انا ام اول سنة ولدها يروح الروضة علمووووني .....

ايوت 21-08-2008 25 رد 11,652 مشاهدة
ا
بنات انا اول سنة ولدي يروح الروضة ومتحسمه وااايد مع اني لحد الان ما حصلت له روضة زينة ان شاء الله احصل له واسجله بداية السنة ..

بس قولولي يا امهات الخبرة اشلون تنظمين وقت طفلك لان صراحه طفلي جدا عنيييييييييد وما ينام مبكر ويسهر ويانا ان شاء الله لاذان الفجر ما يهمه ويقعد متأخر عشان جذي ابي انظم وقته من اللحين قبل الروضة ..

بس ابي اعرف اشلون يصير يومه يعني اول ما يجي من الروضة يتغذى ولا يأخذ له تصبيره ؟ وبعد الغذا يأخذ له قيلولة ولا يقعد يلعب .. ومتى يسوي واجباته ؟ انا ولدي عنيد ما يرضى اقعد اعلمه حتى القلم ما يمسكه عدل بس هو شاطر ما شاء الله عليه يستوعب بسرعه .. يعني هل كل يوم اقعد اعلمه ولا بس لما يعطونه واجبات ؟ وشنو الاشياء اللي اسويها عشان يتشجع على التعليم والمذاكره .. يعني مثلا مكافآت ولا هدايا ..

وهو عنده الكمبيوتر يعششششششششششق الالعاب اللي عليه ما يقوم عنه اخاف يأثر عليه بعدين ويصير مدمن عليهم .. علموني كيف اخلي الكمبيوتر ما يأثر عليه ويخفف من قعداته عليه
واللي عندها العاب تعليمية تعطيني اياها الله يحفظ لها عيالها ..

ابي اهتم فيه عدل من اللحين قبل لا يروح المدرسة يكون تعود على نظام معين وتأسس عدل في الروضة ..

الله يخليكم ساااعدووووووووووووووووني لا تفشلوني تراني ام اول سنة ولدها يروح الروضة ومحتاااسه حاسه كأنه بيروح الجامعه ههههههههههه(a)

يا ربي اللي ترد علي وتساعدني ربي يحفظ لها عيالها ويحميهم من كل شر ويوفقهم في دراستهم وفي حياتهم ويبرونها ..:15:(f)
م
خيوو لين رجع من الروضة على طول بدليه وغذيه لأن بيكون جوعان
عقب اشغليه بأي شي المهم لاتخلينه ينام علشلن يتعب ويرقد مبكراً
خليه يلعب ويحل واجباته ويطالع التلفزيون، وقريب الأذان عشيه وخله ياخذ حمام دافي وينام
ومن الصبح على الساعة 6 قعديه وخليه يفطر

أتمنى أكون أفدتش
ح
هلا اختي انتين مثل وضعي بالضبط بس الفرق ان جهزت كل شي وهيا ولدي وعدلت حياته على هالشي ورتبت نومه وسجلته في الروضة خلاااص و1-9 بيداوم ان شاء الله
واني مثلش محتاسة جنه بيروح الجامعة مو الروضة وهذا ولدي الوحيد

انس مستغربة اشلون لحين ما سجلتينه في الروضة بداية 9 يداومون وعن النوم ضروري تبتدين وياه ترتبين نومه من الحين ولااااازم تقعدينه الصبح قبل حزته بساعة او نص ساعة وفي الليل تقدمينه ساعة وهكذا لين ينضبط كل شي والبداية بتكون صعبة واجد بس لازم تتحملين وحتى لو انتين ما بتنامين وبتسهرين بيني اليه انش بتنامين عشان يرضى ينام واذا نام طلعي من الحجرة واسهررري بكيفش

وعن اذا راح الروضة ورجع اني ناوية ان ما انيم ولدي الا اذا كان تعبان واجد واجد اخليه يريح نص ساعة ويكون في الصالة والتلفزيون يشتغل عشان ما ينام نومة راحة واتمنى انه ينام في الباص في الرجعة عشان يرجع ماخذ قيلولة اشوي وما يحتاج يريح اشوي ويناام وطبعاا بداية الايام على طول بغديه لانة بيكون شهرر رمضان بس عقب شهر رمضان بعطيه فواكه او شي بسيط والساعة 2 ونص يجي زوجي من الشغل وبغديه ويانا مرة وحدة وهو يجي من الروضة الساعة 12 ونص يعني ما بيكون فرررق واجد لو اكل شي بسيط بيقدر يصبر الى 2 ونص للغدا عادي
واول ما يرجع من الروضة ببدله وبسولف وياه عن الروضة وبخليه ياكل وبعدين بفتح شنطته وبخليه يحل واجباته
وضروري تتابعينه اول باول ولازم بشكل يومي تراجعين اليه الدروس الي فاتت عشان ما ينساهم واني بسوي جدي وية ولدي والله يسهل علينا وعليكم

