ساعدوني أنا خايفه

mao;6951109:
ان شا الله تبين عيال ويتربون ويطلعون مثل ماتبين

وانا بعد مب متزوجه بس والله من كلاامج لج القدره والعزييمه انج تربينهم

وان شاء الله ريلج يحس بالمسؤوليه ويكون معاج ف تربيتهم

اتمنى الاخواات فاادوج

وبالتوفييق لج عزيزتي

إن شاء الله أختي وتسلمين عالمرور الطيب

SHREEFA;6951420:
ادعيله بان الله يهديه ويصلحه
وقوله تعالى: { إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء........}
والله يهديه ان شاءالله ويرزقج الله الذريه الصالحه اللهم امين



دمتم سالمين
اختكم شريفة

صحيح كلامج عزيزتي

قال الله تعالى

{ إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء........}

الهدايه مب منا من الله عز وجل

الله يسلمج عزيزتي

الإمـــ بنت زايـد ـــــارات;6951743:
هلاااا

حبوبه انا مب متزوجه بس بقولج هالسالفه وعقبهاا بترتاحين

لانج بتربين عيالج مثل ماتبغين ..

كانت وحده ساكنه حذال بيتنا ..

ابوهم سكير وامهم ماشاء الله عليهاا ملتزمه ..

وهالبنت من صغرها وهي تلعب معانا بس دومها لابسه شيله وتتحجب بعد ..

وبعدين يوم بلغت ماقمنا نشوفهاا ،،

وبالصدفه شفتهاا في الحديقه ،، ماعرفتهاا ابدن ،، لابسه عباه راس ..

وعقب يلست اتسولف عن ابوهاا قالت يوم يشوف بناته ملتزمات يعصب ..

حتى الاولاد مايبي يصيرون مثل امهم ..

بس صدقيني الام ترى تلعب دور ..

وقدرت انهاا اتسيطر ع الوضع وماتبي عيالهم نفس ابوهم ..

فهالشئ انا بصراحه اشوفه ان الام لازم اتكون عندها عزيمه وارداه وتحاول قد ماتقدر ..

واسفه ع الاطاله ..

ماشاء الله عليها الله يوفقهم لما في الخير والصلاح ويكثر من أمثالها صدق الام هي دايما المضحيه

ويزاج الله خير على ذكر هالتجربه افدتيني .. صح كلامج إذا عندي عزيمه وإراده كل شي بيستوي سهل

احسا س انثي;6951907:
الله يهدي زوجك
ما رزقني الله للحين بطفال والحمدلله علي كل حال
بس اختي حاولي تنصحينه هذي صلاه والله يعينك

آمييييين عزيزتي وتسلمين عالمرور الطيب

روابي _ Q8;6952435:
اختي يعني شلون مو متدين من اي ناحية يعني

طيب وانتي بعد مو متدينة وقلتيها بنفسك

اختي كافي انه اخلاقه طيبة وهو طيب وخلوق وحبوب وماعنده خرابيط

ياما متدينين ويصلون ولا يدرون عن عيالهم و يكلمون بنات بالتلفون ويضرب زوجته
وياما ناس ماهم متدينين وقايمين في تربية عيالهم وبالعكس يربون عيالهم على الشي اللي ماقدروا اهاليهم يغرسونه فيهم

لاتوسوسين ولا تظلمين زوجك

صحيح كلامج فيه وايد ناس متدينين بس ما يهتمون بعيالهم وفيه العكس بس بعد الدين جانب مهم في الحياه

قال الله تعالى

(( وَمَا خَلَقْتُ الْجِنَّ وَالْأِنْسَ إِلَّا لِيَعْبُدُونِ ))

دموع الكوثر;6952646:



