الزواج ام الدراسه

[GRADE="008000 FF0000 008000 DC143C"]زماااان أول يقوولون شلج بالدراسة وخذي الرجال

بس الحين لالالالا وألف لااا الدراســة والشهادة الجامعية هي سلاح المرأة بهالزمــان

انا شكثر كانــوا يتقدمون لي وانا بالثانوية وكان أبوي يرفض بحجة الدراسة ولما دشيت الجامعة فهمت وكبر عقلي وقلت مااأبي أي واحد لأن يوم كنت بالثانوية هبــلة ههههههه مستانسين نبي بس نتزوج نحسب الزواج فستان وشهر عسل وكشخــة ،، ذكرتوني بإغنية كنا نغنيها قبل 5 سنوات لما كنا في الثانوية هههههه"" الجامعة حلوة حلوة ** بس الرجل ماله مثيل ** لو احنا عنسنا خل العلم ينفعنا** حب الرجال غاية ونعيش في جنــة""

بس لما كبرت عرفت معنى الزواج والحمد لله انخطبت العام الماضي وكان باقي لي كورسين في الجامعــة وشرطي في عقد الزواج ان لايمنعني من مواصلــة الدراســة وربي يسر اموري والحمد لله كملت وزواجي بعد العيد ان شاء الله "ادعو لي ربي ييسر لي أموري "

الرجــال اذا يبي البنت يصبر .. انا حاليا مخطوبـة"مالجة" من سنة ونص تقريبا والرجال اذا يفكر في مستقبل زوجتــه وحياتهم الزوجيـة بيوافق تدرس وتواصل أما الرجال المتخلف بيقول لها اطلعي واجلسي في البيت ولاتكملين ومايبيها تصير أحسن من مستــواه"وجهــــــــــة نظر"
الا اذا كانت ظروف خاصة تمنعها تكمل هذاك شي ثاني

بنت أخت خطيبي صار لها مالكــة من تخرجت من الثانــوية لين كملت الجامعة يعني خطيبها انتظرها 4.5 سنووات ماشاء الله .. الرجال بعقووولهم

وعمر الزواج ماكان عائق لمواصلــة الدراسة بس يبي له عزيمة وإصرار وإرادة ,, طبعـاً الوضع بيختلف عن لما تكون البيت في بيت أبوها بس التوفيق بيد الله سبحانه والإرادة هي السبب الثاني

أدري قلت قصــة حياتي ،، اعذروني على الإطالــة وفعلاً موضوع بستحق الواحد يبدي رأيه ويشارك فيه[/GRADE]

اذا الرجال ما يتعوض يعني مواصفات (full option)مثل ما يقولون باختار اني اتزوج واشترط اكمال الدراسة وبالنسبة لي الفل اوبشن يكون الدين والاخلاق وان يكون في البيت متوافرين خدم حق شغل البيت طباخ وتنظيف وكوايه وبجذي يكون عندي بس زوجي ودراستي واذا حملت عادي<< على ما اعتقد:D
وعيالي احطهم عند عمتي واكمل دراستي

هذا طبعا كله مخططاتي وتخيلاتي المستقبليه يعني لحد يحطمني ويقولي واذا امه عصبية وما تطيقج بلييز لحد يحطمني و اولا واخيرا واهم شئ ان الوحدة اذا هي حابه انها تتزوج وجاها عريس زين توافق احسن واستر لها لا تنحرف والنجاح المهم يكون بالاخرة مو بالدنيا

وتقبلوا مروري الفيلسووفي

العلم سلاح المرأة في هالأيام

وما حدا بيعرف نصيبه وين ومع مين وشو مكتوب عليه


فنصيحتي ان الوحده تكمل دراستها وبعدين تتزوج


والله يوفق الجميع

مرحبا
مشكورة حبيبتي عالموضووع وايد حلوو..

بالنسبه لي ..
عادي البنت تتزوج واهيا في الجامعة ..ونحن عدنا بالبحرين بنات وايد متزوجين او مخطوبين واهما في الجامعة ..
بس البنت الي تنخطب واهيا في المدرسه مااعتقد راح تقدر تواصل الدراسه ..
لان ربعي معظمهم نخطبووا في هذي السنه والي طلعت من المدرسه والي حولت منازل والي حملت وواضطرت تتطلع من المدرسه ..يعني انا ماأأيد البنت تنخطب وهي عندها دراسه ..
اصلا راح يكون تفكيرها مو في الدراسه في الريل وبس ..

وانا من ناحيتي ما ارح اتزوج الا لمن اخلص الثانويه كلها سنتين واخلص واتفرغ الى الريل وبلاويه ..