صدق انهاا مرحلة صعبة واحاتي روحة الروضة وفراقه عني من الصبح لظهرررر
ا
منامية والنعم .. مشكورة على ردك ..

والله حلو نظامك عجبني بس ياريت لو يضبط مع ولدي .. المشكلة بقولكم شنو ؟ انا اجي من مدرستي عالساعه 2 الا .. يعني ما اج يالا وهو مخربط بالاكل مينو وشيبس وحلاوة ..

واذا في وقت الظهر لازم بروح انام عنه اشويه اريح .. يعني اكيد بينام وياي .. وبيخربط نومه ..

وهذا اللي خايفة منه ..

حبيبة جيمي ..
والله كلامك حلو ونظامك احلى جان زين يسمع الكلام ويطبق النظام عدل بحاول وياه من اليوم ينام مبكر ..

وانا ما سجلته لاني اولا كنت والده فترة تسجيل الروضات .. وثاني شئ كنت معتمده على مدرسة خاصة بسجله فيها بس في الاخير عرفت انهم ما يقبلونه الا حضانه وهو سنه اكبر من الحضانه وغير هذا اقساطهم تقص الظهر رفعو اسعارهم فووووووووووووووووق .. واحنا نبني بيت جديد وما نتحمل تكاليف ان شاء الله احارس على بداية 9 واسجله في روضة ابجد هوز .. يقولون عنها زينة .. هذا اذا حصلت له مكان ... ان شاء الله يا ربي احصل له .. على فكرة روضة ولدك كان اخوي فيها العام الماضي بس امي غيرتها له بتوديه روضة ثانية السنة الجاية .. ما ارتاحت وياهم .. مع انها قريبة وااااااااااايد لبيت ابوي ..
ح
اخوك كان في روضة القمر؟؟؟؟؟

وليش يعني ما ارتحتو وياهم وشنو عيبهم يعني لا تخوفيني عااااااااااااد..............

اني واجد مرتاحة اليهم والحمد لله بس اذا اسمع كلام جدي اخااااااااااف

وعن روضة ابجد هوز في نويدرات صح؟؟ ناس نصحوني فيهاا بس بعيد عليي وسترة اقرب من جدي اخترت روضة القمر
وليش ما تسجلينه الحين لانة كل الروضات فاتحين الحين للتسجيل يعني عجلي الحين تسلجينه جان تحلصين اليه مكان من الحين والله يوفق اليش


بس ضروري تردين عليي عن روضة القمرر ليش امش ما ارتاحت وياهم واخوش جم عمره بليزززززززززز لا تطنشيني
أ
مثل ما قالت حبيبة جيمي لازم من الحين تدورين له روضة لانهم فاتحين

وعن النظام اني اتبع مع بنتي مثل نظام منامية وهو الاريح للطفل
م
الله يعينك اختي ولدي بعده صغير بعدني ماامر في هالمرحله
بس من رايي لازم من الحين تبدي تدوري على روضه مناسبه وتبدي معاه النظام الجديد علشان يتعود
الله يخليه ويحفظه.... بالتوفيق
B
اهم شي النوم لين انتظم نومه انتظمت حياته

اول شي خليه ينام على 8 يكون هو خلاص تعشى ونام في البداية بيعاند لكن اصبري عليه

طبعا لين صحى بدري وراح الروضة بيجي تعبان غذيه على طول خليه يرتاح شوي حمميه خليه يلعب شوي

بعدين يحل واجباته طبعا بتجي المغرب الا وهو تعبان ويبي ينام اهم شي ماينام لما يجي من الروضة والا كانك يابو زيد ماغزيت يعني راح يسهر لك وماراح يركز في الروضة
م
[CENTER]
ايوت أني بعد مدرسة وشغلي بعيد عن بيتنا يعني ارجع البيت في مثل وقتش وعندي طفل رضيع
والله العام الماضي اشكثر عانييييييييييييييت لين قلت بس
تخيلي داومت وولدي عمره 40 يوم وما كان عندي اجازة لأني توني متوظفة وبنتي وديتها الحضانة وعمرها سنتين وشهرين وعانت وياي الفقيرة

