكلام قاطعيه وقوليله احبك..

قبل لا يقفل قوليله..

ارسليله مسجات ..

انك تحبينه..

انه وحشك.

اذا سوى شيْ عجبك او انجز شىء قوليله انك مفتخره فيه......

يعطيها العافيه ماقصرت واوافقها بقووه ان احبك ماتكون في الطالعه والنازله خليها نادره ومفاجاه

خاصة اذا سوا شي عجبك وريحك وقتها بيدور ع راحتك عشان يسمعهااا :D

لاتنسي مسجات الصباح ودعوه حلووه قبل الدوام لها طعم ثااااااااااااااااااااااااااني :15:



الله يوفق بينكم وييسر اموركم(f)

مرحبا حبيبتي .. من فتره قريت نكته جديده وهي عن الرياييل تقول ::
الرجال مثل طابع البريد !! اتفلي عليه وبيلزق فيج
بس تدرين ويش المقصود من هالنكته ؟؟ ان المرأه لازم تثقل عالرجال عشان يظل يلاحقها ، والثقل لازم مايكون مبالغ فيه عشان ما يروح يدور على وحده ثانيه ، بس لازم الوحده تكون شاطره وذكيه ما نكثر من الكلام الحلو ولا نقلل منه ،،واحسن شي الرجال يحبه بالمرأه هو حياها وخجلها ،، وانتي اذا تستحين تقولين كلام حلو ،، عبري عن الي بقلبج بالمسجات ، بالهدايا اوقات المناسبات او حتى برساله مكتوبه بخط ايدج والله راح يستانس اكثر
راح اقولج تجربتي ايام خطوبتي انا وريلي الله لايحرمني منه :
انا خجوله جدا وزوجي جريء جدا ، لما كان يقولي كلام حلو كنت اتلخبط وما اعرف شرد عليه وطول ماهو يقول كلام حلو انا اظل ساكته بس اسمعه نهدتي عشان احسسه اني مستانسه بكلامه ، وهو يقولي ليش ساكته اقوله انا ماعرف اقول كلام حلو مثلك ، ولما يسك التلفون اطرش له كلام حلو يعبر له عن حبي وعن خجلي وارتباكي لما اكلمه ،، لازم تصارحينه انج خجوله عشان ما يفهم ان سكوتج عدم حب او عدم رغبه فيه ،، وفي يوم من الايام قال انتي تجننيني بمسجاتج بس خاطري اسمع منج لو كلمه وحده بس ، وذاك اليوم كان مشغول ويبي يطلع خواته السوق وهم ينادونه قال خلاص اروح الحين وبعدين اتصلج :: (قلت له ايه حبيبي روح الله وياك )، قال باستغراب شنو اشقلتي يالله عيديها قولي وتميت ساكته شوي بعدين قلته مره ثانيه : روح الله وياك ( بدون ما اقوله حبيبي ) قال لا والله ماراح اسك التلفون الا لما تقولينها وسكت شوي وقلتها له ( حبيبي ) وتخيلي كان باقي على زواجنا شهر وهاي كانت اول مره اقوله حبيبي ، استانس وما سك التلفون قعد يكلمني وهو بالسوق مع خواته ، بس كنت اقول كلام حلو ممكن ينقال لاي حد مثلا :
احس تلفوني يصير احلى لما اسمع رنتك ، صرت ما اقدر انام الا لما اتطمن عليك مو تقولين الا لما اسمع صوتك يعني قولي كلام حلو بس بشكل غير مباشر ، انتبه سوق على مهلك ، اذا كان رايح مشوار ، و اذا كان يكلمج وهو يسوق ، قولي له ماراح اكلمك وانت تسوق، ابيك تنتبه لطريقك ولما توصل كلمني ، الله ينور دربك ، دربك خظر ....
واهم شي الرقه والدلع لما تتكلمين معاه ، وراح تلاقينه يتصل وايد ( لعل وعسى يسمع كلمه حلوه طبعا هذا من وجهة نظره ) واذا كان يزورج حاولي تسوين من الحركات الرومانسيه الي بالمنتدى شي عالخفيف يعني .
والحين انا بعد ماتزوجت تغير الوضع وصرت اقول كلام حلو وفي يوم قالي اكاج تعرفين تقولين كلام حلو ،، قلت له ايه مو انت الي علمتني ياعمري انا تلميذتك الي تعشقك ، تدرين اش قالي : انتي كل يوم تكبرين بنظري ياعمري ، وبس ،
تقبلي مروري
ربي يوفقج ويسعدج

مرحبااااااااااااااااااااا

ولا يهمك اختي عندك اي سؤال انا حاااااضره

لاني مثلك بعد ما تزوجت يعني ((مخطوبه ))

شوفي هالايام الي انتي فيها من اروع الايام

الي تعيشيها بحياتك ولازم تحسي بكل لحضه تمر عليك

مع الحبيب ....تقولي انه رومانسي وااااايد مو مشكله وانتي بعد

رومانسيه بس ما تعرفي كيف تظهريها ...الدلع فطره في الانثى

لا تقولي ما اعرف ادلع ....شوفي...؟

اولا خلي الدلع بكلامك عودي لسانك عالكلام المعسول

يعني مثلا لما يتصل ...قول هلا بعمري هلا بروحي هلا بقلبي ......

واذا بتسألين عنه ...قولي كيف قلبي انشا الله بخير

حسسيه انك فعلا مهتمه فيه ...كيف....؟

انتبه لنفسك حافظ على صحتك ..تراك غالي علي

في الصباح ارسلي مسج او اتسلي عليه بس مو كل يوم ..كيف..؟

صبح الحب ...صباح الورد...صباح .....الي يخطر ببالك...

ومثله في المساء ...

(((ملاحظه)))

لا تغرقينه بالمسجاااااات كل ثانيه وانتي مرسله اثقلي شوي

حتى اتصالاتك خففيها ....


حاولي تثقفي نفسك اكثر عن الحياه الزوجيه ....

مقولة الوالده دايم تقول لي ترى الزواج مو بس كشخه ودلع ترى

مسؤووووووووووووووووووووووووووووووووووليه


انشاء الله يكون افدتك يا قمر ......اذا عندك اي سؤال ما يردك الا لسانك

..همسه.. كل هذا من تجربتي ..دعواتكم لي عرايسي