السلام عليكم
خواتي أكتب لكم وانا دمعتي على خدي أرجوكم وضحوا لي ولاتردوني
ترى ردودكم وايد مهمه بالنسبه لي أرجوكم أرجوكم ..
المهم انا مع زوجي على خلاف من البارحه ، أصلاً من زمان يعني في أي وقت ممكن نترك بعض ولي الحين ماصار عندنا عيال !! بتقولون وين المشكله أنا بخبركم الحين .. المشكله أني بعد ماغسلت عن الدوره وكان يوم الأثنين بتاريخ 26/ 5 حصل وان جامعني زوجي يوم الثلاثاء أي 27 / 5 اثناء الجماع قذف بالخارج ، المهم حصل من بينا خلاف كبير يمكن يعني في اي وقت ننفصل للأسف:confused: سالفه ومشكله كبيره وقال لي اذا تبين الطلاق روحي بروحج للمحكمه ، وخلي بالج يمكن هالمره بيصير حمل .. !! واذا صار وحملتي ترى باقول انه مب ولدي شفتوا شلون لهالدرجه والله انا تعبانه وايد وخايفه مع انه قذف بالخارج مادري اقول يمكن في شي راح بداخلي والله مب عارفه ميته من الخوف ليكون يحصل حمل وأتوهق خصوصاً اني مب واثقه من زوجي !! يعني هو على طول دوم يقذف بالخارج .. المهم حبيباتي أبي أعرف لو في طريقه تكشف من الحين (وانا توني غاسله عنها ) اذا في حمل ولا لأ ؟ وبعد عندي سؤال ممكن يصير حمل وانا توني غاسله عنها مثل ماسمعت انه وقت أمان ألحين يعني العشر أيام الأولى يقولون انها( فترة الأمان ) ولا شرايكم أرجوكم لاتمرون بدون ماتردون تراني أموت في الدقيقه مليووون مره .. يعني في ضنكم ممكن يصير حمل وانا توني غاسله عنها ؟؟؟ وخصوصاً أني شفت المني وهو ظاهر على بطني بس زوجي يقول تحملي مادري يمكن شي من المني راح داخل أرجوكم طمنوني .. وسامحوني على الإطاله والتعبير ..
عندي مشكله ابي تساعدوني يالمتزوجات دخيلكم أنا أتعذب
ش
29-05-2003 | 12:58 PM
ا
29-05-2003 | 01:04 PM
الله يعينج صراحة :(
يا ليت الأخوات المتزوجات يفيدونج لأني ما أعرف في ها السوالف
يوم بعرس بخبرج
والله يسهل أمورج يا رب
يا ليت الأخوات المتزوجات يفيدونج لأني ما أعرف في ها السوالف
يوم بعرس بخبرج
والله يسهل أمورج يا رب
ف
29-05-2003 | 04:37 PM
استغفر الله العظيم كيف تعيشين مع واحد يهدد ان لو حملتي
بيقول موب ولدي
انا من رايي انك تنفصلين عنه انا مااحب اخرب بيتك (ابغض الحلال .....)
بس احسن من العيشه بدون امان
الله يكون في عونك
بيقول موب ولدي
انا من رايي انك تنفصلين عنه انا مااحب اخرب بيتك (ابغض الحلال .....)
بس احسن من العيشه بدون امان
الله يكون في عونك
ع
29-05-2003 | 05:11 PM
السلام عليكم اختي اولا الله يعينك علىبلواك بعدين تطمني ان شاءالله ماراح يحدث حمل لانهقدف بره ولان الايام الاولى امان بس نصيحتي الفكه من واحدمثل هذاغنيمه ونصيحتي بعدوزياده لك في الاطمئنان انتظري اسبوعين بعدالجماع وجيبي شريط اختبارالحمل وشفي بنفسك ارجولكي الخلاص العاجل من هذاالمريض
غ
29-05-2003 | 06:06 PM
غاليتي ..... شجون ...
احمدي رب العالمين على انه ما ارزقك منه عيال .... اذا هذا اولها تنعاف تاليها .... ودائما اخيتي ادعي الله عزوجل اللهم سلّم سلّم ..... واللهم اجرني في مصيبتي واخلفلي خيرا منها ....