لكن شسوي استحملت واجد، لدرجة اني ما أنام الظهر بالمرة ولا حتى استلقي قاعدة مع الجهال الرضيع انيمه وزنوب تتم قاعدة وشوي شوي تعودت على النظام حتى أيام الاجازة من تصير 6المساء تبغي تنام لدرجة اني شكثر انحرمت من الطلعات

وعن خرابيطه قبل الغذاء خيوو وصي اللي بيكون عندهم يغذونه أو قولي لهم لا يعطونه شي وجوعيه لين ترجعين صدقيني أحسن.

والله بيسهلها ليش إن شاء الله[/CENTER]
ا
حبيبة جيمي ..
خليني اسأل امي وارد عليك .. لاني ما اتذكر ليش ما ارتاحت منهم كأن قالت مناهجهم جامده يعني كل تعلم ما في العاب ولا في تسلية وااجد مع ان عندهم سباحه ورياضة وكأن كمبيوتر ... المهم خلني اتأكد احسن ..

أكبر قلب ..
زين اللي قلتي لي انا علبالي اللحين هم مسكرين مو فاتحين ان شاء الله باجر من الصبح اروح لهم وان شاء الله ياربي يوفقنا ونحصل له روضة زينة .. كلش خايفة ههههه ..

ملاك الدموع ..
ان شا ء الله اسجله قريب جدا .. والله يبلغك في ولدك وتودينة قريب الروضة والمدرسة والجامعه بعد ..

Blossoms
مشكورة اختي عالنصيحه .. والله تصدقين اكبر خوف لي هو وقت النوم ما يرضى ينام مع انه يوم كان صغير منتظم نومه وما يسهر بس اللحين من يشوفنا نسهر سهر ويانا ..

منامية والنعم ..
والله كفو عليج ما تنامين ... وانتي تساهرين مع ولدك ...انا كنت اسوي جذي مع ولدي البكر اول ايام التوظيف اقعد اكله و اتم وياه للظهر بس اللحين من نقلوني لمدرسة بعيدة ما استحمل ارجع هلكانه هذا غير ان ولدي الثاني الرضيع يسهر وااايد وما ينام الا الفجر يعني الله يعين ..

مشكورات يا امهات والله حمستوني اغي رنظامه وابتدي وياه من اللحين .. جزاكم الله خيرا ووفقكم ووفق امور اطفالكم ..
أ
والله مثل شعوري اول مادخلل ولدي الروضه وكنت كأنه بيروح الجامعه موروضه ....وكنت كل يوم اتصل واسأل عنه وللحين اخاف عليه مادري ليش هل كل الامهات جذي والا بس انا؟؟؟؟؟؟؟؟؟؟؟؟؟؟؟؟؟؟
ا
اتفق مع اخت منامية في النظام هو في البداية صعب بس لازم تتحملي واهم شي اذا نام متأخر تصحيه بدري شوي وما تخليه ينام النهار وبينام في الليل بدري وشوي شوي بينتظم نومه واحتمال لانه متعود على السهر ينام شوي ويصحى اصبري عليه وبيتعدل نومه وبالتوفيق وعام دراسي سعيد
ا
هنوفة ..
ايه انا خايفة عليه وبعدين اذا قمت اتصل عليهم كل مرة بيقولون هاذي بلوة ابتلشنا فيها ؟ يعني عادي اتصل عليه كل مرة ما يتضايقون المدرسات ؟ لان في روضات جذي ما يحبون تدخلات الام في كل شئ ..

ايسمار ..
والله شكلكم سهلتوها علي خخخخ ان شاء الله يتعود بسرعه مع اني حاطه هم ..
ح
ايوت;7027344:
ايه انا خايفة عليه وبعدين اذا قمت اتصل عليهم كل مرة بيقولون هاذي بلوة ابتلشنا فيها ؟ يعني عادي اتصل عليه كل مرة ما يتضايقون المدرسات ؟ لان في روضات جذي ما يحبون تدخلات الام في كل شئ ..




