تجهيزات عرائس عمان الغاليه الجزء *** 12 ***

البارحه رحت السيب مول
في محل يبيع شيل ملونه حلوه بصراحه عجبني نفسي أشتري كل الشيل الموجوده
بس خذيت شلتين ب11 ما كان يريد يعطيني ب11 بس بالاخير رضى يقول والله إحنا نبيعهم بمزون أغلى من كذا بواااااايد ,,,

والشيل حركات وألوان ودرجات حلوه
بعدني بروحله مره ثانيه

ورحت اللولو إللي عندنا ب السيب طبعا ,
وأشتريت براون+سشوار+والاله تلميس الشعر من براون بعد

وكنت أريد أخذ لفه السيب من وين يبيعوا الجلابيات بس ما رحت قلت يمكن ما في شي حلو
وكنت أريد بعد أشتري عدسات ملونه لانه برمضان يسوا عرض تاخذي وحده والثانيه (فري)

بس اليوم بروح أشوف الجلابيات وأشتري العدسات

وبس

أنتوا وين وصلتوا بالتجهيزات,,,,

حبيبتي ملسونه اختي سوت ميكاج عرسها عند ماريز و طلعت واااااااااااااااو بصراحه الكل عجبه بس كانت في عروس قبلها و سوتلها ميكاج اسود و بصراحه ما عجبني حسيت مو حلو الاسود على العروس انتي اهم شي تخبريها كيف تريدي الميكاج و اذا عندك صور و ديلها و اطلبي انها تسوي مثله و بس

صح بنات عندي عرس ثاني يوم عيد و حجزت و حده تيجي البيت و تسوي كل شي تحف تحني تمكيج و شعر شفت صور حناها و عجبني و الميكاج بعد حلو يلا ادعو اني اطلع كشخه

orjwaana;7175113:
هيلا

الحنايه اسماء اللي من وادي حطاط طلعت اعرفها
هي نفسها اللي متعودين نتحنى عندها وامها صديقه امي ..وبالفعل حناها حلوووو

senor!ta

شكرااا حبوووبه ع الرقم ..وانا سمعت عن وحده تحني ف جحلووت اكيد هي نفسها اللي تقصديها
بس بتصل فيها وبتأكد:)

أيوا ما شاء الله عليها حناها روعة كثير ..هي من عيلتنا قريب كثير

مرحبااا بنوتـات ,, امممممممممم صارلي فترة ما شفت ردود للاخت عمانيــة ذوق ,, ربي يحفظها وين ما كانت ,,

المحنايات ما شا لله في وايد حريم محنيات وحلو شغلهم ,, بس لين احينه ما لقيت محناية تنقش نفس بنات الامارات ,, حسافة في عرس اختي كنت متحنية في دبي ,, وبصدق الحنا كان امبين رسم من كثر الدقــة والشغل الحلــو ولون الحنا غاااااااااااامق وثابت ,, ووايد من ربيعاتي العرايس ساروا يتحنوا وبالفعل تميزوا ,,
والعين قريبــة منا وايد ودبي والشارجة فرة حصة ,,

هيلا

من عيلتكم والله !:):)

كل خالاتي لما عرسن هي حنتهم حتى بنت خالي ..يعني تقريبا كل بنات العيله يروحوا عندها يتحنوا
وفعلا حنتها حلوووه ..بس انا لما عرست ماتحنيت عندها لاني حبيت اغير

هيلا

حبوووبه عطيني رقم رشا الرئيسي
ومن وين هي؟ من وادي حطاط بعد؟؟

orjwaana;7175712:
هيلا

حبوووبه عطيني رقم رشا الرئيسي
ومن وين هي؟ من وادي حطاط بعد؟؟

هلا عيوني ..

لا هي من سكان مسقط ..وبصراحة بالنسبة لي حناها احلى من أسماء بكثير ما شاء الله ،وبالأخير الناس أذواق ..وحتى منووري حنت عندها بعرسها روعة وابدعت لها كثيييييييييير ..

والرقم برسلك اياه الحين ..

تحياتي فديتك

السلام عليكم

غلا الروح
الله يكون في عيونك مثلي ذوقي صعب وفي كل شي اطلع علة

اي محل تقصدي الي في الطابق الاول ؟؟ معلق شيلات سوداء على الباب ؟

روحي السيب خذيت منهم دراعة كشششخة لعرس قريبي وحصلت بعد دراعة ثانية بس ما خذيتها

كيف هالة الفاونديشن مالها ؟ نفس زلفى ولا اثقل ؟

الحنايات نحن نجيب الحناء ولا من عندها ؟

ومن وين احسن حناء يكون غااامق وما يروح بسرعة

دوم اسمع عن بهاونا

وين الصالون بالضبط بجانب العبيداني ؟ وشو اسمه ؟

عمانية;7138931:

