نقص الحديد شنو اسوي ساعدوني :(
أم حسين
21-08-2008
20 رد
2,515 مشاهدة
مرحباااااااااااااااا امهات العالم اشلونكم جميعا
اول شي مبارك عليكم شهر رمضان المبارك مقدما
والله يعوده على جميع المسلمين بالصحه والسلامة
ويخلي لنه كتاكيتنه ويخلينه لهم يارب
اليوم حبيبي ونور عيني وديته الفحص مال تسع شهور وطلع عنده نقص بالدم بس كميه بسيطه والدكتورة كتبت لي دوه الحديد بس ما خذيته لاني سمعت انه مو زين للأسنان
شنو تنصحوني اعطيه من أكلات ؟؟
لانه عقب شهرو المفروض يردون يسووون له تحليل ويجوفون
عفيه بنات ساعدوني وفيدوني بتجاربكم
د
دلوعه امها و ابوها
عروس فضية
21-08-2008 | 01:57 PM
السلام عليكم اختي ما يشوف شر ولدج انا انصحك ان كلام الدكتور افضل و احسن من اي كلام ثاني يعني طبقي كلام الدكتور افضل من نصحيتي او نصحيت غيري و الله يخليه لك
مايشوف شر ولدج
والله يخليه لج يارب
فيه واااايد اكلات تفيد لرفع الدم بس ولدج صغير
لو تخذين الدواء الى الدكتور قالج عليه أحسن
هلا والله بام حسين
ومبارك عليج الشهر
ترى الحال من بعضه انا بعد ويه نجودة نفس الشي بالضبط
بس ما راح آخذ الدوا اللي كتبته الدكتورة لو شيصير
ولما سالت الدكتورة عن البدائل قالت لي : التفاح، والخضروات الخضرا والافضل نعطيهم تبولة بين يوم ويوم، يعني يوم تفاح ويوم تبولة
هذا كلام الدكتورة
بس انا ما عطتني موعد ثاني حق تشوف الدم تحسن او لا
مشكورين خواتي ما قصرتو
أختي دلوعه امها وابوها واختي الخوافي الدكتورة يوم سألتها وقلت لها في تأثير الدوه قالت لي بصراحه اي يغير لون الأسنان ومن جذي اخاف اعطيه ادويه
هلا والله اختي ام شجاع اشلونج واشلون نجوده انه نفس حالتج ما افكر اخذ الدوه لو شنو يصير بصراحه اخاف من اعراضه والدكتوره عطتني الموعد الثاني قالت حتى العصر تقدرين تاخذين التحليل واهو اقل من 11 بشوي وحتى الدكتورة قالت لي يمكن من تبدين تعطينه سمج ودجاج ولحم اب اكله يرتفع عنده نسبه الدم لانه انه من اليوم بديت اعطيه قطعه صغيرة من الدجاج في اكله وبجوف لين عقب شهر شنو يصير وحاولت احط له سبانخ في اكله ما اجوفه رغب له ياربي اليهال متعبين بس ايننون الله يخليهم ويحفظهم لنه
هلا ام حسين ، عاش من شافك !
ماعليه شر حسون ، لا تخافين اغلب الاطفال جذي بفحص التسعة شهوور !
بس انا الحمدلله ولدي كان دمه كلش زين و السبب ..
اختي الله يخليها لي نصحتني اخلي بغذاه يوميا ورقتين بقدونس و اخلطها مع الاكل بالخلاط .. بالاضافة الى التفاح و الكمثرى كل يوم و ترك .. و جذي ان شاء الله راح تفرحي المرة الجاية بنسبة دمه المرتفعه !
عطيه بروكلي (هذا اللي مثل الزهرة بس اخضر ) مرة كويس ونسبة الحديد عاليه وعادي تعطينه للاطفال لاني استخدمه لولدي الحين
! أنــثــى !;7002603:
هلا ام حسين ، عاش من شافك !
ماعليه شر حسون ، لا تخافين اغلب الاطفال جذي بفحص التسعة شهوور !
بس انا الحمدلله ولدي كان دمه كلش زين و السبب ..
اختي الله يخليها لي نصحتني اخلي بغذاه يوميا ورقتين بقدونس و اخلطها مع الاكل بالخلاط .. بالاضافة الى التفاح و الكمثرى كل يوم و ترك .. و جذي ان شاء الله راح تفرحي المرة الجاية بنسبة دمه المرتفعه !
