تجمع حوامل صاحبات الولادة المبكرة (و التي لزمها الربط )

هلاووووووووووووو

بنات اليوم الصباح بروح للستشفى بتنيم والي بعدة العمليه تكفون تكفووووووون لاتنسوني ادعوا لي الله يعافيكم :(

سلام بنات شلونكم ؟ شخباركم ؟

انا صار لي امس واليوم مريضة وااااايد:( زكام وصخونة امس رحت مو عدي مع الدكتورة قاسو حرارتي 38,4 والزكام موصل حده لما اعطس اذا في طفل صوبي ينزهق ويصيح والله امس قاعدة اقول لزوجي من قوة العطسة احس ان البيبي بيطلع لأن عطستي قوية واااااااااااااااايد بدون مبالغة.

المهم انا رحت عند دكتورتي والحمد لله طمنتني قالت لي ان عنق الرحم انغلق الحين وان وزن البيبي صار افضل من قبل بس قالت لي بعد واصلي على الراحة وعن الم الظهر اللي قلت لكم عنه والرجايل قالت لي ان راس البيبي للحين فوق وطبيعي ان يكون فوق في مثل وضعي بس هو قاعد يضغط برجايله على تحت فعشان جدي اتالم وعطتني ورقة تمارين بسيطة اسويها عشان الراس ينزل وعطتني حبوب حق الصخونة بس اني اخاف اخدهم وبعد ماابيها تاثر على البيبي فخذيتهم ومددت لي اجازتي وبس.

ماتدرون اي قد ارتحت لما طمنتني الدكتورة ويارب يجي دوركم حبيباتي مس ديور وارجوانة وتطمننوني عليكم عشان نفرح كلنا مع بعض ويارب يتمم فرحتنا علينا بقدوم كتاكيتنا الحلوين قولو امين

الله يتمم لكم جميعا شهور الحمل ويسهل ولادتكم وتفرحوا بولادكم يااااارب وترزق المحرومين يااااااااااااارب العالمين

بنااااااااااااات انا سويت العملية امس وطلعت اليوم من المستشفى بس خل ارتاح اشوي وبعدين انتظروا قصتي

الحمد لله على السلامه ارجوانه طمنينا عليج بانتظارج

الله يسلمج وينكم بنات لاسئلتوا عني ولا شي اشدعوة :(

المهم قصتي دخلت المستشفى يوم الاثنين وقالوا لي الساعة 12 الليل صيام لمن نسوي لج العملية ضليت صايمة وانام واجلس وانام واجلس مو عارفه انام احاتي العملية المهم جات الساعة 9الصباح ( يوم الثلثاء جاو لي وفد دكتورات سلموا علي وسئلوا عني قالو لي هلا .... اخبارك قلت لهم الحمد لله وبعدين قاموا يرطنون انجليزي مع بعضهم وانا مو فاهمة شي بعدين قالوا لي بعد شوي العملية تميت انتظر العملية الين جات الساعة 11 وحطوني على سرير متحرك وودوني لغرفة العليات حطو لي اجهزة دقات قلب والضغط وغزوني ابر على الوريد وماشوف روحي الا دايخه حد حدي اثاريهم حاطين لي مخدر هههههه ونمت ولااااااااا حسيت بشي وبعدين سمعت وحده تنادي بسمي تجلسني من البنج وصحيت وودوني للغرفة العادية واكرمكم الله سيددددده استفرغت واثار البنج مابرحت فيني وشفت الساعه الي قبالي الساعة 1ونص الظهر وقلت لازم اخبر الاهل اني خلصت العملية واخذت الجوال اشوف اختي تدق بس لان انا حاطة ع الصامت وقالت الحمدالله على السلامة وانا مو عارفه اتكلم من التخدير وتطمنت اختي علي وخبرت الاهل واشوف في جوالي 15 مكالمة لم يرد عليها واجي واستفرغ مرة ثانيه واشوف نزل علي دم وانا خفت من الدم الى ان جا يوم ثاني سئلت الدكتورة قالت طبيييييعي لان جراحة واحنا رفعنا لك المثانه عشان العنق شوي قصير وقلت لها متى يروح الدم قالت لي تقريبا يوم يومين او 3 وقالت لي اليوم خروج والله استانستتت وهذا قصتي واول امس راح الدم وانا مرتاحة راحه تامة على السرير والله يكتب لنا كل خير

للرفع

الارجوانه الذهبية الحمدلله على سلامتج والله يقوم كل الحوامل بالسلامة وتولدون بالسلامة واتجيبون اطفال سليمين معافين باذن الله

