هل أكمـل دراستــي أم اتــزوج..؟؟

أنا حاسه فيك وفي شعورك لكن انصحك بأخذ رأي أهلك بعدين اذا وافقوا تملكي واتركي الزواج بعد ماتكملين دراستك لأن أهلك هم اللي يعرفون مصلحتك وجزاك الله خيرا

حبيتي انخطبي لو الرجل فعلا كويس ويخاف الله اهم حاجه واتزوجي بعد الدراسه ان شاء الله واتمني لكي حياه سعيده


ورده البستان

فعلا خطوووبه وملجه لين ماتخلصين درااستج الثاانويه ع الاقل

وبعدين العرس ان شااء الله

والله يوفقكم ياارب

حبيبتي أنا من رأيي تكملي دراستك ...

وعن تجربة شخصية أقولك البنت في سن 17 سنة لها نظرة معينة للزواج حالمة ورومانسية غالباً

20 سنة تبدأ تنضج أكتر بين 22 و24 سنة تبدئي تفهمي شخصيتك وتفكري بشكل واقعي تعرفي

ماهي المواصفات المهمة إلي إنتِ فعلاً محتاجتها في شريك حياتك عشان يعينك في دينك ودنيتك

ويكون أب صالح لأبنائك مستقبلاً .

بالتوفيق أختي الكريمة .

حبيتي اذا انتي شاطره في المدرسه حرام عليج انج ما تواصلي ليما الجامعه

انه في رايي تجوفين اول انه كفؤ من الناحيه الماديه والدينيه والاخلاقيه

وبعدين توافقين على ملجه فقط وفيها شرط من ضمن العقد تواصلين دراستج ليما الجامعه ولا يمانع هوو حتى اذا حملتي

وتميي في الخطوبه ليما تكملي ثانويه وتزوجين بعدين

واذا رحتي الجامعه حاولي انج ما تحملين وضروري تتفقون على هالشي من البدايه ويكون كل شي واضح

ولانه تدرين الشهاده ضروريه لكل بنت هاليوم

وانه عن نفسي انخطبت اول سنه جامعه وتزوجت عقب ما تخرجت والحمد الله وزوجي كان متفهم فتره دراستي خاصه انه دراستي صعبه

وان شاء الله تتوفقين يارب

السلام عليكم و رحمة الله تعالى و بركاته،

خلصي دراستك و نصيبك بتاخذينه لو كان في آخر الدنيا .. الأرزاق رب العالمين مقسمها و محد يقدر يمنع رزقك و الإنسان إللي رب العالمين مقدر لج ترتبطين فيه بيكون من نصيبك بإذن الله .. كل ما في الأمر إن الزواج له إلتزامات و مسئوليات ما أعتقد إن الطالبة في المدرسة تقدر عليها .. و لا تستهينين بدراستك لأنها مستقبلك و عن طريقها تمهدين لحياتك القادمة و تنفعك حتى في حياتك و علاقتك مع زوجك و أولادك و المجتمع إللي بتعيشين فيه ككل .. عيشي عمرك و لا تنطين و بعدين بعد كم سنة تكتشفين إنك ما تهنيتي بحياتك و لا عشتي أي من الأمور إللي يعيشونها من هم بسنك ...

مو مشكلة طبقي حديث الرسول (ص) و تزوجي بسن مبكر بس حبيبتي إنتي سنك تحت المبكر على الأقل كملي المدرسة و درسي بعدها بمعهد و لا جامعة و إخذي شهادة تنفعك و تكون لك سند لحياتك .. ترى الله يحفظ لك أهلك و زوج المستقبل و يطول و بأعمارهم بس حبيبتي الموت علينا حق و محد دايم لج ساعتها شنو بتسوين تظلين عالة على الأوادم و يمكن ما تحصلين أحد تصيرين عالة عليه في هالزمن صعب تلاقين من يتحمل مسئولية شخص آخر .. و ضيفي عليها لو كان عندك أولاد من بيكون لهم ... لا تاخذين الأمور بالعواطف أكثر من اللازم و إذا صج تحسين إنك أهل للزواج لازم تفكرين بكل هالأمور .. حتى إذا قلتي بس ملكة .. برجع و بعيد عليج نفس الكلام .. تظل عليج مسئوليات و مهام بتعيق دراستك .. فكري زين لمصلحتك و مصلحة من تحبين

