القولون العصبي

الله يشيفك من مرضك قللي عصبيه و تحسس من الاشياء العاطفيه والاكل قليل بهارات وصلصله حمراء واي شي حامض وكثري من قشر الرمان شراب النعناع والعشاء اكلي قبل النوم بخمس ساعات

اولا حبيبتي لازم تعرفي انك تحتاجي معدل يومي من الالياف من 25 الى 30 جرام من الالياف ....

وراح اعطيك نصائح راح تفيدك كثير :

1-طبعا الاطعمه اللي تحتوي على الالياف هي .. النخاله .. والحبوب الكامله ( يعنى الرز الاسمر افضل من الابيض وكذلك الخبز ) .. وطبعا الخضروات والفواكه

2- ممن الاطعمه اللي راح تساعدك في الامساك او الاسهال هو الفاصولياء والبازلاء والشوفان ... كثير ينفعوك حتى يسهلوا على الجهاز الهضمي لان فيها الياف سريعه الامتصاص في الجسم


3-مهم اضافه هالالياف لكل طبق فيه لحم تاكليه ... مثل الفاصوليا واللوبيا والشوفان والنخاله ...

4- بالنسبه للالياف لاتبدأي تضيفيها جميعا على اكلك ... يعني شوي شوي بالتدريج ...وكل مره تزيدي اكلك فيه شوي .. لان الفجأه ممكن تلخبط لك الموضوع

5- تمهلي شوي في اكلك ... كلي بطئ لاتسرعي كثير في وجبتك ... يعني امضغي الاكل كويس قبل لا يوصل للمعده

6- ولتقليل الغازات في بطنك .. ممكن تروحي الصيدليه يعطيك حبوب تكون anti gas pill ( يعني حبوب ضد الغازات )

7- اشربي طبعا المااااااااااااااء بكثره ... على الاقل 8 كاسات باليوم ... وطبعا عصير الفواكه كمان مفيد لكن الماء بالتأكيد افضل

8- كوني منتبه للاكل وعلاقته باعراضك .... اذا كان فيه نوع معين لخبط لك بطنك ... ابتعدي عنه وحطي باللك دائما مع هذا الموضوع

9-ممكن تاخدي حبوب فيتامينات .. ( اسألي دكتورك يوصف لك حبيبتي)..

10-ابتعدي عن الاشياء اللي فيها كافيين مثل القهوه والشاي والبيبسي وغيره ... لانها تسبب الاسهال

واحرصي الفواكه الطازجه ... واكثر الاشياء اللي ممكن تساعدك.
أجاص تفاحِ بطاطس زبيب قرنبيطِ سبانخ البطاطس الحلو جزرِ ِ طماطم تينِ البرتقال الخوخ

بالاضافه الى الفاصوليا الجافه .. والبندق .. والفستق ..والجوز .. والعدس ..

يعني ممكن ان تكون وجباتك مثلا .. فاصوليا ورز ... باستا خضار ... خضار مقليه .. شوربه عدس .. كلها اشياء مفيده
كل الكلام اللي كتبته لك في الاحوال العاديه ...

لكن في حاله التهيج .. يعنى الاعراض صارت عليك ( على سبيل المثال الاسهال ):

تحتاجي هالوقت تاكلي الاشياء اللي فيها الياف اقل ... وتغيري من عدد وجباتك .. واحيانا حتى تغير الجو ممكن يساعدك .. وراح اكتب لك الاطعمه اللي تسبب الاسهال:
المايونيز ..الفاصوليا المعلبه ..القرنبيط ..الشوكولاته .. القهوه .. عصير الاجاص ..الذره ..الدهون ..الاشياء اللي فيها بهارات كثير ..سبانخ

واذا كان عندك اسهال اعملى كالتالي:

- قللي من الاشياء النيه ... يعني مثلا كلي الخضار مطبوخه ..وقللي من النخاله والحبوب والخبز
- قللي الدهون قد ما تقدري في اكلك ... واشربي وكل الاشياء القليله الدسم من الاجبان وغيرها
- كلي كميات اقل من الطعام لكن لا تفوتي وجبه عليك
- لا تاكلي وجبه حاره جدا لانها كمان تسبب الاسهال
- قللي الاشياء اللي ممكن تسبب لك غازات مثل الحمص والنخج ( البليله )
- احيانا الاسهال يفقدك العناصر الطبيعه في جسمك وخصوصا البوتاسيوم .. فعوضيه عن طريق الموز .. والاسماك .. والافوكادو..والبطاطس المسلوق

اما الاطعمه اللي تهدأ الاسهال هي :
الفاصولياء الخضراء وليس المعلبه
الجزر والتفاح .. البطاطس المهروس.. والشوفان

والاطعمه اللي ممكن تقضي على الاسهال :
الافاكادو مره ثانيه .. والاجاص ..ماء الرز الابيض المغلي ...

وما ننسى الراحه النفسيه ... لان التوتر والقلق بشكل عام يؤثروا على الصحه ....
اتمنى اكون افدتك ... وانا استعنت في بعض المعلومات بموقع طبي اجنبي حتى افيدك بشكل اكبر ....

واذا عندك اي سؤال لا يردك الا لسانك

واجر وعافيه ان شاء الله

دعائك

تقبلي مروري

تحياتي

سمر

ما شا لله عليكم .. كفيتو و وفيتو ! أنا مزاجية و الأكل عندي مرتبط بالمزاج يعني إذا مبسوطة أكل و بكثرة إذا زعلانة ما أكل أبدا !!

الأطعمة التي تسبب مشاكل لي في بعض المرات هي البقوليات ...و الآلام تكون صعبة جدا !! و الحمد الله ماما أكلها صحي جدا مليئ بالخضار و دائما بتنوع لكن مرات باكل شي صنف من البقوليات و جدا بتعب ...

مشكلتي مع المعدة و الجهاز الهضمي دائمة :( إدعولي بالشفاء و إنصحوني!