(f) مرحبــا الغاليـات (f)
اخواتي بغيت اعمل كوشة لعرسي وحبيت اعرف من جربت شغل سميرة الحارثي ومن جرب سلمى الحارثي ؟؟
من الافضل من وجهة نظركم؟ (y)
وياريت لو تزودوني بارقام هواتفهم :o
(f)وجزاكم الله خير(f)

:confused: :confused:

كثير بنات تكلموا عن اسئلتك في الاجزاء السابقة اذا فاضية لفي على كل الصفحات خخخ

قبل ما شاء الله الكل كان موجود الحين الي تزوجت والي في شهر العسل والي قرب عرسها

مساء الورد حبوبااات ,,

هالـــة اساسها حلووووو مب ثقيل ولا يبين انه طبقــة يكون نفس لون البشرة ,, ويغطي عدل ,, واحلى شي فيه انه ثاااااااااابت ولا يشهب ولا يتغير ,, حتى العرايس ما تحطلهم هاك الاساس الي يبين الويه مكتوم ولونه افتح عن الويه باربع درجات تحط الشي المناسب وهي ما شا لله عليها ذربــة بكل شي ,, حتى وهي تمكيج تشمين ريحة العود ولبسها الانيق وطيبة قلبها وحلاوة لهجتها البحرينية ,, بصراحة وايد ارتاح حق هالانسانة الله يوفقها ,,

بنات وين محل النجديه بالضبط؟؟؟

غلا الروح

شوفي ميكب اسماء الشيخ لانها تسوي فاونديشن ثقيل او شوفيلك وحده تمكيج من صلاله تجيك مسقط وتسويلك المكياج. لان اعتقد ذوقك ذوق ظفاري في المكياج

مرحبااااا بنات انا عضوه جديده وعندي كم سؤال ياريت تساعدوني واعرفكم ما رح تقصرون
اول سؤال عن الكوشات رحت كم محل وشفت كوشهم صصراحه ما عجبني شي وافكار مكرره وعاديه كثير كلها شويه مخمل على كرستال وورود يعني جداااا تقليديه بس لما رحت الدانه وااااااااااااااااااااااااااااااااو وراني كتالوج والله يجنن يدوخ تقولي كوش اميرات روووعه واشكالهم مب مساواين في عمان لانه كتلوج مطبوع مب صور واسعارهم من 1200 الي 1500 بس مع الليزر واضواء اللي تلعب في لون القاعه بس المشكله هل رح يضبطون نفسه او لا ومين جرب عندهم وايش رايكم فيهم لانهم لوحدين اللي وروني اشياء مميزه فخممممه
ثاني شي المكياج انا سمعت ماريز احسن شي وانا عني ما احب المكياج الخفيف كثير يعني يبرز الملامح بس بطريقه حلوه يعني مب لوحه بس سمعت انه سعرها صار 500 ريال مع التسريحه صح هذا الكلام؟؟ صراحه غالي ولا ؟؟؟ وسميه الريامي ايش رايكم؟؟ اما زلفا ما تعجبني احسها كانها مب حاطه شي كثير خفيف وعادي اي حد يقدر يسوي نفسه خخخخ حتى انا ممكن اسوي نفسه هع هع
طيب واريد ثوب ظفاري ممز لاني من صلاله والعرس اول رح يكون في صلاله بعدين حفله ثانيه في مسقط ورح البس فستان اما صلاله ثوب ظفاري بس كل حد يسويه عندنا مخمل اسود واغلى شي بحدود 1000 ريال بس انا بغيت اسوي حركه جديده يعني يكون لونه اوف وايت مع كرستال ذهبي وعسلي ايش رايكم ؟؟؟ قالولي اسوي عند نوال الهوتي وان شغلاتها حلوه ايش رايكم ؟؟ وكم اسعارها وياليت اللي تعرف العنوان ترسلي اياه ورقم تلفونها
واااااسفه طولت عليكم يا عسولات وكثرت الاسئله بس مالي الا الله ثم انتو وانشالله استفيد من خرباتكم ياحلوات

