تجهيزات عرايس مصر الجزء 90

صوت العيون ʚϊɞ ṨỠЙḍỠṧ ʚϊɞ 12-08-2008 1,011 رد 31,290 مشاهدة
R
mahyy;6916207:
والله يا بنات دونا عندها حق احنا مش هنفرح غير مره واحده ومينفعش متعملوش فرح حتى لو صغير انا كمان فكرت زيها كده وفعلا روحت حجزت مسجد وبعدها اتخنقت روحت لغيت الحجز ودورت لقين نوادى كتير سعرها معقول جدا من 3الى4 او يزيد بسيط بس اهم حاجه تفرحى وسط عيلتك وتبقى مبسوطهوعلى فكره فكرة المسجد الفلوس الى هتدفع هناك من حجز وتصوير ومشروبات وكل الحاجات ديه هتلاقى نفس الثمن الى كنتى هتدفعيه فى قاعة افراح هو الى بتدفعيه فى المسجد يبقى نفرح ونفرح اهلنا احسن وربنا يتمملنا كلنا بخير ان شاء الله كنت عايزه اعرف بقه انا فرحى ان شاء الله نص شهر 10 احجز الفستان من امتى ولو عايزه اعمل فرد اعمله من امتى عشان الحق اخد عليه


بصوا يا بنات بخصوص موضوع الفرح ده انا شايفة انة حاجة مش حتتعوض لانها بتبقى مرة واحدة بس فى ناس بتقول بلاش فرح و نسافر بس السفر ممكن يتعوض فى اى وقت لكن الفرح لاء .. لكن انا شايفة ان المبالغة مش مطلوبة خالص يعنى مثلا الافراح اللى بيتصرف عليها 20 و لا 30 الف دى كتير اوى بس فى حاجات ممكن تتعمل عشان يتوفر فى الميزانية انا حقترحها عليكوا
اولا تقللوا العدد بقدر الامكان يعنى فرح فى حدود 100 او 120 فرد بالكتير وهما كفاية و متعزموش ناس ملهاش لازمة يعنى الاقارب و الاصدقاء المقربين فقط حتى لو اعلنتوا دة بصراحة اننا عاملين فرح على الضيق
ثانيا نص ميزانية الفرح بتروح على الاكل و البوفية للو لقيتوا العملية وسعت اوى اعملوا هاى تى و دة مش عيب و لا فى حاجة و لا اى مشكلة حتلاقوا تكلفة الفرح نزلت للنص انما فكرة الغاء الفرح خالص دى بصراحة انا مش معاها لانك ممكن متحسيش بيها دلوقتى بس تيجى بعد كدة تحسى انى كان حقى عملت فرح دة رايلى و مستنية اسمع رايكوا
ص














d
ranonte;6920731:
لا انا لسة سائلة قالى 2000 من غير صبغة و ب 2200 بالصبغة


[SIZE="5"]طيب ما تسألى لو ميكب بس ولفه طرحه يتكلف كاااام وانتى من قبلها اعملى باديكير ومانيكير وكل اللى عايزاه فى اى كوافير تانى قبلها كأنك واحده عاديه قبلها بيوم لان هما بيغلوا الاسعار كتييير على العرائس وخلى مسيو عبده للميكب وبس ... ايه رأيك ؟[/:wink:SIZE]
ص
حد يعرف كوافير عبير الى فى شارع ترعه الجبل

وايه احسن الكوافيرات فى مدينه نصر

وكمان تربيزه المطبخ المدورة او البيضاويه الى بكراسى بكام وممكن تتجاب بالكراسى وممكن لا ولا لازم كامله
m
الف شكر على الوصف بتاع الفا ماركت يابيبو انتى وصوت
انا عندى طبق كده بيضاوى وفيه مرايه من جوه ينفع احطه عالسفره البنات قالولى احطه عالسفره واحط فيه فاكهه فكنت عايزه اعرف احط فيه فاكهه بجد واللا فاكهه بلاستيك ولو بلاستيك عايزه مكان اجيبها منه تكون شكلها كويس مش تعبانه يعنى اكنها من وش القفص مش اكنى جايبه الفاكهه اللى بايته عند الراجل هههههههه
ق
صوت العيون;6920811:
هو المعرض هيفضل شغال ل 15-8

