ابي املس شعري و اصبغه .. يصير ؟!

د

دمع العاشقين

عروس مشاركة

25-08-2008 | 06:51 AM

السلااااام عليكم عروسات و بنات ..

كيف حالكم إن شاء الله بخير و استعديتو لشهر رمضان المبارك ..

طال عمركم ما بطول عليكم .. عندي استفسار للي عندها خبرة أو تجربة ..

طال عمركم أنا ملست شعر أمي و شعر أختي بمملس wella اللي ينباع في الصيدليات , و النتيجة حلووووووه مرررررة :shy: ..

شغلوني عندهم كوفيرة :21_133: ..

بس مشكلتي إن هم شعرهم قوي :21_195: و أنا شعري كثيف لكنه أضعف بشويــــــــه ..

شعري ما هو ضعيف واجد ، لكن لأني أسشوره أكثر منهم فصار كذا من عمايل السشوار (w) ..

+ أنا صابغة شعري من 6 شهور .. و الحين أبي أعدل الصبغة مرة ثانية ..

+ ابي أملس شعري حق أفتك من أذى السشوار ..

أرجوووووكم أحد يشور عليّ :cry: ..

ر

ريما الخليجية

عروس ركن العناية بالبشرة والجسم وركن العروس

25-08-2008 | 10:58 AM

حبيبتي انا الي اعرفه ان مايصير بس اذا بتملسين باليوكو يصير اذا خليتي بين فترة التمليس والصبغ 20 يوم

هذا الكلام من اكثر من خبيرة لاني اتصلت اسأل عن الموضوع في اكثر من مشغل

A

Anoodi

عروس مبدعة

25-08-2008 | 11:36 AM

قلبو ملسي يوكو يطلع حلو ،، وتقدرين تصبغين

بس

اذا هذا (التمليس) طااالع لج حلو وعن تجربه خلاص خلي شعرج اسود! و ناااااااعم ،، حلو !!!!!

رينا الخليجيه قلبو ،، انا جربت يوكو مرتين وودي اغير الصالون !

انتي وين سآلتي ؟ واي احسن صالون ؟

ح

حلمـ .,

مشرفة سابقة

25-08-2008 | 12:48 PM

لا أبد ما يصير

أين كان نوعية التمليس . . لا تفكرين تصبغينه ولا بيندمر شعرج!

يعني بعد التمليس بـ شهر ولا شهرين . . أصبغيه

أنا إلي ملست لي شعري " دايم أملسه رايبوند " . . قلت لها بقصه قالت لي لا تفكرين!

بعد شهر قصيه

مع إن شعري فيه قصة . . اللهم بعدل هالقصة

لأن بيسبب لج مشاكل التقصف والتساقط

وحافظي عليه بحمامات الزيت والشامبو المناسب له . . والزيوت المرطبة

لأن مهما كان التمليس حلو

له وايد سلبيات

وآثاره لازم تظهر على شعرج

ر

ريما الخليجية

عروس ركن العناية بالبشرة والجسم وركن العروس

25-08-2008 | 02:16 PM

Anoodi;7041038:
قلبو ملسي يوكو يطلع حلو ،، وتقدرين تصبغين

بس

اذا هذا (التمليس) طااالع لج حلو وعن تجربه خلاص خلي شعرج اسود! و ناااااااعم ،، حلو !!!!!

رينا الخليجيه قلبو ،، انا جربت يوكو مرتين وودي اغير الصالون !

انتي وين سآلتي ؟ واي احسن صالون ؟

انا سويته مره وحده بصالون جلامور بالنصر وان شاء الله برجع اسوي الجذور عندهم بس للامانه عقدتهم عشان يهتمون فيني عدل وما يطيح شعري والحمدلله النتيجه حلوه

وترى قريباتي سوو عندها وسبب لهم تساقط من قلب

ن

نبض الامانى

عروس نشيطة

26-08-2008 | 08:34 PM

اللى فهمته من كلامك انك صابغه شعرك من 6 شهور بس يعنى لسه فيه اثر الصبغه فمش هينفع انك تعملى عليه الفرد خالص
و ده كلام من اكبر صالون بيعمل فرد فى مصر لما رحت عاوزة اعمل فرد و كنت عامله صبغه من 8 شهور و شعرى طبعا ملحقش يطول كفايه قالتلى لازم اقص لك كل اثر الصبغه ده و الا شعرك هيقع و يتقطع

خلى بالك

اما موضوع الصبغه بعد الفرد فمش عارفه الصراحه ان شاء الله حد يفيدك فيه

&

✿.زهور الريف✿.

عروس ذهبية

26-08-2008 | 09:19 PM

يووووووووووووه انتبهي مره اي من سنتين رحت املس شعري طيب

سالتني الحرمه متى صبغتي خبرتها من سنه وراح اثر الصبغه جالت لا في شي بسيط باقي بشعرك ما ينفع املس شعرك وكان فيه صبغه انسي

لان راح يدمر ويحرق شعرك
اياكي تسوي راح قضي على شعرك

بما ان سويتي تملس حاولي قدر مستطاع تهتمي فيه بشكل كبير ولا الله يرحم شعرك

اسالي مجرب ولا تسالي دكتور

بايو

A

Anoodi

عروس مبدعة

27-08-2008 | 12:39 AM

شكرا رينا ،،

انا سويته عند بايو بل

الي جدام الستي ،،

هذا المحل له فرع بالبحرين

ودي اجرب جاك ديسانج بس شكله مو ذاك الزود ،،شرايج انتي
:)

شششششششششكرا

ر

ريما الخليجية

عروس ركن العناية بالبشرة والجسم وركن العروس

27-08-2008 | 12:46 AM

Anoodi;7058750:
شكرا رينا ،،

انا سويته عند بايو بل

الي جدام الستي ،،

هذا المحل له فرع بالبحرين

ودي اجرب جاك ديسانج بس شكله مو ذاك الزود ،،شرايج انتي
:)

شششششششششكرا

العفو حبيبتي

والله ماقد سمعت من حد سوا عند جاك ديسانج اليوكو وانا لما رحت جلامور لان شفت الي مجربينه

وان شاء الله اذا وحده جربت هالصالون تفيدج