فينكم يا بنات يا مصريات (g) الجزء السادس

أم مشمش. 21-08-2008 936 رد 77,358 مشاهدة
s
Warde;7307911:
ألف شكر عالمعلومات الهايلة دى :)
سؤال فنى يا ساسو هو ماء الورد ده بيتجاب منين (العطار أم الصيدلية) ؟؟ و هل فى ماركة مشهورة ؟؟

هل ماء الورد ممكن يكون بديل لغسول الوجه ؟ أصل أنا ياستى بستعمل غسول كلير أند كلير
هو حلو أه و كل حاجة ، بس بسمع كتير إن نحاول مانستعملش الحاجات اللى فيها كيماويات كتير:ss: فايترى إيه الغسول الطبيعى اللى ممكن نستخدمه ؟؟



الماورد ف كل حته السوبر ماركت او الصيدليه او اي حته
ومافيش ماركه معينه
الماورد بديل التونر مش بديل للغسول
بس ممكن تستخدمي غسول جونسون اللي لونوا ابيض حلو
هشوفلك وصفه طبيعيه تنفع غسول و هكتبهالك انشاء الله
s
جويا جويا;7308033:
هااااااااااي حبوبات

عاجبتني اوي مشاركتكم

بس ماشاء الله كتيرة ... احاول اقرا كل يوم منها شوية

عاوزة بئه واحده تفيدني ازاي استخدم زيت تاج رتاج ؟؟

انا جيبته بس مش عارفه ايه طريقه استخدامه والانسب ايه ؟؟


================================

بالنسبه بئه في موضوع الميك اب هقولوكو علي حاجه حلوة اوي
البودر المائي لكريولان الاصلي ده خاص بنجمات السينما بجد تحفةةةةةةةةة

تغطية رهيبة لو في وشك ايه مايبينه .. ويدي نضاره وتفتيح طبيعي

بس المهم لازم تختاري الدرجه المناسبة لبشرتك

ولو فيه حاجه افتكرتها .. هرجع اكتبها




بصي هوه اي زيت ف الدنيا دي كلها المفروض يتحط على الشعر و تلبسي بونيه او كيس نايلون عادي
و ماتسبيهوش اكتر من ساعه علشان المسام و ماتجيبش نتيجه عكسيه
معرفش بقى زيت تاج دا ليه نظام تاني ولا لا
و البورد جبتيها منين
s
Mannoun;7307996:
لئيته لئيته لئيته
زغرطي يا وردي
ادي الغسول اهه
الغسول
2 ملعقة شوفان مطحون
2 ملعقة لوز مطحون
2 ملعقة ورد مجفف
ويتخلطوا على بعض ويتاخد منهم علىالايد ويتبلل بحبت ميا ويكون الوجه مبلل ويغسل بيهم الوجه

و لئيت كل وصفات الكريمات الي كنت عملتها قبل كدة ... انا ماجربتش الغسول ده لكن جربت كريم الليل و النهار و كريم العين الي في الوصفة دي لو عايزينه ابعتهولكم


يخليكي لينا يا رب يا كسيانا
ياريت تكتبي الكريمات كمان
وربنا يكرمك يا رب
s
Warde;7307864:


جربي الماسك اللي انا كنت كتباه مع الوقت بيصفي الوش
و ممكن تحطي كونسيلر على الحتت اللي عايزاها تتغطي بس
و اياكي تحطي باودر على وشك من غير كريم اساس الا لو كانت بدره مضغوطه
ج
sasoo728;7308078:
بصي هوه اي زيت ف الدنيا دي كلها المفروض يتحط على الشعر و تلبسي بونيه او كيس نايلون عادي
و ماتسبيهوش اكتر من ساعه علشان المسام و ماتجيبش نتيجه عكسيه
معرفش بقى زيت تاج دا ليه نظام تاني ولا لا
و البورد جبتيها منين


الف شكر حبوبه لردك

يعني ماينفعش احطه كدا واسيبه ؟؟

هعمل سيرش تاني واشوف ايه طريقه الاستخدام الصح

لان جيبته من السعوديه لما لاقيت بنات كتير بتشكر فيه

ولو لاقيت الطريقه هحطها هنا
بالنسبه للبودر اخدها من واحده بتجيب الحاجات دي وبتبيعها من منزلها