ولا ممكن يطول


بصى انا كنت هناك من يومين وسألت بنت من البنات اللى بتبيع هناك قالولى انهم هيفتحوا تانى على يوم 21 أغسطس. والبنت دى مصرية بتبيع مع واحدة صينية لأنى كنت عايزة اروح تانى عشان مفارش عندهم كانت عجبانى وخلصت.

ياريت يا جماعة لو حد يعرف كوافير كويس فى مصر الجديدة وعايزة اعمل ميكب بس هياخدوا منى كام بس يكون نظيييييف؟
ص
meshmesh_romio;6920882:
الف شكر على الوصف بتاع الفا ماركت يابيبو انتى وصوت
انا عندى طبق كده بيضاوى وفيه مرايه من جوه ينفع احطه عالسفره البنات قالولى احطه عالسفره واحط فيه فاكهه فكنت عايزه اعرف احط فيه فاكهه بجد واللا فاكهه بلاستيك ولو بلاستيك عايزه مكان اجيبها منه تكون شكلها كويس مش تعبانه يعنى اكنها من وش القفص مش اكنى جايبه الفاكهه اللى بايته عند الراجل هههههههه


تسلمى

طيب ما تصوريهولنا
كمان الفاكهه لو عاوزاها كبيرة هاتى من التوحيد والنور ولو صغيره هاتيها من العتبه

بس اظن الفاكهه البلاستيك دى تتحط فى المطبخ احلا مش على السفره
ورينى شكله يمكن ينفع تحطيه كدا بدون حاجه فيه

pippo;6920894:
بصى انا كنت هناك من يومين وسألت بنت من البنات اللى بتبيع هناك قالولى انهم هيفتحوا تانى على يوم 21 أغسطس. والبنت دى مصرية بتبيع مع واحدة صينية لأنى كنت عايزة اروح تانى عشان مفارش عندهم كانت عجبانى وخلصت.

ياريت يا جماعة لو حد يعرف كوافير كويس فى مصر الجديدة وعايزة اعمل ميكب بس هياخدوا منى كام بس يكون نظيييييف؟


جزاك الله خير
m
صوت العيون;6920871:
حد يعرف كوافير عبير الى فى شارع ترعه الجبل

وايه احسن الكوافيرات فى مدينه نصر

وكمان تربيزه المطبخ المدورة او البيضاويه الى بكراسى بكام وممكن تتجاب بالكراسى وممكن لا ولا لازم كامله


بصى مش لازم تجيبيها بالكراسى ممكن تجيبى كل حاجه لوحدها بصى دول كده انا جايباهم من الموقع بتاع جيتال هما قايلين انهم ترابيزة سفره بس انا حساهم للمطبخ اكتر










وده عنوانهم Saray El Koba - Behind the Presidential Palace
r
dyana;6920853:
[SIZE="5"]طيب ما تسألى لو ميكب بس ولفه طرحه يتكلف كاااام وانتى من قبلها اعملى باديكير ومانيكير وكل اللى عايزاه فى اى كوافير تانى قبلها كأنك واحده عاديه قبلها بيوم لان هما بيغلوا الاسعار كتييير على العرائس وخلى مسيو عبده للميكب وبس ... ايه رأيك ؟[/:wink:SIZE]

لاء هو بياخد 2000 سواء عملتى او لا على ما اعتقد والباكدج تشمل ( وش+حواجب+تنضيف للبشرة+ماسك للبشرة+ماسك للشعر+ سشوار وفيرى+باديكير ومانيكير+ميكب+ لفة الطرحة+ الطرحة نفسها+الاكسسوارس)
t
MAYODAA;6915080:
مبروك علينا الجزء الجديد ياعرايس ياحلوين ويارب نتجوز كلنا واللى مش مخطوبه تتخطب

