ساعدوني بطفلي المسكين الرضيع

يا عزيزتي خدي ابنك علي الطبيب فورا .. انتي مستنيه ايه !!

لاتطببين في ولدك لانه توه صغير حتى لسى ماكمل الشهر على طول وديه الدكتور لايجيه جفاف الله يستر مع

الاسهال . مايشوف شر

مايشوف شر الصغير
ودية الطبيب احسن

طبعا وديه للطبيب احسن وانتبهي لأكلك لاتاكلين شغلات فيها بهرات كثير ولتكرثرين من الحلا يمكن علشان كاذا يسهل
وقولي للطبيب يكتب لك شاي للأطفال زين

ماشالله تبارك الله متى ربيتي .. شكلج يبتي ولد ماشالله ؟؟ وشو صحة البيبي؟؟

فرحت لج والله عشان جي اسأل وايد ..

شوفي الغالية اول شي ودي ولدج الدكتور احسن .. وممكن يكتب لج حليب خاص للأطفال يكون بس لليهال الي يرجعون .. يعني في حليب خاص بهالشي .. اما عن لو انه يصير يرضع صناعي ..عادي شي يهال يرضعون صناعي وعمرهم يوم ..

والاسهال .. يعني كم مرة باليوم ؟؟ ولدي الصغير لما كان بعمر ولدج كان قرب 5 مرات باليوم يمشيه بطنه .. واحيانا شوي .. واحيانا اكثر ..يعني بهالعمر حسيته شي طبيعي بس يكبر بتقل عدد المرات ..

والافضل تراجعين الدكتور ويكتب لج الحليب المناسب لولدج لأنه شي وحدة من هلنا ولدها نفسج كل شي يزوعه ويعطونه حليب خاص

وديه الدكتور احسن
لايجيه جفاف لاسمح الله

الاطفال لما ينولدو عادي اطفال بيكونو اسهال واطفال امساك وهذا الوسخ يكون لونه غير اشوش

لانه يظهر وسخ البطن وبعد شهر شهرين يعتدل بطنهم اشوي


والترجيع هو حليب زايد عن حاجته يطرشه حتى لو زايد عن الطبيعي بيقولك الدكتور طبيعي


لما يكبر يقل لين يتوقف


لكمن ما يمنع تروحي معاه الطبيب تطمني عليه

حبيبتي الحمد لله على السلامه ومبرووك ماجاج ,,,


فديتج يمكن الحليب مب مناسب ولدج .. عسى الله يخليه لج ’’’ لو وديتيه المستشفى بيقولون لج نفس الشي’’ ممكن حليب نان اوكي ... وفي نوع خاص حق الترجيع يجي أخف من العادي’’’وياقلبي لا تنسين تعطينه يشرب ماي عشان مايصير له جفاف من الترجيع بسمالله عليه ’’’

وإذا على إنه مايشرب حليبج ,, انا مافهمت بالضبط ,, هو يشرب حليبج ويرجعه ولا مايقرب من صدرج ...؟؟؟

لو سؤالج الأول ’’’ هاي يعتمد على أكلج ياقلبي ,,, حاولي تاكلين أشياء صحيه ,,, ونوعي في الأكل ’’ مممم ممكن تشيكيت في النت على نوع الأكل في هالوقت ’’’ ^_^

ولو سؤالج الثاني ’’’ حبوبه إذا إنتي تبينه يشرب من حليبج وهو مايقرب ,, ماعليه إصبري عليه وخليه يصيح شوي لين يمسك الحلمه ’’’ ولاتعوديينه على المرضاعه ,,, عشان يتعوود عليج ’’


عسى الله يشفيه ويعافيه ويكبر وتشوفينه أحلى معرس ياااااااااارب

الحمد لله على السلامه ويتربى بعزكم يارب
أفضل حل تعرضينه على طبيب أطفال يشوف سبب الترجيع ويعطيك الحل المناسب أولا سمح الله وجود مشكله بالجهاز الهضمي أنا ما أبغي أخوفك لكن الأحتياط واجب
بالنسبه للأسهال تتكرر عملية التبرز عند الأطفال المولدون حديثا ألى 10 مرات
ما يشوف شر

الله يخليلك ولدك إن شاءالله

أنا بعد أختي توها والده من أسبوعين وبنتها نفس الحالة وودتها مستشفى وعيادة وعطوها حليب قالولها يمكن من حليبك بس بعدها...حبيبتي تعورلي قلبي

ومنعوا أختي من بعض الأكلات...بس الله يشفيها إن شاءالله

حبيبتي اذا الاسهال اكثر من خمس مرات في اليوم لازم توخذي الدكتور اما قصة الترجيع يمكن ما بدشي كويس بعد الشرب لازم هالشي اللي بعرفوا يارب اكون افدتك ويخلي الك يارب

الترجيع الكثير هذا ومصاحبه الاسهال هذا غير مطمن ... لذا لازم توديه الدكتور ..

