دخيلكم ساعدوني

فتـونه المزيونه 23-08-2008 15 رد 1,785 مشاهدة
ف
[SIZE="2"]السلام عليكم و رحمة الله و بركاته
يا أمهات و يا سيدات و يا اللي عندها حل ساعدوني بلييييييييز
يا حريم أنا تعبانة و زهقانة و باطه جبدي و دي أسير مكان بعيد و استريح من همي اللي متعبني و مسهرني ليلا نهارا,, أعرف مللتكم بدش في الموضوع
أنا عندي ولدي الثاني انشاله الأسبوع الياي بيكمل 5 أشهر فديته..... المهم ولدي وايد ايصيح ويصرخ تقريبا من كمل 3 أسابيع و هو بكائه في زيادة كل ما أوديه المستشفى يقولون ما فيه شيء يمكن غازات أو يوعان.. أوكيه عطيناه أدويه للمغص سويناله أعشاب عطيته حليب صناعي مخصص لحالات المغص الشديد ماشي فايدة بكائه مستمر, بعدين شكله من كثر مايصرخ دخلت طبلة الأذن شوي داخل و عالجنا المشكله بس بعده يصيح, تقريبا قبل ما يكمل شهرين صار عند أمساك يعني ما يتبرز الله يكرمكم إلا لو بحطي حقة تحميله و أحيانا التحميله ما إلها تأثير مره الدكتوره اتقول يمكن الحليب مايكفيه و دكتوره ثانيه من نفس المستشفى من بعد الفحص الداخلي قالت يمكن هو من النوع اللي مايتبرز إلا في الأسبوع مره, لكن الإمساك مستمر دائما ولدي اصياحة يزيد بشكل غريب جدا و يوم بيتبرز يرتاح كم ساعة و بعدين يكمل رحلة البكاء, المهم وديته مستشفى الوصل و الدكتوره قالت نفس الكلام و بعدين قالت خلينا انسويه اشعة على البطن طلعة الأمعاء عندة متروسه براز الله يكرمكم, و قالت أبدأ أعطيه أكل و سوائل و حولته على الدكتور الجراح بس الموعد لسه مطول, من بعد الأكل صار يتبرز تقريبا كل كم يوم الحمد الله بس اصياحة مستمر,
ملاحظة: وزنة جيد 5ك و نص, رقادة خفيف على أي صوت بيقوم ايصيح و ما بيرد يرقد وعدد الساعات اللي ينام فيها نهارا ساعتين و مسائا ست ساعات و هذا المجموع لأنه كل شوي ينتبه ايصيح, أنا عندي أحساس انه الولد في شي بأمعاءة أو شيء يعوره و الدكاتره ما عارفين شو فيه بصراحة أحترت و دخت أنا أقرأ عليه وديته عند المطوعه و خواتي و أمي يقرون عليه, الكل مستغرب من صياحه , الحين من ثلاث أيام حرارته مرتفعة و اليوم وصلت 40 و نص اتخبلت قلت بيموت بس الحمده الله ستر أنا كل شوي أعطيه خافض للحراره بس بعد ساعة من الدوا ترتفع مره ثانية أمس وديته المستشفى قالت ما فيه شيء أنا قلت يمكن أسنانه تطلع و هيه قالت طلوع الأسنان يقلل مناعة الطفل, و اليوم وديته مستشفى ثاني و قالو عنده بداية أحتقان, المهم بعد تعب و عذاب و أدول رقد.
أنا أبغيكم أتقولولي شو اسوي اذا عندكم حاله مثل ولدي والله حياتي انقلبت فوق تحت أهمال لبيتي و زوجي و ولدي الأكبر, لو ما عندي شغالة كان الله في العون الحمد لله
نسيت أقولكم لاحظت عليه من بعد ما افقد الأمل من صياحة أعطيه الشغالة أو بنت أختي أذا عندي و شوي ما يكمل عشر دقايق و يرقد, أنا أقول يمكن عشان متوتره أنقل حقه التوتر
اسمحولي طولت عليكم[/SIZE]
ف
السلام عليكم
بصراحة أبدا ما أتوقعتكم شذي و لا وحده عندها رد أو أي أقتراح الله يسامحكم زعلتوني أنا فعلا متضايجه من حالة ولدي
ص
الله يعينك اختي والله ماعندى خبرة ياليت اقدر اساعدك بس شوفى احد فى العائلة عندو خبرة يمكن يقدر يساعدك
B
الله يهديه ويصلح شانه