هلا والله انثي عاشت ايامج يالغاليه
مرة وحده قطعتكم تدرين مشاغل الدنيه الواحد صاير ما عنده وقت
خيوه يوميا اعطيه عصير تفاح مع كمثرى بس من اليوم ورايح بنسوي بنصيحتش بحط له بقدونس بالأكل
وانشاء الله يرتفع نسبه دمه
ومشكورة خيوه على الرد
Blossoms;7002727:
عطيه بروكلي (هذا اللي مثل الزهرة بس اخضر ) مرة كويس ونسبة الحديد عاليه وعادي تعطينه للاطفال لاني استخدمه لولدي الحين
اي عرفته بروكلي انه وحده وايد احبه بالأكل
اذا جذي بعطيه وانشاء الله نجوف النتيجه
مشكورة اختي وما قصرتي
السلام عليكم
كيف الحال ؟ معاكم عضوه جديده و حبيت أسلم على الكل و على الأخت أم حسين
هذي ثاني مشاركة لي بهالمنتدى الراقي والمحترم بمنسقينه و اللي يديرونه و أكيد بأعضائه المحترمين والراقيين
بالنسبة لمشكلة أم حسين , ترى أنا بعد صادني جذي مع ولدي و في نفس العمر و أتذكر الدكتورة عطتني دوه الحديد و لما رحت البيت و جربت أعطيه ولدي طبعا بعد معاناة شربه , تصدقين .... بعد شوي شفته يصيح عدل و لايعه جبده و مره وحده طلع اللي في بطنه و أمي قالت لي بس لا تعطينه الدوه مره ثانية و باين أن معدة ولدي ما تحملته فقررنا أنا وأمي نترك الدوه و نعتمد بس على الأكل الصحي والمفيد و يزيد الحديد بالدم فعطيناه عصير برتقال مرتين يوميا و أحسن شي عصير المراعي برتقال وجزر لأنه طبيعي و بدون سكرو هذا العصير مفيد جدا في حالات نقص الحديد حتى أنا أتذكر في فترة الحمل نقص دمي وايد و نصحتني الدكتورة أني أشرب عصير برتقال طبيعي بعد كل وجبة , و يوميا أعطيه وجبة فيها دجاج أو سمج وتقريبا يوم وترك أعطيه وجبة خلطة فواكة( أساسها برتقال و الباقي تفاح كيوي كمثرى ...) أو خضروات(بطاطس مسلوقة وجزر مسلوق ) أخلطهم بالخلاط و مثل ما قالت لج وحده من العضوات أنش تحطين جم ورقة بقدونس مع هالخلطة وبصراحة بعد فتره تعافه ولدي و كان له موعد ثاني في المستشفى عشان يجيكون دمه بس ما رحت لأنه صار وايد زين ودمه ارتفع و أمشي مع هالبرنامج و بتشوفين بس هااااا أمشي عليه على طول لأنه برنامج صحي
و نسيت اقول ترى الكيوي بعد وايد زين يزيد الدم
و بالتوفيق أن شاء الله و الله أخلي لج ولدج بصحة وعافية
وطن مجروح;7003051:
السلام عليكم
كيف الحال ؟ معاكم عضوه جديده و حبيت أسلم على الكل و على الأخت أم حسين
هذي ثاني مشاركة لي بهالمنتدى الراقي والمحترم بمنسقينه و اللي يديرونه و أكيد بأعضائه المحترمين والراقيين
بالنسبة لمشكلة أم حسين , ترى أنا بعد صادني جذي مع ولدي و في نفس العمر و أتذكر الدكتورة عطتني دوه الحديد و لما رحت البيت و جربت أعطيه ولدي طبعا بعد معاناة شربه , تصدقين .... بعد شوي شفته يصيح عدل و لايعه جبده و مره وحده طلع اللي في بطنه و أمي قالت لي بس لا تعطينه الدوه مره ثانية و باين أن معدة ولدي ما تحملته فقررنا أنا وأمي نترك الدوه و نعتمد بس على الأكل الصحي والمفيد و يزيد الحديد بالدم فعطيناه عصير برتقال مرتين يوميا و أحسن شي عصير المراعي برتقال وجزر لأنه طبيعي و بدون سكرو هذا العصير مفيد جدا في حالات نقص الحديد حتى أنا أتذكر في فترة الحمل نقص دمي وايد و نصحتني الدكتورة أني أشرب عصير برتقال طبيعي بعد كل وجبة , و يوميا أعطيه وجبة فيها دجاج أو سمج وتقريبا يوم وترك أعطيه وجبة خلطة فواكة( أساسها برتقال و الباقي تفاح كيوي كمثرى ...) أو خضروات(بطاطس مسلوقة وجزر مسلوق ) أخلطهم بالخلاط و مثل ما قالت لج وحده من العضوات أنش تحطين جم ورقة بقدونس مع هالخلطة وبصراحة بعد فتره تعافه ولدي و كان له موعد ثاني في المستشفى عشان يجيكون دمه بس ما رحت لأنه صار وايد زين ودمه ارتفع و أمشي مع هالبرنامج و بتشوفين بس هااااا أمشي عليه على طول لأنه برنامج صحي