ميرسي يا حبيبتي لطرحك للموضوع ده
بس انا رايي ان الدراسه اهم من الزواج ...........
لان ممكن بدراستك الجامعيه وشهادتك فرصتك تبقي اكبر في الزواج من شخص مستواه اعلي واحسن
لان سلاح البنت دلوقتي هي شهادتها
انتي مش ضامنه حياتك مع زوجك لو لقدر الله انفصلتوا اكيد هتندمي انك مش كملتي دراستك
يعني لو وقفتي دراستك وتزوجتي وزوجك هو اللي بيصرف عليكي ومش مخليكي محتاجه لحاجه ومش بتشتغلي طبعا
طيب افرضي حصل اي حاجه وانفصلتوا او بعد الشر طبعا ..........انه توفي
تقدري تقوليلي هتعيشي ازاااي ولو كمان عندك اطفال هتعيشيهم وتصرفي عليهم منين ؟؟؟؟؟؟؟؟؟؟
لكن لو معاكي شهاده جامعيه تقدري تنزلي تشتغلي بيها صح
ده رايي
وخصوصا في الظروف الاقتصاديه الصعبه اللي احنا عايشنها دلوقتي

يسلموووووووووووووووووو حبيبااااااااااتي

اراء مختلفه وكلن لها اسبااااااااااااااااابهااا

اشكركن كلكن

انا بالنسبه لي الزواج قبل لان في بعض الازواج

ما يرضون لزوجتهم تكمل دراستها و تشتغل وخاصه احنا الخليجين ...


و حلو الزواج من سن صغير بشرط تكون فاهمه وعارفه كل شي

ولان البنت تشيب(تعجز) قبل الرجال هذا مهم يعني تزوجي قبل ما تروح عليج

والدراسه ملحوق عليهاا والفرصه تجي مره بالعمر .


مشكوره خيتوو والله يعطيج العافيه ..

وحياج الله بيناا في بيتج الثااني .

تحياتي...

صراحة اخلص دراستي الاول هي الاهم يعني لما راجل
يقولك بااااااااااااااااااااي ويطلقك وانتي ماعندك شئتروحي تجلسي عندك اهلك حاطة يدك علي خدك
بس الوضع يختلف لو انتي بشهادتك ولو طلقك تقدري تشتغلي وتلقي شهادتك تنتظرك وتصرفي علي نفسك

هذا رائي

روحي تحبهـ;7120825:


انا بالنسبه لي الزواج قبل لان في بعض الازواج

ما يرضون لزوجتهم تكمل دراستها و تشتغل وخاصه احنا الخليجين ...


و حلو الزواج من سن صغير بشرط تكون فاهمه وعارفه كل شي

ولان البنت تشيب(تعجز) قبل الرجال هذا مهم يعني تزوجي قبل ما تروح عليج

والدراسه ملحوق عليهاا والفرصه تجي مره بالعمر .


مشكوره خيتوو والله يعطيج العافيه ..

وحياج الله بيناا في بيتج الثااني .

تحياتي...

مع اختي فـ رايها ..


والله يوفقج حبوبه (f)

أنا في راي الدراااااااااااااسه أولا وأخيرا بعدين الزواج لاحقين عليه

طبعا الدارسه الجامعيه بسسسسس مب الماجستير والدكتوراه هههههههههههه

سلاح المرأه هاليومين دراستها الزوج ممكن تنفصلين عنه أو يتوفى ,,,,, الانسان ما يعرف ظروف الحياه

بس ممكن آخر سنه لها تملج أو تدرس وتأجل الزواج فتره وحتى إذا تزوجت تشترط إكمال دراستها

بصى هى الدراسة شئ مهم حتى كمان هتفيدك فى حياتك بعد كده فى بيتك مع ولادك وكمان بتخلى ثقافتك اعلى حتى لما تيجى تدخلى فى مناقشة مع جوزك بتبين قد ايه انتى على درجه من الفهم والوعى والثقافه عشان كده عمليه اتمام الدراسه دى شئ مهم عشان تبقى ناجحه فى حياتك الشخصيه

أنا بالنسبة لي اشوف ان الدراسة والزواج اثنينهم ضروريين ومهمين
فعشان جذي ما اقدر احدد من هو الاهم
لان كل واحد له أهمية من ناحية معينة

وللأسف وايد بنات يعتقدون ان الدراسة أهم من الزواج
يعني يقولون الحين احنا بندرس ونحصل الشهاده وبعدين الزواج لاحقين عليه، طيب انتي ضامنة ان فارس الاحلام بيجي بعد ماتخلصين دراستج؟؟
زين، وبعد الدراسه بيجي دور الوظيفة... وكثيير بنات يفضلون بعد الوظيفة على الزوج "يعني أول شي الوظيفه وبعدين أتزوج"
وبعد ماتتوظف تقول يلا ابي اتزوج
أغلب هالبنات تكون نظرتهم محدوده ومب بعيدة المدى او تكون اقتصاديه