اطلبي من الله في صلاتج ان الله يهديه
وان شاء الله رب العالمين مايخيبج

وعن الاطفال لا تخافين لان الام هي اللي تكون مع الاطفال دائما

إن شاء الله صحيح كلامج الام هي اللي دايما أتكون مع أطفالها وهي بتكون قدوتهم

انسان حسااس;6952701:
الله يهديه انشاء الله ادعي له بالهداية
وان شاء اللع يقدرين تربين عيالج لان العيال اكثر شي يتاثرون بالام

آميييييييييين

إن شاء الله يالغاليه وتسلمين عالمرور الطيب

نوال33;6952828:
السلام عليكم ورحمة الله وبركاته

اولا الله يهدي زوجك الى الصراط المستقيم ويثبتنا ويثبتك على الهداية و اتباع طريق الحبيب المصطفى عليه افضل الصلوات .

ثانيا اختي تدكري دائما اننا لن نهدي من احببنا و ولكن ن الله سبحانه وتعالى يهدي من يشاء . حاولي جاهدة انت تكلمي زوجك بالتي هي احسن ودكريه ان الدنيا فانية وانه لن يدوم غير وجه الله ولن ينفع الانسان في الدارين الا اعماله الصالحة المتجلية في التقرب الى الله بكل الطرق : صلاة دكر صدقة معاملة حسنة ........ فبها ينال سعادة الدنيا والاخرة . اكثري من تشغيل القران الكريم في البيت اثناء تواجده وادكري الله كثيرا امامه بالصلاة والاستغفار ...... واكثري من الدعاء في الثلث الاخير من اللليل بان الله يهديه الى سبيله ويقوي ايمانه. وان شاء الله ربي يستجيب لدعائك.

اما بخصوص الاولاد فبيدك انت اولا ارشادهم الى طريق الهداية والايمان القوي. كوني مثلهم الاعلى : ربيهم على دكر الله من البداية : ادكري الله امامهم بشكل دائم عوديهم على حمده وشكره مثلا قول باسم الله قبل كل اكل والحمد لله بعد الانتهاء منهم وافشاء التحية الاسلامية اثناء كل لقاء . وحببي اليهم الاستماع الى القران الكريم والاحاديث .في سيديات خاصة بتعليم الاطفال كل اصول الدين والقصص الدينية على شكل رسوم متحركة عوديهم على التفرج عليها شغلي سيديات للدكر والامداح النبوية التي ينشدها الاطفال مثل طلع البدر علينا يامكة ....... وشوي شوي راح تلاقيهم بداو ايتعودوا على ترديد هالكلمات وحفظها ومن ثم فهمها بعدين. وهكدا الابن يتاثر بطباع امه بنسبة 95./. اهم شئ انه يكون لك اسلوب لين ودكي حتى تعرفي كيف تاثري عليهم وتكسبيهم

الله يوفقك عزيزتي ويرزقك بال\رية الصالحة ان شاء الله وينور قلب زوجك بالايمان القوي ويثبتنا جميعا على السنة النبوية وكلمة التوحيد امييييييييييييييين .

آميييييييين عزيزتي

كلامج رااااائع وكله عقل وحكمه أفدتيني عزيزتي يزاج الله خير إن شاء الله بطبق اللي قلتيه

تسلمييييييين :)

(f)(f)(f)

مزنه 2008;6953863:
انتي تبين زوجك يكون ملتزم ؟
خلاص الزوج اهم شي انه يصلي ويصوم وكافي خيره شره ويخاف الله
مو شرط انه ملتزم وعلى العيال كل ابو يبي يشوف عياله من احسن الناس
لاتحاتين واجد ان شاء الله ربي يرزقك الذرية الصالحة
انتي بس تركي الخوف عنك وكل شي بيجي بسهالة
شو بتقدرين تسوين يعني بعد ماتزوجتي الرجال بتغيرينه بسم الله عليك
اهم شي الحين الزوج يخاف الله وبعد كذا مافيه خوف