و نسيت اقول ترى الكيوي بعد وايد زين يزيد الدم
و بالتوفيق أن شاء الله و الله أخلي لج ولدج بصحة وعافية
هلا والله اختي وطن مجروح حياج معانه
تسلمين يالغاليه على النصايح الحلوة وراح اسوي على كل الللي قلتو لي
ومن كل قلبي ادعي لكم الله يخلي لكم كتاكيتكم والله يبلغكم فيهم يارب
أني بنتي يوم السبت تكمل تسعة أشهر أو يوم الأحد لها فحص أو خايفة يقولون لي أن دمها ناقص ودي أنوع لها في الأكل بس أحتار معاها ما أدري وش أسوي لها
اني بصراحه ما بعرف ارد عليكي لاني بنتي بعدها ما كملت التسع شهور بس عن خبرتي انها الخضره الخضره ترفع الدم
وعن جد اني بعد استفدت من الردود وراح ازيد من الأكل إلي في حديد خلال هذا الشهر لانه الشهر الياي موعد بنتي التسع شهور
وعن نفسي الحمد لله عطيت بنتي سمك ودجاج من بديت اكلها الأكل الثقيل يعني من 6 شهور وترغب له شويه ومرات ما تبي على مزاجها خخخخخخخخخخ
حتى جبود عطيتها خخخخخخخخخخ تمصه وتفلته بس احاسب انها ما تغص فيه هههههههههههههه
حبيبتي عليج بدبس السكر المصري
ولد اختي كان عنده نقص دم وقاللها الدكتور عطيه دبس السكر المصري بدل الادويه والله نفع عندها وكانت تحطه فالماي او الحليب ملعقه وحده فاليوم
ام حسين ما يشوف شر تالكتوكوت
بس اني انصحش تستخدمين دوا الحديد اني مثلش يوم صدوقي صغير ما رضيت ويوم كبر وصار عمره سنتين اضطريت استخدمه وفعلا ما اختربت اسنانه ولا شي وكنت اخلطه وية عصير برتقال منه يخف الدوا طعمه وما يخرب اسنانه ومنهاا ان عصير البرتقال فيه فيتامين سي ويساعد على امتصاص الحديد وجدي راح يرتفع دمه بسررررعة
اني ما ارتفع دم صدوقي الا بهذي الطريقة
واهم شي بعد ان ما تعطرنه اي شي كالسيوم وقت الي شررب الدوا يعني لعقب ساعة ونص او ساعتين
وما عليه شرر وطمنينا عليه
-
- أحـــاســـيــسـ -
عروس نشيطة
22-08-2008 | 01:12 AM
متااابعه الموضوع
لأني اعااني من نفس السالفه مع بنتي..
تسلمون خواتي على الردود
من امس بديت اسوي بالي قلتو لي عنه وانشاء الله عقب شهر اجوف نسبه دمه يكون مرتفع يارب
.
.. طيف الأمل ..
مشرفة سابقة
22-08-2008 | 12:42 PM
أم حسين
ماعليه شر
ما شاء الله 9 شهور تقدرين تعطينه أنواع كثيره من الأغذيه الغنيه بالحديد
الخضار ذات اللون الأخضر وخاصة البقدونس -البطاطس المسلوق -الكبده كبدة الدجاج أطرى للطفل وغنيه كثير بالحديد -البروكلي- الأفوكادو-التمر-ولاتنسين عصير البرتقال الطبيعي فيتامين سي يساعد على أمتصاص أكبر كميه من الحديد وأنتبهي شربيه العصير على طول بعد ربع ساعه يبتدي العصير يفقد فيتامين سي
ولدي نفس الشي لما كان له تسع شهور كان دمه نازل وعطوني الحديد حق 3 شهور بس كان يعاند وماياخذه بس كنت أعوضه بالسبانخ والبقدونس ونفس الشي لما كمل السنتين عاد أهني عناد من الزين مارضى يشربه وكنت أشوف عيال خالي وشلون ضروسهم متغير لونها بس ركزت على البقدونس والتفاح والسبانخ والحمدلله تحسن...ماعليه شر يارب...
am slooh;7010193:
أم حسين
ماعليه شر
ما شاء الله 9 شهور تقدرين تعطينه أنواع كثيره من الأغذيه الغنيه بالحديد
الخضار ذات اللون الأخضر وخاصة البقدونس -البطاطس المسلوق -الكبده كبدة الدجاج أطرى للطفل وغنيه كثير بالحديد -البروكلي- الأفوكادو-التمر-ولاتنسين عصير البرتقال الطبيعي فيتامين سي يساعد على أمتصاص أكبر كميه من الحديد وأنتبهي شربيه العصير على طول بعد ربع ساعه يبتدي العصير يفقد فيتامين سي
أختي مشكورة على الرد
انه اعطيه بطاطس وكوسه ويوميا عصير تفاح
الفاكدو عطيته فتره وحسيته ما حبه
اللحين ببدي اعطيه البروكلي بالأكل ومن امس عقب ما فادوني الأمهات بديت احط بقدونس اب أكله
وانشاء الله اجوف التغيير
وتسلمين على الرد :)