انا تزوجت وفي نفس الوقت كنت ادرس وساكنه في بيت روحي

شفت الويييييييل والله

اليوم الصبح كنت اقول لربيعتي لو يرد الزمان ما اتزوج وانا طالبه

انخطبي او املجي وعقب ما تخلصين عرسي احسن لج

اذا الولد اخلاق ودين لا تفوتيه ابدا ولا توفتي الحب الي جمعكم خليه يخطبك ولو يحبك فعلا
ينتضرك لما تخلصي وانشاءالله تتهنو

أنا الشوق;6959713:
وانا رايي من راي البنات
يخبطج الحين، يعني تملجون
ويعد التخرج تتزوجون، جذي أفضل وأحسن من ماتتمين على علاقة محرمه معاه لمدة سنتين وماتدرين شنو يصير فيها
فاذا هو كان صج يبيج يخطبج من الحين أفضل

وبالتوفيق حبيبتي

اختي العزيزة
الاخت انا الشوق كفت ووفت
عجلوا بالخطوبة افضل من العلاقة الخفية لانها حرام
و خليه يدخل البيوت من ابوابها و ربنا يوفقك

أستخيري الله ... وتوكلي عليه ... وجعلي الامور تسيير على ما يختاره لك الله


العتب

صلي استخاره...وأذا تبينه خليها خطبه بس وبعد سنتين الزواااج..لأن الدراسه مهمه

شكراً اخواتي

يا الغالية
عادي انج تتزوجين وتدرسين مثل الوقت

بس انتين بنفسج تقدرين توفقين بين الزواج والدراسة

بالنسبة للتجربة الشخصية اني متزوجه وادرس بالخارج والحمدلله معدلي فوق وزوجي يساعدني بالدراسة

17 سنه صغيره والزواج مسؤليه وبيت انا من رايي تكملين الدراسه وبعدين الزواج بس لازم اهلج يدرون واستخيري بعد احسن............

بالتوفيق

انا اقول بس خطبه دون مالكه لان ماتدرين وش ياصير في الزمان يمكن يكون القرار موسليمه ودرسي توك صغير على العرس لحقه علي الله ويوفقكم

هلا اختي

بالتوفيق مقدما
خليه يخطبج عشان تكون علاقتكم واضحة وخلصي دراستج وتزوجي

في ناس وايد اختي يتزوجون ويكملون جامعة وغيره

توكلي على الله اذا انتي واثقة من اختيارج وربي يهنيج

البنات ماقصروا معاكي وفعلا افضل الحلول خليه يخطبك وتتزوجي بعد ما تخلصي دراستك وربنا يوفقك

في راي ان الزواج يتم بعد الدراسة لكن ممكن الان تتم خطوبة وبعد سنة عقد قران ... وفي الخطوبة ممكن تدرسيه والفسخ عادتا بيكون اسهل من الطلاق لا قدر الله .. وبعدها عقد قران .. انا متزوجة واعرف ان الدراسة خلال الزواج صعبة جدا ..
والله يسهل لك حبيبتي ...

اولـ شي قولي الحمدلله ان هو صااج معاج و يبيج ^^
و ثانياً عادي حبيبتي انخطبي و كلميه بالحلال
واايد احسن من انج تواصلين معاه بالحرام
و لين كملتي دراسه تزوجووو
و خليه يكون شرطج قبل الزواج ان ينتظرج
:)
وتفاهمي معااه قبلـ كل شي

والله يكتب لكم اللي فيه الخير

اكملى تعليمك اكملى تعليمك اكملى تعليمك اكملى تعليمك الرجالة مالهمش واللة اعلم بكرة فى اية مليوة المية هتحتاجى لدراستك ان شاء اللة فى كل خير بس لازم