تسلمين عالمرور عزيزتي والله يوفق الجميع لما يحبه ويرضاه آميين

دلوعةحناني;6954985:
حبيبتي هنوده
الوسواس لاعب فيك لعب
اسمعيني عدل
زوجك مقصر بدينه واكيد يحس بتانيب الضمير بس ما يبين
فهل تتوقعين انه بيمنعك تزرعين في اولادك ما انحرم هو منه ويتمناه؟؟؟
هل تتوقعين بيجلس ويقول لاولادك مو لازم الصلاه او عادي الاغاني او عادي لكل محرم؟
لا طبعا والف لا
انا بقولك تجربه اختي وهي مشابهه جداااااااااا لحالتك
اختي متدينه لحد قوي جدا وماشاء الله عليها تصلي بالساعات وزوجها كان يتذمر منها وهي بعد تتذمر منه لانه على كلامه اذا جا يصلي ينقر كالدجاجه على الارض وكانه في مسابقه مين يخلص الصلاه قبل
ماعنده اى تدين نهائي وليومك هذا باقي على طبعه
مع ان اختي انجبت منه 3 بنات وولدين وصاروا شباب وبنات بس الله اكبر عليهم
متديين اذكياء وشاطرين بدراستهم وملتزمين بالحجاب الاسلامي والعباه على الراس
لاصرار امهم على تربيتهم بطريقتها
وشنو تتوقعين زوجها يسوي؟؟
اى شي في البيت فهو بيد اختي
اى قرار اتجاه اولاده يقول استأذن من امك انا ما ااعرف
وهو سعيد جدا ويفتخر بتربيتها لاولاده امام اهله ويشيد بتدينهم
ويحترم اختي بل ويقدسها ويموت فيها .
وهي للان ما لبثت تحاول تقنعه بس هو يقولها ما اقدر اسوي اكثر من كذا
وخليني انا وربي تنصافى وهي بعد عرفت ان الله الهادي وبس
وما اقولك انه مستهتر بالعكس هو خلوق وطيب وكريم جدا والله فاتحه عليها من واسع ابوابه
ودوم يقول الفضل لزوجتي ام الخير لان القران ما يوقف من بيتنا ولا الدعاء..
تحياتي

مشكوووووووووره يزاج الله خير يالغاليه على ذكر تجربة أختج ما شاء الله عليها وعلى عيالها الله يوفقهم جميييعا لما يحبه ويرضاه آميييييين

أفدتيني .... من الردود اللي شفتها أشوف أن الأم لازم تؤدي دور الاب والام في نفس الوقت وأن لا تتحلى بالدين فقط بل بالشخصيه القويه القياديه

مشكووووره مجددا

:)

R M A;6956331:
الله يكون بعونك يارب

والله انا مثلك زوجي مو ملتزم والله يهديه حتى بالصلاة وهذا الشئ مضايقني وافكر كثير بموضوع تربية الأطفال

لكن كل الي قادره اسويه اني ادعليه بالهداية

اللهم يا ذو الجلال والاكرام يا حي يا قيوم أهدي زوج الاخت رما ووفقهم جميعا لما تحبه وترضاه آميييييين

اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد

وتسلمين عالمرور الطيب (f)

عليكم السلام اختي ...

يالله .. تدرين اختي انتي اخر وحده كنت اتمنى اشوف لها موضوع هني ... بس صدقيني محد يخلى..


الغاليه لتطمئني .. بقولك عن صديقتي ..الله يهدي أبوها أن شاء الله ...

نشأت بعائله .. ابوها لا يعرف الا الشراب .. والتدخين ولا يعرف اين القبله .. لا يعطيهم لايصرف عليهم يضرب أمهم .. يضرب اولادها ..

وأمها قمه بالالتزام ... أنشأت سته اطفال ... لوحدها بمساعده قليله من أهل الخير وصراع مستميت عشان تطلع منه الفلوس..حق عيالها.. ومواضبتها على الصلاه والدعاء ,, وماشاء الله على كل ذلك كانت توزع الماء في المسجد كل جمعه..

