تجهيزات عرايس مصر الجزء 91

N0rma 18-08-2008 1,009 رد 31,346 مشاهدة
@
nemonamanemo;6993004:
لا انا مش فاهمه معلش حقك عليا .. بس رأي تسألي نجار تاني زياده تأكيد

انا المطبخ كلفني 6110 من غير الرخام وسعر المتر 700

يعني لو هنقسمهم يبقي 8.7

ايه ده امال ازاي عندك 5 و كمان حماتك مستكتراهم


يابنتى دانا فى قرف من الست دى ... ربنا يرحمنى منها


مفيش اى حاجة عجباها ... منها لله بقى

المهم قوليلي طيب انا تلاجتى 20 قدم متعرفيش عرضها كم سم ؟؟؟
n
@ green apple @;6993055:
يابنتى دانا فى قرف من الست دى ... ربنا يرحمنى منها


مفيش اى حاجة عجباها ... منها لله بقى

المهم قوليلي طيب انا تلاجتى 20 قدم متعرفيش عرضها كم سم ؟؟؟


ربنا يهديهالك يا جرين معلش

بتاعتي توشيبا عرضها 75 سم و الراجل سايبها 85 سم
ا
sweetyronaaa;6992968:

انا بصراحه الانواع بتاعت القماش مش اعرف فيها اوى لاني معتمده على ماما هي اللي بتفهم في الحاجات دي بس تقريبا البراقع بتبقي القماشه بتاعتها على حرير شويه و الراجل طبعا هيفيدك اكتر مني و انا هسالك ماما و ارد عليكي باليل ان شاء الله
طقم الشربات البوهيمي ممكن تلاقيه في المنيل في محل كراكز بس الشاي بصراحه معرفش
طيب متشوفي فروع تانيه لعمرو افندي ممكن الفرع اللي انتي سالتي فيه يكون خلص من عنده و موجود في الفروع التانيه


شكرا ليكى ياقمر
انا فعلا وصيت فرع منهم وقاللى بعد يومين بس انا اخاف يخلفوا ميعادهم وانا عايزاهم قبل يوم الاربع لان بعد كده مش هعرف اسافر القاهره تانى ومرات اخويا هتسافر ومش معايا حد علشان كده عايزاكم تفيدونى فى كل حاجه فى الحاجات دى وارجوكم يابنات اللى تعرف الحاجات اللى طلبتها دى تقوللى بسرعه النهارده ..........
ا
sweetyronaaa;6992968:

انا بصراحه الانواع بتاعت القماش مش اعرف فيها اوى لاني معتمده على ماما هي اللي بتفهم في الحاجات دي بس تقريبا البراقع بتبقي القماشه بتاعتها على حرير شويه و الراجل طبعا هيفيدك اكتر مني و انا هسالك ماما و ارد عليكي باليل ان شاء الله
طقم الشربات البوهيمي ممكن تلاقيه في المنيل في محل كراكز بس الشاي بصراحه معرفش
طيب متشوفي فروع تانيه لعمرو افندي ممكن الفرع اللي انتي سالتي فيه يكون خلص من عنده و موجود في الفروع التانيه


شكرا ليكى ياقمر
انا فعلا وصيت فرع منهم وقاللى بعد يومين بس انا اخاف يخلفوا ميعادهم وانا عايزاهم قبل يوم الاربع لان بعد كده مش هعرف اسافر القاهره تانى ومرات اخويا هتسافر ومش معايا حد علشان كده عايزاكم تفيدونى فى كل حاجه فى الحاجات دى وارجوكم يابنات اللى تعرف الحاجات اللى طلبتها دى تقوللى بسرعه النهارده ..........
ص
marwa8000;6990283:
يابنويت باركولى باركولى اتحدد ميعاد الفرح ان شاء الله 20/11 بإذن الله وعقبال كل البنات يارب وضيفونى بقى فى الليسته بليززززززززززززز





هتلاقى فى درب البرابرة النجف والابجورات وكل الازواق وكل الاسعار





ممكن تلاقي الحفة فى الازهر فى تشكيلة مفروشات حلوة اوى


الف مبروك




أمةالله;6990297:


الورد المجفف ليه موضة؟؟؟؟
الرد المخفف شكله أحسن كتير من الورد الصناعي، هاتيه عادي



صوت بجد هكره الحمام بتاعي بسببك

معنديش مكان للكلام ده

شكلهم تحففففففففففففففففة


معلشى منا زيك بالظبط الحمد لله

newlife;6991189:
[QUOTE=صوت العيون;6988255]دا شغل واحد اسمه احمد الزهار

الى عاوز نمرته او الموقع بتاعه يقولى

ممكن يا حبيبتى تبعتيلى نمرته أو الموقع وعنوانه





Princess_miro;6991557:
يا صوت بليز الرقم على الخاص من فضلك
جزاك الله خيرا


حاضر ان شاء الله

سارة المزعورة;6991780:
صوت فين احمد الزهار دة
بياناتة اية احمد الزهار دة يا صوت


فى دمياط
ا
طيب ياصوت فين درب البرابره ده ؟؟
واحمد الزهار ده كويس؟
*
kitty_kity;6987205:

انا شفت زيها ف فتح الله الي عندنا ف طنطا
بس مش فاكره كانت بكام :o




انا فعلا كنت جايبها من عند فتح الله طنطا وكانت ب 3.50 قرش
ص
افرودييت;6993312:
طيب ياصوت فين درب البرابره ده ؟؟
واحمد الزهار ده كويس؟


فى العتبه


بعتلك الموقع
n
افرودييت;6993312:
طيب ياصوت فين درب البرابره ده ؟؟
واحمد الزهار ده كويس؟