الاطفال عادتا يرجعوا بس بشكل كبير ومع كل رضعة ..

شكلج ترضعين طبيعي صح؟

اقولج على معلومة يمكن تفيدج

مرات اكل الام يسبب حساسية حق الطفل و ينتقل عن طريق الحليب

احتمال ولدج فيه حساسية من منتجات الالبان فا انتي لا تشربين حليب و لا اجبان و لا اي من منتجات الالبان اذا فعلاً طلع هذا اهو السبب

لازم تودين ولدج حق الطبيب و تذكرينله هذي النقطة ترا وايد وايد مهمة

و حاولي تستمرين بالرضاعة الطبيعية بدون ادخال الصناعي لانه الافضل عالاطلاق للطفل و لج

سألي الدكتور عن موضوع الحساسية لان ممكن جداً تكون فيه عن طريق اكلج


الله يشافي ولدج و طمنينا

الف مبروك حبيبتي على البيبي اليديد
يتربى بعزج يالغالية انتي وابوه



بالنسبة للترجيع لازم طبيب دامه متواصل وتوه اسبوعين مسكين


الله يعافيه يالغالية طمنينا عنه


ولا تقطعين المنتدى ، خلينا نشوفج

الحمد لله على سلامتج ومبروك عليج الصغيروني ...........ويتربى في عز امه وابوه انشاء الله

الغاليه بالنسبه للبيبي لازم تودينه للدكتور عسب تطمنين عليه ,,,,,, ولا تحاتين انشاء الله ما بيكون فيه إلا كل

خير ,,,, وعموما الاطفال في هالسن دايما يرجعون لين ما جسمهم يتعود عالحليب

هلا اختي انا مع خواتي في الكلام لازم تعرضينه على دكتور متخصص اطفال افضل شي لطفلك

وعن تجربه خاصة... كاندكتور طفلي بقولي مو لازم طفلك ياخذ ماي بهالفترة حليبج عن كل شي يعني من صدري والشاي زين للطفل بس ما تعطينه الحين لان الشاي حق اللي بطنهم يابس من الاطفال مو اللي عنده اسهال ترى بيزيد اسهاله ان عطيتيه اياه .... افضل تعطينه الشاي لحديثي الرضع بعد ما يروح اسهاله ... وانا استخدمت مع طفلي شاي بالبابونج يريح بطنه من الغازات واليبوس....

اما عن الحليب فالدكتور بين لي ان حليب بيبي لاك مثل حليب الام اذا كلش ما اخذ منك حليب افضل ان تعطينه بيبي لاك لانه واايد امدحه لي الدكتور حتى قالي اذا كلش كلش عطيه حليب ميلوبا للأطفال على ما اتذكره

ولا تعطينه حرقة شكر ولا حبة حلوة في هاللحظة لانه كل هاذي الاشياء تسبب اسهال وكفاية ولدج فيه اسهال ..فافضل انج تبتعدين عنهم لين ما يرجع بطنه زين ...


اما عن الترجيع يمكن هناك سببين

الاول يمكن غازات في بطنه ... وهاذي بعد كل رضعه ربتي على اعلى كتفة اليسار او اليمين لين ما تطلع منه الغازات ومن كذا ما يزوع لانه لما يشرب الحليب يدخل معه فقاعات هواء وهاذي الفقاعات تسبب غااازاات فيفضل التربيت عشان ما يرجع الطفل


اما السبب الثاني الزكام والم في البلاعيم الطفل ما يقدر يشرب او يبلع لان البلاعيم الملتهبة تخليه يستفرغ الاكل


وفي احتمال مع الرطوبه الزايد تنتشر الجراثيم هاي عندنا في البحرين وينتشر معها الامراض يعني في بكتيريا في الجو تنتشر وتسبب اسهال وترجيع اي استفراغ


وعلى كل هذا اتمنى انج تودينه للدكتور للأطمئنان يكون افضل


وما يشوف شر


ام عبد العزيز

مبروك ماجاك ويتربى بعزكم إن شاء الله..

وديه للدكتور أحسن وحطي بالج على أكلج يمكن هو اللي مسبب له الإسهال.. وعن الماي عادي لازم تعطينه أحنا نعطي عيالنا من أول يوم وكل أهلي والحمدلله عيالنا بخير حتى لو حليب الأم فيه ماي بعد ترى مايعوض عن الماي الأصلي..

مشكورات خواتي على الردود والله يسلمكم

بس انا قبل لااطرح مشكلتي وديت ولدي للدكتور وقال الترجيع طبيعي والاسهال يباله صبر

فانا عشان جي لجات لكم بس مشكورات عالنصايح

الاخوات ماقصروا مايشوف شر