الحين هو عمره 5 شهور يعني المفروض ابتديتي وياه في الاكل

حاولي تبعدين عنه الاشياء اللي تمسك البطن وتسبب غازات واهتمي بنوعية اكلك يعني اذا كنتي ترضعينه طبيعي ابتعدي عن الاشياء اللي تسبب غازات بعد
اذا كنتي ترضعينه صناعي حاولي تغيرين له نوعية الحليب لان يمكن مو متقبلنه
لان بعض انواع الحليب اذا ماناسبت الطفل تسبب له امساك
لان الامساك يحصر الغازات في البطن ويسبب له الم
الشي الثاني والاهم اكيييد عنده التهاب في الاذن لانها تقلق الاطفال وتسبب لهم انزعاج ونوبة بكاء وقلة نوم وفقدان شهية صدقيني عن تجربة
ضروري تاخذينه لاخصائي او استشاري اطفال شاطر لان مو كل الدكاترة شاطرين لانك اذا اهملتي علاجه يسبب ضرر للسمع
وان شاء الله ماعليه الا العافية
ا
الله يريح بالك ...واختي بلوسومز ماقصرت ...
أ
(y)(p)
Blossoms;7019253:
الله يهديه ويصلح شانه

الحين هو عمره 5 شهور يعني المفروض ابتديتي وياه في الاكل

حاولي تبعدين عنه الاشياء اللي تمسك البطن وتسبب غازات واهتمي بنوعية اكلك يعني اذا كنتي ترضعينه طبيعي ابتعدي عن الاشياء اللي تسبب غازات بعد
اذا كنتي ترضعينه صناعي حاولي تغيرين له نوعية الحليب لان يمكن مو متقبلنه
لان بعض انواع الحليب اذا ماناسبت الطفل تسبب له امساك
لان الامساك يحصر الغازات في البطن ويسبب له الم
الشي الثاني والاهم اكيييد عنده التهاب في الاذن لانها تقلق الاطفال وتسبب لهم انزعاج ونوبة بكاء وقلة نوم وفقدان شهية صدقيني عن تجربة
ضروري تاخذينه لاخصائي او استشاري اطفال شاطر لان مو كل الدكاترة شاطرين لانك اذا اهملتي علاجه يسبب ضرر للسمع
وان شاء الله ماعليه الا العافية
ع
انا اختي الصغيرة كانت جذي

ودخنا وياها والله

وكل دكتور يقول شكل

ولما كبرت خلااااص راح كل شي

يعني هي من النوع اللي كله يصيح

والحين تعالي شوفيها كله تضحك

الظاهر ولدج جذي

الله يعينج اختي ويساعدج وكله عند رب العالمين
ف
السلام عليكم و رحمة الله و بركاته.... مشكورات خواتي على الإقتراحات و أختي بلوسومز الحليب اللي أعطيه لحالات المغص و أنا الحين ما أعطيه وايد و لا كل يوم و الدكتور قالي الإمساك اللي عنده مب من سبب الحليب, و بالنسبه لأذنه كل مره يفحصونه يقولون ما عنده إلتهاب , صاير صياحه وايد و رقاده قليل كل اللي فالبيت طفرانين منه, الله يعينا
ل
يمكن مثل ماقالوا الاخوات يمكن هو كذا صياح لاتحاتين دام حالته الصحيه كويسه
u
الله يعينك اختي ويصبرك .........انا اقولك شغليله الرقيه الشرعيه بشكا مستمر
م
انا بقترح عليكي جيبي شيخ يقرا على ابنك ويقرا عندك في البيت والقران ان شاءاللة بهدي وبهديكي اللة يعينك بس انا عملت هيك بس خلفت طمنينا عنك
r
أختي تأكدي أن الطفل ما عنده فتاق
لأن بنت خالي ولدها كان دائم الصياح و بعدين اكتشفوا ان عنده فتاق
الله يساعدك و يهديه يا رب
ا
الله يعطيه العافيه ان شاء صراحه ماني مطمئنه من شغالتتقولين لمن تاخذه يسكت انتبهي يمكن منها والله العالم لاتخلون اطفالكم تحت رحمة الشغاله والله يكون في عونك


