الدنيا ضاقت فيني وابي منكم اتساعدوني

انا عضوة يديدة معاكم وحابة اطرح عليكم مشكلتي وياليت تنصحوني وتعطوني حلول ، انا بنت عمري 22 سنة وبعد كم شهر ان شاءالله بدش ال23 من مواليد قطر وعايشة فيها وحاليا اشتغل ، المهم مشكلتي هي نفس مشكلة معظم البنات اللي في عمري وهي الزواج انا وحدة مؤمنة بربي وعارفة انه هالشئ نصيب ومتى ماجاء نصيبي واللي الله كاتبه بيصير وحتى اشوف نفسي للحين صغيرة وغير جي ترى للحين هالشئ مومن اهتماماتي واحس انه الحياة موزواج وبس في اشياء اهم وللحين عندي طموح اكبر وهو اخلص دراستي بتقولون وين المشكلة المشكلة هم الناس اللي حولي يعني هلي ، امي احيانا تقط نقزات علي يعني فلانة صغيرة وتزوجت وفلانة توها صغيرة وعندها عيال والبنت اصلا مالها الاالزواج وحتى صرت مااقدر اعلق على هالموضوع لانه باختصار بتقولي انت محصلة ، غير جي طبعا احنا موعايشين في بلادنا ومن فترة سافرت بلادي واخر مرة كنت رايحة وانا ياهل المهم طبعا كل بنات خالاتي تقريبا متزوجات ومخطوبات حق عيال خالاتي يعني مافي الاانا وكنا نسولف انا وبنت خالتي وهي اصغر مني بكم شهر وخاطبها ولد خالتي جان اتقولي انتي للحين مومخطوبة ولى متزوجة ولى حتى تحبين قلت لها توالناس قالت لي شنو توالناس احنا ماعندنا بنات يتمون لهالسن وجي بيقولون عنج عانس قلت لها شااسوي ماجاني نصيبي والله هي على قولتها تمزح معاي بس والله كلامها حز في خاطري ولين اليوم موقادرة انساه ، تدرون حتى خواتي الصغار لين راحوا عرس حد من اهلنا يردون يقولون خاطرنا اتزوجين اوحتى تنخطبين، بنات تكفون اللي تقرا موضوعي تدعيلي من كل قلبها والله انا راضية بقسمتي بس المشكلة اللي حولي هم اكيد يحبوني ومايقصدون بس والله كلامهم يجرح وانا انسانة حساسة