تجمع حوامل صاحبات الولادة المبكرة (و التي لزمها الربط )

دلوعة محمداني;7028441:
لا تحاتين فديتج الله الحافظ ان شاء الله

انا خالاتي كلهم يربطون لان تجيهم ولادة مبكرة
و الحمدلله تظبط معاهم و يولدون ف التاسع

الله يهون عليج الغالية ان شاء الله

أي وراثه تصير مثلي انا وخواتي اختي الكبيره ولدت اول السادس بتؤام وتوفوا واختي الثانيه مرتين ولدت مبكر في السادس جابت ولد وتوفى وفي السابع الله عوضها ببنوته قمر عمرها 5 سنوات وبعدين حملت وتمت للتاسع بعد الراحه التااامه ... وانا مرتين في الرابع وفي اول السادس واكيد توفوا ..., والله تعب الصراحه بس يلا الحمد لله على كل حال ...

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

السلام عليكم ورحمة الله وبركاته

اخواتي وحبيباتي الله يتمم لكم على خير ويرزقكم الاطفال الاصحاء بدون زياده او نقصان

انا صادني اجهاض مرتين بس والحمدلله مااحتاج ربط شهرين والثاني شهر الله يتمم لي لما احمل ولكل حامل اميييييييييين

اختي pooh
لاتحاتين فديتج عليج بالراحة التامة
و زين سويتي يوم خذتي ابرة الرئة
و الله يتمم لج على خير ان شاء الله

ارجوانة ...
الله يعوضج خير يارب
و الله حاسة فيج
صعبة وايد تكون الوحدة نفاس من دون بيبي :(
الله يعوظنا خير يارب

هلا اختي الرجوانه الذهبية للحين ماحملت خايفة من التجربة

السلام عليكم

أنا ولدت في الشهر الثامن و ابني الحمد لله معافى و سليم و ما كان محتاجة للعناية

و ان شاء الله ربي يسر حملكم و الله يرزقكم الذرية الصالحة اللهم امين

بنات انا مثلكم..

بس الحين احس بدا مؤشر الخطر وانا في شهر ونص.. شاسوي بنات فيني الصيحه..

عندي افرازات صفره وايد ومتماسكه وصايره تنسحب .. اقدر اسحبها مني .. هاي الشي صادني في الحمله الاولى قبل لا يصيدني نزيف .. وافقد ولدي .. انا خايفه من صادها مثلي .. نفسيتي تعبانه بنات لحقوني..

Ms Dior;7044497:
بنات انا مثلكم..

بس الحين احس بدا مؤشر الخطر وانا في شهر ونص.. شاسوي بنات فيني الصيحه..

عندي افرازات صفره وايد ومتماسكه وصايره تنسحب .. اقدر اسحبها مني .. هاي الشي صادني في الحمله الاولى قبل لا يصيدني نزيف .. وافقد ولدي .. انا خايفه من صادها مثلي .. نفسيتي تعبانه بنات لحقوني..

عادي لاتخافين حبيبتي الله يعينا جميعا ان شاء الله اتوقع الافرازات عادي بس صفره اكيد التهابات حاولي قدر المستطاع تشربين ماي وحللي بول اكرمج الله عشان تشوف لج علاج الدكتورة لان الالتهابات مو زين علينا هذا انا فيني التهاب شديد واحاول حييييييييل انها تروح وعندي تحاميل ومضاد حيوي واشرب في الماي غصب عني شاسوي اهم شي يروح الالتهاب الله يعينا

انا سويت تحليل قالت مافيني.. بس وصتني اشرب ماي وايد.. لان يمكن بدايه ترسبات

انا حملت مرتيين المرة الاولى صابي تسمم ضغط حمل وولدوني بطلق صناعي ويبت بنت وتوفت
والمرة الثانية اسقاط فتح عندي الرحم فجأة وسقط توأم بنت وولد وكنت بالاسبوع ال 20
والحمداالله عكل حال انا مسقطة قبل شهرين وقالولي المرة الياية لازم ربط

اختي مس ديور ,,اي زين ان مافيج التهابات بس عدل كلام الدكتوره الماي مهم في الحمل زين حيل عاد ياليت اعلم روحي خخخخ غصب اشرب ماي .... بس اهم شي لاتتوترين ولا تخافين واخذي مثبتات دفستون عشان تتطمنين

عسى الحين نفسيتج مرتاحه ؟؟

pooh3252;7031035:
حبيباتي انا توني راجعة من الدكتورة ونفسيتي واااايد تعبانة

انا اول حمل لي عقب سنة وشوي انتظار من الزواج وفرحت ولله الحمد ان الله راح يرزقنا (ويارب يتمم لي على خير ويزقني شوفة البيبي سليم ومعافى يارب تخليه لي)
والحين انا كملت 27 اسبوع صادني نزيف قليل قبل اسبوعين لمدة يومين يمكن ووقف رقدت بمستشفى حكومي عشان دكتورتي اللي بالخاص كانت اجازة وقعدوني عندهم 4 ايام وسوو لي خلالها مرتين الترا ساوند وكانو ولله الحمد اوكي وكانو يبون يسوون لي فحص حق الرحم بس اني رفضت لاني اخاف فهم قالو لي النزيف احتمال يكون لان رحمش صغير واالبيبي قاعد ينمو فعشان جدي تنزفين اويمكن لان المشيمة صايدنها تمزق فعشان جدي تنزفين وقالو لي يمكن تصيدش ولادة مبكرة فتحتاجين ابر هيدروكورتيزون عشان رئتين البيبي لو لا سمح الله صادتني ولادة مبكرة وخديت الجرعتين مالة الهيدروكورتيزون وقالو لي ان بس بحاجة لراحة فاليوم رحت موعدي عند دكتورتي اللي بالخاص وسوت لي الترا ساوند حق البيبي وقالت لي انه طبيعي ولله الحمد وزنه 980 جرام بس عقب سوت لس اشعة حق الرحم وقالت لي ان عنق الرحم مفتوح شوي فهذا يخليني عرضة لولادة مبكرة وعطتني حبوب قالت لي انه يمنع انقباضات الرحم من الحدوث مادري هي كانت تحاول انها تطمني بس اني كلش خايفة ونفسيتس وااااااايد تعبانة الله يخليكم اللي عندها اي شي تقدر تفيدني لا تبخل علي