واعرفي غاليتي اي رجل يقذف المني بره هذا ما وده ينجب منها ..(يعني ؟؟؟؟؟؟) .. مابي اضيق خلقك بس هذي الحقيقة .... واستعيني بالله واصبري واحتسبي الاجر .... واوصيك حبيبتي قبل لا تتخذين قرار .... استخيري الله .... وما ندم من استخار ...
ودائما ذكريه بالله .... والمخافة منه .... ( خيركم خيركم لاهله )
واسال الله العلي القدير من كل قلبي ان يمن عليك بهداية زوجك .... او ان يرزقك خيرا منه ....
اختك . غـــــروب
احمدي رب العالمين على انه ما ارزقك منه عيال .... اذا هذا اولها تنعاف تاليها .... ودائما اخيتي ادعي الله عزوجل اللهم سلّم سلّم ..... واللهم اجرني في مصيبتي واخلفلي خيرا منها ....
واعرفي غاليتي اي رجل يقذف المني بره هذا ما وده ينجب منها ..(يعني ؟؟؟؟؟؟) .. مابي اضيق خلقك بس هذي الحقيقة .... واستعيني بالله واصبري واحتسبي الاجر .... واوصيك حبيبتي قبل لا تتخذين قرار .... استخيري الله .... وما ندم من استخار ...
ودائما ذكريه بالله .... والمخافة منه .... ( خيركم خيركم لاهله )
واسال الله العلي القدير من كل قلبي ان يمن عليك بهداية زوجك .... او ان يرزقك خيرا منه ....
اختك . غـــــروب
ا
29-05-2003 | 06:50 PM
لا تعليق ولكن قلبى معاك اختى الله يصبرك الله يفكك من شر هذا الظالم
ش
29-05-2003 | 11:42 PM
مشكورين حبيباتي وايد والله ريحتوني .. الله يريح قلوبكم مثل مايحتوني حسيت أنكم أكثر من خواتي .. المهم حبيباتي يعني اتطمن انه ماحصل حمل لأني ألحين يمكن أطلب الطلاق وفي نفس الوقت خايفه لاأكون حامل مع أن مثل ماقلت لكم القذف كان بره أبي طريقه تكشف لي من ألحين إذا تعرفون قولوا لي دخيلكم ..
والأخت (عشق الليل) يعني بعد أسبوعين من الدوره أقدر أسوي الأختبار وفي ضنج تطلع النتيجه أوكي ؟؟!!
والأخت (عشق الليل) يعني بعد أسبوعين من الدوره أقدر أسوي الأختبار وفي ضنج تطلع النتيجه أوكي ؟؟!!
ا
30-05-2003 | 12:17 AM
الله يعينك ويفرج كربتك
أختي في الله شجون عليك بالدعاء وخاصه في ثلث الليل الاخير
أختي في الله شجون عليك بالدعاء وخاصه في ثلث الليل الاخير
ز
30-05-2003 | 12:55 AM
السلام عليكم ورحمة اللة
حبيبتي شجون اسمحيلي اقول ان زوجك هذا تافة وتا فة جدا
اسفة علي التعبير بس واللة صادقة وبعدين حكاية لو حملتي بيقول من غيري لية وين حنا عايشين
تري البعد عنة غنيمة وهذا واللة ما يستاهل وبعدين لو صارفية حمل لاقدر اللةما يقدر يقول مومني لان فية تحاليل تتسوي في المستشفي ومن هذا التحاليل يعرفون انة من صلبة
لاتقعدي تصيحي وتبكي لان مافية فايدة وشيلي نفسك وعلي بيت اهلك لان هذا واحد مو صاحي ولايبغاك بس علشان ,,,,,,,,,,,,,,,,,,,,,,,,,,,,,,,
اسفة عيوني بس واللة من جد خايفة عليك :rolleyes::rolleyes::rolleyes:
حبيبتي شجون اسمحيلي اقول ان زوجك هذا تافة وتا فة جدا
اسفة علي التعبير بس واللة صادقة وبعدين حكاية لو حملتي بيقول من غيري لية وين حنا عايشين
تري البعد عنة غنيمة وهذا واللة ما يستاهل وبعدين لو صارفية حمل لاقدر اللةما يقدر يقول مومني لان فية تحاليل تتسوي في المستشفي ومن هذا التحاليل يعرفون انة من صلبة
لاتقعدي تصيحي وتبكي لان مافية فايدة وشيلي نفسك وعلي بيت اهلك لان هذا واحد مو صاحي ولايبغاك بس علشان ,,,,,,,,,,,,,,,,,,,,,,,,,,,,,,,
اسفة عيوني بس واللة من جد خايفة عليك :rolleyes::rolleyes::rolleyes:
ش
30-05-2003 | 01:31 AM
مشكورين حبيباتي على ردودكم الطيبه والله أحس أنكم أكثر من خواتي .. لكن اذا بسوي إختبار الحمل بعد أسبوعين في رايكم تطلع النتيجه مضمونه ؟؟
ح
30-05-2003 | 01:40 AM
الله يكون في عونج ..
