(أجسام مضادة )سبب اجهاضي المتكــــــــــــرر....

هلا اختي 00 انا اتوقع اني زيك لاني اول حمل لي استمر لمدة شهر واسبوعين وكان معاي مغص مستمر زي مغص الدوره الشديدة اعزك الله وبعد كذا نزل معي دم واجهضت 00 وحملي الثاني قالوا لي عندك حمل كيميائي وبعدين جت الدوره 00 والان معطيني ورقة تحليل اجسام مضاده 00 والله اني ماانام الليل ضايق صدري ودائما افكر لاني قريت بالنت ان الاجسام المضاده ماتكون بالجسم الا اذا كان في الجسم فيروس 00 الله يشفيك ويطمن قلبك وقلبي ويرزقنى جميع ولا تنسين يالغاليه اذا رحتي لموعدك تطمنينى 00

لا تحاتين الغالية لا فيروس و لا شي !!!!!

الجسام المضادة تكون للمرأة اللي فصيلتها سالب

هذا والله اعلم

الله يرزقج الذرية الصالحه عاجلا,,,,,

بس شو فصيلة دم الزوج؟؟

انا فصيلة دمي سالب

والدكتورة قالتلي كل شهر لازم تحليل علشان نطمن,,,وطبعا بعد الولاده ابرة

هلا ياغاليه 00 الله يسمع منك يارب 00 بس انا فصيلة دمي +A وزوجي +O
يعني اتوقع ان الفصيلتين مع بعض ماتسوي مشاكل
بس ياليت يالغاليه اذا رحتي لموعدك تسالين وش الاجسام المضادة وش اسبابها وتحاولين تاخذين اكبر قدر ممكن من المعلومات وتكتبينها لنا ويصير موضوع مثبت لكل اللي زي حالتنا 00 انا والله نفسي اسئل بس انا بغربه مع زوجي وراجعه ان شاء الله بعد 6 اشهر واذا رجعت راح ابدء فحوصاتي
والله يكتب لي ولك الذريه الصالحه ويشفي جميع مرضى المسلمين0

نوسة ...
انا فصيلة دمي سالب و ريلي بعد oسالب

سندريلا
الله يسمع منج الغالية

ان شاء الله خير

اللهم اجرني في مصيبتي واخلفلي خيرا منها باذن الله

بقول لك سالفة وحده من اهلي بس اكيد ماراح تصدقين

لأن احنا اهلها وما صدقنا


المهم .. طبعاا ما حملت الا بعد 4 سنوات من الزواج و جابت ولد و ظلت من بعدها 10 سنوات دايما تحمل وتسقط لأن عندها اجسام مضاده و آآآآآآآآآآآآخر شي من قبل 3 شهور وتخيلي وش صار

تعالجت عند دكتور وعطاها علاج واستجاب جسمها للعلاج و الحين هي حامل ..

طبعاا العلاج < حبوب منع الحمل >>>>>> اكيد بتنصدمين ...

و الله العظيم الحين هي حامل و الله يثبت لها الجنين ان شاء الله ..

الله يسهلك امرك ويفرج همك

حبيت اسأل كم مره اجهظتي ؟؟

الله يشفيج ويرزقج يارب

اختي

ربي يرزقج بالذريه الصالحه

انا قريت من فتره عن موضوع الاجسام المضاده وفي حاله كانت ف بريطانيا حملت طبعا عقب 5 اجهاضات متتاليه

كانت تاخذ ابر

وحملت ويابت ولد بهالعلاج

مادري اذا في نفس هالعلاج ف بلادنا والا لا

الله يشفيج ويكتب لج الحمل الثابت يارب

اختي بس كيف حملت الاخت و هي تاخذ حبوب المنع ؟؟؟؟؟؟؟

و انا بالنسبة لي يتني ولادة مبكرة ف اول حمل ف بدابة ال7 و توفت البنوتة
و من بعدها اجهضت مرتين

هلا دلوعه
انا امي الله يخليها لي ويطول في عمرها يارب جابت طفلين وتولدهم في السابع ويموتون وبعدهم جلست 6 سنوات تحاول وبعدين قالت لها قريبه اكلي حبوب منع الحمل لمده شهرين وبعدين اتركيهم وبتحملين في نفس الشهر ان شاء الله 00 والله العظيم امي كلتها والشهر اللي تركتها فيه احملت فيني 00 لكن انا حالتي مهيب زي امي انا احمل واجهض وزي ماكتبت في مشاركتي الماضيه قايلين لي حللي اجسام مضاده لكن الاخت اللي كتبت ان اختها تجهض بسبب الاجسام المضاده وبعدين اكلت حبوب منع الحمل ونفعت معاها

فرحتني الله يفرح قلبها واحيت الامل فيني وحسستني ان العلاج سهل باذن

الله يرزقج و يانا اللهم امين