هلا اختي لا تخافين ولا تحاتين لانه التفكير بزيادة يسبب هالاشياء والنفسية تتعب والبيبي يتعب اكثر فديتج انا بقولج اختي الحين بالاسبوع ال 28 من اسبوع تقريبا صادها نزيف فجأة ونوموها وقالت الدكتورة احتمال النزيف صار من المشيمة لانه المشيمة نازلة شوي والبيبي ضاغط عليها بس الحمدالله لما جيكو لها الرحم مسكر والنزيف بس كان من الظهر وقبل العصر وقف الحمدالله وخلوها 12 يوم بالمستشفى واليوم طلعت الحمدالله وقالت لها ريحي عالاخر وان شاءالله توصلي اهم شي للاسبوع ال 34 عشان بتكون توها تدخل التاسع وتكون الامور تمام ،، لا تحاتين فديتج اهم شي الجنين بخير ومجرد توصلين التاسع بيولدونج بس الحين ريحي :)

ملاذ الطير 79;7054579:




انا حملت مرتيين المرة الاولى صابي تسمم ضغط حمل وولدوني بطلق صناعي ويبت بنت وتوفت
والمرة الثانية اسقاط فتح عندي الرحم فجأة وسقط توأم بنت وولد وكنت بالاسبوع ال 20
والحمداالله عكل حال انا مسقطة قبل شهرين وقالولي المرة الياية لازم ربط

عظم الله اجرج واجرنا ان شاء الله ويعوضج ويعوضنا آمين يارب

والله مافي الا هالربط الله يعافي الي مخترعه خخخ وياااارب تحملين وتجيبين توووم تقر عيووونج فيهم يااااااااارب الحين انتي حامل ولا تتهيئين للحمل :D ؟؟

خواتي لا تحاتون و لا شي اتركو كل شي على الله
ترى النفسية وايد تأثر

حتى دكتورتي تقول النفسية السيئة و كثرة التفكير تفرز مواد كثيرة فالجسم صعب اني افهمها

ف شيلو الهم من راسكم و وكلو امركم لله سبحانه

الله يعطيج الف عافيه دلوعة محمداني مايخالف لازم الي مثل حالنا تحاتي الحمل خلف الله :)

عشان نستفيد من تجارب بعض ونفرح مع بعض اذا احد ولدت ونكون صداقات ... حياج الله حبيبتي

حنين الشوق شخبارها ولدت ولا بعدها ؟؟

يا ريت ترتاح نفسيتي!!

انا اخذ مثبتات الحمل الدفستون ..

واخذ حبوب الفوليك اسد ..

واشرب ماي ..

بس خاااااااااااااااااااايفه ..

وين ترتاح وانا حملي مهدد بالخطر..

موكله امري لله والي الله كاتبه علي راضيه ..

اي والله وين نرتاح وكل حملة استغفر الله الحمد الله والشكر اخوف من الثانيه

بس لالالا ان شااااااااااااااااء الله هالمره اذا الله كتب بنتم للتاااااااسع واحنا مطمئنين خل نتفائل بالخير ياحياتي مس ديور عسى مافيج شي لاسمح الله ؟؟

مرحبا حبيباتي شلونكم عساكم بخير ان شاء الله

[SIZE="6"]انا الحمد لله [/SIZEاحس ان نفسيتس افضل من قبل وردودكم وااااايد ريحتني

الحين اني قاعدة في بيت ابوي من يوم ماطلعت من المستشفى واحاول اني ما ابذل اي مجهود (يعني حتى الليت ادا بغيت اطفيه اتصل في واحد من اخواني يجي يطفيه) ومساكين هم مستحمليني وما يقولون شي الله يخليهم لي ان شاء الله وبالنسبة لموضوع الولادة خليته على رب العالمين يعني وش بيفيدني ادا قعدت اصيح واتعب نفسيتي بتاخر يوم مثلا ؟ اكيد لا بس يجيني تفكير عن الولادة قمت فتحت القرأن او قرأت لي دعاء احسن لي من اني اسمع الشيطان وهو يوسوس أعوذ بالله منه.
بس الحبوب اللي عطتني وياه الدكتورة متعبني واااااايد يعني هي قالت لي من البداية انه راح يسبب لي خفقان ورجفة شوي بس اني ماتوقعته جدي وايد ضربات قلبي تكون سريعة واضل ارتجف لفترة واحس اني مو قادرة اتنفس ولازم اكون مريحة على الاخر عقب ما اخده يالله الحمد لله عشان البيبي مستعدة اسوي كل شي واتحمل بس الله يقر عيني بشوفته سليم ومعافى .

سوري حبيباتي عورت راسكم هدرت وااايد بس احس بالراحة واني اكتب الله يسهل علينا كلنا يارب ولا يراوينا اي مكروه بحق الشهر الفضيل اللي جاي ]