وان شاء الله ما يصير حمل معاج ، لان هذه الفترة ما يصير فيها حمل باذن الله .. واستخيري ربك ، والله يساعدج ..
وان شاء الله ما يصير حمل معاج ، لان هذه الفترة ما يصير فيها حمل باذن الله .. واستخيري ربك ، والله يساعدج ..
s
30-05-2003 | 03:42 PM
ربنا يريحك من هذا الزج ومعلش بس يستحسن تسيبي البيت علشان مايحصلش حاجه تانيه بينكم لغايه ما تسبيه خالص واعملي تحليل دم احسن بعد اسبوعان لانه بيبين اسرع
ع
30-05-2003 | 10:54 PM
ليش إنت خايفة جذي !!!!
وليش تموتين في الدقيقة مليووووون مرة !!!!
والله أنا شاكه في الموضوع ، ،
آسفة أقولك هالكلام ‘ لأن تقولين انكم على خلاف وأي وقت ممكن يحصل الطلاق ..
إذا كان كذلك والزعل واصل لين الطلاق ، ، ، ليش الجماع أصلاً ، ، ،
وكيف اندمجتوا مع بعض وبينكم زعل
المهم : : :
الله وحده عالم بالأمور ، وهو يدبر الأمور ، ، إذا أراد شيئاً أن يقول له كن فيكون ، ، ، سواءاً كان وقته أو غير وقته ! ! !
والله يسامحنا ويسامحني . .
وليش تموتين في الدقيقة مليووووون مرة !!!!
والله أنا شاكه في الموضوع ، ،
آسفة أقولك هالكلام ‘ لأن تقولين انكم على خلاف وأي وقت ممكن يحصل الطلاق ..
إذا كان كذلك والزعل واصل لين الطلاق ، ، ، ليش الجماع أصلاً ، ، ،
وكيف اندمجتوا مع بعض وبينكم زعل
المهم : : :
الله وحده عالم بالأمور ، وهو يدبر الأمور ، ، إذا أراد شيئاً أن يقول له كن فيكون ، ، ، سواءاً كان وقته أو غير وقته ! ! !
والله يسامحنا ويسامحني . .
ع
31-05-2003 | 12:40 PM
اطمني عزيزتي ترى ما يصير حمل بعد الدورة مباشرة
ت
31-05-2003 | 12:48 PM
شوفي يالغالية حمل تأكدي إنه مستحيل يصير حمل وخاصة الثلاث الأيام الأولى بعد الدوره .... بس في نفس الوقت فكري في الأيام الحلوه اللي قضيتها وياه ... لأن وبصراحه إحنا الحريم يوم تصير لنا مشكله ما نذكر غير المساوىء راجعي عمرج وايد وفكري وصلي استخاره ... وتذكري إن أبغض الحلال عند الله الطلاق ... ان شاء الله خير ...
ه
02-06-2003 | 07:05 AM
الله يعينك ويصبر قلبك ولكن تريثي وفكر زين احنا في مجتمع الارملة والمطلقة عرضة للكلام والقيل والقال واحسن طريقة تعرفي فيها عن وحود حمل تحليل الدم وعلى حسب ماسمعت ان ممكن تعرفي بعد حدوث الجماع بست ساعات والله اعلم استخيري وتوكلي على الله فهو خير من تتوكلي عليه
بنت البحر
بنت البحر
ش
02-06-2003 | 07:49 AM
ألف ألف شكر لكم خواتي وايد ريحتوني بكلامكم الله لايحرمني منكم ومن هالمنتدى الطيب اللي جمعنا قولوا آميــــــــــــــــــــن
أ
14-06-2003 | 08:17 AM
الله يعينج..
بس لاتحاتين أنشالله مو حامل..