انا من وجهة نظري ان ماتقدرين تحصلين كل شي تبينه في الحياة
شهادة محترمه ووظيفة حلوة وزوج بييج متى ماتبينه وبالمواصفات اللي تبينها

المهم، بعيد عن التفلسف الزايد :shy:

أعتقد هالشي يعتمد على شخصية كل بنت ونظرتها للحياة

مثلا انا وحده ماتنفع لي الدراسة مع الزواج
لأن انا الحمدلله متفوقه في دراستي بس انا مش من النوع اللي ادرس
ما أحب أدرس، ودايما أدرس ليلة الامتحان وبعد عناااء طويل وانا أغصب عمري في الدراسه
هذا وانا فاضيه هاذي حالتي فكيف بتكون وانا متزوجه وعندي التزامات ثانيه؟؟

وانا اهمية الدراسة عندي مش اقتصاديه، الشهادة هي تحقيق للذات وتطوير من نفسي

المهم، انا مره تقدم لي شخص مواصفاته كل بنت تحلم فيها
دين وأخلاق ووسامه، والامهات يخطبونه حق بناتهم ، وحالته زينة وكان موافق على دراستي بسسس شرطه اني ما اشتغل بعدين
طبعا انا رفضت وبدون تفكير، مب عشان اني انا ميته ابي اشتغل وابي راتب و و و

بالعكس اذا كان زوجي مقتدر ويقدر يخليني ما احتاج شي انا اول وحده مستعده اقعد في البيت واتفرغ حق عيالي بسس ان يكون هالشي قراري انا ومايكون هو فارض علي هالشي
واذا كان شارط علي من البداية ان مافي شغل، فشي طبيعي اذا بعدين ابي ادرس ممكن يمنعني عشان ماعندي سالفة أدرس وانا ماراح اتوظف

واذا كنت ادرس مثلا وشخص تقدم لي وقال لي اتركي دراستج طبعا ماراح ارضى
ومثل ماقلت أنا عندي طموح ودايما ابي اصير احسن، وماعتقد ان الشخص اللي مايبي زوجته تدرس وتتعلم بيكون عنده طموح، فطبيعي ماراح يناسبني وراح ارفضه

هذا بالنسبة لموضوع الزوج اللي مايبيني أكمل دراستي

اما بالنسبة لموضوع من أهم؟؟ الزواج أم الدراسة؟؟ فاثنينهم مهمين لي
الدراسة هي تحقيق ذات وطموح
والزواج هو استقرار وفطره احنا انخلقنا عليها، وكل وحده منا لازم تبي زوج وشخص يشاركها الحياة

والزواج والدراسه كل واحد منهم يملي جانب معين من احتياجاتنا

ومسامحه اني طولت وايد وانا اسولف

الدراسة الاول ثم الزواج

انا اشوف ان البنت بعد الثانوية لابد تفكر في الزواج بجديه
لانك اذا كبرتي مابتشيلك كتبك بيشيلونك عيالك ان شاء الله
الزواج استقرار والواحد كل ماكبر في العمر كل مااحتاج لونيس سواء ولد او زوج

الشهاده مطلوبه لكن اذا تعارضت مع الزوج المناسب بختار الزوج اكيد
ولاتحسبوني كسلانه بالعكس انا احب دراستي وشرطت على خطيبي ووافق الحمدلله
الشهاده علمـ +مستوى مرموق +ووظيفه ان وجد
اما الزوج = اطفال+امومه+ استقرار + احفاد + عائله انت ملكتها

نصيحه للبنات اللي مستقبلاً بيصيرون عجايز^_*

سلام عليكم ورحمة الله تعالى و بركاته أختي العزيزة انطلاقا من تجربتى الشخصية أنصحك و أكد الدراسة أولا لكن لا عيب إذا كنت تجدين في خطيبك مواصفات فتى أحلامك أن تطلبي منه أن ينتظرك لحين ما تتممي دراستك و الله يوفقك بإذن ير شدك من عنده بالقرار الصاءب و لا تنسي عزيزتي أن تقومي بصلاةالأستخارة[.SIZE="7"][/SIZE]

مشكووووره حيــاتي على هالموضوووع المـهم ..

بالنـسـبه لي اقول شـهـادتي اولا واخيـرا .. الشـهاااده اهي السـلاح الوحيد صار بهالدنـيـا .

الدرااسه نفسها تتطلب وقـت كبير لها و تفرغ .. الصـراحه أنـا من دخلت الجـامعه كـانوا تقريبا كل صـديقـاتي

متـزوجــات الا أنـا .. عـاد قلت يــلا خل اشوووف متى اي نصـيبي .. بس سـبحـانه الله كل شي من الله خيره .

