بسكوتة لوئه;6988295:
ازيكو يا بنات وحشنى كلكو
ويارب كلك تبقو بخير وسعاده وتبقو عرايس زى القمر
ازيك يا بوكى وازى عروس البحر وعلى طريق العرس وغاده وصوت ويوميزو ولحظة حب ومونتا كلكلو كلكو وحشنى مووووووووت
الحمد لله انا رجعتلكو بعد اجازة الجواز والحمد لله ربنا اكرمنى فعلا باحن زوج ربنا يخالهولى وعقبالكو كلكو يارب واللى عاوزه تسال بئه تقول ومحدش يقول هيتقل انا من حوالى شهر ونص كنت زيكو كدا واى حاجه اسالو وانا تحت امركم فى اللى اعرفه
بس عاوزه بئه اجاوب عن سوال كان محيرنى قبل الجواز ان القمصان نكتر ولا هنزهق
والله والله بجد فعلا تكترو لان كل يوم حاجه شكل ومفيش حد يقولى الراجل مش بياخد باله دى فعلا بيبقى عارف اتلبس ولا لاء خاصتا وانت عروسه لانه كل يوم معاكى واول ايام دى بيبقى فاكر كل حاجه وكل لبس لبستيه ايه
وبرده الملابس الداخليه كترى لان هتغيرى كذا مره فى اليوم والبنات اللى كانت بتكسف تلبس القمصان من غير برا وانا كنت منهم فعلا وبجد البرا باااااااااايخ جدا على القمصان وشوفو انا كنت بتكسف واقول ازاى لا بعد ما تتجوزى بئه هتكسفى تلبسى البرا على اللنجيرى لانه رخم اوى عليهم والاشيك فعلا اللانجرى من غير برا يكون البانتى بس بتاعه ونصيحه انا كان عندى كام قميص واللى برواب مش ليهم اندر جبتلهم ووفقت الالوان وفيهم لمعه او دلع كدا هيبقى اشيك جدا برده والقمصان اللى برواب انا كنت جايبه 12 هما كا شكل فى الدولاب تحفه بس كاستعمال مش اوى بس بردو فى اوقات بتحسى كدا وانت لبسه القميص بروبه وخارجه لجوزك كدا كانك ملكه خارجاله فهاتوبرده بس مش زى 12 هاتو مثلا 6 كفايه وخدو بالكو من تكرار الالوان يعنى حتى لو الشكل او القصه متغيره بلاش تكرار الالوان دى اهم حاجه وكمان يابنات البجامات الشورت والبرموده كترو منها مريحه اوى وفى نفس الوقت دلوعه كدا ممكن برده تقعدى بيها بالليل مش لازم قميص بس مش عندد النوم طبعا اتعودى وعودى جوزك دايما انه يشوفك وانت نايمه بالقميص
وفى بئه ملحوظه مهمه بالنسبه للعطور خالى كل فتره كدا تخدى شاور وتحطى لوشن وبس علشان جوزك يعرف ريحه جسمك وصدقونى ومن لسان جوزى الراجل يحب يشم من مراته ريحة جسمها اكتر من البيرفن وبتفضل فى ذاكرته والنضافه يا بنات مهمه اوى انتو فهمنى طبعا وبالنسبه للشعر اللى كان مدوخنه ازاى هنقعد وهو مبلول والله هتتجوزى وتلاقى جوزك نفسه عاوزك مبلوله بشعرك كدا هههههههههههههههه متخفوش مش لازم يعنى يبقى ناشف ولا مسشوراه او مكوى لا عادى جدااااا المهم تكونى مسرحه تسريحه حلوه ماشى معاكى
والبيت فعلا مسئوليه بس متخفوش بجد الحب بيهون كل حاجه وحطو دايما ان دى مملكتكم وان جوزك ابنك يعنى ملزوم منك ومش تحطى انك تستنى مقابل علشان لما تلاقى فعلا مقابل تبقى فرحانه بيه غير ما تستنى
ويمكن مش تلاقى حاجه وعاوزه برده الكو حاجه بجد اوعوفى يوم واحده تنام وتسيب جوزها سهران او صاحى لوحده دى بدايق جدااااااا ولما جوزك يبقى عارف انكو متعودين تنامو سوا هتلاقى لو حب ينام ىخدك فى ايده زى البيبى كدا لو عاوزه تسهرى اهو بيستنى معاكى علشان مش تزعلى لكن لو انت بدئتى بكده او عوتيه ينام من غيرك جمبو يبقى ولا هتعرفى تغيرى الحكايه دى ابداااااا لازم من اول يوم
ولا افتكرت حاجه تانى هقلكو واللى عاوزه اى حاجه انا موجوده وربنا يتتملكو بخيييييير ياااااااااارب كلكو
الحمد لله
أزيك انتى يا جميله
عقبال البيبى يارب
وربنا يسعدك كمان وكمان ويخليليك جوزك يارب

بس فيدينى عملتى مطبخك فين ومعلومات عنه وكدا
وجزاك الله خير