أبنها الاكبر مهندس نفط في قطر .. متزوج باحد الفتيات الاماراتيات وهي وحيده امها وابوها وعندهم ملايين ..ولله الحمد ولديه ابن..

أبنتها الثانيه(صديقتي) .. ملتزمه بما تعنيه كلمه الالتزام .. من حجاب وغطاء للوجه وعباءه وتحضر جلسات تجويد للقرأن .. وتحفظ من القرأن الكثير..ومتزوجه ولديها ابن وبنت

أبنها الاوسط .. داعي .. في الجمعيه الاسلاميه وحافظ للقرأن .. وموظف.. محترم

أبنتها الصغرى ..تخرجت بشهاده بكالوريس في تخصص يخص الكمياء وتفوقت على دفعتها وتزوجت من ابن خالتها مدير بنك في الامارات .. وهو اماراتي .. من اهلهم ولديها ابنه الان

ابنها الصغير لا يزال يدرس .. في المرحه الاعداديه ..

مصير الاب الآن بعد ان دارت به الدنيا ... مصاب بإمراض كثيره عافانا الله .. ضعيف ..ولازال لايصلي

قرت عيناها بهم .. ورأت ثمارها .. فلا تيأسي من رحمه الله يا اختي .. فالمرأه هي التي تربي ..

دائما المرأه هي من يوازن الحياه وهي المدرسه وهي من تخرج الاجيال وهي من تجعل فخر الاجيال ..بها..

لا تقلقي اختي ابدا لا تقلقي...

ماشاء الله تجربه عجيييييبه ماشاء الله عليهم

يزااااااااج الله خير عزيزتي أم جنى على ذكرها أفدتيني وأكيد قصتها بتفيد الكثير

عزيزتي أنا الحمدلله مرتاحه من زوجي إنسان طيب وخلوق بس أنا اشوف الجانب الديني أيضا في غاية الاهميه

لأننا خلقنا في هذه الدنيا لعبادة الله عز وجل

وتعرفين يالغاليه هذه الام تستاهل تقدير

أحنا عندنا كل سنه في دبي جائزه يعطونها للأمهات والاسر المثاليه

أنا لو كنت مسؤوله عنها كنت بعطيها هالجائزه ماشاء الله عليها

ويزاج الله خير مجددا عزيزتي

^_^

تسلمين الغاليه ... اختي .. انا ذكرت لك حالتها عشان ارفع معنوياتج .. وانتي زوجك الحمدالله ان شاء الله فيه الخير وواصلي على التجديد بالذهاب للعمره اختي الغاليه ...

واحب اقولج اني انا بعد تربيت من غير أبو ..مع اختي .. وكاني الحمدالله اجاهد بالالتزام واختي ماشاء الله الله يحفظها تخرجت من الجامعه ووظيفه ممتازه .. والله يرزقها الزوج الصالح..

يعني اختي صدقيني ربج ما ينسى عباده

ام جنى

نفس حالي ... انا اتربيت في بيت كلهم ما يهتموا بالدين والصلاة ... بس الحمد لله اني اجاهد نفسي قد ما اقدر اني التزم في صلاتي وقرءاتي للقرآن ... مع اني احس نفسي لسه مقصرة بس زوجي بالمرة ويتعبني كثير في رمضان خصوصا في الصلاة ... واحاول اشجعه على الصلاة وقرآءة القرآن .. والان انا عندي ولد ... والله كمان خايفة عليه ..

هو اكيد اذا كان الابوين يصلو متمسكين بالدين في البيت الطفل لا يجد صعوبة في المشي في نفس المسار .. بس اذا احد الابوين يصلح والثاني يخرب ايش الفايدة ؟؟؟
لازم تلزمي زوجك بالصلاة حتى لو تطلبي منه يصلي معك في كل فرض وتطلبي منه تصلوا جماعة وتكسبوا اجر ...انا دايما اعمل كدة مع زوجي .. وان شاء الله ما يصير الا كل خير

Noor1979;6956696:
تسلمين الغاليه ... اختي .. انا ذكرت لك حالتها عشان ارفع معنوياتج .. وانتي زوجك الحمدالله ان شاء الله فيه الخير وواصلي على التجديد بالذهاب للعمره اختي الغاليه ...

