العمة .. عمت عينها ..؟؟

madam simo

>>>>>>>>>>>>>>>>>>>>>>>>>>>???

عزيزتي انا مريت بهاي التجربة
لاتلومين العمة،الام،الاخت، الزوجة،البنت الاناث بطبيعتنا فينا طبع الغيرة والله العظيم بس انتي فكري فنفسج والا اتسوينه ياثر ع العيالج،، انا كنت مثلج واخص منج وانا غريبة لهم كانو رافضين ازوج ولدهم اتصوري سنتين تقريبا ما كنت اطيقهم اول سنه ما كان بينا زيارات ولا كلام بس اللهم مجرد اسلم على عمتي وعمي عن طريج تليفون؟؟؟





للحديث بقية

nooraziz
لا تنسيناني 4 بكمل 5 سنوات وانا معاهم والمشكلة الكبيرة ان نحن ف بيت واحد

يا جماعه بييني انهيار عصبي

مثل ما قلتلكم انا عايشه مع اهل زوجي بس ولا كاني عايشه معاهم يعني لا اشوفهم لا يشوفوني بس اذا طلعولي في ويهي مجبوره اسلم ..

اليوم كنت طالعه ويا الخدامة واليهال اتصلت عمتي استغربت مع انها من 7 شهور ما دقت علي قلت يمكن بتقولي افطري اليوم معانا رديت الا طاحت فيه طيحه بلا سلام ..

قالتلي خدامتج تغسل ثيابها في غسالتنا وهي نجسه ونحن نصوم ونصلي وهي حتى يوم تروح الحمام ما تتغسل ( كانها تدخل معاها) وانا مليت من تصرفاتها صدقيني بيي يوم وبروغها من البيت خليها تصطلب

يوم خلصت كلامها قلتلها ان شاء الله خير وما اسمع الا طااااااااااااااخ بندت التيلفون على ويهي
للعلم ان خدمها كلهم يغسلون في نفس الغساله ...

تضايقت وحطيت في خاطري انا شو ذنبي .. وبعدين هذا مو اسلوب وحده متعلمة ودارسه هذا اسلوب عيال الشوارع ..

انا كنت برد عليها لانه هاي مو ويه احترام بقولها ان شاء الله احنا بعد بنطلع قبل لا ننطرد بس صبري علينا شوي.. بس سكت خليتها تتكلم على راحتها واخر شي قلتلها يصير خير ..

شو اسوي بنات والله تعبت كلمت زوجي كم مرة نطلع بيت بروحنا يقولي ميزانيتي ما تسمح ما اقدر اضغط عليه .. شو اسوي احس اني ما اقدر احترمهم واسكت على كل مشكله .. ما ابا اسير النار حطب .. عطوني حل بليييييييييز

شريت للخدامة غساله صغيره وقلتلها اغسلي ملابسج فيه

حبيبتى اناتعلمت من جمله قالتها لى مراه عمي من زمان
وحاطتها قدام عيونى جربيها
اصبري على الكبير يموت واصبري على الصغير يعقل:)

البنات كفو ووفوو الله يعينج اختي

rasseess حبيبتي

اذا انا بترياها تموت عمري وشبابي كله بيروح من الحسرة والقهر .. وكرامتي دفنتها وياها عقب شو استفت

يااااااااااي بموت من سوالفهم الي ما تخلص ...

تخيلوا امس عقب ما يبت حمود من الحضانه دخلت البيت بس ابدل مريومه ونطلع نسير السوق بدلتها عالسريع وحمود يلعب فالغرفه قلت للخدامة خذي الصغارية وسيروا السيارة انا الحين بيي قالت اوكي راحوا وانا قفلت الباب شفت مرضعه مريومه فالصاله حطيتها في المطبخ الداخلي المهم وانا طالعه قالي ريلي ودي الصغارية بيت امج وبنروح انا وانتي بسيارتي قتله اوكي مر عليه تونا طالعين الا تتصل امه تقول ان خدامتي حطت المرضعه فالفرن ومشغلته وطالعه يوم اتصلنا فيها قالت لا ما حطيت (بالذمة مرضعه فالفرن ليش تتطبخها ) خلصنا مشاويرنا ونزلني ريلي بيت امي وسار البيت شوي ويتصل عليه الحين اتين وتييبين الخدامة قلت يالله وسرنا سال الخدامة جدام امه قالت ما حطيت وطلعت هي المرضعه نفسها الي انا حطيتها فالمطبخ

المهم قعدت تعق كلام على ان نحن ما نسوي شي وما نغلط نرفزتني قلتلها لا احنا ما نغلط بس انتوا الي تغلطون .. وقعدت تدعي وتقول عني مغروره ومن هالكلام الفاضي قلتلها شو اسوي اهلي ربوني عالغرور ..