انا عندى كام سؤال واللى تعرف يارييت ترد عليا وشكرا ليكو مقدما

انا عاوزه صور للكاسات البوهيمى عشان اعرف شكلها وكمان اسعارها كام وفين بتتباع فى اسكندريه

تانى سؤال المفروض يكون عندى كام كاس انا عندى طقم ايطالى 12 كاس للنيش اجيب اد ايه تانى وكمان للاستعمال كفايه طقم ولا كام

اخر سؤال معرض كوته فى اسكندريه فى حاجات حلوه مفروشات وحاجات مطبخ ومواعيده من كام وهل فى معارض تانيه فى اسكندريه



بصى يا ميودة بالنسبة للكاسات البوهيمى فى منهاا أشكال كتير وأنواع كتير الطويل القصير المفتوح المقفول كمان الفروت سلاط وفيه منها كمان الهاند كات وشغل المكن
وعموما أماكن بيعها يا ستى فى شارع لاجيته محلين (فالكون ولومارشيه) وكمان فى كارفور محل أسمه لو شاندليه بس ده أتفرجى بس لأنه غالى وكمان زييه محمد المصرى على شارع أبو قير فى مصطفى كامل وفى فى شارع الشهداء محل كبير تحف وكريستالات برده بيبيعه ، أما عن أسعاره دلؤقتى بعد الزيادة من 300-700 على حسب النوع وكمان وكمان بصى عندك فى الوسيط فى أخر صفحة كل يوم أتنين واحد فى ميامى والتانى فى محرم بك بيبعهم عند قسم الأدوات المنزلية ممكن تكلميهم وتسأليهم عن العنوان
ممكن تجيبى عليهم بقه طقم ولاأتنين بوهيمى على حسب الأمكانيات وكفايه كده

وبالنسبه للأستعمال أعتقد طقمين علشان بعد الشر يعنى فى أول الجواز بتبقى الخبره قليلة وأحتمال حاجه تكسر كده ولاكده:wink:

بصى بقه أنا معرض كوته ده معجبنيش بالمرة:( بس هى أذواق برده بس هناك زهران ونوفال فاتحين لو بتكملى حاجة وعملين تخفيضات بمناسبة المعرض

فى معرض كمان أسمه المعرض السورى فاتح فى نادى سموحة بس لسه ماوحتوش لو روحتى أبقى قوليلى (f)
ص
meshmesh_romio;6921086:
بصى مش لازم تجيبيها بالكراسى ممكن تجيبى كل حاجه لوحدها بصى دول كده انا جايباهم من الموقع بتاع جيتال هما قايلين انهم ترابيزة سفره بس انا حساهم للمطبخ اكتر










وده عنوانهم Saray El Koba - Behind the Presidential Palace



حلو اوى مش كاتب اسعار وكدا
m
بصى هو كاتب اسعار بس انا مش عارفه غاليه واللا كويسه لانى معنديش فكره
اول واحده الترابيزه لوحدها من غير الكراسى ب 1900
تانى واحده برضو الترابيزه بس ب 660
تالت واحده ب 720 عشان رخام
لو عايزه الموقع ابعتهولك وانتى شوفى
ص
meshmesh_romio;6921331:
بصى هو كاتب اسعار بس انا مش عارفه غاليه واللا كويسه لانى معنديش فكره
اول واحده الترابيزه لوحدها من غير الكراسى ب 1900
تانى واحده برضو الترابيزه بس ب 660
تالت واحده ب 720 عشان رخام
لو عايزه الموقع ابعتهولك وانتى شوفى


تسلمى وصل

بس الاسعار دى للى نزلتى صورهم ولا ايه
l
مبارك علينا الجزء الجديد ومبارك لكل عرايش شهر 8 ربنا يسعد قلوبهم وعقبال كل البنات ياااااااااااااااارب