بتنزل علي طول الامارات والسعوديه وتجيب حاجات غريبة مش موجوده بمصر
s
اه ما انا عارفه ان الحاجات دي بتتباع ف الخليج بس
هوه ممكن تسيبيه ما تغطيهوش بس النتيجه بتبقى اقوى لما بتغطيه
أ
sasoo728;7308083:
يخليكي لينا يا رب يا كسيانا
ياريت تكتبي الكريمات كمان
وربنا يكرمك يا رب


هيهيهيهيهي ضحكتيني بجد
اوك من عنية هكتبهملكم

خدي عندك

ادي الوصفات بتاعت امينه شلبايه
كريم العين
2ملعقة فازلين
2 ملعقة زيت جنين القمح
2ملعقة زيت اللوز
ونخلطهم على بعض ونسيبهم يجمدوا

كريم الليل
للبشره العاديه والجافه
نصف كوب شمع عسل
2 ملعقة زيت جنين القمح
2 ملعقة زيت جوجوبا

الطريقة هندوب شمع العسل في حمام مائي
وبعدين نحط عليه زيت جنين القمح
وبعدين نحط زيت الجوجوبا

للبشره الدهنيه

4 معالق فازلين
2ملعقة زيت لوز
2ملعقة عسل

كريم النهارللبشره الدهنيه
4معالق فازلين
2 ملعقة زيت زيتون
خيارة صغيرة

الطريقة نضرب الخياره في الخلاط ونصفيها
وبعدين نجيب الفازلين نعمله حمام مائي لحد ما يسيح ونحط عليه بعد كده زيت الزتون وعصير الخياره ونقطه زيت ورد وبعدين نعصر نص ليمونه
ومتهيألي للبشره العاديه والجافه مش هنحط نص اللمونه دي


الغسول
2 ملعقة شوفان مطحون
2 ملعقة لوز مطحون
2 ملعقة ورد مجفف
ويتخلطوا على بعض ويتاخد منهم علىالايد ويتبلل بحبت ميا ويكون الوجه مبلل ويغسل بيهم الوجه


ياللا هاتي بوسة يا ساسووو
أ
sasoo728;7308099:
جربي الماسك اللي انا كنت كتباه مع الوقت بيصفي الوش
و ممكن تحطي كونسيلر على الحتت اللي عايزاها تتغطي بس
و اياكي تحطي باودر على وشك من غير كريم اساس الا لو كانت بدره مضغوطه


ايه ده ليه بئااا
انا ساعات بحط جل النهر وبعد 10 دقايق بحط لوس باودر و انزل عادي و بتدي لوك رائع يعني
s
بتعمل حفر مع الوقت
بلاش بجد
s
اكبر و احلي بوسه لحبيب قلبي
ربنا يخليكي
و لو عايزه استفتار ف حاجه مش عارفاها
قولي
W
جويا جويا;7308033:
هااااااااااي حبوبات

عاجبتني اوي مشاركتكم

بس ماشاء الله كتيرة ... احاول اقرا كل يوم منها شوية

عاوزة بئه واحده تفيدني ازاي استخدم زيت تاج رتاج ؟؟

انا جيبته بس مش عارفه ايه طريقه استخدامه والانسب ايه ؟؟


================================

بالنسبه بئه في موضوع الميك اب هقولوكو علي حاجه حلوة اوي
البودر المائي لكريولان الاصلي ده خاص بنجمات السينما بجد تحفةةةةةةةةة

تغطية رهيبة لو في وشك ايه مايبينه .. ويدي نضاره وتفتيح طبيعي

بس المهم لازم تختاري الدرجه المناسبة لبشرتك

ولو فيه حاجه افتكرتها .. هرجع اكتبها


ده يتجاب منين و بكام ؟ و ينفع أستعمله بدل كريم الأساس ؟
W
sasoo728;7308186:
بتعمل حفر مع الوقت
بلاش بجد


ساسو شوفتى إستفسارى بخصوص كريم الأساس ؟؟
فيدينى أفادك الله :)

فى بنت قالت بودرة مائية لكريولان الأصلى ، تسمعى عنها ؟ و هل بتعمل حفر زى مابتقولى ؟؟
s
بصي
البدره المائيه او السمر كيك برده مش تمام للوش
احسن حاجه البدره المضغوطه
و تحتهم كريم اساس و تحت كريم الاساس يكون ف طبقه عازله و ماركه كريولان تحفه
ف الخليج عليها اقبال رهيييييييييييب
و حلوه اووي
بس لازم تحتها كريم اساس مش بدره بس
بجد اخطر حاجه البدره بس من غير كريم اساس
a
الطبقه العازله بتكون ةعباره عن ايه

وكمان انا سعات مش بحب احط كريم اساس بحسه تقيل وبتسخف البودر عنه

ايه الحل


ليه بقى سؤال عشان الكونسيلر يغطى كويس لازم يكون افتح ولا اغمق من كريم الاساس
أ
طب قولي البوسة لمين يعني بدل ماحد كدة يفتكرها ليه و ياخدها هيهيهي
اعمليلي منظر كدة هيهيهيهي

ميرسي حبيبتي
طب دلوقتي انا بقول لك اني بحط اللوس باودر بعد جل النهار و جل النهار ممكن يستخدم كبيس للاساس يعني طبقة عازلة زي ما بتقولي يعني ينفع اهه؟ صح ولا ايييه
أ
كربولان دي ممكن نلائيها في مصر؟
و لو موجودة تبئة بكام دي راخرة يادي الخيبة على المشتريات الي هتخرم الميزانية
W
sasoo728;7308331:
بصي
البدره المائيه او السمر كيك برده مش تمام للوش
احسن حاجه البدره المضغوطه
و تحتهم كريم اساس و تحت كريم الاساس يكون ف طبقه عازله و ماركه كريولان تحفه
ف الخليج عليها اقبال رهيييييييييييب
و حلوه اووي
بس لازم تحتها كريم اساس مش بدره بس
بجد اخطر حاجه البدره بس من غير كريم اساس


أنا مش فاهمة حاجة يا جيرلز :confused::ss: ، فيها إيه يعنى الواحدة تبقى كده عالفطرة :D:D
المهم بصوا كده ، ده اللى فهمته لحد دلوقتى

1. طبقة عازلة (( طيب دى عبارة عن إيه بالضبط ))
2. كريم أساس (( عايزة نوع يكون خفيييييف خالص و يدى لوك طبيعى))
3. البودره المضغوطة (( إسمها إيه بالضبط عشان أبقى أسأل عليها ))

البودرة المائية بقى اللى هى ((كريولن)) دى ترتيبها فين بقى ؟؟

النقطة المهمة بقى ، ليه كل الطبقات دى كلها :ss: مفيش حاجة واحدة بس تدى لوك طبيعى ؟
أ
وردي
احنا صوتنا اتنبح هنا و قلنا 600 مرة ان كريم اساس فيجنز vesion بتاع اوريفلام خفيف و لوكه طبيعي خالص
خفييييف جدا و مش هتحسي انك حطة اي طبقة اصلا

البودرة المائية دي مالهاش ترتيب دي الي انا فاهماه ان الي بيستخدموها بيستخدموها من غير كريم اساس اصلا لان تغطيتها جامدة ... لو مفهومي غلط حد يصلحلي
s
يا جماعه استهدوا بالله
بصوا
الطبقه العازله ممكن تكون كريم او بيس او حتى فازلين
دي لازم تكون تحت كريم الاساس علشان يحمي البشره
تاني حاجه البدره المائيه دي عباره عن حاجه بتبهدل البشره مش هتحسوا بدا الا بعد فتره
اول ما تستخدموها
هتلاقوا نتيجه رهيبه
بس مع الوقت نيله
فلازم لو عايزين يكون ف كريم اساس او البدره المضغوطهه دي بتغنيكي عن كريم الاساس
بتبقى بدره و كريم اساس ف نفس الوقت
وممكن زي مع تجارب البنات ان كريم اساس فيجين بتاع اوريفلام حلو
حطوه
و فوقيه لوز باودر (البدره الحره)
بس بعد ما تحطوا اللوز باودر
مشوا الفرشه على الوش علشان تشيلوا الزيادات



الكونسيلر على حسب درجه السواد اللي تحت عنيكي
لو تحت عنيكي اسود جامد
لازم يكون اغمق من الفاونديشن
و و لو عادي ممكن تجيبي فاتح
و لو عايزه تغطيه سوبر تحطي درجه غامقه و فوقها درجه افتح دا للي عندهم هالات جامده اوووي
s
منون البوس ليكوا كلكوا و انتي بالاخص
بصي كريولان دي مش موجوده ف مصر
لو تعرفي حد ف الخليج ممكن تجيبيها
X