شفت حـالهم المتزوجـات مع الدراااسه حـاالتهم حـاله . و قلت الحمدالله على كل حـال .

الزواااج لاحقيـن عليـه الدراااسه كلـها اذا طووولت اكثر شي اكثر شي 5 سـنين . بهالفتـره تكون نضجت

و عقـلت و متفرغه لمسؤليـات البيت .. و مـاتدرين سـاعات الله مـا يكتب نصيب و يكون فيه طـلاق و لا مشـاكل

و لا انفصـال حـزتها البنت تكون مــكونه نفســها و تقـدر تدبر نفســها .

تســلم الايــادي حيــاتي على الموضووع الحلو .

ثانكس ثانكس

الزوااااااااااااااااج قبل الدراسه
لان الزواج هو الحياه الحقيقه والاستقرار
ماتنفع الشهاده الى عنست في بيت اهلها ولا رح تجيب لها الشهاده عيال يقومون بها اخر عمرها
لان لا ابو ولا ام ولا اخ دااايم للبنت غير زوجها وعيالها اذا بارك الله لها فيهم
ولوحصل الدراسه مع الزواج انعم واكرم
وبالاخر اختلاف الراى لا يفسد للود قضيه:)
يسلمووووووووو حبيبتى على هالموضوع الحلو(f)

شـ ShOoNa ـونـا;7141770:
مشكووووره حيــاتي على هالموضوووع المـهم ..

بالنـسـبه لي اقول شـهـادتي اولا واخيـرا .. الشـهاااده اهي السـلاح الوحيد صار بهالدنـيـا .

الدرااسه نفسها تتطلب وقـت كبير لها و تفرغ .. الصـراحه أنـا من دخلت الجـامعه كـانوا تقريبا كل صـديقـاتي

متـزوجــات الا أنـا .. عـاد قلت يــلا خل اشوووف متى اي نصـيبي .. بس سـبحـانه الله كل شي من الله خيره .

شفت حـالهم المتزوجـات مع الدراااسه حـاالتهم حـاله . و قلت الحمدالله على كل حـال .

الزواااج لاحقيـن عليـه الدراااسه كلـها اذا طووولت اكثر شي اكثر شي 5 سـنين . بهالفتـره تكون نضجت

و عقـلت و متفرغه لمسؤليـات البيت .. و مـاتدرين سـاعات الله مـا يكتب نصيب و يكون فيه طـلاق و لا مشـاكل

و لا انفصـال حـزتها البنت تكون مــكونه نفســها و تقـدر تدبر نفســها .

تســلم الايــادي حيــاتي على الموضووع الحلو .

ثانكس ثانكس

حبيبتى عندى تعليق على كلامك بس اتمنى ماتزعلين لانه في النهايه اختلاف الراي لايفسد للود قضيه:)الكلام هذا كان اول لكن الحين لوخذت الوحده شهادتها بلتها وشربت مويتها لانه الرجال وهم الرجال مالقوا لهم وظايف والبنات عنسوا في البيوت يتمنون خاطب بس يطق الباب ومنهم كثير اعرفهم شهاداتهم عاليه وموظفات ورواتبهم تصفق الالاف بس للاسف تبي تتنازل عن كل هالشهادات وهالفلوس والوظيفه عشان تتزوج لانها ابداااا مافادتها كونه تفتقر لجو اسري زوج واطفال و و و .....الخ
اسأل الله العلى القدير ان يرزق كل محرومه بالزوج الصالح والذريه الصالحه

حبيبتي أنا أقول الدراسة مهمة والزواج مهم الدراسة تجبلك شهادة تفيدك وقت الحاجة الواحد مايدري عن الدنيا والزواج مهم لأنه متعة بالحلال واستقرار وأمومة وستر.
أنا ما أعارض إني أنخطب وأنا أدرس ولا حتى أتزوج ماعندي مانع بس أنا تقدملي واحد طيب وابن حلال لكنه عنيييييد وراسه يابس إشترط علينا إن الزواج يكون بعد شهرين من الخطبة يعني ما يكون فيه اجازة ويكون وقت برد وعمله عادي يسمحله إنه ياخذ اجازة في أي وقت أهلي طلبوه يأخر الزواج بس شهر عشان يكون في إجازة نص السنة لكنه رفض تماماً إنه يأخره يقول عادي إذا تزوجتها وقت الدوام نتزوج الأربعاء وتداوم السبت وهذا أزفت وقت مو شهر عسل ولا راحة..ومادام هو ماقدر دراستي أنا ما أبيه ورفض أبوي علماً بأني إستخرت في بداية الموضوع.. الانسان ما يأخذ إلا نصيبه وكتوبه وقت الدراسة ولا بعدها ما ندري...

تسلمووووووووووووووووووووووووووووووووووووووون جميعاااااا

متاااااااااااابعه بصمت ...........