لانه مايصير حمل بعد الدوره مباشره..
بس لاتحاتين أنشالله مو حامل..
لانه مايصير حمل بعد الدوره مباشره..
أ
22-06-2003 | 12:17 AM
والله يا شجون وانتي كلك شجون حزنتني كثير بمشكلتك:confused:
الله يكون في عونك يا رب ويفرج كربتك
أختي بصراحه أنا ضد كلام الأخوات مع أنهم يبون مصلحتك أكيد بس أنا بعد أقولك تريثي بموضوع الطلاق وصبري وأحتسبي أجرك على الله بس انت ما خبرتينا هل المشاكل أنه زوجك ما يبي عيال ولا في مشاكل غير وأكبر من كذا ترا إذا كان سبب المشاكل أنه زوجك ما يبي عيال عندي لك بعض النصائح أما إذا كان سبب المشاكل أسباب أخرى أكبر من كذا فأنا أقول لك وين أهله ليش ما تخبريهم وين أهلك شو الدنيا فوضه إذا حملتي بقول مو مني عيل من من؟ ماى يقدر الطب مطور حبيبتي ممكن من فحص دم بس يثبت النسب له يعني شيلي من راسك هذي السوالفوبعدين أهلك عارفينك يعني حتى لو أتهمك زور أهلك معاك وهو بيتحمل ذنب قذف المحصنات الغافلات لاا وبعد من زوجته:down:
وعادة أختي العزيزه ما يحصل حمل بعد الدوره مباشره يمكن بعد 3 فما فوق ايام يحدث وبالنسبه لك روحي للصيدليه وأخذ جهاز فحص الحمل ترا دقيق بالمره يعطيك القراءه حتى من تاخر الدوره بيومين أنا افضل أدخلين أهلك قبل ما تتخذي قرار مثل هذا أرجوك تاني بطلب أبغض الحلال يمكن ينعدل ويتصلح
وطمنينا بأخبارك يا شجون حنا ننتظر نسمع اخبارك على أحر من الجمر ترا والله عورتي لي قلبي بمشكلتك هذي(u)
الله يكون في عونك يا رب ويفرج كربتك
أختي بصراحه أنا ضد كلام الأخوات مع أنهم يبون مصلحتك أكيد بس أنا بعد أقولك تريثي بموضوع الطلاق وصبري وأحتسبي أجرك على الله بس انت ما خبرتينا هل المشاكل أنه زوجك ما يبي عيال ولا في مشاكل غير وأكبر من كذا ترا إذا كان سبب المشاكل أنه زوجك ما يبي عيال عندي لك بعض النصائح أما إذا كان سبب المشاكل أسباب أخرى أكبر من كذا فأنا أقول لك وين أهله ليش ما تخبريهم وين أهلك شو الدنيا فوضه إذا حملتي بقول مو مني عيل من من؟ ماى يقدر الطب مطور حبيبتي ممكن من فحص دم بس يثبت النسب له يعني شيلي من راسك هذي السوالفوبعدين أهلك عارفينك يعني حتى لو أتهمك زور أهلك معاك وهو بيتحمل ذنب قذف المحصنات الغافلات لاا وبعد من زوجته:down:
وعادة أختي العزيزه ما يحصل حمل بعد الدوره مباشره يمكن بعد 3 فما فوق ايام يحدث وبالنسبه لك روحي للصيدليه وأخذ جهاز فحص الحمل ترا دقيق بالمره يعطيك القراءه حتى من تاخر الدوره بيومين أنا افضل أدخلين أهلك قبل ما تتخذي قرار مثل هذا أرجوك تاني بطلب أبغض الحلال يمكن ينعدل ويتصلح
وطمنينا بأخبارك يا شجون حنا ننتظر نسمع اخبارك على أحر من الجمر ترا والله عورتي لي قلبي بمشكلتك هذي(u)
م
27-06-2003 | 12:51 AM
طمنينا اختي ..يت الدورة ولا لأ ..
لأنج كملتي شهر ..اليوم تاريخ 27 / 6
وطمنينا بعد تصالحتي ويا ريلج..
ان شاءالله انحلت مشاكلج كلها :up:
لأنج كملتي شهر ..اليوم تاريخ 27 / 6
وطمنينا بعد تصالحتي ويا ريلج..
ان شاءالله انحلت مشاكلج كلها :up: