اهم يا لولوو دي حاجتي كلها الي جبتها من ساعة ما اشتركت في شهر 7
ناقصة بس غسول الشاي بالنعناع عشان سيبته في المكتب علشان بقعد طول النهار هناك و قلت يمكن وشي باظ علشان بيتغسل هناك بمية بس

و دي نفس الحاجة من زاوية تانية من زاوية تانية
******
اما بئة يا لولوو دي الحاجة الي جبتها اخر مرة يعني كتالوج 9 بس عاااا المكافئة خلصت بس مش مهم بئة على رأي ستي أميرة كله علشان رحلة الكفاح تنجح

كريم الايد و الاظافر ده طلع روعة بجد الحقوه لانه جامبو الشهر ده ب 17 جنيه فرصة يا بنات 150 مل قبل ما يرجع 100 مل و يبئة مش ب 17 كمان
الروج فيجن ده طلع جميل اوي لونه هادي اوي و لايق عليا
جبت لونين تانيين بس هرجعهم علشان طلع لوهم مش زي ماهم في الكتالوج هاهاهاها
طبعا الزازيت الخضر الي ورا دول غسول و تونر اوبتيمايلز حسب توجيهات ابلتي و ابلتك اميرة
و اكيد البرطمانين الخضر برده جل الليل و النهار بتوع اوبتيمايلز حسب ارشادات ابلتنا كلنا أميرة
اما الانبوبة الصغيرة الخضرا دي جل العين بتاع مجموعة الصبار ب 14 جنية الشهر الجاي نازلة ب 17 جربتها بس لسة مش حاسة بنتيجة اوي علشان يادوب يومين بس لسة مافيش تاثير
الانبوبة الكبيرة الزرقا طبعا ده جل الغسول بتاع فوق ال15 سنة تحفة بينظف حلو اوي نقطة نونو منه بتعمل عمايل جميييلة هيهيهيهي
الانبوبة اللحسة الصغيرة الذهبي دي ايلاينر جورداني ... قلت ابر نفسي بئة بس فرشته رفيعة جدا و دي ميزة علشان لو عايزة تعملي خط رفيع اوي لسة اول ما جربته دلوقتي على عين واحدة هاهاهاها
اما الاتنين الاخرانيين دول لوشن بعد ازالة الشعر لسة ما جربتوش و معطر بالكرة الدوارة لتبطيء نمو الشعر جربته مالوش ريحة اوي بس دي ميزة علشان اعرف اخرج بيه بس طبعا لسة ما اعرفش تاثيره على ابطاء نمو الشعر هيهيهيهيييي
هبعت اجيب لسة بئة جل الحبوب تبع مجموعة الفوق 15
*****
ياللا يا لولوو اديني فرجتك الصور ياللا نفذي الشرط بئة هاهاهاها ما تخافيش هنكتفهالك