درب البرابره دي في العتبه و في هناك جاليري اسمه البيت الجميل هيعجبك و كمان عنده كرستالات
ا
يابنات طيب محدش يعرف كمان محل كويس اجيب منه قماش للانتريه يكون شمواه ؟؟
معلش كترت الاسئله بس برضه عايزه حد يقوللى اجيب طقم شاى وشربات بوهييييييييممىىىى ضرورى النهارده ................ متنسوش علشان خاطرى
ص
هى غساله ايديال زانوسى 18 برنامج بكام
أ
سارة المزعورة;6990688:
على فكرة انتى وجودك هنا معنا مفيد جدا لينا شكرا ليكى
ممكن نمرت وعنوان الخياطة الى عملت العباية دة
وكمان عملتى الرسم دة فين الرسم اليدوى الى على الاطراف دة عملتية فين
وكمان يا امة اللة ممكن عنوان وتليفون النجار بتاعك


وإياكي يا جميلة على ايه بس ... ربنا يعينني إني أفيد على قد ما اقدر

الرسم ده بيبقى فيه ناس متخصصة بتعمله، هي كانت تعرف واحدة أنا نقيت رسمة وهي اللي بعتتها للست تتعمل والخياطة هي اللي لزقت لي الستراس أو الفصوص اللي بتلمع على الرسم

أنا بعت لك نمرة الخياطة ونمرة النجار

سارة المزعورة;6990688:
بسكوتة انتى قلتى ان الراجل بياخد بالة من لبس الانجيرى اتلبس ولا لا
طيب وانا خطيبى بقة اصلا بياخد بالة من طول الجيب بتاعى ما علينا
ممكن بقة من الاخر تقوليلى جبتى كاااااااااام لانجيرى
وكام برمودا وكدة
كام لانجيرى يا بسكوتة انتى وامة اللة جبتوا قد اية


أنا جبت حوالي 15 منهم حاجات مش اتلبست لأني حملت بعد الجواز بشهر تقريباً ده غير انك بتلاحظي إن جوزك بيحب حاجات أكتر من حاجات
وانتي كده كده بتبقي عايزة تغيري فبتنزلي تشوفي ايه الجديد وبتشتري تاني
بس فعلا أنا شايفة بلاش كتير
أ
basmanet2000;6990905:

ومعلش علي السؤال الغريب موووووووت ده هو تفتكروا الخاتم التوينز يعمل كام في المتوسط معلش الجهل وحش اوي :21_195::down::down:


على حسب التوينز ألماظ ولا دهب عادي

لو دهب ممكن يبقى في حدود 3000 أو 4000 تقريباً وممكن أغلى على حسب حجمه

لو ألماظ مش أقل من 4000 لو مفيهوش كسر كتير طبعاً الكلام ده من غير الفص، الفص كلام تاني
n
ghadghoda
ده شكل توضيحي للشكل اللى انا عاوزاة
n
افرودييت;6993395:
يابنات طيب محدش يعرف كمان محل كويس اجيب منه قماش للانتريه يكون شمواه ؟؟
معلش كترت الاسئله بس برضه عايزه حد يقوللى اجيب طقم شاى وشربات بوهييييييييممىىىى ضرورى النهارده ................ متنسوش علشان خاطرى


انا شوفت في كراكرز من فتره
أ
nemonamanemo;6993716:
انا شوفت في كراكرز من فتره


على فكرة يا بنات فيه محل جنب كراكرز اسمه سيد هتلاقوه جنب بتاع الموبيليا اللي هناك ده علطول

أعتقد إن كل الكريستالات اللي بتدوروا عليها هتلاقوها عنده وهو مشهور نوعاً ما في المنطقة

ليه 3 فروع في المنيل روحوا الفرع ده واسألوا هناك بقى على الفرعين التانيين لأني مش هعرف أوصفهم
م
آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه .....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....


الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك

الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

البطاطس سواء مسلوقة أو محمرة.. أوعي تهرسيها وتدبيها ع الرز وتدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....


وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
م
Princess_miro;6983454:
يعنى لقيتيه ارخص ما جبتيه؟
و عندنا دى فين بقى؟ عندكو يعنى (a)


للاسف ياقمر لقيته هو هو بس مش عارفة ايه السر في كده وده اللى هتجنن بسببه ههههههه
ده نصيب ورزق ربنا مقسمه وانا شوفته في محل في مدينة العمال في امبابة
م
boky2010;6983596:







اطقم الملايات العامرية الايام دى عاملة تخفيضات انصحك تلحقيها
وتنزلى المعرض اتلسورى اخر يووم كنت شارية طقم ملايات ب130 جنية اخر يوم
لاقيت الراجل عاوز يصرفهم وحاططهم ب75 جنية الطقم
ةهى بتبدا 75 لحد مالاتتخيلى







معلش ياقمر هى فين محلات العامرية لو فيه حاجة في وسط البلد او في الجيزة وهو فين المعرض السورى ونهايته امتى معلش ياقمر هتعبك
d
Qlb Hassan;6987798:
ممكن تئوليلى اسعار التيفال ونوع اللى انتى جيباه
والحلل الصغيرا من الاستانلس بتتباع بالقطعه برد واسعارهم ايه؟



انا جبت تيفال واستانلس زهران ياجميل
شوفى المقاسات اللى انتى عايزة تعرفي اسعارها وانا اقولهالك

بالنسبة للاستانلس الصغير قبل الخصم
مقاس 18 عاملة 135
مقاس 20 عاملة 159
مقاس 22 عاملة 185

والمجموع فى الاخر كان عليه خصم 10%

وحددى مقاسات التيفال اللى انتى عايزاه وانا اقولك على اسعاره
X