اني واجد اخاف على ولدي واني من الحين كل اسبوع لازم اتصل فيهم كل مرة يجي على بالي شي اتصل اسال واقترح من الحين ومن سجلته شهر 4 الى الحين فوق ال10 مرات اتصلت ويوم الخميس بعد بتصل واول يوم يداوم ولدي عندهم بتصل حزة الفطور عندهم وبطمن على ولدي ويش عليي منهم هذا الي قاصر يتضايقون من سؤالي عن ولدي

واني بتصل على طول ومن اول يوم بتصل وباخذ رقم مدرسته عشان اتواصل وياهاااا

حتى زوجي يقول غربلتينهم الحين بيقولون انتين بلوة وبتلشو فيش ويش عليي منهم اهم شي اني اكون مطمنة وولدي مرتاح عندهم واي شي يضايقني او يضايق ولدي بتصل فيهم وما بسكت
ا
حبيبة جيمي ..
يووه كل مرة انسى اسأل امي عن الروضة .. بس اكيييييييييييد بسأل لك عنها .

اما روضة ابجد هوز عجبتني واااجد بس خسااااااااااااارة ما فيها ولا كرسي فاضي والتسجيل يصير من شهر 11 او 12 يعني ما يأخذون عقب لان حدهم 25 طفل في الصف الواحد ..

ماني عارفة وين اوديه ؟
انتين من قال لك عن هاذي الروضة انها زينة ؟ وليش ما سجلتينه في روضة البتول ولا الصادق ولا روضة الانوار ما ادري الابرار ..
اما روضة السراج كلللللللللش مو زينة وديته فصل واحد صاده حساسية وصار مريض وما خليت عياده ما وديته ويوم طلع من الروضة صار طبيعي وزين ..

يعني اهم شئ اليئة ونظافة الروضة لصحة الطفل ..
ح
اني في وحدة اعرفهاا قالت لي عن الروضة وبتهاا في الروضة واصغر من ولدي صدوقي وتقول ان عيالتهم كلهم هناك وكلش مرتاحة وياهم وفي وحدة بعد من اهلنا تقول بت حماتهاا مغولية ودتها روضة القمرر وكانت ما تتكلم عدل وما تفهم وطلعت من الروضة واجد زينة وتعرف اشياء واجد واهتمو فيها عدددل واني رحت للروضة وواستفسرت منهم على اشياء واجد وهذاني كل بين فترة اتصل اسالهم اسالة واجد وماشاء الله عليهم عندهم رحابة صدر واني مرتاحة اليهم واجد واجد

وان شاء الله يكونون عند حسن الظن

واني مو من ستررة ومنطقتنااا مو متوفر اليهاا مواصلات في كل روضات ستررة وعندي ثلاث روضات اختار منهم الي متوفر مواصلات لمنطقتنااوهم السراج والبتول والقمر واني في هالثلاث روضات ارتحت للقمر اكثر شي من جدي سجلت ولدي عندهم
ا
حبيبة جيمي ..

بس كأن انا سمعت ان روضة البتول احسن شئ ..

انا سجلت ولدي في روضة علي بابا في سند .. ان شاء الله تطلع زينه ..
*
أن شاء الله اسنة الجاية على هذا الوقت اقدر اشارككم الحديث لكن الان ابني لسه عمره سنتين ..
ح
ايوت مدام البتول احس شي ليش ما خليتين ولدش عندهم بدل هاللف وهالدوران وليش وديتينه السرراج والحين نقلتينه علي بابا يعني لو حاطتنه من البداية في البتوول احسن اليش مدام مرتاحة اليهم

اني عن نفسي البتول مو مرتاحة اليها نفسيا وسمعت ان واجد يودون رحلاات والصفوف مافيهم كراسي والجهال يقعدون على الارض يعني روضة القمرر ارقى منهم وعندهم برجة وكمبيوتررر
ا
حبيبة جيمي ..

سألت لج عن روضة القمر امي تقول عنهم زينين بس اخوي مو مرتاح وياهم وكل يصيح ما يبغا يروح الروضة .. يعني العلة مو منها من اخوي ما ادري ليش كره روضتهم مرة وحده ..

بالنسبة لروضة البتول لهم فرع ثاني اسمها النوراء احسن من البتول واكبر واجدد من مبناهم الثاني .. انا بغيت اسجله عندهم بس ما عندهم مجال التسجيل وقفوه لان عددهم اكتمل خسارة صراحه ..

والسراج قلت لك السبب في ردي القبلي شوفيه ..

الله يوفق ولدج وولدي ان شاء الله ونشوفهم متخرجين من الجامعه ..
والف مبروووك لهم دخووووول الروضة ..
X