قلب حسن ومروة وكام بنت سألو على طريقة التووووووووووووووم انا قولتلها فى الجزء اللى فات وهنزلها هنا تانى
اقولك يا ستى على الطريقة الفظيعة الشنيعة للتوم:D
شوفى يا حبوبة تجيبى راس توم وتحطيها شوية فى مية عمتو كانت بتحطة من بالليل فى مية وبعد كدا تفرمية فى الخلاط وعمتو كانت بتحبنى اوى فكانت بتحط عليها راس بصل صغيورة
وبعد ما يتفرموا مع بعض كانت بتحطلى زيت عليهم كان عندى جرير وقرنفل وتقلبهم وكانت بتقسملى شعرى وتاخد منة وتعصر المية بتاعتهم وتدلكلى الفروة بيها وبعد كدا تلبسى البتاعة دى اللى انا اسمها اتمحى من ام راسى بتاعت الشعر البلاستيك دى فكرونى باسمها ربنا يكرمكم:D وفوقيها تربطى طرحة منعا لاى تسرب للريحة وبتعمل مفعول حلو
هى بتحرق شوية فى فروة الراس المهم بتفضل بتاع ساعة او اتنين وبعد كدا بتكونى محضرة حنة علشان الحنة بتحد من رحية التوم شويه وتحطى الحنة وتسبيها على شعرك لتانى يوم

اتشجعى وشجعنى نفسى اتجنن واعملها تانى بس حقيقى هى متتعملش فى الصيف ابداااااااااااااااااا
اى خدمة يا قمر:)
اه هى المفروض مرة فى الاسبوع يعنى الكورس 6 حد ادنى يعنى شهر ونص

http://www.3roos.com/forums/6906359-post790.html
أ
pippo;6920493:


[COLOR=Olive]طب يا أمة الله أمهدله ازاى؟ انا مش هكتب كتابى غير ساعة الفرح واتكسف اتكلم معاه فى الحاجات دى حاسة انها هتبقى عيب:o




بما انه مش هيبقى زوجك غير يوم الفرح يبقى أكيد مش هتكلميه في حاجة زي دي

ومش مشكلة لو مش عارف من قبلها

لأن زي ما قلت قبل كده ناس كتير مش بيحصل حاجة أول يومين لأن البنت بتبقى مخضوضة خاصة إن كتب الكتاب يوم الفرح

أنا اعرف واحدة قعدت سنة مكتوب كتابها وبرضه كانت مخضوضة ومحصلش حاجة غير بعد كام يوم

فعادي هو هيبقى مهيأ نفسه إن شاء الله[/SIZE][/COLOR]
أ
صوت العيون;6920599:

جزاك الله خير

وبتكلم على رخامه المطبخ





لو للمطبخ اسمعي من اختك ومش هتندمي بإذن الله
بلااااااش الرخام

خليكي في الجرانيت

عندنا في مطبخ بيتنا اللي في مطروح رخام هندي في المطبخ وده المفروض رخام حلو وغالي نسبياً
بيشرب السوائل فبيبقع، ده غير إنك لو مشيتي سكينة على الكاونتر بتجرح
والداهية إنه بيتفاعل مع كيماويات التنظيف يعني لو حطيتي عليه إيزي أوف بام مثلاً يبقى باظ
مش هيستحمل خالص وخسارة الفلوس

الجرانيت بقى حكاية
زي عندي في البيت
أولا أشكاله أكتر وأسعاره أحلى
وبيستحمل جداً جداً جداً
بقطع عليه أي حاجة وكل حاجة ومفيش أي تجريح
وفي النهاية بشطفة بكلور وصابون واغسله واعمل فيه البدع وهو عادي جداً
ده بقى يا ستي أسعاره بتبتدي من 100 وحاجة وممكن توصل معاكي ل900 جنيه للمتر ده بيبقى جرانيت أسباني بس الصراحة عيني كانت هتطلع عليه يجنن بشكل مش طبيعي
بس كان خارج نطاق الميزانية تماماً
t
بناااااااااااااات
من الجزء اللى فات وأنا بهاتى على الأتى
حد فيكم جرب المقلايه اللى بالكهرباء أو جرب بيبى ليس براون؟
أ
tikatika;6921557:
بناااااااااااااات
من الجزء اللى فات وأنا بهاتى على الأتى
حد فيكم جرب المقلايه اللى بالكهرباء أو جرب بيبى ليس براون؟


