بنتي ...........والجبن!!

ريحانتي 18-08-2008 36 رد 4,274 مشاهدة
ر
كيف حالكم عرايس..(f)
مشكلة بنتي انها تحب الجبن!! بكل شي تاكله لاااااااااااازم يكون موجود
يعني تخيلواااا كل اكلها لاااازم يكون فيه جبن!!!
الشوربا اذا ما فيه ما تاكله ولا البسكويت ولا المكرونه
حتى الرز اذا كان ابيض لااازم اضيف له ملعقه جبن وحليب!!:eek:
كل شي تتوقعوة من اكل اطفال حطوا فيه جبن او ما تلمسه اصلاً..:rolleyes:
جبن السليس او الشرائح موتهااا يوميا لااازم تاكل..
تعبت معاها احس كثرة الجبن ما تصلح وهي بعدها طفله عمرها سنه
و4 شهور بس..تتوقعوااا هل شي طبيعي ؟؟
على فكرة ابوها نفس الشي جميع انواع الجبن الموجودة بالسوبر ماركت
تلاقونها عندنا بالثلاجه!!!!!!!!!!وياما جاة صداع من كثرة الجبن بس ما يترك
والله خايفه على بنتي من...الجبن..تخيلواا حتى السريلاك لااازم فيه جبن!!!:eek:
اذا ما شافت الجبن بيومها تصووووم ..
اذا عندكم حل او راي عطوني او طمنوني ان هالشي طبيعي او ضار..
مشكورين سلف..
ا
هلا ريحانتي

فديتها ماريا والله

يوم احنا صغار كانة يقولون لنا كثرة الجبن يسبب الغباء ههههه بس كبرنا ولا فينا شي الحمد لله

بصراحة ماعندي فكرة اذا كان كثرة الجبن ضارة او لا

بس انا ملاحظة على بنتي انها تحب تاكل الاشياء الي يحبها ابوها مثل الكاتشب تموت فية وبعد الاندومي زوجي يحبة وهي بعد والبيبسي خخخخخ يعني مثل بنتج طالعين على ابوهم

وما عليها شر اهم شي تاكل الحمد لله
ع
زين يا ريحانتي انت عطيها جبن في كل شي بس لا تكثرين

ملعقة شاي صغيرة كل مرة
.
عليها بالعافيه مرمر الحلوه
الأجبان غنيه بالكالسيوم وهذا مفيد خاصة بفترة النمو
لكن منتجات الألبان تعيق أمتصاص الحديد في الجسم
شيكي على دمها أذا okعليها بالعافيه
وأختاري أجبان تكون نسبة الملح قليله فيها حتى تتفادي مشاكل الأملاح وكثري لها سوائل
وعامة الأطفال يحبون الجبن
بسم الله الذي لايضر مع أسمه شيء في الأرض ولا في السماء وهو السميع العليم
ل
عليها بالعافيه
ر
اولاد اختي يحبو الجبن مثل بنتك وهم كبار ومافيهم شيء

وعكس اولادي ما يحبو الا العسل


وامكن الى فتره وتكبر وتترك هالعاده
م
عليها بالعافيه مرمر الحلوه
الأجبان غنيه بالكالسيوم وهذا مفيد خاصة بفترة النمو
لكن منتجات الألبان تعيق أمتصاص الحديد في الجسم
شيكي على دمها أذا okعليها بالعافيه
وأختاري أجبان تكون نسبة الملح قليله فيها حتى تتفادي مشاكل الأملاح وكثري لها سوائل
وعامة الأطفال يحبون الجبن
بسم الله الذي لايضر مع أسمه شيء في الأرض ولا في السماء وهو السميع العليم

اقتباس من ام سلوم
ر
مشكورين خواتي على رايكم
ما اقدر امنعها عن الجبن ابددددددد
يمكن مثل ما قلتي ربيعيه فترة وتعدي مع انها زايدة
س
الله يساعدش
والله بنتي تاعبتني على سالفه الجبن لانها ما تاكل ايي شي يحتوي على جبن او روب او لبنه يعني مشتقات الحليب كلها تكرهها ما عدا الحليب الي مو كل يوم تشربه
والاحظها انها تحاول بعض الاحيان انها تاكل جبن لما تشوفنا ناكل سندويج بس ما تقدر تلوع جبدها منه حتى لو مجرد مسحه بسيطه
ر
هلا سندس
والله بنتي ممصختنهاااا بسالفة الجبن
تخيلي كلما اسوي لها اكل تذوقه على طرف لسانها
واذا ما حست فيه طعم الجبن تقوم وتضرررررررررررررب
على الثلاجة لين افتحها وتاخد كاس الجبن او اي نوع
وتاشر عليه!!!!!!!!!!!!!!!!
اضطر ان احط ليهاااا..
احيانا غداها يكون بس جبن بدون شي!!!!!!!!!!
ان شاء الله ما تنظر منه وتعدي هالفترة او تخفف
ر
غريبة ريحانة ما اقول الجبن بضرها لكن الاطفال لازم تعلميها تتقبل اذواق مختلفة

