والله انا مادري عن صالون الجوزاء
ماجربت شي عندهم
بس ترى مافي شي اسمه تمليس بالاعشاب
كله كلام فاضي
المهم، انتي اول شي جوفي شعرج شنو نوعيته؟؟ قصدي نوعية الشعره نفسها، متينه ولا ضعيفة وناعمة ولا شنو؟
وهذي ترى ماله علاقة بنعومة شعرج او خشونته، مثلا انا شعري عادي وسط بس شعرتي ناعمة وفي ناس شعرهم ناعم بس الشعره متينه
وعلى أساسها تقررين نوع التمليس اللي بتسوينه
واذا تبين تعرفين نوعية الشعره
شوفي شعرج اذا استشورتيه مثلا بسرعه يخترب في الرطوبة او اذا عرقتي قذلتج تخترب خخخخ أو يكش بسرعه او تحسين ان مافيه ثقل،، اذا ايه فيعني شعرتج ناعمة وضعيفه
اما اذا كان شعرج مايخترب بسرعه وحتى لو شنو تستشورينه مايكون متقصص وتحسين فيه ثقل فهني تكون شعرتج متينه
مادري اذا شرحي اوكي، هاذي اللي قدرت عليه الحين
طيب، الحين اذا شعرتج ناعمة اختاري تمليس خفيف ومب قوي على الشعر، لان اذا استعملتي القوي فشعراتج راح تخترق ، لان بروحها ضعيفه والتمليس يضعفها أكثر فالنتيجه ان الشعره تصير وااااااااايد ضعيفه زياده عن اللزوم وتتقطع او حتى تختفي
وفي هاذي الحالة تمليس الاطفال او شي جذي ممكن ينفع
اما اذا كانت شعرتج متينه فممكن تستعملين نوعية تمليس أقوى شوي
ولو انا مكانج، باروح مكان مشهور بهالسوالف مثل الريجنسي، وترى هم الوكيل المعتمد لليوكو
انزيين واقول لهم انا ابي اسوي تمليس لشعري عندكم ومب عارفة اي نوعية اختار او شنو يناسب شعري بحيث انه مايكون قوي عليه وشوفيهم هم شنو يقولون لج وشوفي الميزانية شلون
وبعد شوفي كل الخيارات وكل الاماكن وسألي عدل
لان التمليس اذا صار في اي خطأ راحت على شعرج كله
وبدل ماتستانسين به بتصيحين عليه
وبالتوفيق حبيبتي
مازيد على كلام اختي انا الشوق نفس الي بقوله لج بل ضبط هي قالته
انتي روحي حق الريجنسي او الخليج هم بروحهم بيعرفون نوعية شعرج و يسون لج الي يناسبه
و مبروك الزواج
ف
فراولــــه ملكيــــة
عروس ماسية
26-08-2008 | 07:13 AM
مشكورة اختي انا والشوق على الشرح الوافي وان شاء الله انا راح اروح واجرب عندهم واشوف وماقصرتي حبيبتي...
الله يبارك فيج قطوه بحرينية وتسلمين على المرور
البنات ما شاء الله كفو و وفوا معااج
أنا أسويه " رايبوند " . . في صالون لطيفة
شغلها حلو ونظيف
وأنا بعد وايد حسيت شعري حلووووووو
يعني كذا مرة أسويه تمليس وهاللون . . بس أول مرة يطلع هاللون حلو!
/
\
وبالنهاية يعتمد على نوعية شعرج!
ف
فراولــــه ملكيــــة
عروس ماسية
28-08-2008 | 08:02 AM
تسلمين اختي حلم العذاري بس قوليلي شلون يسون وشلون حسيتي بعد ما سولج هل طاح شعرج او لا