صبحج الله بالخير اختي عزوتي شموخــي ,, بالاول مبارك عليج وتستاهلين كل الخير ,,
غناتــي الدانــة للافراح ما تقربيــن صوبهم تجارب وايدة للبنات مويودة ,, يعطونج صورة كوشــة ويسون لج وحدة غيرها تماما يمكن ما تسوى ميتين ريال ,, سيري عند مصممات الكوش وخبريهم افكارج وان شا لله تلقين الشي الي يعيبج ,,
وماريز مكياجها يناسب العرايس حلوووووو واذا بغيتيه خفيف شوتلج خفيف ,, ترى الماكيرة ما تقدر تشرط عليــج انتي الي تخبرينها شو تحبيــن ,, تقريبا اسعارها 150 ريال شي جذا ,, ما توصل للخمسميــة ,,
وسميـة مكياجها وايد حلــو بــعد ,, شغلها نظيف ,,
الظفاااري ,, عندج نوال الهوتي اسعارها تقريبا مقاربــة للي عندكم بظفااار ,, يعني اختي بملجتها سوت عندها العماني المطور ,, دمج بين الدراعــة والعماني ,, كلفها حوالي 1500 ,, وعندج المصممة فاطمة نور بالعصفور بلازا شغلها حلو وتقريبا اسعارها مشابهــة ,, وهلي بالامارات اذا بغوا ياخذون لبس عماني يصممون عند فاطمة نور ,,
وترومين الثوب الظفاري ,, تاخذينه بالقماش الابيض الي تيي لمعته ذهبيــة او فضيــة ,, وتخليها تحطلج فيه شغل ذهبي مع تركوااز ,, الالوان هذي تحلي العرووس و تعطي لون بشرتها نضارة ,, لان الابيض بروحه يخلي الويه مبين لونه شاحب ,, وترومين تخلينه مخصر يطلع غريب ويديد ,, وحتى الشال اترومين تسويــنه من خام يشبه الدانتيل ويكون فيه نفس الشغل الي بالثوب مع طبقــة دانتيل تركواز ويكون مثل الطرحة الخفيفــة ..

السلام عليكم

ema

النجدية في الخوير على خط الاكثم بجانب محل كبير للحلويات والايس كريم

عزوتي شموخي

كم بنت حذرت من الدانة .. واصلا لو تروحي محلات السيب تلقي عندهم صور واااااااااااو بس طبعا يعتمد على المحل في شطارتهم وشغلهم

بالنسبة للبس الظفاري في محل عندكم في صلالة اظن للمصممة امل الكثيري خالاتي دخلوه يقولوا تصميمها يجنن عندها حركات غريبة

وفي السبلة كثير بنات عندهم ملابس ظفارية راقية ممكن تطلعي عليهم

بالبركة ربي يتمم فرحك على خير بس ما قلتي لنا متى عرسك ؟ والحين انت ممتلكة ؟


بنااااااات يا ريت تفيدوني باسعار القاعات الي تعرفونها وارقامهم غير النور والاميرات

واذا عندكم رقم الجمعية ؟

بكم جولدن توليب ؟ وقاعة صور ؟ والجمعية ؟

من دخل الماسة والثانية ما اذكر اسمها جنبها ؟

امس رحت اجيب لبسة ملكتي طلعت ما جاهزة مع اني كم اسبوع تأخرت ما رحت اجيبها :angry:

ما اعرف ليش ما متحمسة البس عماني من غير نفس رحت الخياط وما مسوية على اطراف الشال طربوش ولا اي حركة قلت بشوف حركات احلى :sm215:

ممكن اشتري حركات نازلة ولا بس في حركات معينة ما يصير اضيف غير ؟

واذا وحدة فيكم استخدمت برنامج لحساب مشترياتها مثلا الاكسل يا ريت تفيدني

نزلت مشترياتي في الورد وامتسح كل شي تعبي راح عالفاضي :(

senor!ta;7166906:
ان شا لله حبيبتي بدور رقمها لانه هالحنا صارله تقريبا سنــة على ايام الثانويــة اتوقع الرقم موجود في لستة المحنايات ,,
انا المحناية ما عرف قبيلتها بس هي عمدح اختي عمانيــه ذوق ,, ومب من الحيل ساكنة بالحمريــة وان شا لله حناها يكون حلو ,,

هلا حبيبتي قصدج زبيده البلوشي

هيه حناها رووووووووووووووعه بليز صوري حناج ونزلي الصور وانا ان شاء الله ليلة العيد موعدي وياها بلغيها سلامي فديتها وحشتني

واكيييييييييييييد راح تستانسي ع الحنا .. وهي من الحمريه

يا مراااحب اختي عمانيــة ذوق مالج حس حبوبــة وحشتيناااااا ,, انا حجزتها عسب عرس حد من الاهل عقب العيد ان شا لله ,, وتامرين امر بصور حناها وبنزله عسب تاخذون فكـــرة ,, هيه فديتج دقيت عليها وماشا لله حبوبة وايد شراتج ..

senor!ta;7187292:
يا مراااحب اختي عمانيــة ذوق مالج حس حبوبــة وحشتيناااااا ,, انا حجزتها عسب عرس حد من الاهل عقب العيد ان شا لله ,, وتامرين امر بصور حناها وبنزله عسب تاخذون فكـــرة ,, هيه فديتج دقيت عليها وماشا لله حبوبة وايد شراتج ..

فديتج انشغالاتنا ف رمضان

وانا ان شاء الله بنزل الصور عقب العيد ,,

كثير طيبه وحناها خباااااااااااااااال