كيف بدات وياها بالاكل المفروض من البداية تعطيها خضار كل نوع لمدة 3-4 ايام

علشان تشوفي تحسسها منه وعلشان تتقبل الطعم لاكثر من صنف

يمكن انت من البداية عطيتيها الجبن وخلطيه ليها بعدة اصناف فحبته

وصارت ماتتقبل غيره بس كيف تاكل فواكه الروب الشوربات والسلطات

لازم جبن بعد جذيه بتتعبي وياها الله يعين
B
فترة وتعدي

كل طفل في مرحلة من مراحل نموه يتعلق بشي معين

وزين انها جت على الجبن مو على شي ثاني فيه اطفال يحبو ياكلوا الكلينكس

اهم شي ماتكثري منه

وعليها بالف عافية مروية الحلوة
ر
هلااا رابنزول
بنتي كانت تعاني من حساسية من اغلب انواع الخضار
وكل الفواكة تتحسس منها والقمحيات بعد لين كملت سنه وشهرين
بدت تتحسن شوي..
كان اكلهااا بس سريلاك وخضار بسيطه واشياء بالشوفان بس
بس ذاقت الجبن مرة وحدة حبته!!!!وصارت تطلبه واجد
الله يحفظها وما تتضرر منه..
اللي يزيد عن حده ينقلب ضدة..
ر
هلااا ام حسن..ان شاء الله
تكون فترة وتعدي..انا اللي مخوفني انها بعدها صغيرة
احيانا اقول يمكن وراثه لاني وابوها نموت على الجبن خخخخ
يسلمووووووو خواتي على المرور والمشاركه
أ
ههههههههههههههه يحليله وعليها بالعافيه على الجبن ومطرح مايسري يمري ..وخليها تاكل وعلى فكره اليهال في كل مرحله يحبون اكل معين ..لانه انا ولدي يوم كان صغير يحب الجبن ويموت فيه والحين صار عمره 5سنوات خير شر ماياكل جبن ..مره وحده ماقام ياكل صاده تشبع منه ..

وانا بحث لج في القوقل وقيت لج فوائد الجبن واضراها :


الجبنة البيضاء تقلل خطر إصابة الأسنان بالتسوس والتلف لأنها تساعد في تجميع عنصر

الكالسيوم.

اكتشف الباحثون في كلية طب الأسنان بجامعة نيوكاسل آبون تاين البريطانية أن الجبنة

البيضاء تقلل خطر إصابة الأسنان بالتسوس والتلف لأنها تساعد في تجميع عنصر الكالسيوم

في أماكن الأسنان مباشرة.

ووجد هؤلاء بعد متابعة 16 متطوعا تناولوا نصف أونصة من الجبنة وحدها أو وجبة دون جبنة

أو وجبة أخرى أضيفت الجبنة إلى مكوناتها أن جميع الطرق في تناول الجبنة سواء كانت

لوحدها أو مضافة إلى الطعام حسنت مستويات الكالسيوم في الأسنان بشكل كبير مما ساعد في

حمايتها من التساقط وقلل أمراض اللثة والفم.

وحذر الأطباء من أن الأجبان التي تصنع دون بسترة مثل جبنة فيتا وبراي والجبنة المكسيكية قد

تضر بالنساء الحوامل وتؤذي الأجنة لأن هذه الأجبان النيئة طرية جدا وقد تحمل جراثيم تسبب

مشكلات صحية ومضاعفات خطيرة على صحة الأم وطفلها.

من جهة أخرى نبه خبراء التغذية إلى أن الإكثار من تناول الحليب ومشتقاته من الجبنة

وخصوصا الأنواع المصنعة والمعالجة قد يسبب أضرارا كثيرة على صحة الإنسان ويزيد خطر

إصابته بالأمراض السرطانية.

ووجد الباحثون أن الأجبان الصفراء الدسمة تشجع نمو الأورام السرطانية في الثدي عند

النساء وغدة البروستات عند الرجال.

وأكد هؤلاء في دراستهم التي نشرتها المجلة البريطانية لطب الأسنان ضرورة الاعتدال في

تناول الحليب ومشتقات الألبان بصورة عامة بعد أن تبين أن معدلات الإصابة بالأمراض

السرطانية في المناطق الريفية الصينية التي تنعدم فيها هذه الأطعمة هي أقل نسبة مقارنة مع

أوروبا والولايات المتحدة.
.
ريحانتي
رجعت لموضوعك تذكرت سالفهبطمنك أن شاء الله
في موعد التطعيم الدكتور نصحني أعطي حمودي حبتين جبن كيري في اليوم بتزيد الكالسيوم وتعطيه نشاط على قولته
لو في كثرة الجبن مضره كان ماقال عطيه وتخيلي كل يوم
والله حرام علي مسكين ما عطيته ما يتقبل هالولد لقمه أو لقمتين وخلاص شبع
ر
هلااا هنوفه
يسلمووو على المعلومات المفيده
طمنتيييييييييييييني
ر
ام صلوح..اهلين
بس احيانا يا ام صلوح بنتي تاكل 6 حبات كيري باليوم!!!!!!!!
ولو ما اعطيها الله يحفظها تقلب البيت صريخ وتضرب روحها!!!
بس الحمد لله تطمنت اكثر الله يسلمكم خواتي
أ
عليها بالعافيه
ر
الله يعافيك..
X