noor1984;6929331:
باركولى يابنات اخيرا نزلت اشتريت شويه لبس لجهازى
روحت امبارح سنتر الفراعنه فى شبرا
اشتريت ترنج لونه برتقالى قى لبنى جميل جدا كان ب62 جنيه
وجبت بيجامه ب55 هى كزا قطعه لونها اصفر برتقالى حاجه زى كده
وجبت بيجامتين برمودا لذاذ جدا جدا ب20 الواحده
وجبت بيجامه برمودا فيها شغل جامد اوى ب35 تقريبا مش فاكره
وجبت اتنين بادى الواحد ب18 وجبت من شارع شبرا بنطلون باجى جميل اوى ولقيت مقاسى اخيرا هلبسو على الباديهات فى البيت طبعا
وجبت من السنتر طقم برا واندر لونه ابيض وعليه قلوب حمرا كده بس لذيذ اوى هههههههه كان ب12
وجبت اندران معرفشى لازمتها ايه اربعه بعشره مكتوب عليهم بالفصوص كلام وحش زى
love u كده يعنى كلام من ده فاهمنى طبعا
وجبت حاجات كده بتبقى هوت شورت وفانله واندر طقم مع بعضه ب9 جنيه بعد الخصم
جبت واحد منهم مرسوم على رجل من الشورت تويتى وعلى الفانله رسمه كبيره بتاعه تويتى ووسط الشورت داير ميدور تويتى كتير كده
وواحده تانيه رجل واحده مرسوم عليها ورده والصدر عليه ورده والحملات عباره عن ضفيره كده
وواحده تالته زى مكون لابسه جينز بس هى قماش بس شكلها رسمه جينز كل واحده من دول بتسعه
وجبت قميص قطن من تحت عامل زى الفستان وقصه كده كانى لابسه فستان ب24 جنيه
وجبت بيجامه عاديه شورت مخطط الوان والفانله حمرا بس الحمالات فيها حركه جميله اوى زى الكرانيش كده
دى ب24 تقريب مش فاكره
وجبت بيجامه لبنى عاديه مش فاكره تمنها
وجبت اتنين روب واحد ستان وواحد قطن
وطلعو مقاسى اخيرا على فكره الرفيع جدا جدا زى حالاتى ومش لاقى مقاساته يروح السنتر ده هيلاقى مقاساته
ايه تانى جبته مش فاكره
المهم نا عندى ترنجين تانيين كنت جبتهم وعندى طقم زى بتوع بنات التنس كده وعندى تلاته حاجات قطن كده ليهم حملات بتتربط ورا الرقبه كنت جايبه الواحد بعشره لشغل البيت وعندى بيجامتين وعندى اطقم دلع كتير يمكن سته او سبعه اللى هما جيب قصيره وكده
انا دلوقتى هجيب بنطلون كمان واتنين بادى كمان يبقى كده كفايه لبس الصيفى ولا ناقصنى قد ايه حد يقولى؟
مبروكين عليكى ياقمر تتهنى بيهم فى بيتك قريب ان شاء الله
وسنتر الفراعنه صراحه كويسين اوى واسعارهم كويسه اوى ده انا جبت فى الشتاء روب من واحده صينيه ب 65 جنيه ولما رحت الفراعنه لاقيته هو هو ب 40 جنيه لما كنت هتفرس هههههه
بس بقولك انتى شوفتى البرا السيليكون عندهم؟ اصل انا كنت شفته عندهم من حوالى شهر كده زكنت عايزه اعرف رايك فيه
وعلى فكره الفراعنه بيعملوا خصم 20% تقريبا على منتجات كارينا وروتانا