قلتلها يمكن الخدم ولا البنت الي تربينها هي الي مسويه ما وعيت الا يتني فتنه انتي تكرهين البنيه والبنيه ما كانت فالبيت كانت فالمدرسه قلت انا ما قلت هي وانا ما اعرف متى صار الموضوع بس بما انها ياهل اذا كانت موجوده يمكن هي وقعدت تصارخ انتي تكرهينها وانتي وانتي .. وخدامتي قالت انا ما سويت قلتلها الحرامي ما يقول انا حرامي ... قلتلها انتي شو تبين عطينا من الاخر لا تطلعيلنا كل يوم بمشكله تبينا نطلع قوليها وفكينا ...

المهم رجعت بيت قوم امي بت عندهم عالفطور اخو زوجي الي هو قدي اتضارب ويا زوجي وهدده

قلت حق ريلي احنا ما غلطنا ولا قلنا شي احنا اندافع عن عمارنا .. كل يوم اطلعلنا سالفه

* مرة تتهمنا ان ناخذ جبن وبيض نوديه بيت امي (عيال زطوط)

* مرة اتضاربنا عشان الغساله ..

* ومرة تتهمنا ان نحن حاطين المرضعه فالفرن( هههههههههه)

كانه محد فالبيت غيرنا نحن ..

الله يعنيك ويفرج همك ان شاء الله

الله يعينج بجعة ..

شوفي الحقران يقطع المصران .. لا تراددينها (ادري انها صعبة والواحد ما يتحمل انه ما يرد) بس جربي احقريها.. ولا تبينين لها انه بينج وبين ريلج خلافات بسببها .. لأنه ممكن يكون هذا مرادها..

بالعكس كل ما تحسسينها انه امورج تمام بتنقهر وفي الاخير بتتعب .. وبتحس انكم اعقل من انكم تتهاوشون بسببها ..

وحاولي انتي بعد اتحسسين ريلج انج بتحرمين عمرج من اشياء بس عشان توفرون وتطلعون بروحكم..
وكثر الدق يفك اللحام .. يعني دوم حسسي ريلج انكم لازم تنفصلون عنهم عشان حياتكم ما تخترب ..

بعدين انتي مرة قلتي انكم اكتشفتوا انه البنية تصير بنته ابو ريلج؟ ليش هي بعدها تعتبرها يتيمة ؟؟ او حتى ريلج خلاص ترا انكشف الموضوع...

ماأقدر أقول غير الله يعينك عليهم إن شاءالله

الله يهـــــــــديهاا ..
لكن مو زين تدعين عليهاا ..
لان لا دعيتي ينقاال لك ولك مثلهاا ..
ادعي ربي يهديهاا ..
وربك قادر سبحاانه يغير من حاال لحاال ..
.,.

الله يعينك عزيزتي ويسهل امورك ..في كثير بنات يعانون من هالشي ..ليش ما تحاولين تاخذون بيت لوحدكم وتعيشون عيلة وحدة وبعيدة عن العمة والبنت ..؟؟!!

الله يصبرك ان شاء الله ويهون عليكي بلوتك

عيون بوظبي

هلا الغاليه منو قالج اني ما احاول تعبت بس فالنهاية بديت اقنعه ان نسكن في بيت قوم امي فالغرفه الي فالملحق كبيرة عشان نوفر الفلوس للبنا الي يتحجج فيه ريلي والين الحين ما سوا شي

انا اؤيد كلام خواتي احسن انج تظهرين من البيت وتفتكين من صدعة الراس بس بعد ما تحاولين تصفين امورج وياها واذا ما نفع توكلي لبيتج اليديد اكرملج
الله يصبرج

kindah

ماشي بيت يديد من ين يا حسره

اذا بطلع يا اني اسير بيت امي ا ناجر ضقه هالشي الي كاسر ظهرنا

من القهر نص الحروف ماكوله ..

يا ناس قولولي كيف اتصرف شو اسوي مليت والله تعبت

بعطيكم من الاخر بيت بروحنا بعدنا مطولين عليه وشقه مستحيل لانه الاجارات نار

اختي ابنوا ملحق في حوشهم وبابكم على شاااااااااااااااارع هذا افضل حل وفكي عمرج هي ماراح تقول شي ماتبيكم

لا تدعين حبيبتي .. مب زين ترجع لج الدعوه ...

اذا مظلومه قولي حسبي الله ونعم الوكيل ..

الله يهدي سركم .. و يصلح الحال ..