البنات ردو عليكي إن مفيش حاجة اسمها بيبي ليس براون يا جميلة

بيبي ليس ماركة

وبراون ماركة تانية

فايه الجهاز اللي انتي عايزة تسألي عليه؟؟

سيشوار ولا مكواة؟؟ علشان يعرفوا يقولوا لك أحسن حاجة جربوها
ص
أمةالله;6921515:


لو للمطبخ اسمعي من اختك ومش هتندمي بإذن الله
بلااااااش الرخام

خليكي في الجرانيت

عندنا في مطبخ بيتنا اللي في مطروح رخام هندي في المطبخ وده المفروض رخام حلو وغالي نسبياً
بيشرب السوائل فبيبقع، ده غير إنك لو مشيتي سكينة على الكاونتر بتجرح
والداهية إنه بيتفاعل مع كيماويات التنظيف يعني لو حطيتي عليه إيزي أوف بام مثلاً يبقى باظ
مش هيستحمل خالص وخسارة الفلوس

الجرانيت بقى حكاية
زي عندي في البيت
أولا أشكاله أكتر وأسعاره أحلى
وبيستحمل جداً جداً جداً
بقطع عليه أي حاجة وكل حاجة ومفيش أي تجريح
وفي النهاية بشطفة بكلور وصابون واغسله واعمل فيه البدع وهو عادي جداً
ده بقى يا ستي أسعاره بتبتدي من 100 وحاجة وممكن توصل معاكي ل900 جنيه للمتر ده بيبقى جرانيت أسباني بس الصراحة عيني كانت هتطلع عليه يجنن بشكل مش طبيعي
بس كان خارج نطاق الميزانية تماماً


طيب بتاعك بكام ومنين

وجزاك الله خير يا جميله

وهو ايزى اوف بام بيتباع هنا فين ف مصر وبينضف فعلا الدهون وكدا يعنى ممكن ينضف الشفاط مثلا

tikatika;6921557:
بناااااااااااااات
من الجزء اللى فات وأنا بهاتى على الأتى
حد فيكم جرب المقلايه اللى بالكهرباء أو جرب بيبى ليس براون؟


لا قريت ردهم عليكى

كمان مفيش حاجه ايمها براون بيبى ليس لان بيبى ليس دى ماركة

وبروان ماركه تانيه خالص

ومش انصحك بالمكواه فى الاتنين وحشين
أ
صوت العيون;6921610:
طيب بتاعك بكام ومنين

وجزاك الله خير يا جميله

وهو ايزى اوف بام بيتباع هنا فين ف مصر وبينضف فعلا الدهون وكدا يعنى ممكن ينضف الشفاط مثلا




الرخام بتاعي زوجي نقاه أساساً علشان اللون وكان ب180 جنيه باين للمتر << هتأكد منه لما يرجع من الشغل واقول لك إن شاء الله

إيزي أوف بام شفته عند مترو بحاجة واربعين جنيه

وأنا الصراحة مجربتوش لأني مقاطعة فمش بشتري حاجتهم إلا حاجات قليلة أوي ربنا يعينني وألاقي لها بدايل وأبطلها هي كمان

بالنسبة للشفاط أنا نضفته أول مرة بعد ست شهور وما احتجتش أستعمل مزيل دهون
اتغسل بالصابون عادي
بس دلوقتي بخلي البنت تعمله كل أسبوع فمفيش حاجة بتلحق تتراكم عليه أصلاً
بس خدي بالك بلاش تعمليه بسلك
لأن السلك بيجرحه فبيبقى فيه شقوق بتخلي تنضيفه بعد كده أصعب

لو عليه دهون كتير انقعيه في مية سخنة وخل وتاني يوم مش هيحتاج حاجة علشان ينضف
X