مشكورة نايس قيرل على الدعوة الحلوة

للرففففففففع

الحمدلله ع سلامتج ارجوانة
و الله يثبتلج اياه ان شاء الله

الله يسلمج يالقاطعه وينج عنا من زمان ماشفناج والبنات وينهم عسى ماشررررررررررر

صباح الخير شخباركم ؟؟

سلام شلونكم بنات شخباركم؟ عساكم بخير

وحشتوني بس ظروفي كانت اقوى بكثير مني فمنعتني اني اتواصل معاكم او اسال عنكم لان خالتي صغيرة و توفت في حادث قبل اسبوعين :confused: :confused: :confused: :confused: (اقرو لها الفاتحة وترحمو عليها) وانا حالتي النفسية كلش دمار وتحت الصفر بس الحين قلت ادخل اسلم عليكم واشوف شنهو اخباركم لانكم في بالي دوم

ارجوانة شخبارش؟ حمدلله على السلامة والله يثبت لش ان شاء الله والله انكم وحشتوني

pooh3252;7249073:
سلام شلونكم بنات شخباركم؟ عساكم بخير

وحشتوني بس ظروفي كانت اقوى بكثير مني فمنعتني اني اتواصل معاكم او اسال عنكم لان خالتي صغيرة و توفت في حادث قبل اسبوعين :confused: :confused: :confused: :confused: (اقرو لها الفاتحة وترحمو عليها) وانا حالتي النفسية كلش دمار وتحت الصفر بس الحين قلت ادخل اسلم عليكم واشوف شنهو اخباركم لانكم في بالي دوم

ارجوانة شخبارش؟ حمدلله على السلامة والله يثبت لش ان شاء الله والله انكم وحشتوني

عظم الله اجركم عيوني والله يرحم خالتج قلبي انفجع عليها :confused: الله يمسح على قلبكم ان شاء الله :confused:

ياحي ياقيوم





الله يسلمج والله يخليج ان شاء الله وانا والله حييييييل حاتيتكم قلت مادري شنو فيهم ماحد يرد وكنت ابي اتطمن بس عرفت ليش هالغيبه

باك انا رجعت

كنت مترقده في المستشفى عشان العمليه والحمدلله

برجع اكلمكم

هلا وغلا انا وانتي سوينا العملية الحمد الله على سلامتج روحي شوفي قصتي في الصفحه الي قبل هذي وانتي شنو صار لج والحمد الله على السلاااااااامه وانا اقول وين مستخبيه الاخت ههههههههههههههههه

انا اول ما دخلت المستشفى ياني خوف وقمت ارتعد لاني خايفه من العمليه وما قط في حياتي تخدرت حق عمليه والسبب الثاني ان ما ابي اتذكر ولدي الي فقدته وبالصدفه ترقدت نفس الجناح ونفس الغرفه...المهم دخلت يوم الثلاثاء زيوم الاربعا الصبح الساعه 10 جهزوني حق العمليه كان ريلي وامه وامي يلحقوني وانا ع السرير المتحرك يوم وصلت غرفه العمليات قمت اتنافض كاني بموت وكل اشوي اقولهم خاااااايفه ... وبالصدفه شفت ياهل مولود بالقيصريه ... بدون امه لان اهيا في البنج!! شوي هديت بعدين دخلوني وامي تصيح مسكينه ما تحب تشوفني بهلمواقف .. بعدها شفت الدكتوره والممرضه ودكتور التخدير ركبو علي مجسات النبض وسير الضغط..وبدا الدكتور يحط لي المخدر ياني الم في ذراعي وصل رقبتي وراسي صرخت قلت اي يعورني دكتوره يدي تعورني وراسي ومره وحده اختنقت الا حطو لي اوكسجين بعدها !!!!!!!! نادتني الممرضه وقالت لي يله خلاص بنوديج الجناح ..غريبه هذي عمايل التخدير صار للعمليه ساعه كأنها دقيقه...المهم تميت في المستشفى يومين الغريب ان الدم ما وقف الا باليوم الثالث من العمليه ..تطلع اشيا كأنها قطع او مدري شنو

هذي قصه عمليتي..

سلام شخباركم يابنيات؟

وينكم لاحس ولا خبر طمنونا عليكم لا تخلونه نحاتي

هلا فيكم بنات شخباركم عساكم بخير ^^

انا احاتي العيد مابشوف احد احس فياخ بكره بحف حواجبي اخيراااااا شهرين ماحفيت خخخخخخخخ بتجي لي وحده للبيت بتحف لي يعطيها العافية وخواتي شروا لي قميصين للعيد وزوجي اذا جا من السفر بيشتري لي بنطلونين عاد مابعيد على احد الا بيت اهلي وبتصل على بيت اهل زوجي وبعيد عليهم العيد هالمره بايخ بس ماعليه كل شي يهون عشان المفعوصين خخخخخخخخخ

وانتوا شنو جهزتوا للعييييد ؟