واحب اقولج اني انا بعد تربيت من غير أبو ..مع اختي .. وكاني الحمدالله اجاهد بالالتزام واختي ماشاء الله الله يحفظها تخرجت من الجامعه ووظيفه ممتازه .. والله يرزقها الزوج الصالح..

يعني اختي صدقيني ربج ما ينسى عباده

ام جنى

الله يسلمج عزيزتي مشكوووووره ما قصرتي إن شاء الله بحاول عزيزتي

سبحان الله نفس حالتي بس الحمدلله الظروف الصعبه أبدااااا ما تكون عائق للنجاح والسعاده بالعكس أتخلينا أكثر عزيمه وإراده للحصول على السعاده وتحقيق النجاح في الحياه

اللهم يا ذو الجلال والاكرام يا حي يا قيوم وفق الغاليه أم جنى وأختها لما فيه الخير والصلاح وأرزق أخت الغاليه أم جنى الزوج الصالح اللي بيسعدها ويهنيها وأرزقهم الذريه الصالحه آمييييييييييين

اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد

*ام وسام*;6957153:
نفس حالي ... انا اتربيت في بيت كلهم ما يهتموا بالدين والصلاة ... بس الحمد لله اني اجاهد نفسي قد ما اقدر اني التزم في صلاتي وقرءاتي للقرآن ... مع اني احس نفسي لسه مقصرة بس زوجي بالمرة ويتعبني كثير في رمضان خصوصا في الصلاة ... واحاول اشجعه على الصلاة وقرآءة القرآن .. والان انا عندي ولد ... والله كمان خايفة عليه ..

هو اكيد اذا كان الابوين يصلو متمسكين بالدين في البيت الطفل لا يجد صعوبة في المشي في نفس المسار .. بس اذا احد الابوين يصلح والثاني يخرب ايش الفايدة ؟؟؟
لازم تلزمي زوجك بالصلاة حتى لو تطلبي منه يصلي معك في كل فرض وتطلبي منه تصلوا جماعة وتكسبوا اجر ...انا دايما اعمل كدة مع زوجي .. وان شاء الله ما يصير الا كل خير

الله يوفقكم يالغاليه لما فيه الخير والصلاح ويهدي زوجج آمييييين

طبعا يالغاليه تأثير الوالدين جدا مهم في تربية الاطفال الله يوفقنا جمييييييعا في تربية عيالنا تربيه صالحه آمييييييين

وتسلمين عزيزتي على المرور الطيب

:)

عادي اختي تقدرين تربين اعيالش بطريقتش اعرف وحدة مثل حالتش والحين عيالها كبروا وتربوا على ايدها مثل ما بغتهم واللي يشوفهم ويشوف ابوهم مايقول ذولين اعياله الله يهدي زوجش ويصلحه

شوفي يا قمر انتي طالما مخلصة في نيتك لله استحالة ربنا هايضيعك ان شاءالله
و ربنا يرزقك بالذرية الصالحة ان شاء الله
و حطي في اعتبارك ان الطفل معظم وقته بيقضيه مع امه يعني انتي اللي باذن الله هاتقدري تشكلي اولادك
و اكيد زوجك بذرته طيبة و الا مكنتش ارتبط بواحدة ملتزمة زيك
وقتها ان شاء الله هتلاقيه حريص انه ياخد باله من تصرفاته و يقرب من ربنا اكتر علشان يكون هو قدوة لاولاده
و ربنا يهديه و يرزقك بالذرية الصالحة ان شاءالله

الله يهدي زوجك

حبيبتي انه اعرف وحده من تزوجت وزوجها غير ملتزم والحمدالله اصبرت عليه وحاولت معاه لي مالتزم
انتي تقدرين تغيرينه