عندنا وحده من اهلنا عندها شغاله وكانت تربي بنتها عمرها الحين 4 سنوات يمكن من صغرها وهي معها



سافرات الشغاله وكانت البنت من قبل في احسن صحه وحال البنت كئنها ورده لمن سفرت الشغاله تدهورت حالة البنت

صارت نحيفه اسمرت كل تعبانه تغيرت والله لمن شافتها معرفتها مدري ايش جرى لها من شغاله لها سنه من سافرت والبنت على هذه الحاله

كل ما قول انتبهو لعيالكم منهم

الله يحفظ ولدك ان شاءالله ويشفيه ويعافيه
ف
فديدكم والله ما تقصرون انا وديتة عند طبيب أطفال وقال عنده غازات وايد و أذنه فيها إحتقان مع أنه كل مره أوديه المستشفى أقولهم ايشد أذنه و يفحصونه و يقولون ما فيه شيء لدرجنة اني حسبت هذا الشيء طبيعي,المهم الدكتور سواله سونار بس ما قدر يكمل الفحص كله عشان ولدي شل المستشفى من الصريخ, و اليوم بنسويله تحاليل, و بخبركم شو يقول الدكتور
ف
مرحبا اشحالكم مبارك عليكم شهر رمضان....
طلعت نتائج التحليل و طلع عنده رمل في البول, و الدكتور قال لازم يشرب سوائل وايد,
بصراحه صياحه خف بشكل ملحوظ الحمدلله و أنا حاسه انه بسبب دعائم و مشكورين ما قصرتو
&
هلاااااااااااااااااا ام فتون



كل اليهال نفس حال


انا بنت اخوي اعوذ بالله صياااااااااااااااااااااااااااااااح مب طبيعي كيف في اغلب طبيعه سبحان الله يكون ياهل مزعج


بس بخصوص الياهل اي بطنه الي اشوفه من حريم اخواني واخواتي يعطون حجه ينسون اي شمار واااايد للبطن وكمان في شاي حج اليهااااااااال


شوفي كذا يهال بنت اخوي والله العظيم من يوم ولدته واهي صيااااح لغايته يوم ويوم عمرها سنه ونص طبيعة اليااااااهل جذي سبحان الله وسبحان يابت حرمته اخوي ثانيه بس



تبارك الرحمن اله يحفظها ما تصيح وااااايد غير عن اختها بشكل كبير


التربيه مب سهله وااااايد وخصوصا لما يصيح يمكن بطنه بعده تعوره فشربي وووااايد ماي
وارضعي رضاعه طبيعيه وكمان سوي له ينسون وبس



طبعا انا مب متزوجه بس شفت من اخواتي وحريم اخواني


ما عليه اصبري اشوي كل اليهال يصيحون والله لو تشوفي بنت اختي اول ما انولدته ليييين سنتين صياااااااااااااااااااااااااااح لدرجه اختي كانت تبكي وياها


لين يوم امي غسلت اختي وجالت لها احمدي ربك بخير ياهل واحمدي ربك


ان اعطاكي طفل وسرتي ام



كذا اصبري اشوي ما عليه اليهال


جذي الي تعرس تعمل حسابها بكل شي لان راح تتحمل مسؤؤليه كبيره حيييل ربك يعلمها


ونصيحه مني لوجه الله لا تفري ولدتج لشغاله هذا ظناااااااااااااااتج


الله يوفقتج حبيبتي
X